निर्वाचनमा क्रियापुत्री मतदाताहरु

वैशाख ३० गते २०७९

निर्वाचनमा क्रियापुत्री मतदाताहरु

धादिङ जिल्लाको त्रिपुरासुन्दरी गाउंपालिका वडा नं. ६ को भिमोदय माबि मतदान केन्द्रमा मतदान गर्न लाइनमा उभिएका क्रियापुत्री र अन्य मतदाताहरु ।
तस्बिर: राम प्रसाद पाण्डे (राजु)

रामलाल श्रीमाया फोटोग्राफी पुरस्कार तनहुका कुमारमोहन लाई

Samaya Dristi 5 years ago

३ भाद्र पोखरा,पोखरा फोटोग्राफर संघ द्वारा संचालित ‘रामलाल श्रीमाया फोटोग्राफी पुरस्कार’ तनहुंका फोटोग्राफर कुमार मोहन श्रेष्ठ लाई प्रदान गरिने भएको छ । १८२ औं विश्व फोटोग्राफी दिवसको अवसरमा पोखरा... Read More

बिरोध र ¥याली

Samaya Dristi 6 years ago

प्रधानमन्त्री केपी ओली को कदमको बिरुद्धमा पोखरामा निकालिएको बिरोध र ्याली Read More

मानवसेवा आश्रम हेमजामा बृहत बृक्षारोपण (फोटो फिचर)

Samaya Dristi 2 years ago

पोखरा,२९ असार । मानवसेवा आश्रम हेमजामा बृहत वृक्षरोपण गरिएको छ । शनिबार लायन्स क्लबस् इन्टरनेशनल डिष्ट्रिक्ट ३२५ जे नेपाल अन्तर्गत गण्डकी क्षेत्रका लायन्स क्लबहरुको संयुक्त आयोजनामा बृहत वृक्षरोपण कार्यक्रम... Read More

पोखरामा यती एयरलाइन्सको विमान दुर्घटना

Samaya Dristi 4 years ago

कास्की, ०१ माघ । पोखरामा जहाज दुर्घटना भएको छ । काठमाडौँबाट पोखराका लागि उडेको यति एयरलाइन्सको विमान आइतबार बिहान पोखरा विमानस्थलबाट नजिकै रहेको सेती खोचमा दुर्घटना भएको नेपाल नागरिक... Read More

आजको खबर

गण्डकीका मुख्यमन्त्री पाण्डेद्वारा कांग्रेस उपसभापतिमा उम्मेदवारी घोषणा

गण्डकी प्रदेशका मुख्यमन्त्री तथा नेपाली कांग्रेसका केन्द्रीय सदस्य सुरेन्द्रराज पाण्डेले नेपाली कांग्रेसको १५औँ महाधिवेशनमा उपसभापति पदमा उम्मेदवारी घोषणा गर्नुभएको छ। उम्मेदवारी घोषणा गर्दै पाण्डेले पार्टीलाई थप एकताबद्ध, सुदृढ र समयानुकूल बनाउँदै अघि बढाउन आफूले उपसभापति पदमा उम्मेदवारी दिएको उहाँले बताउनुभयो।पार्टीभित्र र बाहिरबाट समेत कांग्रेसको एकता र सुदृढ संगठन निर्माणको आवश्यकता निरन्तर उठिरहेको बताउँदै उहाँले पार्टीका सबै तह र पुस्ताका नेता–कार्यकर्तालाई संवाद, सहकार्य र साझा उद्देश्यका आधारमा एउटै सूत्रमा जोड्नमा आफ्नो प्राथमिकता रहने बताउनुभएको छ। पाण्डे नेपाली कांग्रेसको तीन पटक केन्द्रीय सदस्यका रूपमा तथा ४५ वर्षभन्दा बढी समय पार्टी सदस्यका रूपमा काम गरेको अनुभवसँगै युवा पुस्तासँगको निरन्तर सहकार्य र युवामैत्री कार्यशैलीलाई आगामी राजनीतिक यात्राको आधार बनाउने बताउनुभएको छ। ‘हिजोको अनुभव, आजको ऊर्जा र भोलिको यात्राबीचको सहकार्यबाट नयाँ आधार निर्माण गर्दै अघि बढ्नुपर्नेछ,’ उहाँले भन्नुभयो। हाल कांग्रेसको सदस्यका रूपमा गण्डकी प्रदेश सरकारको मुख्यमन्त्रीको जिम्मेवारीमा रहेर काम गरिरहेको उल्लेख गर्दै पाण्डेले सरकार सञ्चालनका क्रममा पार्टीका मूल्य, मान्यता र लोकतान्त्रिक आदर्शलाई आत्मसात् गर्दै सुशासन, पारदर्शिता र जवाफदेहितालाई मूल आधार बनाएर काम गर्दै आएको उहाँले बताउनुभएको छ। पार्टी संगठन र सरकार सञ्चालनका क्रममा प्राप्त अनुभवलाई आगामी दिनमा नेपाली कांग्रेसको हितमा उपयोग गर्ने प्रतिबद्धता व्यक्त गर्दै उहाँले सुशासन, पारदर्शिता, जवाफदेहिता, निष्पक्षता, संगठन सुदृढीकरण, विचारमा स्पष्टता र संगठनमा एकतालाई प्राथमिकतामा राखेर अघि बढ्ने बताउनुभएको छ। महाधिवेशनका क्रममा प्राप्त हुने सुझाव, विचार, संवाद र सहकार्यलाई आगामी राजनीतिक यात्राको महत्वपूर्ण आधारका रूपमा लिएको उहाँको भनाइ छ। पाण्डेले नेपाली कांग्रेसका सम्पूर्ण महाधिवेशन प्रतिनिधि, पार्टी सदस्य, शुभेच्छुक तथा शुभचिन्तकको साथ र सहयोगबाट आफू उपसभापति पदमा निर्वाचित हुने विश्वाससमेत व्यक्त गर्नुभएको छ।
सिद्धार्थ क्लब पोखराको अध्यक्षमा सुनिल श्रेष्ठ

पोखरा, असोज १७ । सिद्धार्थ क्लब पोखराको आर्थिक वर्ष २०८३/०८४ का लागि सुनिल श्रेष्ठ अध्यक्षमा निर्वाचित भएका छन्। क्लबको वार्षिक साधारण सभा तथा पदस्थापना समारोहबाट श्रेष्ठको नेतृत्वमा नयाँ कार्यसमिति चयन भएको हो। नवनिर्वाचित अध्यक्ष श्रेष्ठ सहित नयाँ कार्यसमितिका पदाधिकारी तथा सदस्यहरूले पद तथा गोपनीयताको शपथ ग्रहण गरेका छन्। निवर्तमान अध्यक्ष देवेन्द्र पराजुलीले नवनिर्वाचित अध्यक्ष श्रेष्ठलाई पदभार हस्तान्तरण गरेका थिए। निर्वाचन संयोजक इन्दिरा मर्सानी श्रेष्ठको संयोजनमा नयाँ नेतृत्व चयन गरिएको हो। समारोहमा गैरसरकारी संस्था महासंघ नेपाल, गण्डकी प्रदेशका अध्यक्ष पदम पहारी प्रमुख अतिथिका रूपमा सहभागी थिए। कार्यक्रममा नेपाल उद्योग वाणिज्य महासंघका पूर्वअध्यक्ष आनन्दराज मुल्मी, सल्लाहकार समिति संयोजक सचिन श्रेष्ठ, राष्ट्रिय फोटो पत्रकार समूहका केन्द्रीय अध्यक्ष प्रदीप राज वन्तलगायत विभिन्न संघसंस्था तथा सामाजिक क्षेत्रका प्रतिनिधिहरूको उपस्थिति थियो। ‘पदभन्दा विश्वास र जिम्मेवारी ठूलो’ पदभार ग्रहण गर्दै अध्यक्ष श्रेष्ठले सिद्धार्थ क्लबलाई सेवा, सहकार्य, सद्भाव र सामाजिक उत्तरदायित्वको अभियानका रूपमा अघि बढाउने प्रतिबद्धता व्यक्त गरे। उनले क्लबको विधान, नीति, नियम र मूल्य–मान्यतालाई आत्मसात् गर्दै पारदर्शिता, अनुशासन र प्रतिबद्धताका साथ काम गर्ने बताए। वि.सं. २०४१ सालमा स्थापना भएको सिद्धार्थ क्लबले शिक्षा, स्वास्थ्य, महिला तथा बालबालिका सशक्तीकरण, वातावरण संरक्षण, विपद् व्यवस्थापन तथा सामाजिक सेवाका क्षेत्रमा विभिन्न कार्यक्रम सञ्चालन गर्दै आएको छ। अध्यक्ष श्रेष्ठले आफू वि.सं. २०७४ साल भदौ १० गते क्लबको सदस्यका रूपमा प्रवेश गरेको स्मरण गर्दै अध्यक्षको जिम्मेवारी प्राप्त हुनु आफ्ना लागि पदभन्दा पनि सदस्य तथा शुभेच्छुकहरूले दिएको विश्वास, सम्मान र थप जिम्मेवारी भएको बताए। उनले आगामी कार्यकालमा समाजको आवश्यकता पहिचान गरी प्रभावकारी, परिणाममुखी र दिगो कार्यक्रम सञ्चालन गर्ने प्रतिबद्धता व्यक्त गरे।विपद् प्रभावितका लागि रु. ५ लाख २० हजारभन्दा बढी सहयोग सिद्धार्थ क्लबले हालै भोटेकोसी क्षेत्रमा आएको बाढी तथा पहिरोबाट प्रभावित परिवारको सहयोगका लागि रु. ५ लाख २० हजार ३३६ संकलन गरी प्रधानमन्त्री दैवी प्रकोप उद्धार कोषमा जम्मा गरेको जानकारी कार्यक्रममा दिइयो। अध्यक्ष श्रेष्ठले विपद्का समयमा मानवीय सहयोग र सामाजिक उत्तरदायित्वलाई प्राथमिकतामा राख्दै आगामी दिनमा पनि आवश्यकताअनुसार राहत तथा सहयोगका कार्यक्रम सञ्चालन गर्ने बताए। स्वर्गीय बुबाको स्मृतिमा रु. २ लाखको अक्षय कोष नवनिर्वाचित अध्यक्ष श्रेष्ठले आफ्नो कार्यकालको सुरुवातमै बालबालिकाको शिक्षाका लागि रु. २ लाखको अक्षय कोष स्थापना गर्ने घोषणा गरेका छन्। उनले आफ्ना स्वर्गीय बुबा डिलबहादुर श्रेष्ठको स्मृतिमा ‘स्वर्गीय डिलबहादुर श्रेष्ठ स्मृति अक्षय कोष’ स्थापना गर्ने घोषणा गरेका हुन्। उक्त कोष सिद्धार्थ क्लब पोखरामार्फत सञ्चालन गरी आर्थिक अभावका कारण शिक्षाबाट वञ्चित हुनुपर्ने बालबालिकालाई शैक्षिक सहयोग उपलब्ध गराउने उद्देश्य राखिएको छ। श्रेष्ठले परिवारको तर्फबाट क्लबलाई रु. २ लाख हस्तान्तरण गर्ने घोषणा गर्दै आगामी वर्षहरूमा कोषको रकम थप गर्दै लैजाने प्रतिबद्धता व्यक्त गरे। “बुबाको स्मृतिलाई सम्झनामा मात्र सीमित नराखी सामाजिक सेवासँग जोड्ने उद्देश्यले यो अक्षय कोष स्थापना गर्न लागेको हुँ,” श्रेष्ठले भने। बाल शिक्षा, स्वास्थ्य र सामाजिक सेवामा प्राथमिकता पदस्थापना समारोहमा क्लबको बाल शैक्षिक कार्यक्रमअन्तर्गत विद्यालय पोशाक तथा स्टेशनरी वितरण, आर्थिक रूपमा कमजोर विद्यार्थीलाई सहयोग तथा २०८२ सालको एसईई परीक्षामा उत्कृष्ट नतिजा हासिल गर्ने विद्यार्थीलाई सम्मान गरिएको थियो। क्लबले आगामी दिनमा बाल शिक्षा, स्वास्थ्य, महिला सशक्तीकरण, वातावरण संरक्षण तथा सामाजिक सेवाका कार्यक्रमलाई थप व्यवस्थित बनाउने जनाएको छ। अध्यक्ष श्रेष्ठले क्लबका सम्पूर्ण सदस्य, पदाधिकारी, पूर्वअध्यक्ष तथा शुभेच्छुकलाई आपसी सद्भाव, सहकार्य र विश्वासका साथ संस्थालाई अझ प्रभावकारी र समाजका लागि भरोसायोग्य संस्था बनाउन सहयोग गर्न आग्रह गरे। नयाँ कार्यसमिति * अध्यक्ष: सुनिल श्रेष्ठ * प्रथम उपाध्यक्ष: नवराज गोठाजु * द्वितीय उपाध्यक्ष: प्रकाशमान श्रेष्ठ * निर्देशक: ज्ञानेश्वर राज श्रेष्ठ * सचिव: अनिल श्रेष्ठ * कोषाध्यक्ष: मदन मुल्मी * सहसचिव: जमुना अधिकारी * सदस्य: शशी मर्सानी * सदस्य: वीरेन्द्र बाटाजू सिद्धार्थ क्लबको नयाँ नेतृत्वले सामाजिक सेवा, शिक्षा र मानवीय सहयोगलाई केन्द्रमा राख्दै आगामी कार्यकाल अघि बढाउने घोषणा गरेको छ।
प्रस्याङ बगैंचापार्क ज्ञानमहायज्ञको आयव्यय सार्वजनिक, खर्च कटाएर २ करोड ५४ लाख बढी बचत

पोखरा १७, असोज पोखरा महानगरपालिका वडा नम्बर ५ मा रहेको पर्स्याङ बगैचा पार्क व्यवस्थापन समिति तथा सन्तानेश्वर महादेव मन्दिर पुनर्निर्माण समितिको संयुक्त आयोजनामा सञ्चालित श्रीमद्भागवत ज्ञानमहायज्ञको आयव्यय सार्वजनिक तथा समीक्षा बैठक सम्पन्न भएको छ । शनिबार आयोजित एक विशेष कार्यक्रमका बीच मूल आयोजक समितिले महायज्ञमा भएको कुल आम्दानी र खर्चको विवरण सार्वजनिक गरेको हो। सो महायज्ञ २०८३ भदौ १७ देखि २५ गतेसम्म सञ्चालन भएको थियो । सार्वजनिक विवरण अनुसार महायज्ञ अवधिभर कुल २ करोड ८३ लाख ६५ हजार ५८५ रुपैयाँ आम्दानी भएको छ। जसमा महायज्ञ सञ्चालनका क्रममा भएका सम्पूर्ण खर्चहरू कटाएर २ करोड ५४ लाख ३८६ रुपैयाँ बचत भएको मूल आयोजक समितिका कोषाध्यक्ष देवेन्द्रराज पराजुलीले जानकारी दिएका छन् । कार्यक्रममा सहभागीहरुले मन्दिर पुननिर्माणकोलागि उठेको रकम सही सदुपयोग गर्न आग्रह गरे । हाल आरएस बिल्डर्स भक्तपुरले रु ४३ लाख ८१ हजार ७ सय ५३ रुपैयाँ ६५ पैसामा पहिलो चरणको ठेक्का सम्झौता गरी फ्रेम निर्माण गरेको समितिले जनाएको छ । त्यसैगरी दोस्रो चरणको फिनिसिङको कामकोलागि १ करोड ५९ लाख लागत स्टिमेट भएको समितिको भनाई छ । सो अवसरमा बोल्दै अध्यक्ष शिवप्रसाद पराजुलीले महायज्ञबाट उठेको रकम सही व्यवस्थापन गरिने बताए । सो रकम अन्य स्थानमा दुरुपयोग नहुने समेत उनले जानकारी दिए । मन्दिरमा पञ्चमुखी शिवलिङ्ग, शिव पाञ्चायन र पूर्वतर्फ बसाह स्थापना गरिने उनले जानकारी दिए । मन्दिर तथा पार्क व्यवस्थापन समितिका अध्यक्ष शिवप्रसाद पराजुलीको अध्यक्षतामा सम्पन्न भएको उक्त समीक्षा तथा आयव्यय सार्वजनिक कार्यक्रममा गण्डकी प्रज्ञा प्रतिष्ठानका प्राज्ञ कमल पौडेल ‘अथक’, पोखरा महानगरपालिका कार्यपालिका सदस्य हरिमाया विश्वकर्मा, समाजसेवी हेरम्बप्रसाद कोइराला, इन्जिनियर नरेश कोइराला र समितिका सचिव लक्ष्मणप्रसाद कोइराला लगायतले महायज्ञ सफल पार्न सहयोग पुर्‍याउने सम्पूर्ण भक्तजन तथा सहयोगीहरूलाई धन्यवाद ज्ञापन गर्दै बचत रकमको सही सदुपयोग गरी मन्दिर पुनर्निर्माण तथा पार्क व्यवस्थापनको कामलाई पारदर्शी रूपमा अगाडि बढाउनुपर्नेमा जोड दिएका छन् ।
बाढिले पुरिएको मनाङ सदरमुकाम चामे बजार

गत आईतवार बेलुकी ४ः३० बजे लमजुङ हिमालको काँखबाट मनाङ चामेस्थित घट्टेखोलामा लेदोसहित आएको बढिले पुरिएका चामेगाउँपालिका ४ नयाँ बजार र आसपासका बस्ति । तस्बिरः नवीन लामिछाने ,मनाङ

Breaking News

Samaya Dristi

Best News Site from Nepal

Main Menu