ट्रेड युनियन दलीय नभइ श्रम अधिकारको रक्षक, नेपाली लेखक संघ कास्कीका अध्यक्ष अथकलाई सम्मान

वैशाख ५ गते २०८३

ट्रेड युनियन दलीय नभइ श्रम अधिकारको रक्षक, नेपाली लेखक संघ कास्कीका अध्यक्ष अथकलाई सम्मान

पोखरा ५, बैशाख
समय दृष्टि
ट्रेड युनियन दलीय नभइ श्रम अधिकारको रक्षक भएको एक कार्यक्रमका वक्ताले वताएका छन् ।
नेपाल ट्रेड युनियन कांग्रेस कास्कीको शनिवार पोखरामा आयोजित दोश्रो जिल्ला परिषद भेलामा बोल्ने बक्ताहरुले सो कुरा बताएका हुन् ।

अहिलेको सरकारले ट्रेड युनियन खारेज गर्ने हल्ला चलेको भन्दै उनीहरुले त्यो गरिए गलत हुने धारणा व्यक्त गरे ।
श्रमअधिकार रक्षा र उद्योग प्रतिष्ठानको उन्वयन र विकासको लागि ट्रेड युनियन आवस्यक रहेको बताए ।

परिषद्‌को उद्घाटन गर्दै केन्द्रीय उपाध्यक्ष राजेश पालिखेले परिवर्तित अवस्थामा समय सापेक्ष अगाडि बढ्न नसके श्रम प्रतिष्ठानले आशातित नतिजा हाँसिल गर्न नसक्ने बताए ।
ट्रेड युनियन कांग्रेस गण्डकीका अध्यक्ष मुरारी शर्माले नेपालमा अहिले पनि पूर्ण रूपमा श्रम अधिकार कार्यान्वयन हुन नसकेको बताए ।
अध्यक्षको आशनबाट बोल्दै कमलवहादुर सापकोटाले ट्रेड युनियनलाई दलीय आँखाले हेर्न नहुने बताए ।
कार्यक्रममा सचिव र कोषाध्यक्षका प्रतिवेदन सर्वसम्मत पारित भए ।
सो अवसरमा वरिष्ठ उपाध्यक्ष मनिराम कँडेल, कोषाध्यक्ष दिवाकर वास्तोला र का.वा सचिव नारायण रिजाल लगायतले बोलेका थिए ।

सो अवसरमा संस्थाले कार्यसमिति सदस्य कमल पौडेल अथक भर्खरै पोखरामा सम्पन्न नेपाली लेखक संघ कास्कीको छैटौ अधिवेशन मार्फत अध्यक्ष पदमा निर्वाचित भएको उपलक्ष्यमा दोसल्ला खादा र अविर लगाएर सम्मान तथा बधाई ज्ञापन गरेको थियो ।

केन्द्रीय उपाध्यक्ष राजेश पालिखे, गण्डकी अध्यक्ष मुरारी शर्मा कास्की अध्यक्ष कमल वहादुर सापकोटा र नेपाल गृह श्रमिक संघका केन्द्रीय उपाध्यक्ष लालीमाया रेग्मी लगायतले नव निर्वाचित अध्यक्ष अथकलाई सम्मान गरेको सचिव नारायण रिजालले जानकारी दिए ।

यही चैत्र १७ र १८ गते पोखरामा जनजाति प्रशिक्षण, लोकतन्त्र वचाउनको लागि कांग्रेस नेतृत्व आवस्यकः सीता

Samaya Dristi 5 years ago

कमल पौडेल अथकपोखरा १२, चैत्रनेपाली कांग्रेसका केन्द्रीय सदस्य तथा आदिवासी जनजाति संघका विभागीय प्रमुख सीता गुरुङले लोकतन्त्र वचाउनको लागि कांग्रेसको नेतृत्व आवस्यक रहेको वताएकी छन् ।आदिवासी जनजाति संघ गण्डकी... Read More

सदस्यलाई कोरोना बिमा

Samaya Dristi 6 years ago

पोखरा, १८ भदौ ।सयपत्री बचत तथा ऋण सहकारी संस्थाले सेयर सदस्यलाई १ लाख बराबरको कोरोना बिमा गराएको छ । सहकारीमा बिहीबार सगरमाथा इन्स्योरेन्स कम्पनीसँग बिमा सम्झौता भएको हो ।... Read More

काठमाडौँ फोटोग्राफर संघद्वारा AI सम्वन्धि कार्यशाला सम्पन्न

Samaya Dristi 9 months ago

काठमाडौं, ३ श्रावण २०८२ काठमाडौँ फोटोग्राफर संघ ले”Learn the Power of AI in Photo Editing” नामक १ दिने बृहत कार्यशाला सम्पन्न गरेको छ कार्यशालामा प्रतिष्ठित फोटोग्राफरहरू, स्वतन्त्र पेसेवर (फ्रिलान्सर),... Read More

पोखराका मेयर जिसीको स्वास्थ्यमा समस्या

Samaya Dristi 5 years ago

साउन १,पोखरा,पोखरा महानगरपालिकाका मेयर मानवहादुर जिसीको स्वास्थ्यमा अचानक समस्या आएपछि अस्पताल भर्ना गरिएको छ । मेयर जिसीको उच्च रक्तचापका कारण नशामा समस्या देखिएपछि पोखरास्थित मणिपाल शिक्षण अस्पतालमा भर्ना गरिएको... Read More

आजको खबर

छोरेपाटन माविमा होटल व्यवस्थापनको पढाइ हुँदै

पोखरा, बैशाख। पोखरा १७ स्थित छोरेपाटन माध्यमिक विद्यालयले आगामि शैक्षिक सत्रदेखि होटल व्यवस्थापन समूह ९एचएम्० तर्फको पढाइ सुरु गर्ने भएको छ। त्यसका लागि विद्यालयले तयारी अन्तिम चरणमा पु¥याएको छ ।जसका लागि सुरुमा कक्षा ११ तर्फ ४० जना विद्यार्थी भर्ना गरिने प्रधानाध्यापक डिल्लीराम शर्मा भुषालले जानकारी दिनुभयो । पोखरा पर्यटकीय शहर हो, यहाँ वर्षिनी लाखौं पर्यटक घुम्नका लागि आउनुहुन्छ, यहाँको भौगोलिक सुन्दरताले पनि पर्यटकको मन लोभ्याएकै छ, वि।एच।एम्लाई पनि मध्येनजर गरी कक्षा ११, १२ तर्फ यस वर्षदेखि पठनपाठन सुरु गर्दैछौं प्रधानाध्यापक भुषालले भन्नुभयो। एचएम्मा विद्यार्थीको आकर्षण राम्रो छ, एचएम् उत्तीर्ण विद्यार्थी खाली बस्नु पनि पदैन उहाँले भन्नुभयो ।हामीले होटल व्यवस्थापनको महत्व बुझेर तथा विद्यार्थी र अभिभावकको माग अनुसार नै पठनपाठन सुरु गर्न लागेका छौं प्रधानाध्यापक भुषालले स्पष्ट पार्नुभयो। यसका साथै छोरेपाटन विद्यालयमा बालविकासदेखि कक्षा १० सम्म र कक्षा ११, १२ तर्फ विज्ञान, शिक्षा, व्यवस्थापन र सामाजिक समूहको पठनपाठन हुँदै आएको छ। चालु शैक्षिक सत्रतर्फ त्यहाँ सबै कक्षा र समूहमा गरी कुल २ हजार ३ सय बढी विद्यार्थी अध्ययन गर्दछन्। विद्यालयले अनुभवि शिक्षकबाट गुणस्तरीय, सर्वसुलभ शिक्षा दिने उद्घोष पनि गरेको छ ।हामी प्रविधिमैत्री पनि छौं, हप्तैपिच्छे अतिरिक्त एवम् सहक्रियाकलाप पनि हुँदै आएका छन्।त्यसको दर आगामी दिनमा अझै बृद्धि हुने सहायक प्रधानाध्यापक खेमराज बरालले बताउनुभयो। त्यहाँ एचएम् पढाइ संचालनसँगै त्यस क्षेत्र अन्तर्गत पर्ने छोरेपाटन, विरौटा, पुम्दीभुम्दी, कृस्ती, निर्मलपोखरी लगायतका स्थानबाट होटल व्यवस्थापन अध्ययनका लागि विद्यार्थी बाहिर जानुपर्ने बाध्यता अन्त्य हुने अर्का सहायक प्रधानाध्यापक मेघनाथ पौडेलले विश्वास व्यक्त गर्नुभयो। छोरेपाटन माध्यमिक विद्यालय पोखरा क्षेत्रमै धेरै विद्यार्थी अध्यापन गराउने नमूना शैक्षिक संस्था अन्तर्गत पर्दछ ।
माछापुच्छ्रे गाउँपालिकाको पातिखोला गुफा पूर्वाधार विकास गर्न महायज्ञ हुदै

पोखरा । कास्कीको माछापुच्छ्रे गाउँपालिका वडा नं। ४ र ५ को सिमाना पातिखोलामा श्रीमद् भागवत महापुराण सप्ताह ज्ञान महायज्ञ–२०८३ हुने भएको छ । पातिखोला गुफा संरक्षण समितिको आयोजना, माछापुच्छ्रे गाउँपालिकाको संरक्षकत्व तथा यस स्थानमा रहेका आम समूह, टोल सुधार समिति, क्लब तथा विभिन्न सामाजिक सङ्घ–संस्थाहरूको सहकार्यमा वैशाख १७ देखि २४ गते सम्म वडा नंं ४ को जोगिचौर मणि परिसरमा महायज्ञ हुन लागेको मङ्गलवार आयोजित पत्रकार सम्मेलनमा जानकारी दिइयो । माछापुच्छ्रे गाउँपालिका वडा नं। ४ र ५ को सिमानमा पर्ने ऐतिहासिक तथा सांस्कृतिक इतिहास बोकेको पातिखोला गुफाको प्रचार प्रसार सँगै धार्मिक क्षेत्र पूर्वाधार विकासमा खर्च गर्ने उद्देश्यका साथ महायज्ञ गर्न लागिएको मूल समारोह समितिका संयोजक अ।क्या।डम्बरसिंह गुरुङले जानकारी दिए । ‘यस ठाउँमा वर्षको तीन पटक मेला लाग्ने गर्दथ्यो हाल यो मेलाले निरन्तरता पाएको छैन’ संयोजक गुरुङले भने, ‘यस ठाउँमा पूर्वाधार विकास गरी व्यवस्थित बनाई मेलालाई पुन निरन्तरता दिने यस ठाउँलाई अन्तर्राष्ट्रिय स्तरमा चिनाउने उद्देश्य रहेको छ ।’ उक्त ठाउँमा माघेसक्रान्ति, श्री पञ्चमी र चैते दसैँमा गरी वर्षको तीन पटक कृषि व्यापारी, स्थानीय उत्पादनको बिक्री, विभिन्न परिकारका मिष्टान्न भोजनसहितको महोत्सव हुने गर्दथ्यो। करिब २ करोड आर्थिक सङ्कलन गर्ने लक्ष्य लिएको उक्त महायज्ञमा पण्डित दीपकप्रसाद पौडेलको प्रवचन गर्ने प्रचार प्रसार उपसमिति संयोजक यामबहादुर गुरुङले जानकारी दिए । महायज्ञमा ५ हजार भन्दा माथि दान गर्नेको शिलालेखमा अङ्कित गर्ने, १० हजार भन्दा माथि दान गर्ने सहयोगी दातालाई दोसल्ला ओढाई सम्मान गर्ने, २० हजार भन्दा माथि दान गर्नेलाई दोसल्ला तथा आकर्षण सम्मान पत्र प्रदान गरिने, ५० हजार भन्दा माथि दान गर्नेलाई दोसल्ला, आकर्षक सम्मान पत्र र मायाको चिनो, १ लाख भन्दा माथि दिनेलाई दोसल्ला, आकर्षक सम्मान पत्र, मायाको चिनो साथै दाता तथा परिवारलाई महायज्ञ स्थलसम्म पञ्चेबाजाले स्वागत तथा सम्मान र ५ लाख भन्दा माथि दान गर्नेलाई दोसल्ला, आकर्षक सम्मान पत्र, मायाको चिनो साथै दाता तथा परिवारलाई आकर्षक डोलीमा चढाई महायज्ञ स्थलसम्म पञ्चेबाजाले स्वागत तथा सम्मान गरिने कार्यक्रम रहेको छ । माछापुच्छ्रे गाउँपालिकाका प्रवक्ता तथा वडा नं। २ का वडा अध्यक्ष गणेश आचार्यले महायज्ञमा हुने भक्तजनको घुइँचोले यस क्षेत्र वरपर रहेका मनोरम दृश्यहरू, मठ–मन्दिर यहाँको जनजीवन, उत्पादनको बारेमा जनमानसमा व्यापक प्रचार प्रसार सहित यहाँको धार्मिक पर्यटन प्रवर्द्धनमा ठुलो टेवा पुग्ने विश्वास गाउँपालिकाले लिएको बताए । माछापुच्छ्रे गाउँपालिका वडा नं। ४ का वडा अध्यक्ष मधुसूदन अधिकारीले ऐतिहासिक तथा धार्मिक रूपमा परिचित यस स्थानमा हुन लागेको महायज्ञलाई सफल बनाउनका लागि तयारीलाई तीव्र पारिएको बताए । पातिखोला गुफा संरक्षण समितिका सचिव रुद्रनाथ अधिकारीले ऐतिहासिक दृष्टिकोणमा यो गुफाको महत्त्व रहे पनि प्रचार प्रसारका कारण ओझेलमा परेका कारण यसको पूर्वाधार विकास गर्ने महायज्ञको आयोजना गरिएको बताए । पोखराको टुँडिखेल बगरबाट १० किलोमिटर उत्तर पश्चिम तर्फ करिब आधा घण्टाको यात्रामा महायज्ञ स्थल पुग्न सकिनेछ । महायज्ञ अवधिभर पोखराको हरि चोक र माछापुच्छ्रे गाउँपालिकाको सबै वडाबाट महायज्ञ स्थलसम्म जानको लागि आयोजकले यातायातको व्यवस्था गरेको छ ।
महिला अधिकारका लागि राष्ट्रिय अभियानको भित्तेपात्रो लोकार्पण

पोखरा । महिला अधिकारका लागि राष्ट्रिय अभियान कास्की जिल्ला शाखा, पोखरा–१५ ले प्रकाशन गरेको नयाँवर्ष २०८३ को भित्तेपात्रो लोकार्पण तथा शुभकामना आदानप्रदान कार्यक्रम आइतबार पोखरा १५ कोलपाटन स्थित कोलपाटन आमा समुहको भवनमा सम्पन्न भयो । कार्यक्रमका प्रमुख अतिथि पोखरा १५ का वडा अध्यक्ष तोरण बहादुर बाँनियाले कार्यक्रमको उद्घाटन गर्दै महिलालाई हरेक क्षेत्रमा अधिकार दिनु पर्छ भन्ने कुरामा नेपाली समाज पहिले भन्दा उदार भएको वताउँदै आफुले पनि सधैं महिला अधिकार सम्बन्धि जनचेतनामूलक कार्यहरुमा सहकार्य गर्दै आएको र आगामि दिनहरुमा पनि सहयोग गर्न तत्पर भएको बताए । महिला अधिकारका लागि राष्ट्रिय अभियानकी केन्द्रिय उपाध्यक्ष दिलमाया गुरुङ जहाँ अगाडी महिला, त्यहाँ बिकास पहिला भन्दै लागु औंषध न्यूनीकरणका महिलाको पहिलो हात हुने वताईन । उनले प्रत्येक घरमा महिलाले आफ्ना बालबच्चालाई सानै देखि लागु औषधबाट टाढा बनाउन सके समाजमा लागु पदार्थ दुव्र्यसनिको न्युनिकरणमा टेवा पुग्ने वताईन । पोखरा १५ का वडा सदस्य बलराम पौडेल, स्वतन्त्र पत्रकार संघ नेपालका केन्द्रिय सदस्य कृष्ण रानाभाट, संस्थाका कानुनी सल्लाहकार अधिबक्ता गिता आचार्य, सामुदायिक सेवा केन्द्र तथा सामुदायिक प्रहरी सेवा पृथ्वीचोक शाखाका उपाध्यक्ष उत्तम जोशी, पोखरा १५ की निर्वतमान जनप्रतिनिधि पार्वती कार्की, नेपाली कांग्रेस पोखरा १५ का सभापति शुशिल पराजुली लगायतले वोलेका थिए । संस्थाका अध्यक्ष कुमारी गुरुङको अध्यक्षतामा भएको कार्यक्रममा स्वागत उपाध्यक्ष गिता शर्मा र संचालन सचिव रमिता ढुंगानाले गरेका थिए ।
५ करोडको कारोवार गर्दै सकियो आलु महोत्सव

पोखरा, ५ वैशाख ।५ करोड बढीको कारोवार गर्दै १४ औँ राष्ट्रिय हेमजा आलु महोत्सव शनिबारदेखि सकिएको छ। गत २७ चैतबाट सुरु उक्त महोत्सवको अन्तिम दिन शनिबारसम्म त्यहाँबाट ३६ लाख बढीको आलु बिक्री भएको छ । महोत्सवका रहेका कृषि तथा अन्य व्यापारिक स्टल सबैबाट गरी ५ करोड बढीको कारोवार हुन सफल भएको आयोजक विष्णुपादुका क्लवका अध्यक्ष वसन्तकुमार श्रेष्ठले जानकारी दिए। त्यहाँ आलुको परिकारको एउटा स्टलका अलवा कृषितर्फ ३० तथा एक सय बढी व्यापारिक स्टल थिए ।त्यस्तै १ लाख बढी दर्शकले महोत्सव अवलोकन गरेको पनि आयोजकको भनाई छ। शनिबार महोत्सव समापन गर्दै पोखरा महानगरपालिका प्रवक्ता समेत रहेका पोखरा २५ का अध्यक्ष मोतिलाल तिम्सिनाले आलु महोत्सव हेमजा तथा समग्र पोखरा क्षेत्रकै व्राण्ड बनेको बताउँदै स्थानीय कृषि उपजलाई प्रवद्र्धन गर्न महोत्सव सफल भएको जनाए ।पोखरा महानगरले पर्यटनसँगै कृषिलाई सँगसँगै जोडेको उल्लेख गर्दै प्रवक्ता तिम्सिनाले महोत्सवसँगै कृषिमा होमिन हौसला मिलेको भनाई राखे। सबैको सद्प्रयासले महोत्सव सफल भएको उनले स्पष्ट पारे। पोखरा महानगरपालिका आर्थिक महाशाखा प्रमुख मनोहर कडरियाँले आलु महोत्सवले निरन्तरता पाउनु खुशीको कुरा भएको सुनाउँदै हेमजालाई तरकारी साथै मौरी क्षेत्र बनाउन महानगर लागि परेको उल्लेख गरे । महोत्सवका माध्ययम मार्फत बजारको पैसा कृषकको हातहातमा पुगेको उनले भनाई छ। आयोजक विष्णुपादुका क्लवका अध्यक्ष वसन्तकुमार श्रेष्ठले सरोकारवाला सबैले जिम्मवारी पुरा गरेका कारण महोत्सव सफल भएको उल्लेख गर्दै क्लवले सामाजिक उत्तरदायित्वपूर्ण क्रियाकलापलाई निरन्तरता दिने प्रतिबद्धता जनाए। महोत्सव अन्तर्गत भएको रत्यौली गीत प्रतियोगितामा सहनशील दिदीबहिनी समूह प्रथम, कमलजौंसी आमा समूह द्वितीय, गौरीशंकर आमा समूह तृतीय तथा खुट्टेगौंडा लामाचौतारा आमा समूह र चापाघाट आमा समूह सान्त्वना भए।प्रथम, द्वितीय, तृतीय र सान्त्वना भएसँगै ति समूहले क्रमशः नगद रु। १० हजार, ८ हजार, ५ हजार साथै ३ हजारका साथमा प्रमाणपत्र पुरस्कार प्राप्त गरे। त्यसैगरी कृषि झाँकी ¥याली संघसंस्थातर्फ नेवा खलः पहिलो, मातृकेश्वर एकता भजन समूह दोस्रो, आराध्या भजन समूह तेस्रो भए । आमा समूहको कृषि झाँकीतर्फ चापाघाट आमा समूह प्रथम, देवीस्थान आमा समूह दोस्रो, लालीगुराँस आमा समूह तेस्रो, लक्ष्मी आमा समूह र तिब्रकोट आमा समूह क्रमशः सान्त्वना हुन सफल भएको जनाइएको छ।त्यस्तै नृत्यतर्फ जनकल्याण आमा समूहले उत्कृष्टता हासिल गर्दै खसी पुरस्कार जित्न सफल भयो। महोत्सबमा शनिबार कलाकारहरु प्रकाश सपुत, प्रेमराज अधिकारी, नेत्र खड्का, सीता परियार, ममता तामाङ लगायतका प्रस्तति रहे। यसपालि हेमजामा आलु खरिद गर्नकै लागि पोखरा लगायत छिमेकी अन्नपूर्ण एवम् माछापुच्छे« गाउँपालिका, स्याङजा, चितवन, तनहुँ, पर्वत, मुस्ताङ, बाग्लुङ, सुनसरी, रुपन्देही लगायतका जिल्लाबाट मानिसहरु पुगेका थिए । ‘सुन्दर ठाउँ हेमजा जाउँ, आलुका स्वादिष्ट परिकार खाउँः आलु एक परिकार अनेक’ भन्ने मूल नाराका साथ महोत्सव गरिएको हो । महोत्सवको आकर्षणका रुपमा आलु तथा ताजा तरकारीको प्रदर्शन, आलुको पहाड निर्माण, आलुका विभिन्न परिकार रहेका थिए। त्यस्तै कृषक तथा कृषि सम्बन्धी विविध सांस्कृतिक कार्यक्रम, कृषि झाँकी प्रतियोगिता, चर्चित कलाकारहरुका दैनिक प्रस्तुति साथै विभिन्न कृषि उपज, वीउविजन तथा अन्य कृषि यन्त्रको प्रदर्शनी पनि गरिएको थियो। महोत्सव मूल आयोजक समितिका संयोजक श्रेष्ठको अध्यक्षतामा भएको समापन कार्यक्रम मूल आयोजक समितिका महासचिव विकल थापाले संचालन गरे।

Breaking News

Samaya Dristi

Best News Site from Nepal

Main Menu