हेमजामा रोपाई महोत्सव(फोटो फिचर)

असार १५ गते २०८२

हेमजामा रोपाई महोत्सव(फोटो फिचर)

पोखरा १५,असार
पाँचौ हेमजा हिले महोत्सव का झलकहरु
तस्विरः दुर्गा प्रसाद पौडेल

काठमाडौँ आइपुगेका विप्लव प्रधानमन्त्रीलाई भेट्‍न वालुवाटारमा

Samaya Dristi 5 years ago

काठमाडौँ,२१ फागुन । प्रहरी स्कर्टिङमा काठमाडौँ आइपुगेका नेपाल कम्युनिष्ट पार्टी नेकपाका महासचिव नेत्रविक्रम चन्द विप्लव प्रधानमन्त्रीलाई भेट्‍न वालुवाटार पुगेका छन्। दिउँसो सभागृहमा आयोजना हुने हस्ताक्षर समारोहमा पुग्‍नु अघि विप्लव... Read More

एनएफपीजे नेपालद्वारा ‘नेपाल इन लकडाउन’ फोटो प्रतियोगिताको घोषणा

Samaya Dristi 6 years ago

असोज ९ ,काठमाण्डौ लकडाउनका कारण आम मानिसहरु घरबाहिर निस्कन वर्जित भई उकुसमुकुसको दिनचर्या विताउन बाध्यभएका छन् । यस्तो विषम परिस्थितिमा पनि लकडान र कोरानाको पर्वाह नगरीकन स्वास्थ्य सतर्कता अपनाएर... Read More

कास्की १ मा रास्वपाका गनेश पौडेल निर्वाचित

Samaya Dristi 5 months ago

पोखरा, २३ फागुन । कास्की १ मा राष्ट्रिय स्वतन्त्र पार्टी (रास्वपा) का उम्मेदवार खडकराज पौडेल (गनेश) निर्वाचित भएका छन् । उनी २८ हजार ६६९ को फराकिलो मतान्तरसहित निर्वाचित भएका... Read More

हेमजामा तीज मेला हुने

Samaya Dristi 2 years ago

पोखरा, १० भदौं।यस वर्ष पनि हेमजामा तीज मेला हुने भएको छ। वडा स्थित महिला संजालको आयोजना तथा विष्णुपादुका क्लवको सहआयोजनामा हरितालिका तीजको दिन मेला हुने भएको हो ।जसमा वडा... Read More

आजको खबर

फोटोग्राफर संघ गण्डकी प्रदेश को फोटो प्रतियोगिता शुभारम्भ

श्रावण ११, चितवन , फोटोग्राफर संघ गण्डकी प्रदेश को आठौं स्थापना दिवस तथा १८७ औं बिश्व फोटोग्राफी दिवसको अवसरमा संस्थाले फोटो प्रतियोगिताको घोषणा गरेको छ । संघले फोटोग्राफरहरुको सम्मान प्रविधिको ज्ञान, व्यवसायिहरुलाई उत्साह र फोटोग्राफरहरुको मनोवल उच्च प्रदान गर्ने उदेश्यले उक्त प्रतियोगिताको घोषणा गरेको संस्थाका महासचिव प्रेम प्रसाद पराजुली ले जानाकारी गराए । गत शनिवार चितवनको सौराहामा सम्पन्न नेपाल फोटोग्राफर महासंघको केन्द्रिय बिस्तारित बैठक को शुभ अवसर पारेर केन्द्रिय अध्यक्ष महेन्द्र प्रसाद उपाध्याय ले प्रतियोगिताको ब्यानर सार्वजनिक गरेका थिए । प्रतियोगिताका संयोजक जिवन ढुंगानाले प्रतियोगितको महत्व तथा प्रतियोगितामा सहभागी कसरी हुने भन्नेवारेमा प्रकाश पारेका थिए । प्रतियोगितामा मिराज राष्ट्रिय बैवाहिक फोटो प्रतियोगिता अन्तरगत बिभिन्न ६ ओटा विधा सार्वजनिक गरेको छ ।जसमा बेष्ट फोटो अवार्ड, ब्राईड एण्ड ग्रुम हेड सट,बेष्ट कलरिङ एण्ड रिटचिङ, बेष्ट मोमेन्ट क्याप्चरिङ, बेष्ट कपल पोजिङ, बेष्ट कल्चर गरी ६ ओटा बिधा रहेका छन । बेष्ट बैवाहिक फोटो अवार्डका लागी रु १५,५५५ नगद ट्रफी र प्रमाण पत्र रहेको छ भने अन्य बिधामा ट्रफी र प्रमाण रहेका छन् । मिराज राष्ट्रिय बैवाहिक फोटो प्र्रतियोगिताका लागि मिराज फोटोका संचालक भक्त बहादुर तामाङ र बृहस तामाङले रु ३ लाखको अक्षयकोषको स्थापना गरेको कुरा कोषाध्यक्ष रामचन्द्र पोख्रेलले बताएका छन् । यसैगरी संस्थाले गण्डकी प्रदेशलाई बिश्वभरी नै चिनाउने उद्येश्यका साथ यहाँका प्राकृतिक छटाहरुलाई उजागर गर्ने र आन्तरिक पर्यटनलाई प्रोत्साहन गर्नका लागी नेचर एण्ड ल्याण्डस्केप बिधामा पनि प्रतियोगिताका घोषणा गरेको कुरा प्रतियोथिगता संयोजक जिवन ढुंगानाले बताए । नेचर एण्ड ल्याण्डस्केप बिधा अन्र्तगत फोटोहरु गण्डकी प्रदेश भित्रको हुनुपर्नेछ भने देशै भरिका फोटोग्राफरहरु यस प्रतियोगितामा भाग लिन पाउनेछन । उक्त प्रतियोगितामा बेस्ट फोटोले नगद रु १०,००० ट्रफि र प्रमाणपत्र पाउनेछन भने उत्कृष्ट ५ तस्विरलाई ट्रफि र प्रमाणपत्र प्राप्त गर्नेछन् । फोटोग्राफर संघ गण्डकी को स्थापना दिवस भाद्र २० गते भब्य समारोहका विच समापन गरिने कुरा संस्थाका अध्यक्ष नारायण बहादुर केसीले जानकारी दिए । बिधा प्रकृति तथा सुन्दर प्राकृतिक दृश्य (Nature & Landscape) प्रतियोगिता सम्वन्धिनियमहरु १.फोटो गण्डकी प्रदेश क्षेत्रभित्रखिचिएकोे हुनु पर्नेछ । २. सबै नेपालीनागरिकले सहभागिता जनाउन पाउने छन । ३.फोटो प्रकृति तथा सुन्दर प्राकृतिक दृश्य(Nature & Landscape) सम्वन्धि हुनु पर्नेछ । ४.फोटो क्यामरा तथा मोवाइल ले खिचेको हुनु पर्नेछ । ५. एरियल फोटो,ड्रोनफोटोहरु समावेश गर्न पाइने छैन । ६. फोटोलाई सामान्य Crop&color Correction गर्न सकिनेछ । ७. फोटोमा Logo तथा Water Markराख्नपाईने छैन । ८.फोटो Photographer Association Gandaki को Google Form (gpan075@gmail.com ) मा पठाउनु पर्नेछ । ९.सहभागीले ३ वटा सम्म फोटो पठाउन सक्नेछन । १०. फोटो १ एक एमवी भन्दा माथी हुनुपर्नेछ । १०.फोटोग्राफी क्षेत्रका ३ जना निर्णायकद्वारा मूल्यांकन गरिनेछ । Fill the Form https://forms.gle/vf2qEn4jt5TtRmbh6 बिधा मिराज राष्ट्रिय बैवाहिक फोटो प्रतियोगिता (Mirage National Wedding Photo Contest –2026) १.बेष्ट फोटो अवार्ड २.ब्राईड एण्ड ग्रुम हेड सट ३.बेष्ट कलरिङ एण्ड रिटचिङ ४.बेष्ट मोमेन्ट क्याप्चरिङ ५.बेष्ट कपल पोजिङ, ६.बेष्ट कल्चर Fill the Form https://forms.gle/vkf6wtJ9ggMRMUEF7 प्रतियोगिता शुरु शुरु मितिः २०८३ श्रावाण १ गते देखी फोटो पोष्ट गर्ने अन्तिम मितिः २०८३ भाद्र १२ गते राती १२ बजे सम्म नतिजा प्रकाशन तथा पुरस्कार बितरण ः २०८३ भाद्र २० गते शनिवार
हेमजा साहित्य राष्ट्रिय पुरस्कार कवि रमेश श्रेष्ठ र शुभप्रभात काव्यमाला पुरस्कार गन्धर्व सारङ्गी पाठशालालाई

पोखरा, साउन हेमजा साहित्य राष्ट्रिय पुरस्कारबाट बिम्ब कवि तथा कलाकार रमेश श्रेष्ठ पुरस्कृत हुने भएका छन् । कृष्णप्रसाद पौडेलको संयोजकत्वमा सदस्यहरू कोविदशरण उपाध्याय र वसन्तराज त्रिपाठी रहेको प्रतिभा चयन समितिले श्रेष्ठको नाम सिफारिस गरेको थियो । बिम्बकविका रूपमा सुपरिचित नेपाली कविता र कलाका सुप्रसिद्ध प्रतिभा प्राज्ञ श्रेष्ठ गीत लेखन र संस्कृति संरक्षणमा पनि सक्रिय देखिन्छन् । लोकनृत्य, गाईजात्रा, बाघजात्रा भैरवनृत्य संरक्षणमा चार दशक आफूलाई समर्पित गराएका उनका दर्जन चर्चित कविता कृति प्रकाशित छन् । वाङ्मय क्षेत्रमा समर्पित श्रेष्ठसँग नेपाल प्रज्ञा–प्रतिष्ठान र नेपाल ललितकला प्रज्ञा–प्रतिष्ठानमा रहेर सेवा गरेको अनुभवसमेत छ । उनी यस अघि दर्जन बढी राष्ट्रिय–अन्तर्राष्ट्रिय सम्मान, पुरस्कारबाट पुरस्कृत भइसकेका छन् । यसैगरी, संस्थाद्वारा सञ्चालित शुभप्रभात काव्यमाला पुरस्कार गन्धर्व सारङ्गी पाठशाला हेमजालाई प्रदान गरिने भएको छ । संयोजक बलराम पौडेलको संयोजकत्वमा सोमनाथ गौतम र डिल्लीराम पौडेल सदस्य रहेको प्रतिभा चयन समितिको सिफारिसलाई संस्थाको बैठकले अनुमोदन गरेको हो । प्रतिष्ठानले मासिक रूपमा सञ्चालन गर्ने शुभप्रभात काव्यमाला र प्रतिष्ठानका कार्यक्रममा सारङ्गीको धुनसहितको गायनले प्रतिष्ठानका गतिविधि सफल पार्न पु¥याएको योगदानको कदर गर्दै सम्मानित गर्न लागिएको जनाइएको छ । पाठशालाका बालबालिका सम्बरबहादुर गायकद्वारा प्रशिक्षित हुँदै आएका छन् । प्रतिष्ठानले संस्थाको कोषका लागि स्वेच्छिक सहयोग प्रदान गरेका दाताको रकमलाई एकीकृत पारी २०८१ सालमा हेमजा साहित्य राष्ट्रिय पुरस्कार कोष स्थापना गरेको हो । यसैगरी, संस्थाको मासिक रचनावाचन कार्यक्रमलाई प्रभावकारी बनाउन तत्कालीन अध्यक्ष बलराम पौडेलको पहलमा साहित्यकार डा। पुष्पा के।सी। भण्डारी र असफल गौतमको सहयोगमा शुभप्रभात बालसाहित्य कोष स्थापना गरिएको हो । पहिलो पटक अर्पण गर्न लागेका दुवै पुरस्कार संस्था स्थापना दिवस यही साउन ८ गतेका दिन एक समारोहबीच अर्पण गरिने प्रतिष्ठानका अध्यक्ष सुनिल गायकले जानकारी दिए ।
लेखनाथ जन्मस्थल संरक्षण तथा विकास समितिमा गोपीराज

लेखनाथ । कविशिरोमणि लेखनाथ पौड्यालको जन्मस्थल संरक्षण तथा विकास समितिको अध्यक्षमा गोपीराज पौडेल चयन भएका छन् । संस्थाको प्रथम साधारणसभा तथा अधिवेसनले पौडेलको अध्यक्षतामा नयाँ कार्यसमिति चयन गरेको हो । नवगठित कार्यसमितिको उपाध्यक्षमा कृष्णमणि लामिछाने,सचिवमा शिबमोहन अधिकारी,सहसचिवमा दिपेन्द्र शर्मा,कोषाध्यक्षमा विमला पहारी रहेका छन् । यसैगरी सदस्यहरुमा राजेन्द्रबहादुर जि सी,तिलबहादुर भुजेल,मित्रलाल तिमिल्सेना,शिबराज तिमिल्सेना,गोपालमणि लामिछाने र ऋषिकेश बराल रहेका छन् ।लेखा संयोजकमा घनश्याम लामिछाने चयन भए । साधारणसभाको पोखरा २७ का वडाध्यक्ष पूर्णकुमार गुरुङले उद्घाटन गर्दै आफूहरु निर्वाचित भएपछि लेखनाथ जन्मस्थल विकासका लागि सक्दो काम गरिरहेको वताए । जनप्रतिनिधिका हिसाबले लेखनाथ जन्मस्थल विकासका लागि योगदान दिने सम्पूर्णप्रति उनले धन्यवाद ज्ञापन गर्दै नयाँ कार्यसमितिलाई पनि पूर्ण साथ सहयोग रहने वताए । लेखनाथ जन्मस्थल विकास समितिका कार्यबाहक अध्यक्ष गोपीराज पौडेलको अध्यक्षतामा सम्पन्न कार्यक्रममा निवर्तमान अध्यक्ष विश्वप्रकाश लामिछानेले करीब दश वर्ष आपूmले नेतृत्व गर्दाका अनुभव प्रस्तुत गर्दै संस्था औपचारिक रुपमा दर्ता भएर अधिवेसनका क्रममा रहँदा खुशी लागेको उल्लेख गरे । लेखनाथ साहित्य प्रतिष्ठानका अध्यक्ष पदमराज ढकालले आफूहरुले खल्तीबाटै रकम खर्च गरेर पनि कार्यक्रमहरु अगाडि बढाउँदै सबैको सहयोगले नै संस्था यहाँसम्म ल्याएको वताए । लेखनाथ पत्रकार मञ्चका अध्यक्ष विष्णुहरि पौडेलले लेखनाथसँग सम्बन्धित समाचारहरुले सधैं प्राथमिकता पाएका र अझै कलम चलिरहने भनाइ राखे । कार्यक्रममा टिकट घर निर्माण गरिदिने संस्था लेखनाथ उद्योग वाणिज्य संघ, निवर्तमान अध्यक्ष विश्वप्रकाश लामिछाने र लायन्स क्लब अफ कैलाश चौतारी पोखरालाई सम्मान समेत गरिएको थियो । लेखनाथ उद्योग वाणिज्य संघका बरिष्ठ उपाध्यक्ष गोपिचन्द्र बास्तोला, नेपाल रेडक्रस सोसाइटी अर्घौं उपशाखाका सभापति बोधराज लामिछाने,लक्ष्मी आदर्शका प्रअ शिबमणि भण्डारी, लेखनाथ साहित्य प्रतिष्ठानका उपाध्यक्ष छवि सुवेदी,विभिन्न राजनैतिक दलका प्रतिनिधिहरु त्था संघसंस्थाका प्रतिनिधिहरुले शुभकामना मन्तव्य दिएका थिए । सञ्चालन सचिव शिबमोहन अधिकारीले गरेका थिए ।
स्थापना दिवसको अवसरमा रक्तदान, ४६ युनिट रगत सङ्कलन

पोखरा, साउन २ पोखरा फोटोग्राफर सङ्घले आफ्नो ४५औँ स्थापना दिवस सामाजिक उत्तर दायित्वसँग जोड्दै आयोजना गरेको रक्तदान कार्यक्रममा ४६ युनिट रगत सङ्कलन गरेको छ। नेपाल रेडक्रस सोसाइटी प्रादेशिक रक्तसञ्चार केन्द्र, पोखराको प्राविधिक सहयोगमा शनिबार पोखरा महानगरपालिका–८ स्थित मानवअधिकार चोकमा सम्पन्न कार्यक्रममा ४६ जना रक्तदाताले रक्तदान गरेका हुन्। रक्तदान जीवनदान, जीवनदान महादान भन्ने मूल नारासहित आयोजित कार्यक्रमको उद्घाटन कैलास बचत तथा ऋण सहकारी संस्था लिमिटेडका अध्यक्ष खडानन्द अधिकारीले सङ्घका संरक्षक एवं ७३औँ पटक रक्तदान गर्नुभएका गणेशलाल श्रेष्ठ छवि लाई ब्लड ब्याग हस्तान्तरण गरेर गर्नुभएको थियो। उद्घाटन समारोहलाई सम्बोधन गर्दै अध्यक्ष अधिकारीले रक्तदानले बिरामीको जीवन बचाउन प्रत्यक्ष योगदान पुर्‍याउने उल्लेख गर्दै समाजमा मानवीय सेवाको संस्कृतिलाई थप सुदृढ बनाउन यस्ता अभियानलाई निरन्तरता दिनुपर्ने बताउनुभयो। नेपाल रेडक्रस सोसाइटी प्रादेशिक रक्तसञ्चार केन्द्र, पोखराकी स्टाफ नर्स यमुना केसीले पोखरामा पछिल्लो समय रगतको अभाव बढ्दै गएको जानकारी दिँदै स्वस्थ नागरिकलाई नियमित रूपमा ३ महिनामा रक्तदान गर्न आग्रह गर्नुभयो। उहाँले विशेषगरी एबी पोजेटिभ रक्तसमूहको अभाव देखिएकाले विभिन्न सङ्घ–संस्थाले नियमित रक्तदान कार्यक्रम सञ्चालन गर्नुपर्ने आवश्यकता औँल्याउनुभयो। कार्यक्रममा नेपाल फोटोग्राफर महासङ्घका केन्द्रिय उपाध्यक्ष दुर्गाप्रसाद पौडेल, फोटोग्राफर सङ्घ गण्डकीका वरिष्ठ उपाध्यक्ष तुलसीराम सुवेदी, गण्डकी प्रज्ञा प्रतिष्ठानका सदस्य कमल पौडेल अथक, तथा लायन्स क्लब अफ पोखरा दर्पणका अध्यक्ष अग्निधर तिमिल्सिना लगायतले रक्तदानले रगतको अभाव न्यूनीकरणका साथै मानवीय सेवाको भावना विस्तार गर्न महत्वपूर्ण भूमिका खेल्ने धारणा व्यक्त गर्नुभयो। सङ्घका अध्यक्ष भक्तबहादुर तामाङको अध्यक्षतामा सम्पन्न कार्यक्रममा उपाध्यक्ष नन्दकला पौडेलले स्वागत मन्तव्य राख्नुभएको थियो भने सचिव लक्ष्मीपति पौडेलले कार्यक्रम सञ्चालन गर्नुभएको थियो। यसैबीच, स्थापना दिवसको अवसरमा सङ्घले पाँचौँ फोटोग्राफी अवार्डको घोषणा पनि गरेको छ। सङ्घका कोषाध्यक्ष अग्निधर तिमिल्सिनाका अनुसार विभिन्न नौ विधामा उत्कृष्ट नौ जना फोटोग्राफरलाई आगामी भदौ महिनामा आयोजना गरिने विशेष समारोहमा सम्मान तथा अवार्ड प्रदान गरिनेछ। सामाजिक उत्तरदायित्व र व्यावसायिक उत्कृष्टतालाई एकसाथ प्रवर्द्धन गर्ने उद्देश्यका साथ रक्तदान कार्यक्रम र फोटोग्राफी अवार्ड घोषणालाई स्थापना दिवससँग जोडिएको सङ्घले जनाएको छ।

Breaking News

Samaya Dristi

Best News Site from Nepal

Main Menu