Samaya Dristi

कमल पौडेल अथक
पोखरा ३, मंसीर
सामाजिक विकास कार्यालय कास्कीको आयोजनामा आइतवारदेखि महिलाहरुको लागि निःशुल्क लोकसेवा तयारी कक्षा संञ्चालन तालीम सुरु भएको छ । २० दिनसम्म संञ्चालन हुने सो तालीममा कास्कीका ५ पालिकाका ४० जनाको सहभागिता रहेको छ ।
तालीमको उद्घाटन गर्र्दै सामाजिक विकास मन्त्रालयका सचिव राजेन्द्रदेव पाण्डेले गण्डकी प्रदेशमा लोकसेवामा महिलाहरुको सहभागिता थोरै भएर सरकारले यो कार्यक्रम ल्याएको वताए । उनले देशमा अहिलेसम्म लोकसेवा आयोग नै निश्पक्ष रहेकोले तालीममा सिकेको कुरा व्यवहारमा उतार्नको लागि मेहनतको खाँचो रहेको वताए ।
शिक्षा विकास निर्देशनालय गण्डकीका निर्देशक घनश्याम पौडेले जानी नजानी लोकसेवा परीक्षा दिने वाध्यताको बीच तालीम नै लिएर लोकसेवा परीक्षा दिन पाउनु खुसीको कुरा भएको वताए । उनले गतवर्ष तालीम लिएकाहरु मध्ये केही लोकसेवा आयोगमा नाम निकाल्न सफल भएको वताए ।
कार्यालय प्रमुख राजेन्द्रप्रसाद पौडेलले सरकारले उपलव्ध गराएको अवसरलाई भरपूर सदुपयोग गर्न सहभागीहरुलाई आग्रह गरे ।
कार्यालय प्रमुख राजेन्द्रप्रसाद पौडेलको अध्यक्षतामा भएको कार्यक्रममा प्रशिक्षक जीतवहादुर वस्याल, लेखा अधिकृत प्रेमवहादुर केसी, अधिकृत स्तर छैटौं ज्ञानेश्वर सुवेदी लगायतले तालीमको महत्वको वारेमा वोलेका थिए ।