Samaya Dristi

कमल पौडेल अथक
पोखरा २७, असार
जिल्ला समन्वय समिति कास्कीका प्रमुख लीलाधर पौडेलले कृषकका छोरा छोरीलाई राज्यले निशुल्क पढाउनु पर्ने वताएका छन् ।
प्रधानमन्त्री कृषि आधुनिकिकरण परियोजना परियोजना इकाई कास्की मातहतमा संञ्चालित कृषि फार्मको बुधवार अनुगमन गर्दै उनले सो कुरा वताएका हुन् ।
अहिले दिन प्रतिदिन कृषि क्षेत्रमा मानिसको आकर्षण घट्दै गएकोले यदि राज्यले कृषकका छोराछोरीको जिम्मा लिने हो भने कृषि पेशामा आकर्षण वढ्ने वताए । उनले यसो भएमा देशको अर्थतन्त्र उकासिने र वैदेशिक रोजगारीमा भएकाहरु पनि स्वदेशमा नै फर्किने बताए ।
कार्यालय प्रमुख एवं वरिष्ठ कृषि विकास अधिकृत रोशन अधिकारीले परियोजनाले १४ वटा विषयगत क्षेत्रमा काम गरेको वताए ।

उनले गत वर्ष तरकारी र यो वर्ष परियोजना अलैंचीमा केन्द्रीत रहेको धारणा व्यक्त गरे । सामुदायिक पूर्वाधार अन्तर्गत १ लाख लिटरको सिमेन्ट पोखरी निर्माण, रुपा गाउँपालिकामा सोलार प्यानल निर्माण, च्याउ उत्पादन सहयोग, ६ वटा प्लाष्टिक घर निर्माण, ९४ वटा स्थायी प्लाष्टिक घर निर्माणको संरचना तयार र १०८ वटा वाँसको प्लाष्टिक घर निर्माण गरेर कृषकलाई सघाएको वताए ।

त्यसैगरी कृषक अभिमुखिकरण, सिडर मेसिन वितरण, मिनी टिलर वितरण जस्ता कार्यक्रम पनि परियोजनाले समेटेको उनले जानकारी दिए ।
अनुगमन टोलीले पोखराको चाउथे र पोखरा २७ मा रहेको तरकारी फार्म र पोखराको काँहुमा रहेको च्याउ फार्ममा अनुगमन गरेकोे परियोजनाका सामजिक विज्ञ गोविन्द श्रेष्ठले जानकारी दिएका छन् ।