प्रदेशको भित्ते पात्रो विमोचन लुम्विनिमा

जेठ १४ गते २०८१

प्रदेशको भित्ते पात्रो विमोचन लुम्विनिमा

१३ जेष्ठ
फोटोग्राफर संघ गन्डकीले प्रकाशन गरेको २०८१ को भित्ते पात्रो बुद्ध पूर्णिमाको अवसर पारेर लुम्विनि प्रदेशमा विमोचन गरिएको छ । नेपाल फोटोग्राफर महासंघ तदर्थ समिति संयोजक महेन्द्र प्रसाद उपाध्यायले भित्ते पात्रो विमोचन गर्दै देशकै अव्वल संस्थाका रुपमा फोटोग्राफर संघ गण्डकी रहेको कुरा ब्यक्त गरे उनले फोटोग्राफी बिकास र फोटोग्राफरहरुको उन्नयनका लागी संघले गर्दै आएका कार्यक्रमहरु अरु जिल्ला ,प्रदेश हरुले सिको गर्नुपर्ने बताए ।

अन्तरप्रादेशिक फोटोग्राफी अन्तरक्रिया कार्यक्रम अन्र्तगत लुम्विनि पुगेको टोलीले आयोजना गरेको कार्यक्रममा लुम्विनि फोटोग्राफर संघका निवर्तमान अध्यक्ष मनिष पन्थ,कपिलबस्तु फोटोग्राफर संघका रामचन्द्र बेलवासे,पोखरा फोटोग्राफर संघका रामचन्द्र पोख्रेल, पर्वत फोटोग्राफर संघका नारायण के सी तनहुं फोटोग्राफर संघका नि अध्यक्ष बलभद्र श्रेष्ठ, फोटोग्राफर संघ गण्डकीका शिक्ष तथा तालिम सदस्य जनक तिवारी, फोटोग्राफर संघ गण्डकीका शिक्ष तथा तालिम संयोजक घनश्याम पौडेल, फोटोग्राफर संघ गण्डकीका सचिव तुलसीराम सुवेदी, फोटोग्राफर संघ गण्डकीका कोषाध्यक्ष जिवन ढुंगाना , लुम्विनि फोटोग्राफर संघका रामु भण्डारी, लुम्विनि फोटोग्राफर संघका माधव प्रसाद पन्थ साथै फोटोग्राफर संघ गण्डकीका अध्यक्ष दुर्गा प्रसाद पौडेल लगाएतले एक कार्यक्रमका विच बिमोचन गरेका थिए ।

अन्तरप्रादेशिक फोटोग्राफी अन्तरक्रिया कार्यक्रम अन्र्तगत संस्थाले स्याङ्गजा,रुपन्देही,कपिलबस्तु,नवलपरासी,नवलपुर,चितवन ,गोर्खा लमजुङ्ग र तनहुंमा कार्यक्रम सम्पन्न गरेको थियो । सो अन्तरक्रियात्मक टोलीमा संस्थाका अध्यक्ष दुर्गा प्रसाद पौडेल , उपाध्यक्ष नारायण बहादुर क।ेसी, सचिब तुलसी राम सुबेदी , कोषाध्यक्ष जीबन ढुङगाना, कास्की संयोजक रामचन्द्र पोख्रेल , कार्यसमिति सदस्य बलभद्र श्रेष्ठ , तालिम तथा शिक्षा उपसमिति संयोजक घनश्याम पौडेल , तालिम तथा शिक्षा उपसमिति सदस्य जनकराज तिवारी , कार्यसमिति सदस्य सुरेस राज रेग्मी र प्रदेश सदस्य बिजय शर्माको सहभागीता रहेको थियो ।

Gandakiphotographerassociation, gpa, gpan, photographer

कैलाश सहकारीले सम्मान सहित दर खुवायो (फोटो फिचर)

Samaya Dristi 3 years ago

८ भाद्र,पोखरापोखरा क्षेत्रमा कार्यरत फोटोग्राफरहरुको साझा संस्था कैलाश बचत तथा ऋण सहकारी संस्था लि. ले भर्खरै सम्पन्न भएको अबिधेशन वाट पोखरा फोटोग्राफर संघको नव निर्वाचित कार्य समितिलाई स्वागत तथा... Read More

पोखरामा पहिरोमा घर पुरियो, एकको मृत्यु

Samaya Dristi 8 months ago

पोखरा २६ असार, पोखरामा आज विहान पहिरोले घर पुरींदा एक जनाको मृत्यु भएको छ । पोखरा महानगरपालिका–२७ सहेलापाटाका मनबहादुर थापाको ब्लकले बनेको जस्ताको घर विहान ४ बजेतिर घरभन्दा... Read More

एमालेमा उपाध्यक्षको संख्या घट्यो, सचिवको बढ्यो- ३३ प्रतिशत महिला अनिवार्य

Samaya Dristi 4 years ago

काठमाडौं, २५ साउन । नेकपा एमालेले उपाध्यक्षको संख्या ५ बाट घटाएर दुईमा झारेको छ । त्यस्तै सचिवको संख्या बढाएर ७ पुर्‍याएको छ । केन्द्रीय कमिटी बैठकमा प्रस्ताव गरिएको विधान... Read More

देशले गुमाएको उत्कृष्ठ युवा, मेरो साथी

Samaya Dristi 2 years ago

पोखरामा नवौ राष्ट्रिय खेलकुद प्रतियोगिता भैरहेको छ , यहि असोज २८ गतेबाट चलेको यो प्रतियोगिता कार्तीक ३ सम्म हुनेछ । यस प्रतियोगिताका लागि नेपालभरका ६ हजार भन्दा बढि खेलाडी... Read More

आजको खबर

फागुपूर्णिमा पोखरा(फोटो फिचर)

विशेष गरी नेपाल र भारतमा होली राष्ट्रिय पर्वका रूपमा मनाइन्छ। नेपालका पहाडी क्षेत्रमा पूर्णिमाकै दिन फागु पूर्णिमा होली खेल्ने परम्परा रहेको छ भने तराईका अधिकांश क्षेत्रमा फागु पूर्णिमा मा मिथिलाको परिक्रमा पूरा भएपछि मात्र होली खेल्ने गरिन्छ।
फागुपूर्णिमा अर्थात होली

२९ फागुन, पोखरा बिशेष गरी वसन्त ऋतुको आगमन संगै प्रकृतिले काँचुली फेर्ने वसन्त ऋतुको आगमन यही पूर्णिमाबाट हुने हुँदा प्राकृतिक सौन्दर्य र रसरङ्गको उमङ्गले प्राणीजगत् र मानवलाई समेत तरङ्गित तुल्याएको हुन्छ। वैदिक युगमा जब वृक्षहरूमा नयाँ पालुवा आउँथे, सुन्दर फूलहरू फुल्नुका साथै चारैतिर सुगन्ध आउन थाल्थ्यो, रंगीबिरंगी पुतलीहरू उड्न थाल्थे, गहुँ–जौलगायत बालीहरू लहलहाउँथे र कोइलीहरू गाउन थाल्थे, उसैबेला वसन्त ऋतुको आगमन भएको मानिन्थ्यो र ऋतुराजको स्वागतार्थ वसन्तोत्सव मनाइन्थ्यो। ‘पौराणिक कालखण्डमा यस पूर्णिमाका बारेमा अन्य प्रसङ्ग हरु जोडिएका छन्। ती मध्ये भगवान् श्रीहरिले भक्त प्रह्लादको उद्धार गरी होलिकाको प्राण हर्नुभएको प्रसङ्ग होलीपर्वको मुख्य कथावस्तुका रूपमा स्थापित भएको पाइन्छ। त्यसैले प्रत्येक वर्ष वसन्त ऋतुलाई फाल्गुण शुक्ल पूर्णिमा तिथिमा होलिका उत्सव मनाउने विधान पौराण्कि ग्रन्थहरूमा समेटिएको छ। परापूर्व कालदेखि अन्याय, अत्याचार र हिंसा लगायत निरंकुश तानाशाही आसुरी प्रवृत्तिका विरुद्ध समाज एकजुट हुँदै आएको इतिहास छ। शक्तिको उन्मादले मानिसमा अहंकार जाग्दछ। त्यो अहंकारले सत्य, धर्म, प्रेम, सदाचार, अहिंसा जस्ता गुणहरूलाई बिर्साइदिन्छ र मानिस विषय वासना र स्वार्थले अन्धो बनिदिन्छ। पुराणहरूमा वर्णित दैत्यराज हिरण्यकश्यपु ब्रह्माजीबाट प्राप्त वरदानी शक्तिको उन्मादले जब आफूलाई ईश्वर घोषणा गर्दछन्, ठीक उही समयमा हिरण्यकश्यपुकै बालक पुत्र प्रह्लाद भगवानका अनन्य भक्त बनेर उपस्थित भइदिन्छन्। अहंकार र पापाचारले उन्मत्त दैत्यराज हिरण्यकश्यपु एकातिर संसारलाई आफ्नै पूजा गराउँछन् भने अर्कातिर भगवद् भक्त प्रह्लादलाई परं शत्रु देख्न थाल्दछन् र उनलाई मार्ने योजना बनाउन थाल्छन्। अग्निको तापले नछुने वरदान पाएकी बहिनी होलिकाले हिरण्यकश्यपुलाई साथ दिँदै बालक प्रह्लादलाई लिएर अग्निकुण्डमा प्रवेश गर्दा पाप वृत्तिकी प्रतीक होलिकाको शरीर दहन भएको खुसियाली साट्न होलीपर्व मनाउने चलन चलेको विश्वास गरिन्छ। होलिका भस्म भएको प्रतीकका रूपमा पूर्णिमाको रात होलिका दहन गर्ने चलन अझै रहेको छ। यसबाहेक द्वारयुगमा कंशको अत्याचारलाई साथ दिई समस्त दुधे बालकहरूलाई नास गर्दै हिँड्ने पूतनाको प्राण भगवान् श्रीकृष्णले हरण गर्नुभएको प्रसंगलाई पनि होलीपर्वको रंगीन उत्सवसँग जोड्ने गरिन्छ। कंशको आज्ञाअनुसार भगवान् श्रीकृष्णलाई मार्ने उद्देश्यले विषयुक्त दूध चुसाउन लाग्दा भगवानले उल्टै पूतनाको प्राण हरण गर्नुभयो। त्यसपछि विशालकाय राक्षसीको शवलाई जलाएर ब्रजवासीहरूले एक–आपसमा रङ तथा अबिर दलेर खुसियाली मनाए। यसरी राक्षसीको अन्त्य भएर ठूलो संकट टरेको सम्झनास्वरूप भगवान् श्रीकृष्णलाई झुलनमा राखी हल्लाउने र हरेक वर्ष चीरदाह गरी होली खेल्ने परम्परा बसेको मानिन्छ। अर्को प्रसंग, दक्षकन्या सतीदेवीले यज्ञकुण्डमा हामफाली देहत्याग गरेपछि विक्षिप्त बनेका शिवजीलाई कामदेवले कामवाण प्रहार गरी संसारप्रति सम्मोहित बनाउने प्रयास गरेका थिए। तर यस कार्यले शिवजीको तृतीय नेत्र खुल्न गई त्यसबाट निस्किएको क्रोधाग्निमा परी कामदेव स्वयं भस्म भए। कामदेवकी पत्नी रतिको विलाप र देवताहरूको बन्दनाले प्रभावित भई जब भगवान शिवले कामदेवलाई जीवित हुने वरदान दिनुभयो अनि देवताहरूले रङको वर्षा गरी खुसियाली मनाएको प्रसंगलाई पनि होलीपर्वसँग जोड्ने गरिन्छ। समग्रमा असत्यमाथि सत्यको, अधर्ममाथि धर्मको, अन्यायमाथि न्यायको र दुराचारमाथि सदाचारको विजय भएको खुसियालीमा होली पर्व मनाउने गरिन्छ। रंगहरुको पर्व होली आज काठमाडौं उपत्यकासहित पहाडी जिल्लाहरुमा हर्षोल्लासका साथ मनाइँदै छ । फागु अर्थात् होलीको अवसरमा सरकारले आज पहाडी जिल्लाहरुमा सार्वजनिक बिदा पनि दिएको छ । विशेष गरी नेपाल र भारतमा होली राष्ट्रिय पर्वका रूपमा मनाइन्छ। नेपालका पहाडी क्षेत्रमा पूर्णिमाकै दिन फागु पूर्णिमा होली खेल्ने परम्परा रहेको छ भने तराईका अधिकांश क्षेत्रमा फागु पूर्णिमा मा मिथिलाको परिक्रमा पूरा भएपछि मात्र होली खेल्ने गरिन्छ। यस्तै, भारतका विभिन्न क्षेत्रमा पूर्णिमाको राति चीरदाह गरेपछि मात्र होली खेल्ने परम्परा छ।
लिलाको उपचारार्थ १० लाख बढी संकलन, रकम बिरामीलाई हस्तान्तरण

रमेश तिमल्सिना फागुन-२७, पोखरा । लिला राईको उपचारको लागि संकलित रकम बिरामीलाई हस्तान्तरण गरिएको छ । देश तथा विदेशमा रहनु हुने ब्यक्तिहरु बाट दश लाख सत्तरी हजार रकम संकलन भएको अभियान्ता कपिन्द्र अधिकारीले जानकारी दिए । परिवार र मिडियाको रोहबरमा अभियान्ता अधिकारी, राजु मगर लगायतका उपस्थितिमा उक्त रकम हस्तान्तरण गरेको हो । दुबै मृगौला फेल भएकी लिालाको सहयोगार्थ फागुन ११ गते देखि अभियान्ता अधिकारीको पहलमा सहयोग सङ्कलन अभियान सुरु गरीएको थियो । बिरामी संगको कुराकानीमा उनले आर्थिक अबस्थाको कारण उपचार गर्न समस्या भएको बताए पछि अधिकारीले रकम संकलन अभियान चलाएका थिए । १६ दिने अभियान मार्फत उठेको रकम हस्तान्तरण गर्दै उनले यो अभियानमा जोडिएर सहयोग गर्नुहुने सबैलाई धन्यबाद दिएका छन् । यस अभियानमा बिशेष सहयोग गर्नु हुने राजु मगर, सुमिस ढकाल, दिल बहादुर खनाल, लोक बहादर ठकुरी, ज्ञान बहादुर खनाल, दिपक दाहाल र आर्यन थापा लाई अभियान्ता अधिकारीले आभार ब्यक्त गरे । लिलाको सहयोगार्थ अधिकारीले आफ्नो नेपाल राष्ट्र बैंकको खातामा जम्मा भएको रकम बिरामीलाई बुझाएको उनले बताए । बिरामी राईको अहिले भक्तपुरमा रहेको शहिद धर्मभक्त राष्ट्रिय प्रत्यारोपण केन्दमा उनको उपचार भइरहेको छ । लिलालाई उनको श्रीमानले मृगौला दिने तयारी गरे पनि रक्त समुह नमिले पछि अहिले सासु मञ्जु पुडासैनीले मृगौला दिने भएकि छिन । उनको अन्तिम स्वास्थ्य परिक्षण चलिरहेको छ । सहयोग रकम पाए संगै अब छिट्टै नै मृगौला प्रत्यारोपण कार्यलाई अगाडी बढाउने उनले जानकारी दिईन् । यो अभियानमा जोडिनुहुने सबै सहयोगी मनहरुलाई बिरामी र परिवारले धन्यबाद दिएका छन् । यो अभियानमा जोडिनुहुने सबै सहयोगी मनहरुलाई बिरामी र परिवारले धन्यबाद दिएका छन् । राईको उपचारमा १५ लाख रुपयाँ खर्च लाग्ने भएकोले सहयोग गर्न चाहाने ब्यक्तिले बिरमीको एनआईसी बैंकको खाता नम्बर २८१५७५१९४२२०९००१ मा क्युआर गरी सहयोग गर्न सक्नुहुनेछ । सहयोगको लागि उनले सबै संग अपिल गरेकी छन् ।
फोटोपत्रकार संघको नेतृत्वमा राम गुरुङ

पोखरा, २६ फागुन, नेपाल फोटो पत्रकार संघ (एनपिजेए) कास्कीमा अध्यक्षमा राम गुरुङ निर्वाचित भएका छन् । पोखरामा भएको संघको नवौं अधिवेशनबाट अग्रज फोटो पत्रकार गुरुङको नेतृत्वमा नयाँ कार्यसमिति सर्वसम्मत निर्वाचित भएको हो । संघको उपाध्यक्षमा राधिका कँडेल, सचिवमा धनबहादुर गुरुङ, सदस्यहरुमा संजय शाक्य, गिरीधारी पोख्रेल र प्रवेश पोखरेल निर्वाचित भएका हुन् । रिक्त रहेको सहसचिव र ३ सदस्यहरु कार्य समितिले पछि मनोनित गर्ने निर्वाचन समितिका संयोजक कृष्णमणि बरालले जानकारी दिए । अधिवेशनको नेपाल पत्रकार महासंघ, गण्डकी प्रदेशका अध्यक्ष रमेश पौडेलले उद्घाटन गरेका थिए । कार्यक्रममा अध्यक्ष पौडेलले समामार लेख्ने भन्दा फोटो पत्रकार फ्रन्ट लाइनमा बसेर काम गर्नुपर्ने हुँदा धेरै चूनौति सामना गर्नुपर्ने बताए । समाचारका लागि अति आवश्यक फोटो खिच्ने पत्रकारहरु एकजुट हुन आवश्यक रहेको उनको भनाइ थियो । ‘समाचारका लागि फोटो अति आवश्यक चिज हो । अर्को अर्थमा भन्नुपर्दा समाचार आज लेख्यो भोली पुरानो हुन सक्छ तर फोटो कहिल्यै पुरानो हुँदैन्,’ उनले भने, ‘समचारको महत्वपूर्ण पाटो फोटो खिच्ने पत्रकारहरु एकजुट हुनु आवश्यक छ र रहिरहनेछ ।’ कास्कीका फोटो पत्रकारहरुले सिर्जनात्मक काम गर्नुपर्नेमा उनको जोड थियो । फोटोपत्रकारका हरेक गतिविधिमा पत्रकार महासंघको सदैव साथ र सहयोग रहने उनले प्रतिवद्धता जनाए । नेपाल पत्रकार महासंघ कास्कीका उपाध्यक्ष माधव रेग्मीले समाचारमा फोटोको महत्व जति छ त्यो भन्दा बढि फोटो पत्रकारको महत्व रहेको बताए । फोटो बिना समाचार र पत्रकार अपुरो हुने भएकाले आगामी दिनमा पत्रकार महासंघ र नेपाल फोटो पत्रकार संघ सहकार्य गर्दै अघि बढ्नुपर्नेमा उनको जोड थियो । नेपाल ललित कला प्रज्ञा प्रतिष्ठानका प्राज्ञ सदस्य राधिका कँडेलले कास्कीका फोटो पत्रकारहरु एकजुट हुनुपर्नेमा जोड दिइन् । केन्द्रमा भएको फोटो पत्रकार संघ टुटफुट भएपनि कास्कीबाट एकजुटको सन्देश दिनुपर्ने उनले बताइन् । कार्यक्रममा संघका संस्थापक अध्यक्ष घनश्याम पौडेलले २०६२÷०६३ को जनआन्दोलनको समयमा एकजुट भएका फोटो पत्रकारहरुको संस्थाले विभिन्न समयमा फोटो प्रदर्शनीलगायत अन्य रचनात्मक कार्यक्रम गर्दै आएको बताए । आगामी दिनमा पनि अझै क्रियाशिल भएर लाग्न उनको सुझाव थियो । संघका निवर्तमान अध्यक्ष दुर्गाप्रसाद पौडेलले २०६२÷०६३ को जनआन्दोलन क्रममा तस्विर खिच्ने क्रममा बिभिन्न समस्या भोग्नु परेपछि आन्दोलनकै दौरानमा स्थापना भएको संस्था अहिलेको अवस्थामा आईपुगेको बताए । २०५३ सालमा काठमाण्डौंमा खोलिएका राष्ट्रिय फोटो पत्रकार समूह नेपालको शाखाका रुपमा स्थापित संस्था केन्द्रमा गुटबन्दीमा परी टुटफुट भएको अवस्थामा कास्की एक भएर अघि बढिरहेको उनले सुनाए । संघले राजनीति बाहेक, पर्यटन प्रवद्र्धन र वातावरण संरक्षण तथा जनचेतनामूलक फोटो प्रदर्शनी गरिरहेको जानकारी दिए । पूर्वअध्यक्ष ईन्द्रप्रसाद पौडेलले केन्द्रमा केन्द्रले २०७४ सालमा गरेको भद्र सहमति र निर्णय लत्याएपनि कास्कीमा केन्द्रकै निर्णय अनुसार दर्ता गरिएको नेपाल फोटो पत्रकार संंघ कास्की विना कुनै गुटबन्दी अहिलेसम्म चलिरहेको जानकारी दिए । वि।सं की २०७४ सालमा दर्ता भएको नेपाल फोटो पत्रकार संंघ, कास्कीको पहिलो नेतृत्व आफैले गरेको उनले सुनाए । त्यसपछिका अध्यक्षहरुले पनि संस्थालाई जोगाएर विभिन्न कार्यक्रम गरिरहेको उनले बताए । फोटो पत्रकारहरुको अर्को संस्था फोटो पत्रकार महासंघ, नेपाल कास्की शाखाले फोटो पत्रकारहरु एकजुट हुनुपर्ने सन्देशसहित आफूहरुको संस्था नेपाल फोटो पत्रकार संघ (एनपिजेए) कास्कीमा गाभिएको घोषणा गरेको छ । २०६७ सालमा कास्कीमा स्थापना भएको फोटो पत्रकार महासंघ, नेपाल कास्की शाखाका अध्यक्ष एकराज गिरीले आफ्नो संस्था एनपिजेए कास्कीमा गाम्ने घोषणा गरेका हुन् । ‘यति सानो शहरमा फोटो पत्रकारहरुको संस्था किन धेरै बनाउनु छ र अध्यक्ष गिरीले भने, ‘अहिलेको अवस्थामा पोखरामा क्रियाशिल फोटो पत्रकारहरु एक भएको सन्देश दिन जरुरी छ । आजैका दिन देखि म अध्यक्ष रहेको संस्थालाई एनपिजेए कास्कीमा समाहित गरिएको जानकारी गराउँछु । दुर्गा प्रसाद पौडेलको अध्यक्षतामा भएको कार्यक्रममा कास्कीमा क्रियाशिल फोटोपत्रकार तथा पत्रकारहरुको उपस्थिति रहेको थियो ।

Breaking News

Samaya Dristi

Best News Site from Nepal

Main Menu