पोखरा म्याराथन (फोटो फिचर)

फागुन ६ गते २०७९

पोखरा म्याराथन (फोटो फिचर)

सफल पोखरा म्याराथनका केही झलकहरु

कास्कीकोट, इतिहास र पुरातन सस्कृती (फोटो फिचर)

Samaya Dristi 4 years ago

असोज,पोखरा कास्की जस्को नाम कास्कीकोट र पुरानो कास्की राज्यबाट रहन गएको हो । कास्कीकोट कस्यप ऋषिले तपस्या गरेको पवित्र भूमी मानिन्छ यसैले कस्यपको तपोभूमी भएकाले नै यो स्थानको नाम... Read More

पोखराको मेगा सहकारी संकटमा, बचतकर्ताहरु बचत फिर्ताको माग गर्दै महानगरको शरणमा

Samaya Dristi 3 years ago

कमल पौडेल अथक पोखरा १५, कार्तिक पोखराको न्यूरोडमा रहेको मेगा बचत तथा ऋण सहकारी संस्था लिमिटेड संकटमा परेको छ । सहकारीका केही संञ्चालकहरुले बचतकर्ताहरुको रकम अपचलन गरेपछि सहकारी संकटमा... Read More

आजदेखि २० सम्म लामो दूरीका सवारी साधन आवागमनमा रोक

Samaya Dristi 1 year ago

असोज १८, पोखरा मुलुकभर आजदेखि ३ दिनसम्म मध्यमदेखि भारी वर्षा हुने पूर्वानुमान जारी भएसँगै कास्की प्रशासनले लामो दूरीका सवारी साधनको आवतजावत पूर्णरूपमा रोक्ने निर्णय गरेको छ । जिल्ला प्रशासन... Read More

स्याङ्जाली सम्पर्क सदन पोखराको अध्यक्षमा तारा सर्वसम्मत

Samaya Dristi 5 years ago

कमल पौडेल अथकपोखरा २५, पुस स्याङजाली सम्पर्क सदन पोखराको २७ औं वार्षिक साधारण सभा तथा १३ औं अधिवेशनले अध्यक्षमा तारा गौतम विश्वकर्मा चयन भएका छन् । तीन जना प्रतिस्पर्धी... Read More

आजको खबर

सङ्गीत तथा नाट्य प्रज्ञा प्रतिष्ठानका प्राज्ञहरूद्वारा सुझाव सङ्कलन

पोखरा, असोज २७ गते । नेपाल सङ्गीत तथा नाट्य प्रज्ञा प्रतिष्ठानका प्राज्ञसभा सदस्यहरूले पोखरामा सुझाव सङ्कलन गरेका छन् । प्रतिष्ठानका प्राज्ञसभा सदस्य विनोद बानिया, दीपक पराजुली र परिवर्तनको अगुवाइमा भएको कार्यक्रममा पोखरामा क्रियाशील गीत, सङ्गीत, नाटक र संस्कृतिसँग सम्बन्धित संस्थाका प्रतिनिधिहरूले प्रज्ञा प्रतिष्ठानहरूले आफ्ना गतिविधिमार्फत परिवर्तनको सङ्केत दिनुपर्ने सुझाव दिएका थिए । कार्यक्रममा प्राज्ञसभा सदस्य गायक विनोद बानियाँले आगामी प्राज्ञसभामा सम्बन्धित विषयविज्ञहरूको सुझाव लिएर नीति निर्माणका लागि सुझाव दिने उद्देश्यले अन्तरक्रिया आयोजना गरिएको जानकारी दिए । उनले आवश्यकता र नीतिको संयोजन गरी कार्यक्रम गर्न सकिए त्यसले गतिलो परिणाम ल्याउन सक्ने धारणा राखे । अर्का प्राज्ञसभा सदस्य तथा ¥यान्डम रिडर्स सोसाइटीका अध्यक्ष दीपक पराजुलीले प्राप्त सुझावहरू प्राज्ञसभामा राखिने बताए । प्राज्ञसभा सदस्य तथा पोखरा थिएटरका अध्यक्ष, नाट्यकर्मी परिवर्तनले नीति निर्माणका तहमा आफूहरूले जोड दिने बताए । कार्यक्रममा गण्डकी प्रज्ञा प्रतिष्ठानका प्राज्ञसभा सदस्य तथा गीतकार प्रतिष्ठान नेपालका अध्यक्ष अनुराग अधिकारीले नेपाल सङ्गीत तथा नाट्य प्रज्ञा प्रतिष्ठान, गण्डकी प्रज्ञा प्रतिष्ठान र पोखरा प्रज्ञा प्रतिष्ठानको संयुक्त आयोजनामा विशेष कार्यक्रम आयोजना गर्नुपर्ने आवश्यकता औँल्याए । सो अवसरमा हिमाली सांस्कृतिक परिवारका अध्यक्ष ज्ञानबहादुर थापा, गण्डकी प्रज्ञा प्रतिष्ठानका प्राज्ञसभा सदस्य गायक रामभक्त जोजिजू, पोखरा साङ्गीतिक कलाकार सङ्घका निवर्तमान अध्यक्ष सुनील थापा, उपाध्यक्ष तेज केसी, जोजिजू म्युजिक सेन्टरका प्रबन्धक विनित जोजिजू, पोखरा प्रज्ञा प्रतिष्ठानका परिषद् सदस्य दिलिप गायक, रेनेसा थिएटरकी रोशनी रामदाम, नाट्यकर्मी प्रमिला तुलाचन, गीतकार प्रतिष्ठानका संस्थापक अध्यक्ष हरिहर खनिया, उपाध्यक्ष लाल कार्की ‘अञ्जान’, सचिव रुपिन्द्र प्रभावी, पोखरेली युवा सांस्कृतिक परिवारका सचिव एमडी काफ्ले, त्रिवेणी सङ्गीतालयका सुनील बरालले विद्यालय तहमा सङ्गीत, नाटक र संस्कृति पुग्न सक्ने गरी कार्यक्रम ल्याउने, प्रतिलिपि अधिकार र रोयल्टीसम्बन्धी नीतिगत व्यवस्था कार्यान्वयन गर्नेलगायत सुझाव दिएका थिए । त्यसै गरी, कमला श्रेष्ठ, दलबहादुर गुरुङ, असीम शेरचन, डविन गुरुङ, निश्चल विमल, नेपालहरि रानाभाट, रामजी पौडेललगायतले सबैले अपनत्व महसुस गर्न सक्ने कार्यक्रम ल्याउन सुझाव दिएका थिए । सम्बन्धित क्षेत्रका व्यक्तिहरूसँग सुझाव सङ्कलनका लागि गरिएको पहलप्रति सहभागीहरूले धन्यवाद ज्ञापन गरेका थिए ।
पोखरामा भएको तेस्रो पर्वतीय दौडको उपाधि राउतलाई (फोटो फिचर)

पोखरा, २५ असोज तेस्रो पर्वतीय दौड प्रतियोगिताको उपाधि नरेन्द्रसिंह रावतले जितेका छन् । पोखरा–२२, पुम्दी–भुम्दीमा शनिबार आयोजित उक्त प्रतियोगितामा निर्धारित ८ किमी दूरी उनले ३४ः३५ः८८ मिनेटमा पूरा गर्दै उपाधिसहित नगद ५० हजार, मेडल र प्रमाणपत्र पुरस्कार प्राप्त गरे । सुदूरपश्चिमका रावत गत वर्ष पनि च्याम्पियन बनेका थिए । यसैगरी, गौतम श्रेष्ठ दोस्रो र निरज भट्ट क्षेत्री तेस्रो भए । श्रेष्ठले निर्धारित दूरी ३५ः१६ः१९ मिनेटमा पूरा गर्दा क्षेत्रीले ३५ः२९ः०१ मिनेट समय लगाए । उनीहरुले क्रमशः ३० र १५ हजार साथमा मेडल र प्रमाणपत्र पुरस्कार प्राप्त गरे । प्रतियोगितामा धीरजबहादुर बुढा चौथो र सरोज कुँवर पाँचौं हुँदै क्रमशः ७ र ३ हजार नगदसहित मेडल र प्रमाणपत्र पुरस्कार प्राप्त गरे । छैटौंदेखि दशौंसम्म महेन्द्रबहादुर बुढाथोकी, श्रीकेश राई, पृथ्वीलाल राई, महेन्द्र घर्तीमगर र आशीष कुँवर पर्न सफल भए । उनीहरुले जनही १ हजार, मेडल र प्रमाणपत्र पाए । महिलातर्फ दीर्पा बस्नेत प्रथम हुन सफल भइन् । उनले निर्धारित ८ किमी दूरी ४८ः१३ः४६ मिनेटमा पूरा गर्दै नगद १५ हजार प्राप्त गरिन् । दोरपता कठायतले ५०ः२०ः४३ मिनेट र मीनु बुढाले ५१ः१३ः२१ मिनेट लगाउँदै क्रमशः दोस्रो र तेस्रोको पुरस्कार प्राप्त गरे । सोही इभेन्टमा सिमरन थापा र संजिला राई चौथो र पाँचौं भए । यू–१६ तर्फ कमल बिक प्रथम, मुलुक सिंह खत्री दोस्रो र सक्षम बोहोरा क्रमशः पहिलो, दोस्रो र तेस्रो भए । बिकले ४०ः००ः४२ मिनेटमा दुरी पार गर्दा खत्रीले ४०ः०८ः८६ मा दुरी पार गरे । सुशान्त विक्रम तिवारी चौथो र सफल खड्का पाँचौ बने । पोखरा २२ वडाअन्तर्गत क्रिशल परियार प्रथम भए । उनले ४३ः४५ः०२ मिनेटमा दुरी पार गर्नुभयो । सुयन बिकले ४८ः०६ः५७ सेकेण्डमा दुरी पार गरी दोश्रो भए । कमल पौडेल, पुष्पराज बराल र सुजल परियार क्रमशः तेश्रो देखि पाँचौं भए । भेट्रान्सतर्फ तेजबहादुर गुरुङ प्रथम हुन सफल भए । उनले निर्धारित दुरी ४६ः३०ः५१ मिनेटमा पार गर्दा किशोर थापा दोस्रो भए । थापाले ४८ः५७ः०४ मिनेटमा उक्त दुरी पार गरे । कमल गुरुङ तेस्रो, अनुप केसी चौथो र योगप्रसाद गुरुङ पाँचौ। बने । विदेशी धावकतर्फ फ्रान्सका माथियस डियोन प्रथम, रसियाका अलेकजेण्डर दोस्रो भए । डियोनले ४६ः२४ मिनेटमा र अलेकजेण्डरले उक्त दुरी ५४ः१३ः१८ मिनेटमा पार गरे । माइखाइलो तेस्रो भए । खुलाबाहेक बाँकी विधामा प्रथम, दोस्रो र तेस्रोलाई क्रमशः १५, १० र ७ हजार साथमा मेडल र प्रमाणपत्र पुरस्कार दिइएको थियो । पोखरा प्रबद्र्धन केन्द्र र पोखरा क्लिकद्वारा विश्व पर्यटन दिवस सन्दर्भमा आयोजित उक्त दौड विश्व शान्ति स्तूपदेखि विशाल महादेवको मूर्ति, वडा कार्यालय हुँदै बुद्ध पार्क पुगेर समापन भएको हो । विजयीलाई पोखरा महानगरपालिकाका प्रमुख धनराज आचार्य, पोखरा २२ का वडाअध्यक्ष हिमलाल बराल, महानगरका प्रमुख प्रशासकिय अधिकृत, राजन पौडेल, गण्डकी प्रदेशको सामाजिक विकास युवा तथा खेलकुद मन्त्रालयका उपसचिव टंक प्रसाद ढकाल, सशस्त्र प्रहरी बल मुक्तिनाथ बाहिनीका शसस्त्र प्रहरी नायव महानिरिक्षक ९डिआईजी० प्रवीण कँडेल, पोखरा उद्योग वाणिज्य संघ अध्यक्ष शोभा गौतम, पर्यटन बोर्डका वरिष्ठ कार्यक्रम अधिकृत युवराज गुरुङ, पोखरा महानगरका आर्थिक विकास महाशाखाका प्रमुख मनोहर कडरिया, पोखरा पर्यटन परिषद् अध्यक्ष हरि भुजेल, परिषद्का पूर्व अध्यक्ष एवं पोखरा भ्रमण वर्ष–२०२५ का संयोजक गोपीबहादुर भट्टराई, नाट्टा गण्डकीका अध्यक्ष संगीता पौडेल, टान गण्डकीका अध्यक्ष कृष्ण प्रसाद आचार्य, होटल संघ पोखरा नेपालका अध्यक्ष लक्ष्मण सुवेदी, पुम्दीकोट कोट विकास समितिका अध्यक्ष तथा उद्योगपति चन्द्रकान्त बराल, होम स्टे महासंघ नेपालका उपाध्यक्ष प्रकाश गुरुङ, हिमश्री फुड्स प्रा।लि।का प्रशासन प्रमुख बम बराल लगायतले पुरस्कार वितरण गरे । सो अवसरमा पुम्दीभुम्दीको पर्यटन प्रवद्र्धन र स्थानीय क्षेत्रको विकासमा योगदान दिएका राज गुरुङ ‘ लाला ’ र म्याराथन धावक अर्जुन गोदारलाई सम्मान गरिएको थियो । गुरुङ कालाबाङ घरेडी बुद्ध पार्कका परिकल्पनाकार तथा कालाबाङ घरेडी बुद्ध पार्क विकास संस्थाका संस्थापक अध्यक्ष समेत हुन् । अघिल्ला संस्करणमा पुम्दीकोट कोट विकास समितिका अध्यक्ष चन्द्रकान्त बराल, विश्वशान्ति स्तूप समितिका अध्यक्ष अशोक गुरुङ, हिमाल आरोही तथा साहसिक पर्यटन क्षेत्रका व्यक्तित्व ले।लि। कुसाङ गुरुङ र वसन्त गौतमलाई सम्मान गरिएको थियो । समापन समारोहका प्रमुख अतिथि मेयर आचार्यले पर्यटकीय राजधानी पोखराको खेलकुद तथा पर्यटन विकासमा यसप्रकारका इभेन्टले सघाउ पुग्ने भन्दै महानगरले पनि सहयोग गर्दै जाने बताए । उक्त कार्यक्रम कम्तिमा ५ बर्षसम्म क्यालेण्डरमै फिक्स गर्न आयोजकलाई सुझाव दिनुभयो । त्यसअघि, गण्डकी प्रदेशका सामाजिक विकास, युवा तथा खेलकुद मन्त्री रेखा गुरुङले विश्व शान्ति स्तूपमा आयोजित उद्घाटन समारोहमा दौडको उद्घाटन गरेकी थिइन् । कार्यक्रममा बोल्दै उनले यस्ता प्रतियोगिताले गाउँ पर्यटन र खेल पर्यटनको प्रबद्र्धनमा टेवा पुग्ने विश्वास व्यक्त गरिन् । उक्त अवसरमा कीर्तिमानी धावक तथा ओलम्पियन बैकुण्ठ मानन्धर सहितका अतिथिको सहभागिता रहेको थियो । कार्यक्रममा स्कुलले ऐतिहासिक व्यक्तित्व सागमा तीन स्वर्ण विजेता एवं ओलम्पियन बैकुन्ठ मानन्धर र करातेका उदयीमान खेलाडी तथा करातेमार्फत सानै उमेरमा वल्र्ड बुक अफ रेकर्ड राख्न सफल आर्यन रंजितद्वयलाई नगदसहित सम्मान गरेको हो । प्रतियोगिता संयोजक दीननाथ बरालको अध्यक्षतामा भएको कार्यक्रममा स्वागत आयोजक केन्द्रका उपाध्यक्ष असफल गौतम र संचालन पर्यटनविज्ञ दीपेन्द्र पहारीले गरे । ‘खेल पर्यटन प्रवद्र्धनमा पुम्दी–भुम्दी पर्वतीय दौड’ नारालाई आत्मसात् गर्दै आयोजकले विश्व पर्यटन दिवस सन्दर्भ पारेर प्रतियोगितालाई निरन्तरता दिएको हो । नेपाल पर्यटन बोर्ड र पोखरा महानगरपालिकाले प्रवद्र्धन गरेको प्रतियोगितामा प्रदेश खेलकुद परिषद् गण्डकीको समन्वय र पोखरा महानगरपालिका वडा नम्बर २२ को सहकार्य रहेको थियो । प्रतियोगिताको मेडिकल पार्टनरमा नेलम्बो नेपाल, हस्पिटल पार्टनरमा मेडि प्लस एण्ड ट्रमा सेन्टर, इन्स्योरेन्स पार्टनरमा युनाइटेड अजोड इन्स्योरेन्स लिमिटेड, हस्पिटालिटी पार्टनरमा म्याजेस्टिक लेक फ्रन्ट होटल एण्ड सुइट्स, अफिसियल टेलिभिजनमा पोखरा टेलिभिजन रहेको थियो । आधिकारिक ड्रिङ्किङ वाटरमा ग्लेज स्प्रिङ वाटर हो । यसैबिच, गण्डकी प्रदेश सामाजिक विकास, युवा तथा खेलकुद मन्त्रालय, अन्तराष्ट्रिय म्याराथन धावक ल।रि। कुसाङ गुरुङ, परिचय एड्भरटाइजिङ, राष्ट्रिय खेलकुद परिषद्, अटो वेज प्रा।लि।, हिमश्री फुड्सको उत्पादन रारा तयारी चाउचाउ, शुभ अधिकारी ट्राभल्स, सिटिजन फर्निचर, चिकेन प्वाइन्ट, वडा युवा परिषद्, विश्व शान्ति स्तूप समिति, पुम्दीकोट कोट विकास समिति, कालाबाङ घरेडी बुद्ध पार्क समिति, एनएस भिल्ला पोखरा २२ कालाबाङ घरेडी सहित विभिन्न व्यवसायी तथा संघसंस्थाको सहयोग रहेको केन्द्रका सचिव सागर सुनारले बताए । कार्यक्रममा शसस्त्र प्रहरी बल मुक्तिनाथ बाहिनीको पन्चे बाजेले आगन्तुक धावकलाई स्वागत गरिएको थियो भने विहान मौसम खुलेसंगै स्थानियले समेत ठाँउ ठाँउमा धावकलाई भव्य स्वागत गरेको वडा यूवा परिषद पोखरा २२ का अध्यक्ष दिनेश बरालले बताए ।
यातायात क्षेत्रका समस्या र सरोकारका बिषयमा जिसस कास्कीको अन्तरक्रीया

पोखरा २३ असोज । जिल्ला समन्वय समिति कास्कीले यातायात क्षेत्रका समस्या र सरोकारका बिषयमा सरोकारवालाहरू संग शुक्रवार अन्तरक्रिया कार्यक्रम सम्पन्न गरेको छ। कार्यक्रमको जिल्ला समन्वय समिति कास्कीका प्रमुख लिलाधर पौडेलले उद्घाटन गर्नुभएको थियो। पौडेल यातायात क्षेत्रमा देखिएका समस्या र तिनीहरुको समाधान गर्ने तथा सेवाग्राहीका गुनासा समाधान गर्ने हेतुले कार्यक्रम आयोजना गरिएको उल्लेख गर्नुभयो । प्रमुख पौडेलले यातायात ब्यबस्थित हुन चालक सह चालक ब्यबस्थापन ,सडक पार्किङ ब्यबस्थापन ,सडक दुर्घटना ब्यबस्थापन ,सबारी प्रदुषण ब्यबस्थापन , अपाङ्ग र प्रबिधिमैत्री यातायात सहित सचेतनामा जोड दिन आग्रह गर्दै सडकमा दुर्घटना न्यूनीकरण गरेर यात्रूमैत्री बिकृती रहित यातायात क्षेत्र निर्माणका लागि सबैको सामुहिक प्रयासमा जोड दिनुभयो। रूपा गाउँपालिकाका अध्यक्ष नवराज ओझाले सडक र यात्रा सुरक्षित बनाउनेतर्फ आफ्नो नीति तथा कार्याक्रम कार्यान्वयन भैरहेको जानकारी दिदै देखिएका कमजोरी तत्काल सुधार्न प्रयत्न भएको उल्लेख गर्नुभयो । गण्डकी प्रदेश सरकारका भौतिक पूर्बाधार तथा यातायात मन्त्रालयका सचिब नवराज शर्माले स्थानिय यातायात ब्यबस्थापनका लागि स्थानिय तहका सरकार सहित ब्यबस्थापन हेर्ने सरकारी संस्थालाई बढी भन्दा बढी जिम्मेवार बनाउन प्रयास भएको उल्लेख गर्दै प्राप्त गुनासा र सुझावलाई प्रभाबकारीताका साथ कार्यान्वयनमा लैजाने प्रतिबद्धता व्यक्त गर्नुभयो । कार्यक्रममा सहभागीबाट समयमा सवारी अनुमति नबिकरण नहुनु , सबारी चाप बढी हुँदा ब्यबस्थापनमा असहज भएको ,सबारीहरूको तिब्रगति र ओभरटेक ,बस स्टप ब्यबस्थित हुन नसकेको , घुम्तीमा लेन्सको ब्यबस्थापन ,लेन अनुसासनका लागि कार्य गर्न , मालबाहक सबारीको पार्किङ ब्यबस्थापन लगायतका सुझाव प्राप्त भएको जिल्ला समन्वय अधिकारी नवराज बरालले बताउनुभयो । नागरिक समाजका अगुवा राम बहादुर पौडेलले सडक ब्यबस्थित बनाउन चालकहरू पहिले अनुसासित हुनुपर्ने कुरामा जोड दिनुभयो । कार्यक्रममा यातायात ब्यबस्थापनका समस्या ,चुनौती र समाधानका प्रयासका सन्दर्भमा यातायात ब्यबस्था कार्यालय गण्डकीका प्रमुख ढाकाराम शर्माले अबधारणा प्रस्तुत गर्नुभएको थियो। शर्माले सबारी संख्यामा वृद्धि ,सदक पुर्बाधारको स्तरोन्नति नहुनु,आधुनिक सडक पूर्बाधारको कमि ,पर्याप्त पार्किङ अभाब ,बैज्ञानिक बाटो इजाजत ब्यबस्थापन ,सडक किनार अतिक्रमित हुनु ,सबारी प्रदुषणको अबस्था बढ्नु, र लापरबाहीपूर्ण सबारी साधन संचालन हुनु ,केही स्थानमा ब्यनसायीहरू बिचको अस्वस्थ प्रतिस्पर्धा प्रमुख समस्याको रूपमा देखिएको उल्लेख गर्दै समाधानका लागि भएका प्रयासको बारेमा जानकारी दिनुभएको थियो। कार्यक्रममा जिल्ला प्रहरी कार्यालय ,ट्राफिक प्रहरी कार्यालय ,राष्ट्रिय मानव अधिकार आयोग , यातायात ब्यबस्था कार्यालय ,यातायात ब्यबसायी तथा सम्बद्ध संघ संस्थाका प्रमुख , नागरिक समाज ,उपभोक्ता मन्च ,कास्कीका पालिकाहरूका प्रशाशकिय अधिकृत र प्रतिनिधि र संचारकर्मीहरूको उपस्थिति रहेको थियो। जिल्ला समन्वय समिति कास्कीका प्रमुख लिलाधर पौडेलको अध्यक्षतामा सम्पन्न कार्यक्रममा स्वागत उप प्रमुख सरिता माल र संचालन जिल्ला समन्वय अधिकारी नवराज बरालले गर्नुभएको सूचना अधिकारी लक्षु शर्माले जानकारी दिनुभयो।
शुक्लामा हुने नेपथ्य कन्सर्टको तयारी तिब्र

असोज,पोखरा लायन्स क्लब अफ शुक्लागण्डकीको आयोजनामा आगामी मंसिर १२ गते शनिबार शुक्लागण्डकी नगरपालिका–५, बेलचौतारास्थित भानुभक्त बहुमुखी क्याम्पसको खेलकुद मैदानमा आयोजना हुन लागेको चर्चित नेपथ्य ब्याण्डको लाइभ कन्सर्टको तयारी तीव्र रुपमा अगाडी बढेको छ। सामाजिक सेवाको उद्देश्यसहित नेपथ्य लाइभ कन्सर्टको तयारी तीव्र भएको छ । सो को लागी लायन्स क्लब अफ शुक्लागण्डकीद्वारा सचिवालय उद्घाटन कार्य हिजो एक समारोह बीच सम्पन्न भयो । कन्सर्टको तयारीस्वरूप स्थापना गरिएको सचिवालयको उद्घाटन लायन्स इन्टरनेसनल डिस्ट्रिक्ट ३२५ एम नेपालका फर्स्ट भाइस डिस्ट्रिक्ट गभर्नर लायन किशोर बरालले रिबन काटेर गर्नुभयो। सचिवालय उद्घाटन कार्यक्रममा शुक्लागण्डकी नगरपालिकाका उपप्रमुख तथा लायन्स क्लब अफ शुक्लागण्डकीका डाइरेक्टर एवं कन्सर्ट संयोजक खुमबहादुर विक, पि डी जी लायन चण्डी प्रसाद अर्याल, सेक्रेटरी लायन बिकास भुर्तेल क्लबका अध्यक्ष लायन देवेन्द्र ढुङ्गाना लगायत डिस्ट्रिक्ट र क्विलबका बिभिन्न लायन्स लिडरहरूको उल्लेखनीय उपस्थिति रहेको थियो। लायन्स क्लबको नेतृत्वमा आयोजना हुन लागेको यस बृहत् सांगीतिक कार्यक्रमले मनोरञ्जनसँगै सामाजिक उत्तरदायित्व र मानवीय सेवाको उत्कृष्ट सन्देश प्रवाह गर्ने अपेक्षा गरिएको छ। कार्यक्रमका लागि टिकट बुकिङ तथा बिक्री काउन्टरसमेत सञ्चालनमा आइसकेको आयोजकले जनाएको छ। कन्सर्टबाट प्राप्त आम्दानीमध्ये खर्च कटाएर बचत हुने रकमलाई सामाजिक तथा मानवीय सेवाका विभिन्न कार्यमा परिचालन गर्नुका साथै विद्यालय तथा शिक्षा क्षेत्रमा सहयोग गर्ने आयोजकको योजना रहेको छ। यसले लायन्स इन्टरनेसनलको मूल भावना “ध्भ क्भचखभ” लाई मनोरञ्जनको माध्यमबाट समेत समुदायमा जोड्ने प्रयासका रूपमा अर्थ राख्ने आयोजकको विश्वास छ। सचिवालय उद्घाटन कार्यक्रममा प्रमुख अतिथि लायन किशोर बरालले लायन्स क्लब अफ शुक्लागण्डकीले डिस्ट्रिक्ट ३२५ एम नेपालअन्तर्गत यति ठूलो र बृहत् सांगीतिक कार्यक्रम आयोजना गर्नु गौरवको विषय भएको बताउनुभयो। उहाँले भन्नुभयो, “लायन्स क्लबले सेवा र सामाजिक उत्तरदायित्वलाई आफ्नो मूल आधार बनाउँदै आएको छ। मनोरञ्जनका माध्यमबाट समुदायलाई जोड्दै त्यसबाट प्राप्त बचत रकम शिक्षा, मानवीय सेवा तथा सामाजिक क्षेत्रमा लगानी गर्ने यो अभियान प्रशंसनीय र अनुकरणीय छ।” उहाँले कार्यक्रमको सफलताको शुभकामना व्यक्त गर्दै कन्सर्टलाई भव्य, सभ्य र व्यवस्थित रूपमा सम्पन्न गर्न आयोजक लायन्स क्लब अफ शुक्लागण्डकी तथा सम्पूर्ण सहयोगी हातहरूलाई धन्यवाद तथा आभार व्यक्त गर्नुभयो। नेपथ्य ब्याण्डको सशक्त लाइभ प्रस्तुति रहने यस कन्सर्टले शुक्लागण्डकी क्षेत्रलाई सांगीतिक उत्साहले तताउने मात्र नभई सेवा, सहयोग र सामाजिक उत्तरदायित्वको सन्देशसमेत प्रवाह गर्ने अपेक्षा गरिएको छ। लायन्स इन्टरनेसनल डिस्ट्रिक्ट ३२५ एम नेपालअन्तर्गतको एक जिम्मेवार क्लबका रूपमा लायन्स क्लब अफ शुक्लागण्डकीले आयोजना गर्न लागेको यो कार्यक्रम “मनोरञ्जनसँगै सेवा”को अवधारणालाई व्यवहारमा उतार्ने महत्वपूर्ण पहलका रूपमा स्थापित हुने विश्वास गरिएको छ।

Breaking News

Samaya Dristi

Best News Site from Nepal

Main Menu