अभियान युवा क्लबद्वारा भित्तेपात्रो बिमोचन तथा सम्मान कार्यक्रम

वैशाख ११ गते २०७९

अभियान युवा क्लबद्वारा भित्तेपात्रो बिमोचन तथा सम्मान कार्यक्रम

पोखरा, वैशाख-१ १

पोखरा महानगरपालिका वडा नं. ५ मा अवस्थित अभियान युवा क्लबले २०७९ सालको क्यालेण्डर विमोचन तथा शुभकामना आदानप्रदान कार्यक्रम क्लब सचिवालय परिसरमा शनिबार सम्पन्न गर्‍यो ।

कार्यक्रममा सशस्त्र प्रहरी बल मद्धती तथा सेवा गुल्म कास्कीका गुल्मपति प्रहरी निरिक्षक लालबहादुर बस्नेत, जिल्ला प्रहरी कार्यालय कास्कीका वरिष्ठ प्रहरी नायव निरिक्षक होत बहादुर रोकाहा, ट्राफिक प्रहरी बिट प्रस्याङका प्रमुख उज्वल चिलवाल, अभियान युवा क्लबका अध्यक्ष राजु गिरी, सामुदायिक प्रहरी सेवा केन्द्र बैदामका सुर्य बहादुर केसी, अभियान महिला समूहकी अध्यक्ष लक्ष्मी शर्मा, अभियान महिला समूहकी पूर्व अध्यक्ष शर्मिला केसी, अभियान युवा क्लबका पूर्व अध्यक्ष मोहन बहादुर केसीलगाएतले संयुक्तरुपमा बिमोचन गरेका हुन् ।

बिमोचन पश्चात नववर्ष २०७९ सालको अवसरमा शुभकामना आदानप्रदान समेत गरिएको छ ।
साथै क्लबका कार्यलाई अतुलनिय योगदान गरिएको भन्दै जिल्ला प्रहरी कार्यालय कास्कीका वरिष्ठ प्रहरी नायव निरिक्षक होत बहादुर रोकाहा र अभियान महिला समूहकी पूर्व अध्यक्ष शर्मिला केसीलाई सम्मान गरिएको छ ।

कार्यक्रममा स्वागत मन्तव्य क्लबका सदस्य राजेन्द्र खत्रीले राखेका थिए । क्लब अध्यक्ष राजु गिरीको अध्यक्षतामा सम्पन्न कार्यक्रमको सञ्चालन क्लब सहसचिव जिबन आचार्यले गरेका थिए ।

जय गुरुङ

pokhara

भूकम्पमा परी जाजरकोटमा ९२ र रुकुम पश्चिममा ३६ जनाको मृत्यु

Samaya Dristi 2 years ago

कार्तिक १८, शुक्रबार मध्यरातमा गएको भूकम्पमा परी जाजरकोटमा मात्र ९२ जनाको मृत्यु भएको छ । जिल्ला प्रहरी कार्यालय जाजरकोटका प्रहरी प्रमुख डीएसपी सन्तोश रोकाका अनुसार जाजरकोटमा मात्रै अहिलेसम्म ९२... Read More

खानेपानी टंकी निर्माण सहमति पत्र आदान प्रदान

Samaya Dristi 11 months ago

जेठ २१ गते २०८२ लायन्स क्लब पोखरा अन्नपूर्ण द्धारा बिभिन्न ८ वटा क्लबलाई लायन बर्ष २०२५ ÷२०२६ बिभिन्न बिद्यालयमा खानेपानी टंकी निर्माणको लागि सहमति पत्र हस्तातरण गर्ने काम सम्पन्न... Read More

सर्वोच्चमा नेकपा अध्यक्ष प्रचण्डविरूद्ध अपहेलना मुद्दा दर्ता

Samaya Dristi 5 years ago

काठमाडौँ, १९ माघ । नेकपा कम्युनिष्ट पार्टी नेकपाको दाहाल नेपाल समूहका अध्यक्ष पुष्पकमल दाहाल ‘प्रचण्ड’विरूद्ध सर्वोच्च अदालतमा अपहेलना मुद्दा दर्ता भएको छ । अधिवक्ता समीर हायूले दाहालविरुद्ध अपहेलना मुद्दा... Read More

नेकपा समाजवादीले ६ मन्त्री पाउने

Samaya Dristi 5 years ago

काठमाडौं, ६ भाद्र । नेकपा एमालेबाट विभाजित माधव नेपाल पक्षले सरकारमा माओवादी बराबरकै हैसियतामा सहभागिता पाउने भएको छ । सत्ता गठबन्धनबीच मन्त्रालय बाँडफाँट लगभग टुंगिएको छ । स्रोतका अनुसार... Read More

आजको खबर

पोखरा महिला गोल्डकप संकटालाई हराउँदै आर्मी फाइनलमा

पोखरा ÷ त्रिभुवन आर्मी क्लब पोखरामा जारी महिला गोल्डकप फुटवल प्रतियोगिताको फाइनलमा प्रवेश गरेको छ । आर.एस. पोखरा फुटबल क्लबको आयोजनामा जारी गोल्डकपअन्तरगत शनिबार संकटा क्लबलाई ४–२ गोलअन्तरले हराउँदै आर्मी फाइनलमा पुगेको हो । पोखरा रंगशालास्थित फुटबल मैदानमा पहिलो हाफमा १–० को अग्रता कायम गरेको आर्मीले दोस्रो हाफमा थप ३ गोल ग¥यो । आर्मीको जितमा चन्द्रा भण्डारीले दुई तथा दिपा शाही र हिमा चौधरीले एक–एक गोल गरिन् । संकटाको तर्फबाट भने दुई विदेशी खेलाडी क्वीनबेल ए अमनाराह र लिसिया एल जे मोकाम्बिकले गोल गोल गरिन् । अत्यन्त प्रतिस्पर्धात्मक बनेको खेलको पहिलो हाफको निर्धारित समय सकिएपछि थप गरिएको एक मिनेटमा आर्मीका लागि दिपाले अग्रता दिलाइन् । तुलसा बोहोराको पासमा उनले सहज गोल गरिन् । दोस्रो हाफको सुरुवातमै आर्मीले अग्रता दोब्बर पा¥यो । ४७ औं मिनेटमा संकटाकी गोलरक्षक सुशिला चौधरीले डिफेन्स लाइनबाट आएको बललाई लङसट खेल्न खोज्दा आर्मीकी चन्द्राले गोल गरिन् । उनले ५५ औं मिनेटमा व्यक्तिगत दोस्रो गोल गर्दै टोलीको अग्रता तेब्बर पारिन् । ३–० ले पछि परेको संकटाका लागि ७० औं मिनेटमा क्वीनवेल अमक्राहले उत्कृष्ट गोल गर्दै खेलमा फर्काउने प्रयास गरिन् । लगत्तै ७२ औं मिनेटमा संकटाले फ्रिकीकमार्फत गोल गर्दै खेल ३–२ को स्थितिमा पु¥याएको थियो । लिसिया मोकाम्बिकले प्रहार गरेको फ्रिकीकमा आर्मीकी गोलरक्षक कोपिला खड्काले समात्ने प्रयास गर्दा बलले जाली चुमेको थियो । निर्धारित ९० मिनेट सकिएपछि थप गरिएको ८ मिनेटमा आर्मीकी हिमा चौधरीले गोल गरिन् । जित संगै आर्मीले फाइनलमा नेपाल पुलिसको सामना गर्नेछ । नेपाल पुलिस क्लबले यस अघि आयोजक आर.एस. पोखरा फुटबल क्लबलाई ८–० गोलले हराउँदै फाइनलमा प्रवेश गरेको थियो । प्रतियोगिताको फाइनल खेल भोलि २ बजे हुनेछ । प्रतियोगिताको विजेताले नगद पाँच लाख रुपैयाँ प्राप्त गर्नेछ भने उपविजेताले तीन लाख रुपैयाँ प्राप्त गर्ने भएको आयोजक आर एस पोखरा फुटबल क्लबले जनाएको छ । गण्डकी प्रदेशकै इतिहासमा पहिलो पटक पोखरामा महिला गोल्डकपको आयोजना गरिएको आयोजकको दाबी छ । प्रतियोगितामा कुल चार टिमको सहभागिता रहेको थियो ।
पोखरा हेमजामा मा श्रीमद्भागवत सप्ताह ज्ञान विज्ञान महायज्ञ शुभारम्भ

पोखरा । मानवसेवा आश्रमद्वारा पोखरामा १४ औँ श्रीमद्भागवत सप्ताह ज्ञान–विज्ञान महायज्ञ आजदेखि सुरु भएको छ । पितृ मोक्ष तथा शान्तिको अभीष्टसहित आयोजना गरिएको उक्त महायज्ञ बैशाख २६ गतेसम्म पोखरा–२५ हेमजा आश्रम प्राङ्गणमा शुभारम्भ भएको छ । महायज्ञ उद्घाटनपूर्व विभिन्न संघसंस्था तथा धार्मिक समूहहरूले सांस्कृतिक झाँकीसहित विशाल शोभा कलश यात्रामा सहभागिता जनाएका थिए । महायज्ञको समुद्घाटन पोखरा महानगरपालिकाका प्रमुख धनराज आचार्य तथा गलेश्वर धामका पिठाधीश अनन्त श्री विभूषित महामण्डलेश्वर स्वामी आत्मानन्द गिरिजी महाराजले संयुक्त रूपमा गर्नुभएको हो । आश्रमले पोखरा शाखाको भवन निर्माण सम्पन्नता, लक्ष्मीनारायण मन्दिर तथा मुक्तिनाथ धर्मशाला निर्माण र अक्षयकोष श्रीवृद्धिका लागि महायज्ञ आयोजना गरेको जनाएको छ । भोलिदेखि महायज्ञमा दैनिक रूपमा बिहान ११ बजेदेखि ४ बजेसम्म भागवत् भाष्कर कमलनयन गौतमको मुखारविन्दबाट सङ्गीतमय भागवत् कथा वाचन हुनेछ । कार्यक्रमअन्तर्गत बिहान ५ः३० देखि ७ः३० बजेसम्म निःशुल्क योग शिविर, बिहान पूजा–पाठ पारायण, ७ः३० देखि १० बजेसम्म विद्यार्थीहरूका लागि उत्प्रेरणात्मक कार्यक्रम, दिउँसो कथा वाचन, ४ः१५ बजे आरती, ४ः३० बजे प्रसाद वितरण तथा साँझ ७ देखि ९ बजेसम्म भजन कार्यक्रम सञ्चालन हुनेछ भने , प्रत्येक दिन निःशुल्क स्वास्थ्य शिविर पनि सञ्चालन हुने यज्ञ मूल आयोजक समितिले जानकारी दिएको छ । महायज्ञबाट सङ्कलित रकम मानव सेवा आश्रम पोखरा शाखाको निर्माणाधीन भवन सम्पन्न गर्न, लक्ष्मीनारायण मन्दिर तथा मुक्तिनाथ धर्मशाला निर्माण र अक्षयकोष श्रीवृद्धिमा खर्च गरिनेछ । हाल भवन निर्माण कार्य करिब ६० प्रतिशत सम्पन्न भइसकेको आश्रमले जनाएको छ । पोखरा महानगरपालिका, प्रदेश तथा सङ्घीय सरकारको सहयोग र दाताहरूको योगदानबाट निर्माण सेवा कार्य अघि बढिरहेको छ । मानवसेवा आश्रमले विगत १३ वर्षदेखि बेसहारा, अशक्त, अभिभावकविहीन बालबालिका तथा सडकआश्रित मानवहरूको उद्धार, संरक्षण, उपचार तथा पुनःस्थापनामा निरन्तर सेवा प्रदान गर्दै मानवता प्रवर्द्धन अभियानमा महत्वपूर्ण योगदान पुर्‍याउँदै आएको छ । मानवसेवा आश्रमले महायज्ञ केवल आर्थिक संकलन गर्ने उद्देश्य मात्र नभई धार्मिक तथा आध्यात्मिक चेतनामार्फत समाजमा सकारात्मक सन्देश प्रवाह गर्ने समेत उल्लेख गरेको छ । साथै, आश्रमले पुण्य कार्यमा सहभागी भई लक्ष्यअनुसार दान गरी सहयोग गरिदिन सर्वसाधारण तथा श्रद्धालु भक्तजनमा आग्रह गरेको छ ।
पूर्व राजा ज्ञानेन्द्र शाह परिवारसहित पोखराको छु मी चाइनीज रेस्टुरेन्टमा पर्यटन प्रवद्र्धनमा सकारात्मक सन्देश

पोखरा । नेपालका पूर्व राजा ज्ञानेन्द्र शाह तथा पूर्व रानी कोमलराज्य लक्ष्मी देवी शाह परिवारसहित पोखराको बाराहीघाट स्थित ३१ पार्क होटलभित्र रहेको छु मी चाइनीज रेस्टुरेन्टमा शुक्रबार देखिए । होटल स्रोतका अनुसार उनीहरू होटल परिसरमा रहेको ‘छु मी’ रेस्टुरेंटमा भोजन गर्न आएका थिए । उनिहरुको आगमनले एक विशिष्ट र गरिमामय वातावरण सिर्जना भएको होटल स्रोतले जनाएको छ । “शुक्रबार अपराह्न हाम्रो लागि विशेष बन्यो, जहाँ हामीले पूर्व राजा ज्ञानेन्द्र शाह, पूर्व रानी कोमल राज्य लक्ष्मी देवी शाह तथा शाही परिवारलाई आत्मीय भोजन अनुभव प्रदान गर्ने अवसर पायौं,” होटलले भन्यो । भोजनपछि पूर्व राजा शाहले रेस्टुरेन्टको आतिथ्यता, सेवा तथा वातावरणप्रति सन्तुष्टि व्यक्त गरेको स्रोतले जनाएको छ। उनले पोखराको आतिथ्य संस्कृतिलाई प्रशंसा गर्दै यस्तो स्तरका सेवाले पर्यटन क्षेत्रलाई थप उचाइमा पु¥याउन सहयोग पुग्ने संकेत गरेका बताइएको छ। पूर्व राजपरिवारले शान्त र निजी वातावरणमा चिनियाँ परिकारको स्वाद लिँदै पारिवारिक समय बिताएका थिए। अंशुवरा ग्रुपको लगानी रहेको ३१ पार्क होटल परिसरमा अवस्थित ‘छु मी चाइनीज रेस्टुरेन्ट’ पोखरामा गुणस्तरीय चिनियाँ खानाका लागि परिचित रहँदै आएको छ। पोखरामा उच्चस्तरीय अतिथि आगमनले समग्र पर्यटन प्रवद्र्धनमा सकारात्मक प्रभाव पार्ने विश्वास व्यक्त गरिएको छ। विशेषगरी ३१ पार्क होटलजस्ता आतिथ्य सेवा प्रदायक संस्थाहरूले अन्तर्राष्ट्रिय तथा राष्ट्रिय पाहुनालाई गुणस्तरीय सेवा प्रदान गर्दै पोखरालाई आकर्षक गन्तव्यका रूपमा स्थापित गर्न महत्वपूर्ण भूमिका खेलिरहेका छन्। स्थानीय पर्यटन व्यवसायीहरूका अनुसार यस्ता उच्चस्तरीय भ्रमण र सकारात्मक प्रतिक्रियाहरूले पोखराको छवि अझ सुदृढ बनाउन मद्दत पु¥याउनेछ। निजी तथा अनौपचारिक भए पनि पूर्व राजपरिवारको उपस्थिति र उनीहरूले दिएको सन्देशले पर्यटन प्रवद्र्धनमा महत्वपूर्ण योगदान पुग्ने अपेक्षा गरिएको छ।
दयाशंकर पालिखे पत्रकारिता सम्मान सूर्यचन्द्र र कृष्णमणिलाई

पोखरा, वैशाख १५ नेपाल पत्रकार महासंघ कास्कीले सञ्चालन र दयाशंकर पालिखेका परिवारद्वारा स्थापना गरिएको प्रजातन्त्र सेनानी दयाशंकर पालिखे पत्रकारिता सम्मानबाट पत्रकार सूर्यचन्द्र बस्नेत र कृष्णमणि बराललाई सम्मान गरिने भएको छ । पत्रकार महासंघ कास्कीका अध्यक्ष माधवप्रसाद बरालको अध्यक्षतामा सोमबार बसेको बैठकले प्रतिभा छनोट समितिले २०८१ बाट पत्रकार बस्नेत र २०८२ बाट पत्रकार बराललाई सम्मान गर्न गरेको सिफारिसलाई अनुमोदन गरेको हो । पुरस्कारको राशि १ लाख १ हजार १ सय ११ रुपैंयाँ, दोसल्ला र सम्मान पत्र छ । पत्रकारद्वयलाई आगामी वैशाख २२ गते दयाशंकर पालिखेको स्मृति दिवसको दिन सम्मान गरिने पत्रकार महासंघ कास्कीका सचिव भूपाल गुरुङले जानकारी दिए । प्रतिभा छनोट समितिमा पत्रकार महासंघ कास्कीका पूर्वअध्यक्ष तथा प्रेस स्वतन्त्रता सेनानी रवीन्द्रनाथ बास्तोला, प्रेस स्वतन्त्रता सेनानी नवराज सुवेदी, पत्रकार महासंघ कास्कीका पूर्वअध्यक्ष रामकृष्ण ज्ञवाली र पत्रकार महासंघ कास्कीका अध्यक्ष माधवप्रसाद बराल र सचिव भूपाल गुरुङ सदस्य थिए । तनहुँको व्यास नगरपालिका वडा नम्बर २ दमौलीमा जन्मिएका बस्नेत विगत ३० वर्षदेखि पत्रकारितामा सक्रिय छन् । राष्ट्रिय समाचार समितिमा वरिष्ठ सम्पादकको रुपमा कार्यरत बस्नेतले राष्ट्रपुकार साप्ताहिक, हिमालय टाइम्स, नेपाल समाचारपत्र र आदर्श समाज दैनिकमा पनि काम गरेका थिए । पोखरा ७ नुवारथोकमा जन्मिएका बराल २०५५ सालदेखि पत्रकारिमा सक्रिय छन् । बराल बिबिसी नेपाली सेवा, अन्नपूर्ण पोस्ट दैनिक र इनेचर न्युज डटकममा कार्यरत छन् । बरालले दी हिमालय टाइम्स, समाधान दैनिक, देशान्तर साप्ताहिक, नेपाली टाइम्स पनि काम गरेका थिए । पत्रकाद्वयलाई पत्रकारितामार्फत् समाज, राष्ट्र र लोकतन्त्रमा पु¥याएको योगदान स्वरुप सम्मान गर्न लागिएको अध्यक्ष बरालले बताए ।

Breaking News

Samaya Dristi

Best News Site from Nepal

Main Menu