जीवन राईको नेतृत्वमा निर्वाचन आयोगमा नयां पार्टी (एकीकृत) दर्ता

जेठ ९ गते २०७८

जीवन राईको नेतृत्वमा निर्वाचन आयोगमा नयां पार्टी (एकीकृत) दर्ता

काठमाडौं,०९ जेठ ।

नेकपा एमालेका युवा नेता जीवन राईको नेतृत्वमा निर्वाचन आयोगमा नेपाल कम्युनिस्ट पार्टी ९एकीकृत० दर्ता भएको छ । वैशाख ७ गते दल दर्ताको निवेदन दिए पनि प्रमाणपत्र पाउन बाँकी रहेको छ । निर्वाचन आयोग स्रोतका अनुसार नेकपा ९एकीकृत०को उपाध्यक्षमा कल्पना गुरुङ,महासचिव विनोद खुलाल,सचिव ऐनविक्रम कुँवर र कोषाध्यक्ष सुशील खनाल रहेको पदाधिकारी दर्ता भएका छन् ।

माधव नेपाल पक्षले नयाँ पार्टी दर्ता गर्ने तयारी भइरहेका बेला नेपाल निकट युवा नेताहरुले दर्ता गराएको नेकपा एकीकृत नै माधव नेपालको पार्टी बन्न सक्ने अनुमान गरिएको छ ।

युवापुस्ता माझलोक प्रिय गायक शुसान्त घिमिरे लाइभ कन्सर्टका लागि पोखरा आउदै

Samaya Dristi 6 months ago

पोखरा, २७ भदौ युवापुस्ता माझ प्रिय गायक शुसान्त घिमिरे आफ्ना गीत सहित पोखरा आउदै छन् । युवाहरुलाई मनोरञ्जन दिदै नचाउनका लागि पोखरा लेकसाइडमा रहेको प्याराडिसो स्पोर्टस् बार एन्ड ग्रिलमा... Read More

कुष्ठरोग निवारणमा गण्डकी प्रदेशको प्रगति सन्तोषजनक

Samaya Dristi 4 years ago

कमल पौडेल अथक पोखरा १८, माघकुष्ठरोग निवारणमा गण्डकी प्रदेशको प्रगति सन्तोषजनक रहेको स्वास्थ्यकर्मीहरुले दावी गरेका छन् ।प्रदेश स्वास्थ्य निर्देशनालय गण्डकीद्धारा शनिवार पोखरामा आयोजित छलफल कार्यक्रममा वोल्ने स्वास्थ्यकर्मीहरुले सो दावी... Read More

गण्डकीमा एमालेले बनायो छायाँ सरकार

Samaya Dristi 4 years ago

पोखरा,३० साउन । गण्डकी प्रदेशसभाको प्रमुख विपक्षी दल नेकपा एमालेले छायाँ सरकार गठन गरेको छ । प्रदेश संसदीय दलको शुक्रबार बसेको बैठकले ९ सदस्यीय छायाँ सरकार बनाएको हो ।... Read More

नेपालमा खोप प्राप्त भएको एक हप्ताभित्र वितरण

Samaya Dristi 4 years ago

काठमाण्डौ, २७ पुष । नेपालमा कोरोना भाइरसविरुद्धको खोप प्राप्त भएको एक हप्ताभित्र वितरणको अभियान सुरु हुने भएको छ । स्वास्थ्य तथा जनसङ्ख्यामन्त्री हृदयेश त्रिपाठीले एक करोड ७० लाख खोपको... Read More

आजको खबर

माछापुच्छ्रे गाउँपालिका टेबुलटेनिस संघ गठन

पोखरा । गण्डकी प्रदेश तथा कास्की जिल्ला टेबुलटेनिस संघको सक्रियतामा माछापुच्छ्रे गाउँपालिका खेलकुद विकास समितिको आयोजनामा विहिबार भएको भेलाले युवराज अधिकारीको अध्यक्षतामा १३ सदस्यीय माछापुच्छ्रे गाउँपालिका टेबुलटेनिस संघ गठन भएको छ । संघको उपाध्यक्षमा सविता अधिकारी, सचिवमा सुजन नेपाली, कोषाध्यक्षमा गंगा गौतम अधिकारी, सहसचिवमा दीपेन्द्र नेपाली र सदस्यहरुमा खुशीराम नेपाली, विमल शाही, हेमन्त बहादुर शाही, सुजन घर्ति मगर, पुरन गुरुङ, राजु सार्की, साजन अधिकारी र शिला विक चयन भएका छन् । सो अवसरमा गण्डकी प्रदेश टेबुलटेनिस संघका अध्यक्ष उत्तम जोशीले ग्रामिण भेगमा रहेका युवाहरुलाई खेलकुदमा आवद्ध गराउन राज्यले उचित व्यवस्था गर्न आवश्यक रहेको वताउँदै खेलकुद प्रति युवालाई उत्साहित गराई खेलाडि उत्पादनमा गाउँपालिकाहरुले भूमिका महत्वपूर्ण रहेकोले पालिका स्तरमा खेलकुद संघ स्थापना गर्न पहल गर्नुपर्ने वताए । सो अवसरमा माछापुच्छ्रे गाउँपालिका वडा नं। ४ का वडा अध्यक्ष मधुसुधन अधिकारी, कास्की जिल्ला टेबुलटेनिस संघका अध्यक्ष गौतम राज लामा, गण्डकी प्रदेश टेबुलटेनिस संघका सचिव अनुष कुँवर, नि। सचिव कृष्ण रानाभाट, सदस्यहरु दिपक राज गिरी र ई। प्रकाश वाग्ले, नवनिर्वाचित गापा अध्यक्ष युवराज अधिकारी लगायतले माछापुच्छ्रे गाउँपालिकामा टेबुलटेनिस संघको सम्भावना वारेमा बोलेका थिए । माछापुच्छ्रे गाउँपालिका खेलकुद विकास समितिका संयोजक हुम बहादुर गुरुङको अध्यक्षतामा भएको कार्यक्रमको संचालन युवराज अधिकारीले गरेका थिए ।
हरित रोजगारी सिर्जना परियोजना अन्तरगत कोसेली घरको शिलान्यास

पोखरा ४, चैत्र । कोरिया अन्तर्राष्ट्रिय सहयोग नियोग ९कोइका० र संयुक्त राष्ट्रसंघिय विकास कार्यक्रम ९युएनडिपी० को आर्थिक सहयोगमा पोखरामा सञ्चालन हुने रिसाइक्लिङ र अपसाइक्लिङ मार्फत हरित रोजगारी सिर्जना परियोजना अन्तरगत कोसेली घरको शिलान्यास गरिएको छ । कोसेली घरको पोखरा महानगरपालिकाका प्रमुख धनराज आचार्य, उपप्रमुख मन्जुदेवि गुरुङ, कोइका नेपालका कन्ट्री डाइरेक्टर मोहेन कोङ, युएनडिपीका एसिया क्षेत्रीय निर्देशक क्रिस्टोफर बहाइटले संयुक्त रूपमा पोखरा नयाँबजार स्थित प्रदर्शनी केन्द्रमा शिलान्यास गर्नुभएको हो । शिलान्यास समारोहलाई सम्बोधन गर्दै नगर प्रमुख आचार्यले हरित रोजगारी सृजनासँगै चक्रीय अर्थतन्त्रको निर्माणमा यसले महत्त्वपूर्ण योगदान गर्ने विश्वास व्यक्त गर्नुभयो । फोहोरमैलाको व्यवस्थापन निकै चुनौतीपूर्ण भइरहेका बेला यसलाई मोहोरमा बदल्ने गरी महानगर क्षेत्रका १३६ वटा समूहहरू मार्फत पुनः प्रयोगमा आउने सामाग्रीहरू निर्माण गरी आर्थिक रूपमा सामुदायिक सशक्तीकरण समेत हुने उहाँको विश्वास छ । ‘विभिन्न चरणमा हामीले पोखरा महानगरपालिकाका १३६ वटा सामुदायिक समूहहरू निर्माण गरी आवश्यक तालिम तथा प्राविधिक दक्षता अभिवृद्धिको कार्यक्रम गरीसकेका छौँ, उहाँले भन्नुभयो, यसले सामुदायिक स्तरमा रोजगारी सृजना र चक्रीय आर्थिक प्रणालीमा जोडिने अवसर समेत प्रदान गर्नेछ ।’ विदेश पलायन भइरहेको युवा शक्ति र गृहिणी महिलाहरूका लागि समेत हरित रोजगारी सृजना महत्त्वपूर्ण रहेको उहाँले बताउनुभयो । ‘यस परियोजनाले युवाहरूलाई रोजगारीसँग जोड्ने छ भने, फोहोरबाट मोहोर पनि आर्जन हुनेछ ।’ नगर प्रमुख आचार्य भन्नुभयो । परियोजनाको पहिलो चरणमा ३ हजार बढी प्रत्यक्षरअप्रत्यक्ष रोजगारी सृजना हुने उहाँले बताउनुभयो । कोइका नेपालका कन्ट्री डाइरेक्टर मोहेन कोङले पोखरा महानगरपालिका र कोइका बिचको सहकार्य तथा समझदारीलाई बलियो बनाउँदै यस परियोजनाले नयाँ उचाइ प्रदान गर्ने विश्वास व्यक्त गर्नुभयो । नेपालको पर्यटन राजधानी पोखरामा रिसाईकल र अपसाइकल मार्फत हरित रोजगारी सृजनाको नमुनाका रूपमा विकास गर्न यो परियोजना कोषेढुङ्गा साबित हुने कोङ्ले उल्लेख गर्नुभयो । ग्रिन जब क्रियसन संसारमा निकै प्रभावकारी परियोजनाका रूपमा अगाडी आएको उहाँले बताउनुभयो । संयुक्त राष्ट्रिय विकास कार्यक्रम ९युएनडिपी० का एसिया क्षेत्रीय निर्देशक क्रिस्टोफर बहाइटले हरित अर्थतन्त्रमा योगदान पुर्‍याउने दिगो रिसाइकल र अप–साइकल ९आरयू० उद्यमहरूलाई बढवा दिन यो परियोजना प्रभावकारी हुने बताउनुभयो । उहाँका अनुसार यसले आरयू उद्यमहरूको क्षमता निर्माण गरी हरित रोजगारी सिर्जना गर्न सहयोग गर्नेछ । परियोजना मार्फत ग्रिन भेन्चर जोन ९जीभीजेड० स्थापना गरी नयाँ तथा आरयू उद्यमहरूलाई व्यवसाय इन्क्युबेशन सहायता ९वित्तीय, प्राविधिक र बजार० प्रदान गरिने उहाँले बताउनुभयो । पोखरा महानगरपालिकाकी उपप्रमुख मन्जुदेवी गुरुङले स्वच्छ पोखरा, हरित पोखरा निर्माणसँगै हरित रोजगारी सृजनामा समेत यो परियोजनाले उल्लेखनीय भूमिका खेल्ने विश्वास व्यक्त गर्नुभयो । कास्कीका प्रमुख जिल्ला अधिकारी भरतमणि पाण्डेले पर्यटन राजधानी पोखराका लागि परियोजना रोजगारी सृजनाको नयाँ प्रयोगका रूपमा प्रभावकारी हुने बताउनुभयो । पोखरा उद्योग वाणिज्य सङ्घका अध्यक्ष गोकर्ण कार्कीले यो परियोजना पोखराका लागि रोजगारी सृजना, सिकाई प्रवर्द्धन र उत्पादनका हिसाबले महत्त्वपूर्ण हुने बताउनुभयो । परियोजनामा कोइकाले ९।८ मिलियन अमेरिकी डलर र युएनडिपीले ०।८७ मिलियन अमेरिकी डलर लगानी गर्नेछन् । १ वर्ष ६ महिनामा निर्माण सम्पन्न गर्ने गरी कोसेली घर निर्माणको ठेक्का इन्टरनेश्नल इन्जिनियरिङ एन्ड कन्स्ट्रक्सन कम्पनी अनामनगर काठमाण्डौले पाएको छ । परियोजनाले नकुहिने फोहोर प्रशोधन सहित फोहोरबाट नयाँ चिजहरू उत्पादन गर्नेछ । यसलाई सिकाई केन्द्रका रूपमा विकास गरिने र पोखराका लागि एक पर्यटन गन्तव्यका रूपमा समेत यो स्थापित हुने विश्वास गरिएको छ । फोहोरमैलाको उचित व्यवस्थापन मार्फत हरित रोजगारी सृजना र चक्रीय अर्थतन्त्रको सृजनशील उपयोग आम समुदायका लागि निकै महत्त्वपूर्ण मानिन्छ । हरित अर्थतन्त्रमा योगदान पुर्‍याउने आरयू उद्यमहरूलाई बढवा दिन दिगो नीतिको सुनिश्चितता सहित महानगरपालिकाले परियोजनाको स्वामित्वमा लिनेछ । ३० अगस्ट २०२३ मा नगर प्रमुख आचार्य र कोइकाका उपप्रमुख युन यंग ली बिच सम्झौता भएको थियो ।
चुनाव र मलाई मन-नपर्ने भाषा :लड्ने हो?

पोखरा -०४, फागुन । बिश्वबिद्धालयहरुमा स्ववियु-चुनावको माहोल छ। चिने जानेकै अनुहारहरु चुनावमा होमिएका छ्न्। जसरी फिलिम हलमा लागिसकेपछी अब सबैकुरा भगवानरुपि दर्शकको हातमा छ… भन्दै चलचित्रकर्मीहरुले कहन्छन् त्यसैगरी उनिहरुको भविष्य हामी आम विद्यार्थीको हातमा छ। भोट; सहभागिता र हाम्रोअस्तित्वको विम्ब हो,हाम्रो भोट। माटोसम्म पुग्ने पद्धति हो। यसको औचित्य ,आवश्यकता र प्रभाव बारे गहन भएर सोच्नु आवश्यक छ। म त सबैलाई आग्रह गर्छु , भोट अनिवार्य छ, स्व.वि.यु आवश्यक छ। यो हाम्रो भविष्यसंग जोडिएको कुरा हो ।त्यसैले नेतृत्व चयन गर्दा यी कुराहरू ध्यान दिनुहोस्: •तपाईंको आवाज वा समस्या उसलाई सहजै सुनाउन सकिन्छ? के उसले तपाईंको आवाजलाई उचित न्याय दिन सक्छ? •उसमा कतै लुकेको राजनीतिक स्वार्थ त छैन? के ऊ विद्यार्थीहरूको लागि एक सक्षम नेता बन्न योग्य छ? •तपाईंको भोटले लिङ्ग, भाषा, वर्ग, भूगोल, विभाग, र विचारलाई समेट्छ? तपाईं जस्तै सबै विद्यार्थीको आवाज सुन्ने क्षमता उसले राख्छ? बिचारको युगमा बिचारले न्याय पाउन आवश्यक छ।निस्वार्थ, साहसी, र ईमानदार नेतालाई भोट दिनु हाम्रो कर्तव्य हो। एजेन्डा; घोषणापत्र सबैको लोभलाग्दो हुन्छन् नै इतिहास साक्षी छ, अनुभव साथमा छ। बिबिधतामा एकता भन्दै सुन्दर फुलबारिको परिकल्पना गर्न हामिलाई सिकाएको छ,हाम्रै बिधालयले। चेत र विवेक अनिवार्य छ। चुनाव; यो कुनै लडाइँ होइन, यो त प्रकृया हो। माटोले के भन्छ, कुन बाली उब्जन सक्छ भन्ने परिक्षण हो। यसलाई मनमा कसिलो गाठो बनाएर एकअर्काबिंच मन-मुताव, आरोप-प्रत्यारोपण गरि अरुलाई तल देखाउने र आफू माथी उठ्ने परिपाटीबाट हामीमा झनै वृतृष्णा बाहेक अरु केही उत्पन्न हुदैन। परम्परागत र बैकल्पिक भन्ने सबै मिलेर शान्त र सभ्य भई आफ्नो दृस्ठिकोणलाई सुदृढ प्रकृयामा प्रस्तुत गर्ने मार्गनिर्देशिका आवश्यक छ। बिश्व-बिधालय; माटोलाई विभिन्न आकार दिई राष्ट्रहितमा समर्पित गर्ने र बिचार-बिमर्श, कला-सृजना र चेतनालाई निखार्ने एउटा पवित्र मन्दिर हो। जहाँ कुनै पनि स्वार्थले स्थान पाउनु हुदैन। परिस्कृत शिक्षा प्रणाली र बिद्यार्थीको नैतिक-ब्याक्तित्व बिकासमा जोड दिनुपर्ने आवश्यक देखिन्छ। त्यसैले हामी बिद्यार्थी नै सजक हुनु आवश्यक छ। हाम्रो एक भोटले नै हाम्रो भविष्य बनाउने हो। कमि कमजोरीलाई नियाल्दै परिवर्तनको आवाजलाई बलियो बनाउन स्व.वि.यु आवस्यक छ।
फागुपूर्णिमा पोखरा(फोटो फिचर)

विशेष गरी नेपाल र भारतमा होली राष्ट्रिय पर्वका रूपमा मनाइन्छ। नेपालका पहाडी क्षेत्रमा पूर्णिमाकै दिन फागु पूर्णिमा होली खेल्ने परम्परा रहेको छ भने तराईका अधिकांश क्षेत्रमा फागु पूर्णिमा मा मिथिलाको परिक्रमा पूरा भएपछि मात्र होली खेल्ने गरिन्छ।

Breaking News

Samaya Dristi

Best News Site from Nepal

Main Menu