फोटोग्राफर एसोसियशन तनहुँमा कुमाल

भाद्र २९,पोखरा
र एसोसियशन तनहुँको ११ औं साधारण सभा तथा तेस्रो जिल्ला अधिवेशन मा आलोक कुमाल निर्विरोध अध्यक्षमा चुनिएका छन् । यसैगरी प्रथम उपाध्यक्षमा दिपक खाती, द्धितिय उपाध्यक्षमा विष्णुमाया डल्लाकोटी सचिवमा अश्विन किशोर श्रेष्ठ, कोषाध्यक्षमा राज कुमार रानाभाट सह–सचिवमा कलावति कमली नहर्की सदस्यहरुमा सुदिप पौडेल, याम बहादुर थापा, आकाश कार्की, रुप बहादुर बयलकोटी, सुशील कुमार श्रेष्ठ, सञ्जय गुरुङ्ग, प्रतिज्ञा पण्डित, विष्णु शर्मा पोख्रेल निर्विरोध निर्वाचित भएका छन् । सोहि वन्द शत्रबाट खुम बहादुर राई र प्रेमराज श्रेष्ठ प्रदेश पार्सदको रुपमा चयन भएका छन् ।

फोटोग्राफर एसोसियशन तनहुँको यही २०७९ भाद्र २५ गते ११ औं साधारण सभा तथा तेस्रो जिल्ला अधिवेशन सम्पन्न भएको हो । एसोसियशन तनहुँका अध्यक्ष बलभद्र श्रेष्ठको अध्यक्षतामा भएको उक्त कार्यक्रमका प्रमुख अतिथि फोटोग्राफर संघ गण्डकीका अध्यक्ष दुर्गा प्रसाद पौडेल ज्यूबाट पानसमा दियो तथा व्यानरको फोटो खिचि उद्घाटन गर्नु भएको थियो । कार्यक्रममा फोटोग्राफर एसोसियशन तनहुँ का उपाध्यक्ष आलोक कुमालले स्वागत मन्तव्य राख्नु भएको थियो । कार्यक्रममा फोटोग्राफर एसोसियशनका सदस्य एवं बन्दिपुर नगर विकास समितिका सदस्य विष्णुमाया डल्लाकोटी, नि–वर्तमान उपाध्यक्ष कुमार मोहन श्रेष्ठ, प्रदेशका सचिव तुलसीराम सुवेदी, उपाध्यक्ष एवं पर्वतका अध्यक्ष नारायण बहादुर के।सी।,सल्लाहकार गणेश छवि, पोखरा फोटोग्राफर संघका उपाध्यक्ष भक्त तामाङ रिपोटर्स क्लव पूदेश अध्यक्ष मदन वाग्ले नेपाल फोटोपत्रकार महासंघ का अध्यक्ष गोरा मिया लगायतका वक्ताहरुले शुभकामना मन्तव्य राख्नु भएको थियो । सोहि कार्यक्रममा फोटोग्राफर एसोसियशन तनहुँका पूर्व संस्थापक अध्यक्ष हरि कुमार श्रेष्ठ, पूर्व अध्यक्ष दामोदर मिश्र, पूर्व सदस्य शम्भु अधिकारी एवं बन्दिपुर नगर विकास समितिका सदस्य विष्णुमाया डल्लाकोटीलाई सम्मान गरिएको थियो । फोटोग्राफर एसोसियशन तनहुँको उक्त कार्यक्रममा फोटोको महत्वका विषयमा प्रमुख अतिथिले भावि दिनमा अझै फोटोको महत्व बढेको र प्रविधिका बारेमा अझै निखारता ल्याउनु पर्ने जानकारी पनि गराउनु भएको थियो । यसैकार्यक्रममा फोटोग्राफर एसोसियसन तनहुका का सचिव विष्णु पराजुलीबाट आफ्नो बुवा आमाको सम्झनामा शालिकराम शिव पुरस्कार अक्षयकोष स्थापना गर्नु भएको छ भने सो पुरस्कार फोटोग्राफर एसोसियशन तनहुँद्वारा २÷२ वर्षमा उत्कृष्ट फोटोग्राफर तथा फोटो पत्रकारहरुलाई प्रदान गरिने पनि जानकारी गराउनु भएको थियो । कार्यक्रम संस्थाका सह–सचिव दिपक खाती ले सन्चालन गरेका थिए

आजको खबर

कर्मले कोरेको पहिचान, संघर्षले डोर्याएको यात्रा विन्दुकुमार थापा

पोखरा । राजनीतिमा आउने बाटो सबैका लागि एउटै हुँदैन। कोही विद्यार्थी राजनीतिबाट नेतृत्वमा पुग्छन्, कोही सामाजिक अभियान हुँदै राजनीतिक यात्रामा प्रवेश गर्छन्। तर व्यवसाय र व्यावसायिक क्षेत्रबाट आफ्नो पहिचान बनाउँदै प्रदेश राजनीतिमा स्थापित भएका पात्रमध्ये एक हुन् विन्दुकुमार थापा। नेपाल राष्ट्र बैंकको कर्मचारीका रूपमा व्यावसायिक जीवन सुरु गरेका थापा अहिले गण्डकी प्रदेशको राजनीतिमा परिचित नाम हुन्। राष्ट्र बैंकको जागिर, सानो व्यापार, अटोमोबाइल व्यवसाय, घरजग्गा कारोबार र उद्योग वाणिज्य क्षेत्रको नेतृत्व हुँदै उनले राजनीतिक यात्रा अघि बढाएका हुन्। दुईपटक प्रत्यक्ष निर्वाचन जितेर प्रदेशसभा सदस्य बनेका उनी दुई फरक कार्यकालमा प्रदेश सरकारको मन्त्रीसमेत बने। बाल्यकाल र पारिवारिक पृष्ठभूमि विन्दुकुमार थापाको जन्म पोखरामा भएको हो। उनको बाल्यकाल पोखराको नयाँबजार क्षेत्रमा बितेको थियो। उनी चन्द्रबहादुर थापा र चन्द्रकला थापाका जेठा छोरा हुन्। उनका बुबा चन्द्रबहादुर नेपाली सेनामा कार्यरत थिए। थापाले प्रारम्भिक शिक्षा महेन्द्र माध्यमिक विद्यालयबाट प्राप्त गरेका थिए भने माध्यमिक तहको अध्ययन बाराही माध्यमिक विद्यालयमा पूरा गरेका थिए। त्यसपछि उनले पृथ्वीनारायण क्याम्पसमा अध्ययन गरे। उनले कानुन विषयमा स्नातक तह पूरा गरेको सार्वजनिक जीवनीमा उल्लेख छ । थापा अधिवक्ता समेत हुन् । सैनिक परिवारमा हुर्किएका थापाको प्रारम्भिक जीवन पोखराकै सामाजिक तथा व्यावसायिक वातावरणमा बित्यो। अध्ययन पूरा गरेपछि उनले रोजगारीको खोजी गर्दै बैंकिङ क्षेत्रमा प्रवेश गरे। राष्ट्र बैंकको जागिर र जीवनको पहिलो मोड वि।सं। २०५३ सालदेखि व्यवसायिक यात्रा सुरु गरेका थापा अंशुवरा ग्रुपका अध्यक्ष हुन् । थापाको व्यावसायिक यात्राको सुरुवात नेपाल राष्ट्र बैंकको पोखरा शाखाबाट भयो। उनले करिब १८ वर्ष राष्ट्र बैंकमा कर्मचारीका रूपमा काम गरे। बैंकमा काम गर्दा आर्थिक गतिविधि, वित्तीय कारोबार र व्यावसायिक क्षेत्रलाई नजिकबाट बुझ्ने अवसर पाएको उनी आफैँले विभिन्न अन्तर्वार्तामा बताएका छन्। तर जागिरबाट प्राप्त हुने आम्दानीले परिवारका आवश्यकता र भविष्यका योजनालाई सहज रूपमा पूरा गर्न नसकेको उनको अनुभव थियो। छोराछोरीलाई राम्रो शिक्षा दिने र परिवारको आर्थिक अवस्था सुधार गर्ने चाहनाले उनलाई जागिरभन्दा बाहिरको बाटो रोज्न प्रेरित ग¥यो। २०६० सालमा राष्ट्र बैंकको जागिरबाट अवकाश लिएपछि उनले व्यवसाय सुरु गरे। नियमित जागिर छाडेर अनिश्चित व्यावसायिक क्षेत्रमा प्रवेश गर्नु उनका लागि जीवनको महत्त्वपूर्ण निर्णय थियो। सानो व्यापारबाट व्यवसाय विस्तारसम्म राष्ट्र बैंकको जागिर छाडेपछि थापाले सुरुमा किराना पसल सञ्चालन गरे। तर व्यापारमा उधारो कारोबार बढ्दा अपेक्षाअनुसार आम्दानी हुन सकेन। लगानी गरेको रकमसमेत डुबेको अनुभव उनले सार्वजनिक अन्तर्वार्तामा सुनाएका छन्। त्यसपछि उनी मोटरसाइकल तथा अटोमोबाइलको कारोबारमा प्रवेश गरे। मोटरसाइकल र गाडीको किनबेचसँगै उनले अटोमोबाइल व्यवसायलाई अघि बढाउने प्रयास गरे। पोखरामा पहिलो पटक अटोमोबाइल व्यवसायलाई भित्र्याउन उनको महत्वपूर्ण योगदान छ । सो क्षेत्रको नेतृत्वदायी भूमिकामा पुगि पोखराको अटोमोबाइल व्यवसायिक क्षेत्रलाई विस्तार गर्न उनी अहोरात्र खटिएका छन् । अटोमोबाइल क्षेत्रमा पनि अपेक्षित सफलता नपाएपछि उनी साथीहरूसँग मिलेर घरजग्गा कारोबारमा संलग्न भए। घरजग्गा व्यवसायबाट आर्थिक अवस्था सुधार हुँदै गएको र यसले पहिलेको ऋण तिर्नसमेत सहयोग गरेको उनले बताएका छन्। समयक्रममा उनको व्यावसायिक संलग्नता अटोमोबाइल, रियलस्टेट, आवास, व्यापारिक मल, वित्तीय संस्था, होटल तथा आतिथ्य क्षेत्रसम्म विस्तार भयो। व्यवसाय विस्तारसँगै उनले रोजगारी सिर्जना र सामाजिक क्षेत्रमा पनि आफ्नो संलग्नता बढाएको बताउँदै आएका छन्। उनका अनुसार व्यवसायबाट आर्जित आम्दानीको केही हिस्सा सामाजिक काममा खर्च गर्ने उनको अभ्यास रहँदै आएको छ। उद्योग वाणिज्य क्षेत्रको नेतृत्व व्यवसायमा सक्रिय रहँदै गर्दा थापा पोखराको उद्योग वाणिज्य क्षेत्रको नेतृत्वमा पनि पुगे। पोखरा उद्योग वाणिज्य संघमा उनले लामो समय विभिन्न जिम्मेवारीमा रहेर काम गरे। सदस्य हुँदै सचिव, उपाध्यक्ष र अन्ततः अध्यक्षसम्मको जिम्मेवारी सम्हाले। २०७१ सालदेखि २०७३ सालसम्म उनले पोखरा उद्योग वाणिज्य संघको अध्यक्षका रूपमा नेतृत्व गरे। उद्योगी तथा व्यवसायीका समस्या, व्यापारिक वातावरण, निजी क्षेत्रको विकास र व्यवसायमैत्री नीतिका विषयमा उनले संस्थागत रूपमा काम गर्ने अवसर पाए। त्यसैगरी नेपाल अटोमोबाइल डिलर्स एसोसिएसन ९नाडा० को उपाध्यक्ष, पश्चिमाञ्चल अटोमोबाइल डिलर्स एसोसिएसनको सल्लाहकार तथा नेपाल–रसिया चेम्बर अफ कमर्स एन्ड इन्डस्ट्रीको गण्डकी च्याप्टर, विक्तिय संस्था अन्तर्गत २०७३ सालमा फेवा विकास बैंकको अध्यक्ष हुँदै उनले गण्डकी विकास बैंकको समेत नेतृत्वदायी जिम्मेवारी निर्वाह गरेका थिए। व्यावसायिक संघसंस्थामा काम गर्दा प्राप्त गरेको संगठनात्मक अनुभव नै उनको राजनीतिक प्रवेशको एउटा आधार बन्यो। पोखरा अन्तर्राष्ट्रिय विमानस्थल निर्माणमा स्थानीयस्तरको समन्वय, निजी क्षेत्रको प्रतिनिधित्व, जग्गा अधिग्रहणमा सहजीकरण र विमानस्थल निर्माणका पक्षमा तत्कालिन समयमा पैरवी गरि काम गरेका छन् । व्यवसायबाट राजनीतिमा प्रवेश थापाको पारिवारिक पृष्ठभूमि नेपाली कांग्रेससँग जोडिएको थियो। उनका बुबा तथा अग्रजहरू कांग्रेसप्रति निकट रहेको र आफू पनि पार्टीसँग सम्बन्धित कर्मचारी संगठनमार्फत राजनीतिक गतिविधिमा जोडिएको उनले अन्तर्वार्तामा बताएका छन्। व्यावसायिक क्षेत्रमा स्थापित भएपछि उनी सक्रिय राजनीतिमा प्रवेश गरे। उनको राजनीतिक यात्राको महत्त्वपूर्ण मोड २०७४ सालको प्रदेशसभा निर्वाचन बन्यो। नेपाली कांग्रेसले उनलाई कास्की निर्वाचन क्षेत्र नम्बर २ को प्रदेशसभा ९ख० बाट उम्मेदवार बनायो। त्यतिबेला वाम गठबन्धनको बलियो प्रतिस्पर्धाका बीच उनले नेकपा माओवादी केन्द्रका उम्मेदवार राजकाजी गुरुङ ’करण’लाई पराजित गरे। थापाले १० हजार ७२६ मत प्राप्त गर्दा गुरुङले ९ हजार ९२४ मत पाएका थिए। यसरी उनी पहिलोपटक गण्डकी प्रदेशसभामा निर्वाचित भए। यतिबेला कास्कीमा नेपाली काँग्रेसबाट विजयी हुने उनी एक्ला सांसद थिए । पहिलो कार्यकाल स् कानुन निर्माण र मन्त्रीको जिम्मेवारी प्रदेशसभा सदस्य भएपछि थापा प्रदेशको कानुन निर्माण तथा संसदीय काममा सक्रिय भए। गण्डकी प्रदेशमा नयाँ प्रदेश संरचनालाई संस्थागत गर्न आवश्यक कानुन निर्माण गर्नु पहिलो कार्यकालको महत्त्वपूर्ण जिम्मेवारी थियो। २०७८ सालमा उनी गण्डकी प्रदेश सरकारको कानुन, सञ्चार तथा प्रदेशसभा मामिला मन्त्री बने। उनको कार्यकालमा प्रदेशका लागि आवश्यक कानुन निर्माण, सञ्चार क्षेत्रको व्यवस्थापन र प्रदेशसभा सञ्चालनसँग सम्बन्धित विषयमा काम गर्ने जिम्मेवारी थियो। प्रदेश सरकारको पहिलो कार्यकालमा कानुन निर्माणसँगै संघीयता कार्यान्वयन, प्रदेशको अधिकार र संस्थागत संरचना स्थापित गर्ने विषयमा समेत उनको महत्त्वपूर्ण भूमिका रहयो । दोस्रोपटक निर्वाचन र पुनः मन्त्री २०७९ सालको प्रदेशसभा निर्वाचनमा नेपाली कांग्रेसले थापालाई पुनः कास्की क्षेत्र नम्बर २ को प्रदेशसभा ९२० बाट उम्मेदवार बनायो। यसपटक उनले नेकपा एमालेकी उम्मेदवार मीना गुरुङलाई पराजित गर्दै दोस्रोपटक प्रदेशसभा सदस्यमा निर्वाचित भए। दोस्रो कार्यकालमा उनी गण्डकी प्रदेश सरकारको सामाजिक विकास तथा स्वास्थ्य मन्त्रालयको जिम्मेवारीमा पुगे। मन्त्रालयको संरचना र जिम्मेवारी परिवर्तनसँगै उनले सामाजिक विकास, युवा तथा खेलकुद मन्त्रालयको नेतृत्व गरे।यस मन्त्रालयअन्तर्गत शिक्षा, स्वास्थ्य, सामाजिक विकास, युवा तथा खेलकुदसँग सम्बन्धित विभिन्न कार्यक्रम सञ्चालन गर्ने जिम्मेवारी थियो। खेलकुद पूर्वाधारको विकास, खेलाडीको क्षमता अभिवृद्धि, युवा लक्षित कार्यक्रम, स्वास्थ्य सेवा र सामाजिक सुरक्षासँग सम्बन्धित विषय उनको मन्त्रालयको कार्यक्षेत्रमा पर्दथे। मन्त्रीका रूपमा उनले यी क्षेत्रमा नीति, कार्यक्रम तथा बजेट कार्यान्वयनको जिम्मेवारी सम्हाले। उनको कार्यकालको मूल्यांकन गर्दा मन्त्रालयले सञ्चालन गरेका कार्यक्रम, बजेट खर्च, सेवा प्रवाह र नागरिकले प्राप्त गरेको प्रत्यक्ष लाभलाई आधार बनाउनुपर्ने हुन्छ। जसअन्तर्गत गण्डकी प्रदेशको सामाजिक विकास, युवा तथा खेलकुद मन्त्री हुँदा थापा कै पहलमा पोखरामा दीर्घकालीन पुनः स्थापना केन्द्र संचालनमा आयो । पोखरा महानगरपालिका वडा नम्बर ३३ पुष्पबस्तीमा निर्माण भएको केन्द्र सञ्चालनका लागि २०७५ सालमै पोखरा महानगरपालिका र गण्डकी प्रदेश सरकारबिच समझदारी भए पनि कार्यान्वयनमा ढिलो भएको […]

पोखरामा प्रथम ट्रयाङ्कुलिटी स्पा राष्ट्रिय जुनियर टेनिस सुरु, पहिलो दिन २१ खेल सम्पन्न

पोखरा स्पोर्ट्स । पोखरामा प्रथम ट्रयाङ्कुलिटी स्पा राष्ट्रिय जुनियर टेनिस प्रतियोगिता २०२६ सुरु भएको छ । गण्डकी प्रदेश टेनिस संघको आयोजना, नेपाल टेनिस संघको सहकार्य एवं कास्की जिल्ला टेनिस संघको प्राविधिक सहयोगमा पोखरा रंगशालास्थित टेनिस कम्प्लेक्समा बुधबारदेखि सुरु भएको प्रतियोगिताको पहिलो दिन २१ खेल सम्पन्न भएका छन् । प्रतियोगिताको पहिलो दिन ब्वाइज यू–१८ सिंगल्सतर्फ असभ सम्राट हाडाले विजयी सुरुवात गरेका छन् । उनले अभिषेक विकलाई ६–०, ६–१ को सोझो सेटमा पराजित गरे । सोही स्पर्धामा सन्दीप विकले संगम आले मगरलाई ६–०, ६–० तथा सुरेन्द्र विकले दर्शन अधिकारीलाई ६–०, ६–३ ले हराए । ब्वाइज यू–१४ सिंगल्सतर्फ निधय विक्रम रानाले माकर्ब पोखरेललाई ६–०, ६–० ले पराजित गर्दा सौरभ भट्टचनले जोनिल साईलाई ६–२, ६–० र इभान भट्टराईले आदित्य पुन मगरलाई ६–२, ६–४ ले हराए । यू–१६ ब्वाइज सिंगल्समा दर्शन अधिकारीले आयुष माझीलाई ६–०, ६–० ले पराजित गरे । यू–१२ ब्वाइज सिंगल्सतर्फ आरोग्य राईले हेमन्त पुन मगरलाई ६–०, ६–०, आदित्य पुन मगरले जोनिल साईलाई ६–०, ६–३ तथा निधय विक्रम रानाले सौरभ विक्रम रानालाई ६–०, ६–२ ले हराए । यू–१० ब्वाइज सिंगल्समा सोनाम घलेले रिजन रानालाई ६–०, ६–१ र आयान पन्तले दिप्सन पुन मगरलाई ६–२, ६–० ले पराजित गरे । गल्र्सतर्फ यू–१० र यू–१२ दुवै उमेर समूहमा साहारा कायस्थ विजयी भइन् । उनले यू–१० मा सेजल पुन मगरलाई ६–१, ६–० तथा यू–१२ मा अनन्या गुरुङलाई ६–०, ६–० को सोझो सेटमा पराजित गरिन् । यस अघि सो प्रतियोगिताको उद्घाटन प्रमुख प्रायोजक संस्थाका प्रवन्ध निर्देशक रनिल खैँजुले गरे । गण्डकी प्रदेश टेनिस संघका अध्यक्ष विनोद कायस्थको अध्यक्षतामा भएको उद्घाटन कार्यक्रममा प्रतियोगिता संयोजक लोकबहादुर गुरुङ, संघका महासचिव नवीन चालिसेलगायतले प्रतियोगिताले जुनियर खेलाडीको क्षमता विकास र नयाँ प्रतिभा उत्पादनमा महत्वपूर्ण योगदान पु¥याउने विश्वास व्यक्त गरे । कात्तिक २१ गतेसम्म सञ्चालन हुने प्रतियोगितामा विभिन्न उमेर समूहका ४३ खेलाडीले प्रतिस्पर्धा गर्नेछन् । प्रतियोगितालाई ट्रयाङ्कुलिटी स्पाले मुख्य प्रायोजन गरेको छ भने कर्माचार्य बिस्कुट, सुजल फुड्स प्रालि र सोल्टी मिनरल वाटरले सहकार्य गरेका छन् । ट्रयाङ्कुलिटी स्पा देशकै ठूलो स्पा चेन समेत हो ।

नेपथ्य लाइभ इन शुक्लागण्डकीको ‘एजुकेशनल पार्टनर’ मा लिटल गार्डेन

दुलेगौंडा– नेपथ्य लाइभ इन शुक्लागण्डकीको एजुकेशनल पार्टनरमा लिटल गार्डेन इङलिस बोर्डिङ स्कुलले सघाउने भएको छ । शुक्लागण्डकी नगरपालिका–४ दुलेगौंडामा रहेको विद्यालयले ‘एजुकेशनल पार्टनर’ मा सघाउने सम्झौता गरेको हो । बिहीबार नेपथ्य लाइभ इन शुक्लागण्डकीको विज्ञापन संयोजक बुद्धिबहादुर थापा, आयोजक लायन्स क्बल अफ शुक्लागण्डकीका अध्यक्ष देवेन्द्रबहादुर ढुंगानाले विद्यालयकी निर्देशक प्रतिभा लामीछाने पौडेलसँग सम्झौता गरे । शिक्षामा संगीतलाई जोड्न पाएकोमा उत्साहित भएको निर्देशक लामीछानेको भनाइ छ । ‘नेपाथ्य लाइभ इन शुक्लागण्डकीको एजुकेशनल पार्टनर हुन पाएकोमा उत्साहित छौं’, उनले भने, ‘सहकार्यले दुवै क्षेत्रलाई फाइदा पुग्ने विश्वास छ ।’ नेपथ्य लाइभ इन शुक्लागण्डकी सफल हुने उनले बताइन् । विज्ञापन संयोजक बुद्धिबहादुरले शुक्लागण्डकीलाई चिनाउदै शिक्षा क्षेत्रमा सहयोग गर्ने उदेश्यले कार्यक्रम आयोजना गरेको बताए । शिक्षा क्षेत्रबाट प्राप्त सहयोगले हौसला थपेको उनको भनाइ थियो । ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ आगमी मंसिर १२ गते भानुभक्त बहुमुखी क्याम्पसको खेलमैदानमा हुदैछ । शुक्लागण्डकीकै ऐतिहासिक सांगीतिक उत्सवको रुपमा मनाउने तयारी छ । विपन्न वर्गका विद्यार्थीलाई छात्रवृत्ति र शैक्षिक सामग्री सहयोग गर्ने उद्देश्यले कार्यक्रम आयोजना गरेको क्लबका अध्यक्ष ढुंगानाले बताए । कन्सर्टमा १० हजार संगीतप्रेमीलाई झुमाउने तयारी छ । लायन्स इन्टरनेशनलको ‘पढाऊ’ अभियान अन्तर्गत शिक्षा क्षेत्रमा सहयोग पुर्याउने उद्देश्यले साङ्गतिक कार्यक्रम आयोजना गरेको कार्यक्रम संयोजक खुमबहादुर विक ‘राजु’ ले बताए । बचत रकमले विपन्न वर्गका विद्यार्थीहरूलाई छात्रवृत्ति, शैक्षिक सामग्री र पोसाक वितरण गर्ने लक्ष्य रहेको उनले जानकारी दिए । संगीत केवल मनोरञ्जनको माध्यम मात्र नभई समाजलाई जोड्ने, सकारात्मक सन्देश प्रवाह गर्ने र सामाजिक अभियानलाई उकास्ने एक प्रभावकारी माध्यम भएको उनले सुनाए । त्यही माध्यमले तनहुँसहित कास्की, स्याङ्जा, लमजुङ, गोरखा, पाल्पा र आसपासका तमाम संगीतप्रेमी, विद्यार्थी, युवा, व्यवसायी, उद्यमी, पेसाकर्मी तथा सर्वसाधारणलाई एउटै सांगीतिक मञ्चमा जोड्ने दाबी छ ।

सिद्धि गौचनको १६ औं स्मृति दिवसमा थकाली सेवा समिति पुरस्कृत

१२ कार्तिक, पोखरा । समाजसेवी तथा महिला उद्यमी सिद्धि गौचनको १६ औं स्मृति दिवसमा थकाली सेवा समिति नदीपुर–३, पोखरालाई पुरस्कृत गरिएको छ । विभिन्न भू–भागमा रहेका थकाली समुदायको हकहित, संस्कृति संरक्षण र सामाजिक कल्याणका लागि थकालीहरू बीच सामूहिक भावना तथा सहकार्यको वातावरण सिर्जना गरी २०११ सालदेखि पोखरामा सक्रिय रहेको संस्थाले पु¥याएको अतुलनीय योगदानको कदर गर्दै उक्त पुरस्कार अर्पण गरिएको हो । जरो टुप्पो संरक्षण साहित्य समाज नेपालद्वारा आयोजित पुरस्कार अर्पण समारोह बीच संस्थाका अध्यक्ष डा. नारायणप्रसाद अधिकारी, बिम्बकवि रमेश श्रेष्ठ, गण्डकी प्रज्ञा–प्रतिष्ठानका निवर्तमान कुलपति सूर्य खड्का बिखर्ची, कोषका संस्थापक विश्वमोहन गौचनलगायतले १० हजार एकसय १० नगदसहितको उक्त पुरस्कार अर्पण गरे । बिम्बकवि रमेश श्रेष्ठले पोखराकी पहिलो महिला वडाध्यक्ष सिद्धि गौचनले तत्कालीन सभ्य समाज र विकास निर्माणमा पु¥याएको योगदानको चर्चा जति गरे पनि कमै हुने बताए । अक्षयकोषका संस्थापक विश्वमोहन गौचनले जुन घर परिवारमा महिलाको सम्मान हुन्छ त्यो स्वर्ग समान हुने बताए । इन्द्र–हुमा वाङ्मय कोषका संस्थापक सविन जिसीले समाजमा स्तुत्य कार्य गरेका परिवारजनको योगदानको स्मरणका लागि यस्ता कार्यक्रम फलदायी हुने बताए । सम्मानित संस्था थकाली सेवा समिति गण्डकीका अध्यक्ष तेजेन्द्र तुलाचनले सामाजिक संघसंस्थाका लागि प्राप्त हुने सम्मान तथा पुरस्कार मूूल्यसँग तुलना नहुने बताउँदै संस्थाका लागि यो सम्मान बहुमूल्य रहेको धारणा राखे । समाजको भवन स्थापनाकालको स्मरण गर्दै उनले सिद्धि गौचनलाई व्यक्ति एक व्यक्तित्व अनेक भएकी प्रतिभाका रूपमा चिनाए । प्रा.डा. यमबहादुर पौडेल क्षत्रीले थकाली समुदाय बीचको एकता, आपसी सद्भाव र व्यवसायप्रतिको लगाव सबैका लागि प्रेरणापरक भएको धारणा राखे । प्रतिभा चयन समितिका संयोजक कृष्णप्रसाद पौडेलले गौचन परिवारबाट स्थापित अक्षयकोषको आर्जित व्याजबाट डा. वसन्त ताम्रकार, रामकली खड्का र हिमाली सांस्कृतिक परिवार यस अगाडि सम्मानित भइसकेको जानकारी गराए । प्रतिभा चयनका लागि पौडेलको संयोजकत्वमा साहित्यकार दुर्गाबहादुर शाह बाबा र लोकनृत्य निर्देशक बबिता गुरुङ रहेको तीन सदस्यीय समिति गठन गरिएको थियो । कार्यक्रममा गण्डकी प्रज्ञा–प्रतिष्ठानका निवर्तमान कुलपति सूर्य खड्का बिखर्ची, पुतलीबजार प्रज्ञा–प्रतिष्ठानका उपकुलपति दुर्गाबहादुर शाह बाबा, थकाली सेवा समितिका सल्लाहकार हरिध्वज तुलाचन, निवर्तमान अध्यक्ष ई. रुजिन्द्र तुलाचन, प्राध्यापक ज्योति भट्टचन, लागूपदार्थ नियन्त्रण तथा समाज सुधार आमा समूहकी अध्यक्ष भगवती गुरुङले महिला सशक्तिकरणका घरेलु उद्योग, सिलाइबुनाइ, कृषि, शिक्षा, स्वास्थ्य, समाजसेवा, पाककला, साहित्य, संगीत लगायतका विविध आयाममा गौचनले समुदायबाट पहिला अमेरिका पुगेर सिकेर आएको ज्ञान, सीप र कलाले सिङ्गो समुदायलाई व्यवसाय र सेवामा लाग्न प्रेरित गरेको योगदानको स्मरण गरे । समारोहमा साहित्यकार छविलाल आचार्य, विष्णुप्रसाद बास्तोला, टेकनाथ पीडित लगायतले रचना वाचन गरेका थिए ।

Breaking News

Samaya Dristi

Best News Site from Nepal

Main Menu

फोटोग्राफर एसोसियशन तनहुँमा कुमाल

Related Posts

प्रचण्ड–माधव पक्षको आज काठमाडौंमा शक्ति प्रदर्शन

Samaya Dristi 6 years ago

नेपाल अटोमोबाईल्स एसोसिएसनले शुरु गर्यो फेस्टिभ च्यालेञ्ज

Samaya Dristi 2 years ago

गणेशमान फाउण्डेशन गण्डकीद्धारा तनहुँ कारागारका ३२१ जना कैदीलाई फलफूल वितरण

Samaya Dristi 2 years ago

गोनेसाको सहयोगले रुपा गाउँमा उद्यमशीलता

Samaya Dristi 4 years ago

Leave a comment. Cancel reply

हाम्रो बारेमा