नेपाल आइस अन्तराष्ट्रिय हेमजा गोल्डकप –२०७९ को तयारी पुरा (फोटो फिचर)

असार ३ गते २०७९

नेपाल आइस अन्तराष्ट्रिय हेमजा गोल्डकप –२०७९ को तयारी पुरा (फोटो फिचर)

पोखरा , असार । शनिबारदेखि पोखरा महानगरपालिका २५ हेम्जामा हुने नेपाल आइस छैटौं अन्तराष्ट्रिय हेमजा गोल्डकप फुटबल प्रतियोगिताको तयारी पुरा भएको छ ।

हेमजा युनाइटेड क्लबको आयोजनामा हुने ‘छैटौं अन्तराष्ट्रिय हेमजा गोल्डकप–२०७९ आमन्त्रित फुटबल प्रतियोगिता का लागि आवश्यक तयारी पुरा भएको क्लबका अध्यक्ष इन्द्र कुवरँले जानकारी दिए । १ विदेशी सहित ८ टिम सहभागि हुने प्रतियोगितामा भोलिसम्म सबै क्लब पोखरा आइपुग्ने छन । पहिलो पटक गोल्डकपको रुपमा आयोजना गर्न लागिएको प्रतियोगिता लाई सबै तह र तप्का वाट सहयोग गर्न अनुरोध समेत गरे । उनले पोखरामा एक मात्रै आहा १ रारा गोल्डकप फुटबल प्रतियोगिता हुदैँ आइरहेको अवस्थामा पोखराबाट ग्रामिण भेगमा समेत गोल्डकप गर्न सकिने भन्ने सन्देश दिनका लागि प्रतियोगिताको आयोजना गर्न लागेको उनले बताए ।

उनले प्रतियोगितामा ए डिभिजन क्लबका साथै मोफसलमा हुने गोल्डकप फुटबल प्रतियोगिताका विजेता क्लबहरुलाई समेत आमन्त्रण गरेको सुनाए । ‘पोखरा –२५ हेमजा स्थित गौरीशंकर खेल मैदानमा हुने प्रतियोगितामा विभागिय क्लब एपिएफ, चर्च ब्वाइज, विदेशी अफ्रिकनी टिम क्यामरुन, कमलटार, कालिका स्पोट्र्स चितवन, बागमती युवा क्लब सर्लाही, विरगंज युनाइटेड र आयोजक हेम्जा युनाइटेड को सहभागिता रहने भएको कुवरँले जानकारी दिए ।

प्रतियोगिताको विजेताले नगद ६ लाख रुपैयाँको साथमा शिल्ड, मेडल र प्रमाणपत्र प्राप्त गर्नेछन् । भने उपविजेताले नगद ३ लाख रुपैयाँको साथमा शिल्ड, मेडल र प्रमाणपत्र प्राप्त गर्नेछन् । सर्वोत्कृष्ट खेलाडीले ५० हजार रुपैयाँको साथमा ट्रफि प्राप्त गर्नेछन् । सर्वाधिक गोलकर्ताले २५ हजार रुपैयाँ तथा उत्कृष्ट डिफेनडर, फिडफिल्डर, फरवार्ड, गोलरक्षक तथा उदीयमान खेलाडीले २०÷२० हजार रुपैयाँ प्राप्त गर्नेछन् । अनुशासित टिमले २५ हजार रुपैयाँ प्राप्त गर्नेछन् । हेम्जामा क्लबले फुटबल एकेडेमी संचालनार्थ आयोजना गर्न लागेको प्रतियोगिता असार ४ गतेदेखी ११ गतेसम्म संचालन हुनेछ ।
भोली ११ बजे देखी शुरु हुने उद्घाटन खेल भने आयोजक हेमजा यूनाइटेड र बिरगंज यूनाइटेड भिड्ने छन ।

प्रचण्ड भन्छन् हामी अहिले रक्तपातहीन युद्धमा छौं

Samaya Dristi 5 years ago

काठमाडौं,११ फागुन । नेकपा प्रचण्ड-माधव पक्षका अध्यक्ष पुष्पकमल दाहाल ‘प्रचण्ड’ले अहिले पनि आफूहरू युद्धमा रहेको टिप्पणी गरेका छन् । तर, त्यो युद्ध रक्तपातहीन रहेको उनको भनाइ छ । ‘हामी... Read More

नेवाः पत्रकार पुचः कास्कीको अध्यक्षमा अनिशा

Samaya Dristi 3 years ago

६ साउन,पोखरा नेवाः पत्रकार पुचः कास्कीको दोस्रो अधिवेशन शनिबार सम्पन्न भएको छ । नेवाः खलः कास्की नेवाः छेंको सभाहलमा भएको अधिवेशनबाट अनिशा श्रेष्ठ अध्यक्ष पदमा चयन भएकी हुन् ।... Read More

लोकतन्त्र वचाउन कांग्रेसको नेतृत्व आबस्यकः सहमहामन्त्री महत

Samaya Dristi 5 years ago

कमल पौडेल अथकपोखरा १९, चैत्रनेपाली कांग्रेसका सहमहामन्त्री एवं पूर्व परराष्ट्रमन्त्री डा.प्रकाशशरण महत्तले देशमा लोकतन्त्रको रक्षा गर्न नेपाली कांग्रेसको नेतृत्व आवस्यक भएको वताएका छन् ।नेपाल आदिवासी जनजाति संघ जिल्ला समिति... Read More

प्रदेश खेलकुद परिषद गण्डकीको महाशाखा प्रमुखमा आचार्य

Samaya Dristi 2 years ago

पोखरा । प्रदेश खेलकुद परिषद गण्डकीले महाशाखा प्रमुखको रुपमा राम प्रसाद आचार्यलाई पाएको छ । स्थापनाको तीन वर्ष पछि परिषदले आचार्यलाई महाशाखा प्रमुखको रुपमा पाएको हो । नेपाल... Read More

आजको खबर

मनोरञ्जनमय बन्यो आलु महोत्सव

पोखरा, २ बैशाख । चर्चित कलाकार समीक्षा अधिकारी बुधबार १४ औँ राष्ट्रिय हेमजा आलु महोत्सवमा देखिइन् । उनले त्यहाँ दर्शकलाई आफ्नो गायन प्रस्तुति मार्फत भरपुर मनोरञ्जन पनि दिइन् । दुस्मन हेरेको हेयौं, कुरा बुझनु पर्दछ, नत्र भने जीन्दगी व्यर्थ छ बाटुली, शीरमा शिरवन्दी, एैना हेर्दा हेर्दै, बाला पनको उमेर, जुन जस्ती रे, ममताकी खानी लगायतका दर्जन बढी गीत उनले त्यहाँ गाइन । त्यसमध्ये दुस्मन हेरेको हेयौं, कुरा बुझनु पर्दछ, नत्र भने जीन्दगी व्यर्थ छ बाटुली धेरै दर्शकले रुचाएको आभास मिल्थ्यो । प्रस्तुतिका क्रममा उनलाई दर्शकले मिठो साथ दिए । यतिसम्मकी आफ्ना गीत गाउन लाग्दा दर्शकले उनका गीत फटाफट आफै गाएर छमछमी नाचे । मैदानमा धुलो उडेर पानी नै हाल्नुपर्ने अवस्था सिर्जना भयो । समीक्षा जस्तै बुधबार महोत्सवमा कलाकारहरु कुमार पुन, तुलसा क्षेत्री, नवराज अधिकारी, दुर्गा क्षेत्री लगायतले पनि दर्शकलाई नचाए । त्यस्तै रत्यौली प्रतियोगितातर्फ गौरीशंकर आमा समूह, देवीस्थान आमा समूह र राधाकृष्ण आमा समूहले विभिन्न अभिनय मार्फत दर्शकलाई पेट मिचीमिची हसाए । त्यसका अलवा नृत्यतर्फ अम्बिका मा।वि, धवलागिरी बोडिङ, स्नो भ्यू स्कुल, अंकिता सुनार लगायतले पनि आफू सँगसँगै दर्शकलाई नचाए । महोत्सवमा बिहीबार कलाकारहरु श्याम राना, तारापति सुवेदी, पार्वती जिसी, लक्ष्मी नेपाली सुरेश थापा, गंगा परियारका प्रस्तुतिहरु रहने सांस्कृतिक उपसमिति संयोजक सुशिल श्रेष्ठले जानकारी दिए । महोत्सव अन्त्यतिर आइरहदाँ त्यहाँ आलु तथा अन्य सामाग्री किन्नेहरुको संख्यामा पनि बृद्धि भएको छ । महोत्सवको छैटौं दिन बुधबारसम्म करिव ६५ हजार दर्शकले महोत्सव अवलोकन गरेकोमा कुल ५ हजार ३ सय बढी घरपरिवारले आलु किनी लगेको आलु तथा कृषि उपज व्यवस्थापन उपसमिति संयोजक अर्जुन कार्कीले जानकारी दिए । त्यस्तै अन्य व्यापारिक स्टलहरुबाट समेत सामाग्री खरिद गर्नेहरुको संख्या दिनप्रतिदिन बढ्दै गइरहेको छ । विशेष गरी त्यहाँ घरयासी सामग्री, लत्ताकपडा, भाडाकुडा किन्नेको संख्या बढी छ । त्यहाँ आलुको परिकारको एउटा स्टल, कृषितर्फ ३० तथा अन्य १ सय बढी व्यापारिक स्टल रहेका छन् । सबै स्टलबाट व्यापार राम्रै भइराखेको छ, महोत्सव अन्तिम तिर भएकाले किनमेलका लागि घुइचो जस्तै लागेको छ, हामीहरु स्टल संचालकको निरन्तर सम्पर्कमा पनि छौं, बुधबार साँझसम्म गरी २ करोड ८० लाख बढीको कारोवार भएको अनुमान छ, आयोजक विष्णुपादुका क्लवका अध्यक्ष वसन्तकुमार श्रेष्ठले भने । त्यहाँ आलु खरिद गर्नकै लागि पोखरा लगायत छिमेकी अन्नपूर्ण एवम् माछापुच्छे« गाउँपालिका, स्याङजा, चितवन, तनहुँ, पर्वत, मुस्ताङ, बाग्लुङ, सुनसरी, रुपन्देही लगायतका जिल्लाबाट समेत मानिसहरु महोत्सव स्थल विष्णुपादुका खेल मैदान पुगेका छन् । बुधबार साँझसम्म २६ लाख बढीको आलु कारोवार भएको छ । त्यहाँ प्रतिकेजी रु।३५ मा आलु बिक्री गरिएको छ । हेमजाको निलो आलु बढी स्वास्थ्यकर मानिने, छिटो पाक्ने तथा खानमा पनि स्वादिलो र मिठो हुने भएकाले अधिकाशं उपभोक्ताको रोजाईमा पर्ने गरेको छ ।महोत्सव बाहेक हेमजाका अन्य स्थानहरुबाट समेत यतिवेला आलु लगायत कृषि उपजहरुको कारोवार भइरहेको छ । यही चैत २७ बाट सुरु महोत्सव बैशाख ५ गतेसम्म चल्नेछ ।
महोत्सवमा आलु किन्नेको घुइँचो

पोखरा, १ वैशाख । १४ औं राष्ट्रिय हेमजा आलु महोत्सव मध्यतिर आइरहदाँ त्यहाँ आलु किन्नेहरुको सख्यामा हवात्तै बृद्धि भएको छ । मंगलबारसम्म करिव ५५ हजार दर्शकले महोत्सव अवलोकन गरेकोमा ४ हजार दूई सय २५ घरपरिवारले आलु किनी लगेको आलु तथा कृषि उपज व्यवस्थापन उपसमिति संयोजक अर्जुन कार्कीले जानकारी दिए । जसमध्ये प्रति घरपरिवारले सबैभन्दा कम १ केजी देखि बढीमा २ हजार १ सय केजीसम्म आलु किनी लगेको कार्कीको भनाई छ । हेमजाको निलो आलु बढी स्वास्थ्यकर मानिने, छिटो पाक्ने तथा खानमा पनि स्वादिलो र मिठो हुने भएकाले अधिकाशं उपभोक्ताको रोजाईमा पर्दै आएको मंगलबार महोत्सव स्थलमा आलु खरिद गर्दै गरेका पोखरा घारीपाटनका धुर्व विजुक्छेले बताए । ग्राहकको अत्याधिक चापका कारण त्यहाँ आलु किन्न लाइन नै लाग्ने गरेको छ । आलु खरिद गर्नकै लागि त्यहाँ पोखरा लगायत छिमेकी अन्नपूर्ण, माछापुच्छे«, रुपा एवम् मादी गाउँपालिका, स्याङजा, चितवन, तनहुँ, पर्वत, मुस्ताङ, बाग्लुङ, सुनसरी, रुपन्देही, मकवानपुर लगायतका जिल्लाबाट समेत मानिसहरु महोत्सव स्थल विष्णुपादुका खेल मैदान पुगेका छन् ।आयोजकलाई त्यहाँ आलु बिक्री गर्न भ्याइनभ्याई भइरहेको छ भने मंगलबार साँझसम्म २० लाख बढीको आलु कारोवार भएको छ । त्यहाँ प्रतिकेजी रु।३५ मा आलु बिक्री गरिएको छ । महोत्सव मध्येतिर आइरहदाँ दर्शक सहभागिता पनि बढ्दै गएको हो । महोत्सवको पाँचौ दिन मंगलबार नयाँवर्षको सार्वजनिक विदा परेकाले त्यहाँ दर्शकको भीडभाड देख्न सकिन्थ्यो । मंगलबार मात्रै १५ हजार बढी दर्शकले महोत्सव अवलोकन गरेका छन् । दर्शक सहभागिता बढ्दै जाँदा आयोजक समेत हैसिएका छन् । महोत्सव अन्तर्गत मंगलबार कलाकारहरु शिव हमाल, राजु ढकाल, कृष्ण गुरुङ, नेत्र खड्का, ममता तामाङ, सुभद्रा श्रेष्ठ, भूमिका पंगेनी, प्रजिता सुनार, सर्गम गिरी, विपशा चदारो लगायत धवलागिरी बोडिङ स्कूलले प्रस्तति राखे । त्यस्तै पप कन्सर्टतर्फ पोखरेली व्याण्डका अलवा एञ्जिला रेग्मी र गगन गुरुङले प्रस्तति राख्दै दर्शकलाई नचाए । त्यस्तै महोत्सवमा बुधबार कलाकारहरु समीक्षा अधिकारी, कुमार पुन, राजन कार्की, तुलसा क्षत्री, नवराज अधिकारी, दुर्गा क्षत्री लगायतका प्रस्तुति रहनेछन् ।त्यस्तै रत्यौली गीत प्रतियोगिता पनि जारी छ । महोत्सव अन्तर्गत त्यहाँ आलु तथा तरकारीको प्रदर्शन, आलुको पहाड निर्माण, आलुका विभिन्न परिकार एवम् कृषि सम्बन्धी विविध सांस्कृतिक कार्यक्रम भइरहेका छन् । त्यस्तै कृषि झाँकी प्रतियोगिता, चर्चित कलाकारका दैनिक प्रस्तुति लगायत विभिन्न कृषि उपज बीउविजन तथा कृषि यन्त्रको प्रदर्शनी लगायतका गतिविधि पनि संचालित छन् । महोत्सव यही बैशाख ५ गतेसम्म चल्नेछ ।
संचारिका समूह गण्डकीमा राधिका

पोखरा, बैशाख महिला पत्रकारहरुको संस्था सञ्चारिक समूह गण्डकी प्रदेशको अध्यक्षमा पत्रकार राधिका शर्मा कँडेल निर्वाचित भएकी छिन् । पोखरामा रहेर लामो समयदेखि बिभिन्न संचारमाध्यममा संलग्न राधिका शर्मा पछिल्लो समय राष्ट्रिय समाचार समितिमा फोटो पत्रकारको रुपमा कार्यरत छिन । उनि नेपाल फोटोपत्रकार संघ कास्कीकि उपाध्यक्ष समेत हुन । पोखरामा सम्पन्न संचारिका समूहको सातौं अधिवेशनबाट कँडेल अध्यक्ष रहेको नयाँ कार्यसमिति सर्वसम्मत रुपमा चयत गरिएको हो । नयाँ कार्यसमितिको उपाध्यक्षमा कञ्चन थापा कोइराला, महासचिवमा उमा आलेमगर, सचिवमा चन्द्रिका घिमिरे (अनिता) र कोषाध्यक्षमा बालकुमारी पौडेल (तारा) लाई चयन गरिएको छ । ११ सदस्यीय नयाँ कार्यसमितिको सदस्यमा शोभा नेपाल, रिना थापा (तानी), कृष्ण श्रेष्ठ (रोजी), विनाकुमारी थापा, सपना अधिकारी र देविका तामाङलाई चयन गरिएको छ। अधिवेशनको उद्घाटन समारोहमा राष्ट्रिय सूचना आयोगकी सूचना आयुक्त दुर्गा भण्डारी, गण्डकी प्रदेशका प्रेस रजिष्टार विमला भण्डारी, सञ्चारिका समूह नेपालका अध्यक्ष कमला पन्थी, नेपाल पत्रकार महासंघ गण्डकीका अध्यक्ष रमेश पौडेल, सञ्चारिका समूह नेपालका उपाध्यक्ष बसन्ती वास्तोला, पत्रकार महासंघ गण्डकीका महासचिव जमुना वर्षा शर्मा, पत्रकार महासंघ कास्कीका अध्यक्ष माधव बराल, सञ्चारिका समुह गण्डकीका पूर्व अध्यक्ष स्मिता अधिकारी लगायतले आ-आफ्नो भनाई राखेका थिए । संचारिका समूह गण्डकी प्रदेशका अध्यक्ष कविता श्रेष्ठले आंफ्नो कार्यकालमा भएका बिभिन्न कामहरुको बारेमा जानकारी दिंदै संस्थालाई थप गतिशील बनाउनुपर्ने कुरामा जोड दिईन उनले महिला पत्रकारहरुको हक हित र सुबिधाको लागि पत्रकारितासंग सम्बन्धित सबै संस्था र राज्यसमेत गम्भीर बन्नुपर्नेमा समेत जोड दिईन उक्त कार्यक्रमको संचालन समूहकी कोषाध्यक्ष उमा आले मगरले गरेकी थिइन । साधारण सभाले समुहकी अध्यक्ष कबिता श्रेष्ठले प्रस्तुत गरेको सांगठनिक प्रतिबेदन र कोषाध्यक्ष उमा आले मगरले प्रस्तुत गरेको आर्थिक प्रतिबेदन पारित गरेको थियो ।
कालाभैरव मन्दिर व्यवस्थापन समितिकोको १५ औ वार्षिक साधारण सभा सम्पन्न

कमल पौडेल अथक नुवाकोट १, वैशाख श्री कालाभैरव पुरातात्विक मन्दिर व्यवस्थापन समिति फेदीखोला २ नुवाकोट स्याङ्जाको १५ औ वार्षिक साधारण सभा सोमवार सम्पन्न भएको छ । सभाको उद्घाटन गर्दै गण्डकी प्रदेशका पूर्वमन्त्री एवं सांसद पञ्चराम गुरुङले देशको आर्थिक विकासमा टेवा पुर्याउने काम धार्मिक पर्यटनले सघाउने बताए । उनले पुर्खाले आर्जेका कला संस्कृति र थाँतथलोको संरक्षण गर्न सके पर्यटक भित्र्याउन सकिने धारणा व्यक्त गरे । मन्दिरमा जानको लागि केवलकारको आवश्यकता रहेको भन्दै आगामी दिनमा सो कुराको ध्यान दिने उनले बताए । सो अवसरमा समितिले गुरुङलाई दोसल्ला ओढाएर सम्मान गरेको थियो । समितिका अध्यक्ष ह नरकाजी गुरुङले आफुले १७ वर्षदेखि धेरै संघर्ष र मेहनत गरेर मन्दिर परिसरमा विभिन्न संरचना तयार गरेको बताए । बिस १५१० को इतिहास भएको मन्दिर संरक्षण र विकासमा राज्यले ध्यान दिनुपनेमा जोड दिए । सो अवसरमा समितिद्वारा प्रकाशित प्राध्यापक डा दीलवहादुर क्षेत्रीद्वारा संकलित एवं लिखित पश्चिम ४ नंवर नुवाकोट राज्य ऐतिहासिक र सांस्कृतिक सम्पदा तथा गुठीव्यवस्था विषयक पुस्तक लोकार्पण गरिएको छ । कार्यक्रममा बोल्दै प्रा डा दिलबहादुर क्षेत्रीले इतिहास खोजेर भावि पुस्तालाई जानकारी गराउने उद्देश्यले पुस्तक तयार पारेको बताए । उनले पुस्तकमा इतिहास लेखनको क्रममा केही कुरा छुटेको भए तथ्य र प्रमाण सहित सुझाव दिन आग्रह गरे । उनले पुस्तकमा भएका कुराहरु विभिन्न लेख आलेख र सम्पदा सँग जोडिएका विषयवस्तु भएको बताए । मन्दिर व्यवस्थापन समितिका अध्यक्ष ह मे नरकाजी गुरुङको अध्यक्षतामा भएको कार्यक्रममा सल्लाहकार प्रेमप्रकाश गौतम, वडा सदस्य कलावती बस्नेत, नारायण तिमिल्सिना र सचिव शिवप्रसाद गौतम लगायतले बोलेका थिए । सभामा सचिव र कोषाध्यक्षका प्रतिवेदन सर्वसम्मत पारित भएका छन् ।

Breaking News

Samaya Dristi

Best News Site from Nepal

Main Menu