कार्तिक २५ गते २०८२

कास्कीमा पदयात्राका लागी अर्को गन्तब्य , गोरु जुरे डाँडा(तारा हिल टप) फोटो फिचर

कार्तिक,पोखरा

प्रााकृतिक छटाले भरिएको स्वर्ग जस्तै देश नेपाल हो । नेपालका सबैजसो ठाउँहरु लोभलाग्दा र मनोमोहक रहेका छन, तेसै त बिश्व कै अग्लो हिमचुचुरो सगरमाथा भएको देश मनै हर्ने तराईका हरिया फाँटहरु ,पहाडी भुभागहरु र हिमाली भुभागहरु कसलाई पो घुम्न र रमाउन मन पर्दैन होला र । दशै तिहारको मेसो पारेर घुम्न निस्कने नेपालीहरुको बानीनै भइ सकेको छ । यसपाली देशको राजनैतिक उथलपुथल र दशै लगत्तै आएको बाढीका कारण घुम्ने फिर्ने हरुकालागी असहज परिस्थीति बन्यो । तैपनि नेपालीहरु समय को ब्यवस्थापन गरेर घुम्न चै निस्कीहाले । देशको परिस्थिति लाई देखाएर जतिकुरा गरे पनि नेपालका पर्यटकिय क्षेत्रहरुमा आउने भैपरि अवस्था ,सुत्ने होटल देखी लिएर सडक यातायातको ब्यवस्थापन निकै कमजोर रहेको पाईन्छ । पर्यटक लाई बस्नका लागी राम्रो सुविधा दिन नसक्ने र होटलहरु सबै बुक भएका कारण बिभिन्न जिल्लाका जिल्ला प्रशाशन कार्यालयले बिज्ञप्ती नै निकालेर पैदल यात्रामा ननिस्कन आग्रह गरे। यि यावत कुराहरुले नेपालको पर्यटन बिकासका लागी के के न गरेउ भन्नेहरुका लागी लाजमर्दो बिषय बनेको छ । पर्यटन बिकासका लागी पर्याप्त पुर्वाधार र सहजीकरणको ब्यव्स्था राज्यले गर्न नसकेको देखिन्छ । तै पनि स्थानिय तवरमा स्थानिय सरकार,सरोकारवालाहरु र होटल ब्यवसायीहरु मिलेर गरेको काम प्रर्याप्त देखिदैन । यर्थाथतामा भन्नु पर्दा देशको आर्थिक उन्नती र बिकासका लागी पर्यटन र पर्यटकीय पुर्वाधारको विकास हुन जरुरी छ ।

कास्कीको उत्तर पूर्वमा रहेको मादीगाउँपालिका अन्र्तगत खिलाङ गाउँ देखी करिव ४ ,५ घण्टाको पैदल यात्रामा पुगिन्छ ताराहिल टप(गोरु जुरे डाँडा) , केही उकालो र तेर्सो बाटो रहेका कारण पैदल यात्रा खासै कठीन छैन। गुराँसका जंगलै जंगल हिंड्दा प्रकृति संग समिपमै रहेको महशुश हुन्छ । समुन्द्री सतह देखी करिव २९०० मिटरको उचाईमा रहेको उक्त ठाउँ देखी अन्नपुर्ण हिमालयका सबै हिमाल र लमजुङ हिमाल देखी मनास्लु हिमश्रृंखला देख्न सकिन्छ । बिहानै सुर्योदय र बेलुका सुर्यास्तको दृश्य त मनै लोभ्याउने खालको देखिन्छ । कास्कीको मादी गाउँपालिका र माछापुच्छ«े गाउँपालिका को सिमानामा पर्ने यो ठाउँमा भुज्रुङखोला हुंदै घलेखर्क वाट करिव ६ घण्टामा पुग्न सकिन्छ । यस ठाउँमा बस्नको लागी २ वटा होटल र टेन्टहरु रहेका छन । पदयात्राका लागी खिलाङ ह’ंदै ताराहिलटप पुगेर घलेखर्क झर्न सकिन्छ भने भुज्रुङखोला बाट घलेखर्क हुंदै ताराहिलटप पुगेर खिलाङ सिक्लेस झर्न सकिन्छ । २ दिन एक रात वा २ रात ३ दिनको पदयात्राका लागी पोखरा देखी नजिक रहेको यो ठाउँ निकै नै उत्कृष्ट गन्तब्य रहेको छ ।