आहा कति राम्रो

वैशाख २४ गते २०८२

आहा कति राम्रो

काठमाडौंको सडक किनारका जाकारान्डा फूल फूलेर ढकमक्क भएका छन् । उपत्यकाका सडक र खोला किनारमा रहेका जाकारान्डा फूलेपछि सहर सुन्दर देखिन थालेको छ । काठमाडौंको भद्रकालीवाट देखीएको धरहरा संगै सुन्दर दृश्य

तस्विर: दुर्गा प्रसाद पौडेल

dharahara, kathmandu, जाकारान्डा

बजेटकै कारण प्रतिष्ठानका कार्यक्रममा अवरोध आउन दिन्न ः सुरेन्द्रराज पाण्डे

Samaya Dristi 3 years ago

पोखरा १३ साउन । गण्डकी प्रदेशका मुख्यमन्त्री सुरेन्द्रराज पाण्डेले नेपालका प्रज्ञा प्रतिष्ठानले कामको शैलीमा परिवर्तन गर्नुपर्ने बताएका छन् । गण्डकी प्रज्ञा प्रतिष्ठानको आयोजनामा पोखरामा शनिबार भएको अन्तरक्रिया कार्यक्रमको उद्घाटन... Read More

पत्रकार अथक मान–कृष्ण स्मृति पत्रकारिता पुरस्कारबाट पुरस्कृत

Samaya Dristi 6 years ago

समयदृष्टि,सम्वाददातापोखरा २३, फागुन पोखराका चर्चित पत्रकार कमल पौडेल अथक मान–कृष्ण स्मृति पत्रकारिता पुरस्कारबाट पुरस्कृत भएका छन् । स्याङ्जाको पुतलीवजार नगरपालिका ५, पवैगौंडेमा अवस्थित शितला माविकोे ४७ औं वार्षिकोत्सवको अवसरमा... Read More

याम्दीमा जीप दुर्घटना दुईको मृत्यु, सात घाइते

Samaya Dristi 6 years ago

पोखरा, ४ माघ । पोखरा–बाग्लुङ राजमार्गमा शनिबार साँझ भएको जीप दुर्घटनामा परी दुई जनाको मृत्यु भएको छ भने सात जना घाइते भएका छन् ।बा२च ७४१० नम्बरको जीप याम्दीमा दुर्घटना... Read More

फेवा किनाराका सिमसार क्षेत्रका प्लटिङमा चल्यो डोजर

Samaya Dristi 3 years ago

३० जेष्ठ ,पोखरा पोखरा महानगरपालिकाले फेवातालको सिमसार क्षेत्रमा निर्मित अनधिकृत संरचना तथा प्लटिङमा डोजर चलाएको छ ।कृषिका लागि भन्दै सिमसार क्षेत्र पुरेका र प्लटिङ गरिएका ठाउँमा महानगरले डोजर चलाएको... Read More

आजको खबर

हरिबहादुर पहारीका हालसाबिकका दुःख अब पुस्तकमा

इञ्जिनियर हरिबहादुर पहारीले आफ्नो जग्गा हालसाबिक गर्दा पाएका दुःखलाई लिपिबद्ध गरेर हालसाबिक कृति नै प्रकाशित गरेका छन् । पहारी कुल संरक्षण समितिको आयोजनामा शनिवार सम्पन्न लोकार्पण समारोहकाबीच कार्यक्रममा प्रमुख अतिथि स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलालगायतका अतिथिहरूले कृतिको संयुक्त रूपमा लोकार्पण गरे । प्रमुख अतिथि बास्तोलाले हालसाबिक कृति सम्भ्रान्तहरूको बसोबास रहेको सहर पोखरामा यहाँका केही खराब प्रवृत्तिधारी कर्मचारी, जनप्रतिनिधि, शैक्षिक संस्था सञ्चालक र संघसंस्थाका प्रतिनिधिले दिएको पीडाको दस्तावेज हो भने । उनले थपे ‘विकृति र विसङ्गति सहेर बस्ने नभई त्यसलाई लिपिबद्ध गर्न सकियो भनेमात्र त्यसले समाजमा चेतना जगाउने हुँदा चेतनाको दीप जलाउन हरिबहादुर पहारी जस्ता जुझारु युवाको खाँचो छ ।’ पुतलीबजार प्रज्ञा–प्रतिष्ठानका उपकुलपति दुर्गाबहादुर शाह बाबाले देशका केही खराब प्रवृत्तिधारी व्यक्तिका कारण इमान्दार राष्ट्रसेवक, कर्मचारी र जनप्रतिनिधिलाई अप्ठ्यारो पर्ने गरेको बताए । उनले थपे, ‘जब कर्मचारीले कमजोरी गर्दैन तब उसले कसैको चर्को स्वर सुन्नै पर्दैन किनकि, म पनि राष्ट्र बैंकको उपनिर्देशकबाट अवकाश प्राप्त कर्मचारी हुँ तर जागिरे जीवनमा कमजोरी नगरेकै कारण आज शिर उचो गरेर हिँड्न पाएको छु ।’ कृति समीक्षा गर्र्दै अन्तर्राष्ट्रिय नेपाली साहित्य समाज गण्डकीका महासचिव असफल गौतमले हालसाविक कृति पोखरा जस्तो सहरमा सुशासन, न्याय र बौद्धिक चिन्तन हराएको चित्रका रूपमा बजारमा आएको बताए । उनले देशका कार्यपालिका, व्यवस्थापिका र न्यायापालिकाको वेथितिको विद्रप रूप जस्ताको तस्तै पाठकमाझ ल्याएको भन्दै कृतिकारप्रति कृतज्ञता ज्ञापन गरे । पोखरा पर्यटन परिषद्का अध्यक्ष हरिबहादुर भुजेलले पहारीको हालसाबिकले कास्कीको आवाज मात्र नबोलेर हाम्रा केही खराब प्रवृत्तिको चित्रण गरेको बताए । उनले थपे, ‘क्रान्तिको अनुपम नमुना कलम र कुची भएकाले हरिबहादुरको पुस्तकले अर्थ बोकेर आएको छ ।’ टे«किङ्ग एजेन्सी एशोसिएसन अफ् नेपाल (टान) गण्डकीका अध्यक्ष कृष्ण आचार्यले टे«किङ्ग व्यवसायमै संलग्न हरिजस्ता युवालाई संरक्षण गर्नु टानको पनि दायित्व रहेको बताउँदै विकृति विसङगतिलाई देखेर पनि आवाज उठाउन नसकेका बेला हरि पहारीले गरेको साहस प्रशंसा योग्य छ भने । पहारी कुल संरक्षण समितिका सल्लाहकार गोविन्दराज पहारीले राज्यका केही कर्मचारीको कमजोरीले कृति जन्मेको बताए । उनले प्रविधिमा लीन भएर पठन परम्परालाई बिर्सन नहुनेमा जोड दिँदै आफूले हालसाबिक कृति तीन पटक पढेको बताए । पोखरा–६, बैदाम महिला सञ्जालकी अध्यक्ष बबिता मल्लले हरिबहादुरजीले आफूले भोग्नु परेको यथार्थलाई कृतिका रूपमा प्रकाशित गरेको भन्दै सबैले यसरी नै खबरदारी गर्न आवश्यक रहेको धारणा राखिन् । कृतिका लेखक हरिबहादुर पहारीले जापानमा इन्जिनियरिङ्ग पूरा गरेर योग्यतानुसारको सेवा सुविधा पाउँदा पाउँदै आफ्नै जन्मभूमिमा केही गरौँ भनेर आएपछि जग्गा हालसाबिक गर्ने क्रममा ५०७ दिनसम्म अनाहकमा भोग्न परेको पीडा अरूलाई नपरोस् भन्ने सन्देश फैलाउन उक्त सङ्घर्षलाई तथ्य र प्रमाणसहित लिपिबद्ध गरेको बताए । पहारी कुल संरक्षण समितिका अध्यक्ष जगत्बहादुर पहारीले हरिले सन्देशमूलक कृति प्रकाशित गरेर पहारी वंशमा सचेतना जगाउने काम गरेको बताउँदै यस्ता योग्य प्रतिभालाई देशमै राख्नका लागि प्रेरित गर्न समिति निरन्तर लागिरहने धारणा राखे । अधिवक्ता प्रमिला आचार्य शर्माले हरिबहादुर पहारी पछिल्लो पुस्ताका लागि एउटा प्रेरणाको स्रोत भएको धारणा राखिन् ।
मंसिर दोस्रो साता तनहुँमा गुञ्जदै नेपथ्य

तनहुँ चर्चित सांगीतिक ब्याण्ड नेपथ्य तनहुँमा गुञ्जने भएको छ । मंसिर १२ गते तनहुँको शुक्लागण्डकीमा नेपथ्यको कन्सर्ट हुन लागेको हो ।। लायन्स क्लब अफ शुक्लागण्डकीको आयोजनामा ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ हुदैछ । भानुभक्त बहुमुखी क्याम्पस बेलचौताराको खेलमैदानमा नेपथ्य गुञ्जनेछ । सोमबार पत्रकार सम्मेलन आयोजना गरेर कार्यक्रमबारे जानकारी गराउदै आयोजकले शुक्लागण्डकीको भूमीमा ऐतिहासिक सांगीतिक क्षण बन्ने दाबी गरेको छ । सो अवसरमा प्रचारप्रसारका लागि ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ कार्यक्रमको टिसर्ट सार्वजनिक गरियो । लायन्स इन्टरनेशनलको ‘पढाउ’ अभियान अन्तर्गत शिक्षा क्षेत्रमा सहयोग पु¥याउने उदेश्यले सांगतिक कार्यक्रम आयोजना गरेको कार्यक्रम संयोजक खुमबहादुर विक ‘राजु’ ले बताए । विकका अनुसार, ‘कन्सर्टमा १० हजार बढी संगीतप्रेमीहरु झुम्नेछन्, नेपथ्य को स्वरमा स्वर मिसाउदैं छमछमी नाच्नेछन् ।’ एक करोड रुपैयाँ बराबरको कारोबार हुने उनले जानकारी दिए । ‘बचत रकम लायन्स क्लब इन्टरनेशनल ३२५ एमको मूल मन्त्र ‘पढाउ’ अभियानलाई सार्थक बनाउन शिक्षा क्षेत्रको विकासमा खर्च गरिनेछ’, उनले भने । बचत रकमले विपन्न वर्गका विद्यार्थीहरूलाई छात्रवृत्ति, शैक्षिक सामग्री र पोसाक वितरण गर्ने लक्ष्य रहेको उल्लेख गरिएको छ । ‘हामी संगीतको माध्यमबाट विद्यार्थी तथा युवापुस्तालाई सकारात्मक र सिर्जनात्मक गतिविधिसँग जोड्न चाहान्छौं’, कार्यक्रम संयोजक विकले भने, ‘ संगीतको धुनमार्फत सामाजिक एकता र सद्भावलाई प्रवद्र्धन गर्ने, शुक्लागण्डकीलाई सांगीतिक गन्तव्यको रूपमा स्थापित गर्नेछौं ।’ स्थानीय व्यवसाय, पर्यटन क्षेत्रलाई चलायमान बनाउन सहयोग गर्ने तथा लायन्स क्लबको सामाजिक सेवामुखी अभियानलाई थप प्रभावकारी बनाउने उदेश्य राखिएको उनले बताए । संगीत केवल मनोरञ्जनको माध्यम मात्र नभई समाजलाई जोड्ने, सकारात्मक सन्देश प्रवाह गर्ने र सामाजिक अभियानलाई उकास्ने एक प्रभावकारी माध्यम भएको उनले सुनाए । त्यही माध्यमले तनहुँसहित कास्की, स्याङ्जा, लमजुङ, गोरखा, पाल्पा र आसपासका तमाम संगीतप्रेमी, विद्यार्थी, युवा, व्यवसायी, उद्यमी, पेसाकर्मी तथा सर्वसाधारणलाई एउटै सांगीतिक मञ्चमा जोड्ने संयोजक विकले दाबी गरे । पत्रकार सम्मेलनमा बोल्दै शुक्लागण्डकी नगरपालिकाका प्रमुख कृष्णराज पण्डितले कार्यक्रमले संगीतप्रेमीको मन जोड्न भूमिका खेल्ने बताए । ‘स्थानीय तहको हैसियतमा गर्नूपर्ने सहयोग गर्नेछौं । अहिलेका युवासँग संगीतमा मात्रै होइन विकास निर्माणमा पनि हातेमालो गरेर अगाडि बढ्नेछौं’, उनको भनाइ थियो । युवाहरु नविन सोंचका साथ अगाडि बढिरहेको उनले बताए । भिमाद नगरपालिकाका प्रमुख दधिराज सुवेदीले कार्यक्रम आयोजनापूर्व नै बचत रकम शिक्षा क्षेत्रमा लगानी गर्ने उद्घोषले सकरात्मक सन्देश प्रवाह गरेको बताए । म्याग्दे गाउँपालिका अध्यक्ष श्रीप्रसाद श्रेष्ठले संगीत क्षेत्रका अग्रज र उदयमानलाई कार्यक्रमले उत्साह थप्ने बताए । लायन्स क्लब अफ शुक्लागण्डकीका अध्यक्ष देवेन्द्रबहादुर ढुंगानाले आफूहरुले ऐतिहासिक क्षणको तारतम्य मिलाउने प्रयास मात्रै गरेको बताए । ‘अब यो कार्यक्रमलाई अझ धेरै ऐतिहासिक र भव्य तरिकाले सम्पन्न गराउने जिम्मेवारी तपाईंहरुलाई नै सुम्पिएका छौं’, उनले भने, ‘हामीलाई आशा छ, जसरी आज यहाँहरुले उत्साहपूर्ण साथ दिनुभएको छ त्यसरी नै कार्यक्रम सम्पन्नपश्चात पनि साथ पाउनेछौं ।’ आगामी बर्षहरुमा पनि यस्तै ऐतिहासिक क्षणको साक्षी बस्ने वातावरण मिलाउने प्रतिबद्धता जनाए । पत्रकार सम्मेलनमा शुक्लागण्डकी नगरपालिका–५ का वडाध्यक्ष दीर्घबहादुर थापा, क्लबका सचिव सुरेश पौडेल, प्रचारप्रसार संयोजक शंकर पन्त लगायतले बोलेका थिए ।
सराङकोट सहकारीको २०औं बार्षिक साधारण सभामा प्राज्ञ अथक सम्मानित

पोखरा १०, भदौ गण्डकी प्रज्ञा प्रतिष्ठानका प्राज्ञ-सभा सदस्य एवं वरिष्ठ पत्रकार कमल पौडेल अथक शनिवार पोखरामा सम्मानित भएका छन् । सराङकोट वहुउद्देश्यीय सहकारी संस्थाको २०औं वार्षिक साधारण सभामा संस्थाले उनलाई नगद सहित सम्मान पत्रले सम्मान गरेको हो । रेडियो सराङकोटका समाचार प्रमुख समेत रहेका प्राज्ञ अथकले विगत साढे २ दशकदेखि पोखरामा रहेर सञ्चारिकरण सँगै भाषा साहित्यको क्षेत्रमा विशेष योगदान पुरयाएको भन्दै नगद सहित सम्मान गरिएको संस्थाका अध्यक्ष शिबबहादुर बानियाले बताए । कार्यक्रमको उद्‌घाटन गर्दै भास्कर पण्डित एवं संस्थाका सल्लाहकार कमलनयन गौतमले निरन्तरको मेहनत र साधनाले व्यक्ति र संस्थालाई उचाईंमा पुऱ्याउने बताए । सो अवसरमा संस्थाले पवन श्रेष्ठलाई वर्ष उत्कृष्ट कर्मचारीको रुपमा सम्मान गरेको छ । त्यसैगरी तीर्थमान प्रधानाङ्गलाई ज्येष्ठ सदस्य सम्मान संगै शर्मीला जिसी, वालकृष्ण बराल र दीग्विजय थापालाई उत्कृष्ट कारोवारी सम्मान गरेको छ ।कार्यक्रममा विभिन्न तहको परीक्षामा उच्च अङ्क ल्याउने शेयर धनीका सन्ततीलाई सम्मान गरिएको छ । संस्थाका अध्यक्ष शिवबहादुर बानियाको अध्यक्षतामा भएको कार्यक्रममा सल्लाहकार शोभियतबहादुर अधिकारी, सुशीलराज पराजुली, पूर्व अध्यक्ष प्रेमबहादुर जिसी, निवर्तमान अध्यक्ष कृष्णबहादुर थापा, सञ्चालक सदस्य ईन्द्रकमल मानन्धर, उपाध्यक्ष राममणि पौडेल, कोषाध्यक्ष शिवबहादुर थापा, लेखा समिति संयोजक कुलप्रसाद सुवेदी, व्यवस्थापक सुरेन्द्र थापा र सचिव जयराम पौडेल लगायतले बोलेका थिए । कार्यक्रममा अध्यक्ष, सचिव र कोषाध्यक्षका प्रतिवेदन सर्वसम्मत पास भएको सचिव जयराम पौडेलले जानकारी दिए ।
एगा अध्यक्षमा ढकाल निर्वाचित, नेपालको आत्मा चिनाउने एगा हो स् पर्यटन बोड सदस्य पोखरेल

असोज, पोखरा इब्रोईडरी एण्ड गार्मेन्ट एसोसिएसन (एगा) पोखराको अध्यक्षमा गीता ढकाल पौडेल निर्वाचित हुनुभएको छ । संस्थाको १२ औ अधिवेशन तथा २३ औ साधारण सभा बाट पौडेलको नेतृत्वमा नयाँ कार्यसमिति चयन भएको हो । एगाको इतिहासमा पहिलो पटक महिला अध्यक्ष निर्वाचित भएको हो । संस्थाको उपाध्यक्षमा माया सुबेदी, सचिवमा सुरेन्द्र पौडेल, सहसचिवमा रामकृष्ण तिमल्सीना तथा कोषाध्यक्षमा शुशिल ढकाल सर्बसंबत हुनुभएको छ । सदस्यहरुमा नारायण प्रसाद पाण्डे,प्रमिला थापा,उमनाथ भट्टराई, रामहरी भट्ट,जगत नाराणयण श्रेष्ठ रहनुभएको छ । संस्थाले मिडिया सल्लाहकारको रूपमा पत्रकार माधव पनेरुलाई चयन गरेको छ । औपचारिक कार्यक्रमको क्रममा नेपाल पर्यटन बोर्डका सदस्य सन्तोष पोखरेलले नेपालको आत्मा ईब्रोईडरीका माध्यम बाट विश्व चिनाउने एगा लाई पहिचान गर्न, जिम्मेवारी दिन र सहकार्य गर्न नेपाल पर्यटन बोर्ड सदैव तयार रहेको बताउनुभयो । एउटा संस्था जसले हिमाल, सगरमाथा मात्र होइन हाम्रा धरोहरहरूलाई धागोको माध्यमबाट कलात्मक रूपमा विश्वका नागरिकहरूको स्तरमा चिनाउने काम गर्नु सानो कुरा नभएको उहाँको भनाई थियो । राज्यले गर्न नसकेको पर्यटन मार्केटिङ एगाले गरेकोमा आफू अत्यन्त खुसी भएको र आगामी दिनमा सहकार्यका लागि तयार रहेको उहाँको भनाई थियो । कार्यक्रममा नेपाल उद्योग वाणिज्य महासङ्घ गण्डकीका वरिष्ठ उपाध्यक्ष सूर्य भुजेलले पोखरामा अन्तर्राष्ट्रिय विमान आउन सुरु भएकोले अब आर्थिक रूपमा गतिविधि सञ्चालनका लागि अधिक रूपमा निजी क्षेत्र सक्रिय हुनुपर्ने र उद्योग वाणिज्य सङ्घ र पर्यटन परिषद् बिच समन्वय हुनुपर्नेमा जोड दिनुभयो । उहाँले आफूले छातीमा गोली खान तयार भएर पोखरा विमानस्थल र्निमाणका क्रममा अनसन बसेको स्मरण गर्नुभयो । कार्यक्रममा पोखरा पर्यटन परिषद्का अध्यक्ष हरि भुजलेले कुनै पनि चिज आफैमा पूर्ण हुँदैन तर दोषारोपण गरेर भन्दा सहकार्य गरेर मात्र समस्याको समाधान गर्न सकिने उल्लेख गर्नुभयो । पोखरा पर्यटन परिषद् सबै पक्षसङ सहकार्य गर्न तयार रहेको उहाँले सो अवसरमा स्मरण गर्नुभयो । सो अवसरमा पोखरा उद्योग वाणिज्य सङ्घकी अध्यक्ष शोभा गौतमले पोखरा विमानस्थलको अन्तर्राष्ट्रिय टर्मिनल सुरु हुने गौरव र विगतको आन्दोलनको उपलब्धिका रूपमा ग्रहण गर्दे अगाडी बढ्न निजी क्षेत्रलाई आग्रह गर्नुभयो । एगा पोखराका पूर्व अध्यक्ष तथा पर्यटन व्यवसायी इन्द्र भण्डारीले कोही अग्लो र कोही होचो भन्ने मानसिकता रहेसम्म पर्यटन क्षेत्रको विकास सम्भव नहुने बताउनुभयो । पर्यटनमा सँगसँगै भन्ने नारा स्थापित गर्न सबैसँग आग्रह गर्नुभयो । एगाले विगत देखी गर्दे आएको प्रयासको स्मरण गर्दे उहाँले सहअस्तित्व र सहकार्यका लागि संस्था सधैँ तयार रहेको बताउनुभयो ।संस्थाका सल्लाहकार पुष्कल बहादुर थापाले नेपालमै कच्चा पदार्थ उत्पादन गर्ने एगाको सोचमा राज्यको साथको आवश्यकता औँल्याउनु भयो । होटेल सङ्घ पोखराका अध्यक्ष लक्ष्मण सुबेदी ले पोखराको पर्यटनमा सबै संघसस्थाको भूमिका बराबर भएकाले सोही अनुसार सहकार्य गर्नुपर्नेमा जोड दिनुभयो । कार्यक्रममा संस्थाका सचिव माया सुबेदीले वार्षिक प्रतिवेदन प्रस्तुत गर्नुभएको थियो । अध्यक्ष गोकर्ण लम्सालले एगाका सदस्यहरूले स्वदेशी उत्पादन मात्र होइन खेर गइरहेको बस्तुहरूका उपयोग गर्ने नीति लिएको र सोही अनुसार उद्योग सञ्चालनको समेत थालनी गरेको बताउनुभयो । पर्यटन क्षेत्रमा महत्त्वपूर्ण रहेको नेपाली उत्पादन र त्यसमा पनि अल्लो, हेम जस्ता चिजहरू बाट कपडा लगायतका उत्पादनहरू गर्न राज्यले प्रोत्साहन गर्नुपर्नेमा उहाँले जोड दिनुभयो । एगाका करिव ६० जना सदस्यहरूले एगा नाईस नेपाल गार्मेन्ट उद्योग सञ्चालन गरेका छन । उद्योगले पर्यटन केन्दीत उत्पादन गरिरहेको छ । कार्यक्रममा पर्यटनबिज्ञ दीपेन्द्र पहारीले एगाको भूमिकाका बारेमा चर्चा गर्नुभएको थियो । बन्द्रसत्रमा संस्थाको आगामी योजना तथा आर्थिक प्रतिवेदनका बारेमा छलफल गरिएको थियो । सो क्रममा संस्थाका पूर्व अध्यक्ष चिरञ्जीवी पोखरेल, कृष्ण कुमार श्रेष्ठ उपाध्यक्ष गीता ढकाल, सहसचिव सुरेन्द्र पौडेल, सद्भाव सदस्य कमल बहादुर सापकोटा, सद्भाव सदस्य ईश्वर कुमार श्रेष्ठ, पूर्व अध्यक्ष विश्व पोखरेल, पूर्व अध्यक्ष जीवनाथ गौतम लगायतले धारण राख्नुभएको थियो । सो अवसरमा पत्रकार माधव पनेरु र पर्यटन विज्ञ दीपेन्द्र पहारी लाई सम्मान गरिएको थियो । संस्थाको बिभिन्न क्रियाकलापहरूमा योगदान दिने सदस्य, सल्लाहकार तथा कार्यसमितिका पदाधिकारीहरूलाई पनि सम्मान गरिएको थियो । संस्थाका अध्यक्ष गोकर्ण लम्सालको कार्यकालको उच्च मुल्याङ्गन गर्दे सदस्यहरूले विशेष सम्मान गरेका थिए । संस्थाको आन्तरिक जीवनमा लम्सालको योगदानको चर्चा गरिएको थियो ।

Breaking News

Samaya Dristi

Best News Site from Nepal

Main Menu