आहा कति राम्रो

वैशाख २४ गते २०८२

आहा कति राम्रो

काठमाडौंको सडक किनारका जाकारान्डा फूल फूलेर ढकमक्क भएका छन् । उपत्यकाका सडक र खोला किनारमा रहेका जाकारान्डा फूलेपछि सहर सुन्दर देखिन थालेको छ । काठमाडौंको भद्रकालीवाट देखीएको धरहरा संगै सुन्दर दृश्य

तस्विर: दुर्गा प्रसाद पौडेल

dharahara, kathmandu, जाकारान्डा

पामे बचत तथा ऋण सहकारीको साधारण सभा, विभिन्न व्यक्ति सम्मानित

Samaya Dristi 4 months ago

पोखरा, ८ अजोज पामे बचत तथा ऋण सहकारी संस्थाको १५ औ बार्षिक साधारण सभाको अवसरमा विभिन्न व्यक्तिहरु सम्मानीत भएका छन् । सहकारी साधारण सभाको अवसरमा सहकारीका सदस्य परिवारबाट एसईईमा... Read More

६० हजार रुपैयाँ दिएर श्रीमान्‌काे हत्या, श्रीमती पक्राउ

Samaya Dristi 4 years ago

सिरहा, ५ असोज । सिरहा गोलबाजर नगरपालिका ४ निपनियाँका ४० वर्षीय दुखरण महराको हत्या घटनाको मुख्य योजनाकारको आरोपमा उनकी श्रीमती हरिहरदेवी महरा पक्राउ परेकी छन् । भारत विहारको मधुवनीको जयनगर... Read More

पोखरा महोत्सवमा बिहीबार बद्री पंगेनी र सविन राई आउने

Samaya Dristi 2 years ago

पोखरा । पोखराको अमरसिंह मैदानमा जारि पोखरा महोत्सवमा बिहीबार बद्री पंगेनी र सबिन राईको प्रस्तुती रहने भएको छ । महोत्सवको आठौँ दिन बिहीबार चर्चित लोकदोहोरी गायक बद्री पंगेनीको प्रस्तुती... Read More

कैलाश सहकारीको अध्यक्षमा अधिकारी

Samaya Dristi 1 year ago

पोखरा,६ पुष पोखराको टुंडाकोपाटन स्थित कैलाश बचत तथा ऋण सहकारी संस्थाको सञ्चालक समिति अध्यक्षमा खडानन्द अधिकारी निर्विरोध निर्वाचित भएका छन । आइतबार संस्थाको १३ औं वार्षिक साधारणसभा तथा... Read More

आजको खबर

माहासंघमा निर्वाचितहरुलाई बधाई तथा सम्मान

पोखरा, ९ माघ पोखरा फोटोग्राफर संघले संघका सदस्यहरुलाई हालै सम्पन्न नेपाल फोटोग्राफर महासंघमा निर्वाचित पदाधिकारी तथा सदस्यहरुलाई एक कायृक्रमका विच बधाई तथा सम्मान गरेको छ । पोखरा फोटोग्राफर संघ कास्कीले आयोजना गरेको आफ्ना सदस्यहरुका लागि दुई दिने ईन्टरनेटमा आधारित सेवा सम्बन्धी अधिमुखीकरण कार्यक्रमको अवसर पारेर उक्त सम्मान गरेको हो । पोखरा फोटोगांफर संघ सग आवद्ध संघका पुर्व अध्यक्ष तथा सललाहकार दुर्गा प्रसाद पौडेल केन्द्रिय उपाध्यक्ष,पुर्व अध्यक्ष तुलसीराम सुवेदी सचिव ,आजिवन सदस्य जीवन ढुङ्गाना कोषाध्यक्ष,पुर्वअध्यक्षहरु घनश्याम पौडेल,राममणि पौडेल,गुरु प्रसाद तिवारी, रविनाथ दाहाल,रामचन्द्र पोख्रेल केन्द्रिय सदस्यमा र पोखरा फोटोग्राफर संघका अध्यक्ष भक्त तामाङ पदेन केन्द्रिय सदस्यमा निर्विरोध निर्वाचित भएका थिए । उक्त कार्यक्रममा प्रमुख अतिथि कैलास बचत तथा ऋण सहकारी संस्थाका लि.का अध्यक्ष खडानन्द अधिकारीले पानशमा बत्ती बालेर समुद्घाटन गरेका थिए । संस्थाकी उपाध्यक्ष तथा अधिमुखीकरण तालिम कार्यक्रमकी संयोजक नन्दकला पौडेलले उपस्थित सम्पुर्णमा स्वागत मन्तब्य द्धारा स्वागत गरेकी थिईन । सभाअध्यक्ष ,प्रमुख अतिथि तथा अतिथीहरुलाई महिला उपसमिति संयोजक मीरु लम्साल तथा बविता पौडेलले खादा लगाएर स्वागत गरेका थिए । अधिमुखीकरण कार्यक्रमकार्यक्रमको आवश्यकता र औचित्यका बारेमा सहजकर्ता संस्थाका पुर्व अध्यक्ष घनश्याम पौडेलले प्रकाश पारेका थिए । पोखरा फोटोग्राफर संघका अध्यक्ष भक्त बहादुर तामाड.को सभापतित्वमा संचालन भएको कार्यक्रमको संचालन संस्थाका सचिव लक्ष्मीपति पौडेलले गरेका थिए । कार्यक्रमको सफलताको लागि संस्थाका पुर्व अध्यक्ष तथा सल्लाहकार बलराम शर्मा , संस्थाका पुर्व अध्यक्ष तथा नेपाल फोटोग्राफर महासंघ नेपालका नवनिर्वाचित सचिव तुलसीराम सुवेदी , संस्थाका पुर्व अध्यक्ष तथा नेपाल फोटोग्राफर महासंघ नेपालका नवनिर्वाचित उपाध्यक्ष दुर्गा प्रसाद पौडेल लगायतले शुभकामना मन्तब्य राखेका थिए । कार्यक्रमको सहजकर्ता को रुपमा पुर्व अध्यक्ष तथा सल्लाहकार घनश्याम पौडेल तथा केशव लामिछाने,शिशिर थापा रहेका छन । कार्यक्रममा कास्कीका एक सय जना व्यवसायीक फोटोग्राफरहरुको सहभागीता रहेको थियो । नेपाल फोटोग्राफर महासंघ नेपालको हालै सम्पन्न प्रथम महाधिवेशनमा कास्कीबाट नव निर्वाचित पदाधिकारीहरु केन्द्रिय सदस्य तथा पदेन सदस्य लाई संस्थाको तर्फबाट बधाई तथा शुभकामना सहित सम्मान गरिएको थियो ।
शान्ति निकेतनमा सरस्वती पूजा एवं अक्षरारम्भ

पोखरा ९ माघ कमल पौडेल अथक पोखरा ५, प्रस्र्याङमा रहेको शान्ति निकेतन स्कुलमा शुक्रवार सरस्वती पूजा एवं अक्षरारम्भ कार्यक्रम सम्पन्न भएको छ । सो अवसरमा बटुकहरुद्वारा स्वस्तिशान्ति वाचन गरी भजन मण्डलीद्वारा भजनकिर्तन सहित कार्यक्रम सम्पन्न गरिएको हो। कार्यक्रममा स-साना वालवालिकालाई अक्षर आरम्भ गराउनुको साथै सरस्वती बन्दना पाठ गरिएको थियो। कार्यक्रममा अविभावक र विद्यार्थीहरुको उल्लेख्य सहभागिता रहेको थियो। सो अवसरमा बोल्दै विद्यालयका संस्थापक प्राचार्य डा. महेश्वर पराजुलीले बिद्यालयले गुणस्तरीय शिक्षाको लागि पहल गरेको बताए । हाल विद्यालयको नयाँ भवन निर्माण भइरहेको र भवन सम्पन्न भएपछि कक्षा ३ देखि १२ सम्म नयाँ भवनमा पढाइ हुने उनले बताए । तीन कक्षा भन्दा तलका बाबुनानीको पढाइ तत्कालको लागि पुरानै भवनमा हुने उनले बताए । विद्यालयको भौतिक संरचना नयाँ बनेपनि विद्यालय शुल्क पहिलेकै अवस्थामा रहने जानकारी दिए। विद्यालयको नयाँ भवन निर्माण सँगै अन्तराष्ट्रियस्तरमा प्रतिस्पर्धा गर्न सक्ने शिक्षाको परिकल्पना गरिएको उनले बताए । हाल पोखरा ५ प्रस्याङमा भुइँतला सहित साततले भवन निर्माण निर्माण भइरहेको विद्यालयका सहायक प्रिन्सिपल यदूविलास भूर्त्यालले जानकारी दिए । सो भवन फागुनमा सम्पन्न हुने र आगामी शैक्षिकसत्रदेखि सोही नयाँ भवनबाट पठनपाठन हुने विद्यालयले जनाएको छ । विद्यालय व्यवस्थापन समितिका अध्यक्ष कृष्णमणि भूर्त्यालले शिक्षा नै देश विकासको आधार भएकोले आफ्ना सन्ततिको भविश्य प्रति अविभावकहरु जागरुक हुन जरुरी रहेको बताए। उनले नयाँ भवन बनेपछि शान्ति निकेतन स्कुल अब देशकै अब्बल स्कुल बन्ने दावी गरे । कार्यक्रमको संञ्चालन सामाजिक विषयका शिक्षक हेम सुवेदीले गरेका थिए ।
आज सरस्वती पूजा

माघ ९,पोखरा आज माघ शुक्लपञ्चमी हो । आजको दिनलाई श्रीपञ्चमी र वसन्तपञ्चमी भनिन्छ । आजकै दिन वसन्तपुर दरबारमा राष्ट्रप्रमुखले वसन्त श्रवण गर्ने परम्परा छ । यो विशेष परम्परा हो । यसदिन सरस्वतीको पूजा गर्ने, शिशुहरूलाई अक्षरारम्भ गराउने चलन रहेको छ छ । सरस्वतीलाई शिक्षा, विद्या, ज्ञान, कला, सिपको अधिष्ठात्री मान्नेहरू एवं विद्यार्थीहरू विद्यालयमा र अन्यत्र पनि सरस्वती मन्दिरहरूमा विद्यार्थीहरू सरस्वतीको पूजा गरी आफ्नो उज्यालो भविष्यको कामना गरिरहेका हुन्छन् । यो दिन विद्या, ज्ञान, कला, सिपका लागि सरस्वतीको सम्मान गर्ने दिन हुनुसाथै कठ्याङ्ग्रिँदो शिशिर ऋतुको उत्तरार्ध भएकोले ऋतुराज वसन्तलाई स्वागत गरिने सन्दर्भको यस दिनलाई विभिन्न ढंगले उत्सवमय रूपमा मनाउने प्रचलन छ । सनातन संस्कृतिका हरेक पर्वहरू प्रकृतिसँग सामित्यता राख्दछन् । यस अर्थमा पनि वसन्त पञ्चमी महत्वपूर्ण पर्व हो । सनातन मान्यतामा शिक्षा, विद्या, ज्ञानको माध्यम अक्षरलाई मानिन्छ । आमरूपमा अक्षर भन्नाले स्वर–व्यञ्जन ‘वर्ण’ बुझिन्छ, तर अक्षर भनेको ध्वनीको आकृति वा आकार हो । यस अर्थमा शिक्षा, विद्या शब्द मात्र होइनस शिल्प९सिप० पनि हो भन्ने स्पष्ट हुन्छ । यसरी सरस्वतीको कार्यक्षेत्र शिक्षा र सिप दुवै हो र यी दुवै क्षेत्र श्रमविना प्राप्य छैन । ‘श्री’ भनेको ऐश्वर्य, वैभव, समृद्धि हो । ऐश्वर्य, वैभव, समृद्धि प्राप्त गर्न ज्ञान, सिप, श्रम आवश्यक पर्दछ । अतः सरस्वती पूजाको सम्बन्ध शिक्षा, विद्या, ज्ञान, कला, सिप र श्रमसँग छ । मानव जीवनका सुखको आधार पनि यिनै हुन् । तर, अहिलेका प्रायः पूजाहरू स्वार्थको अभिव्यक्ति, पाखण्ड र अन्धविश्वासका माध्यम बनेका छन् । पाखण्ड र अन्धविश्वास जतिसुकै राम्रो आवरणमा भए पनि त्याज्य नै हुन्छ । जानेर, बुझेर, अड्कलेर, परिणामको ख्याल गरेर गरिने पूजाले संस्कृतिको विकासमा सहयोग पु¥याउँछ भने नबुझी, देखासिकी र आडम्बरका लागि गरिने पूजाले अन्धविश्वासलाई मलजल गर्दछ । हामीले विद्यालयमा पढ्दा श्रीपञ्चमीको दिन विद्यालयमा सरस्वतीको पूजा गरिन्थ्यो । हामी लाम लागेर सरस्वतीको फोटोमा घरबाट लिएर गएको पूmल, अविर, फल चढाएर ढोग्थ्यौँ । विद्यालयबाट व्यवस्था गरिएको एक चम्चा बुँदी ९बुनियाँ० खान्थ्यौँ र मुख गुलियो पाथ्र्यौँ । मनमनै सरस्वती माता ‘मलाई पास गराइदिनुहोस् १’ भन्थ्यौँ र पास हुने बरदान माग्थ्यौँ । माथिल्लो कक्षाका राम्रो स्वर भएका केही दिदी–दाइहरूले सरस्वतीको स्तुति भन्दथे र हामी दुवै हात जोडेर, आँखा चिम्लेर पछिपछि भन्थ्यौँ । स्तुति–सरस्वती वन्दना राम्रो लाग्थ्यो, तर अर्थ जानिँदैन थियो, अर्थ लगाइदिने चलन पनि थिएन । सरस्वती मया दृष्टा वीणा पुस्तकधारिणी । हंसवाहन संयुक्ता विद्यादानं करोतु मे । यसको भावार्थ हो, हातमा वीणा र पुस्तक लिएकी, वाहनको रूपमा रहेको हाँससँगै रहेकी, जुन सरस्वती देवीलाई म देखिरहेको छु, उनले मलाई विद्या दिऊन् । पुस्तकले ज्ञान, वीणाले जीवन र हाँसले उचित–अनुचित छुट्याउने विषयको संकेत गरेका छन् । विद्यावान्९विद्वान्० जीवन र जगत बुझेको हुनुपर्छ र असल गलत छुट्याउन सक्ने हुनुपर्छ भन्ने तात्पर्य स्पष्ट छ । सरस्वती पूजाको एउटा सार पक्ष यो हो ।
बिरौटाकी सुप्रिया गोले तामाङ बनिन् मिस तामाङ पोखरा

माघ ४, पोखरा । मिस तामाङ पोखराको उपाधी बिरौटाकी सुप्रिया गोले तामाङले जितेकी छिन् । शनिबार पोखरा इभेन्ट सेन्टरमा भएको प्रतिस्पर्धामा अन्य ७ जना प्रतियोगीलाई पछि पार्दै उनले मिस कन्फिडेन्ट सबटाइटल सहित मिस तामाङ पोखराको ताज पहिरिएकी हुन् । प्रमुख निर्णायक नेपाल चलचित्र विकास बोर्डका अध्यक्ष दिनेश डिसीले तामाङ समुदाय संस्कार संस्कृति सम्बन्धि सोधेको प्रश्नमा अन्य उत्कृष्ट ५ प्रतिस्पर्धीभन्दा सर्वोत्कृष्ट उत्तरका साथ बाजी मारेकी हुन् । बैदाम तामाङ सेवा समाजको आयोजनामा भएको दशौं संस्करणको मिस तामाङ पोखरामा मिस व्युटी विथ परपोज सहित फस्र्ट रनरअप सोममाया तामाङ बनिन् । सोनी तामाङले मिस बेस्ट वक सहित सेकेण्ड रनरअप हुदा कविना घिसिङ तामाङ मिस पंक्चुवल सहित भ्युवर्स च्वाइस टाइटल जितिन् । माया लामाले मिस कल्चरसंगै पपुलर अवार्ड हात पारिन् । यसैगरि खुसी तामाङले मिस ट्यालेण्ट, रोज लामा मिस फोटोजेनिक, सलिना तामाङले मिस बेस्ट स्माइल बनिन् । प्रतियोगिताको विजेताले ताज, ट्रफी, प्रमाणपत्र सहित रु १ लाख नगद तथा आकर्षक गिफ्ट ह्याम्परहरु प्राप्त गरेकीछिन् । फस्ट रनरअपले ताज, ट्रफी, प्रमाणपत्र सहित नगद ५० हजार रुपैयाँ प्राप्त गरिन् । त्यस्तै सेकेण्ड रनरअपले ताज, ट्रफी, प्रमाणपत्र सहित नगद ३० हजार रुपैयाँ हात पारिन् । भ्युवर्स च्वाइस र मिस पपुलरका विजेताले नगद २० हजार पुरस्कार प्राप्त गरिन् । विजेता तथा उपविजेताहरुलाइ बिशेष अतिथी नेपाल तामाङ घेदुङ्गका केन्द्रिय उपाध्यक्ष दीपक वाइवा तामाङ, बैदाम तामाङ सेवा समाजका अध्यक्ष ज्याक तामाङ,लभ मिस तामाङ पोखरा २०२४ का विजेता एवम कार्यक्रम संयोजक रोशिला ब्लोन तामाङ, नेपाल चलचित्र विकास वोर्डका अध्यक्ष दिनेश डिसी, पुर्व मिस तामाङ नेपाल रिया लामा, नेपाल तामाङ घेदुङ गण्डकी प्रदेशका उपाध्यक्ष शिवु ब्लोन, मिस तामाङ पोखरा २०२५ का विजेता शिशा लामा, गण्डकी प्रदेशका प्रेस रजिष्टार विमला भण्डारी लगायतले पुरस्कार वितरण गरेका थिए । सबटाइटल विजेताहरुलाई नेपाल तामाङ घेदुङ जिल्ला समन्वय समिति कास्कीका अध्यक्ष भक्त तामाङ, नेपाल तामाङ घेदुङ पोखरा महानगरका अध्यक्ष अन्जना तामाङ, कोरियोग्राफर जिता तामाङ, अफिसियल फोटोग्राफर गणेश तामाङ, कलाकार फुलकुमार बोम्जन, राम लामा लगायतले पुरस्कार वितरण गरेका थिए । यस अघि कार्यक्रमको उदघाटन गर्दै उज्यालो नेपाल पार्टीका अध्यक्ष कुलमान घिसिङले यस्ता प्रतियोगिताले सौन्दर्य मात्र होइन, पहिचान, आत्मविश्वास र संस्कृतिको संरक्षणलाई अघि बढाउने कुरामा जोड दिए । मिस तामाङ पोखरा जस्ता कार्यक्रमले तामाङ समुदायका युवतीलाई नेतृत्व, चेतना र सकारात्मक सोचका साथ अघि बढ्न प्रेरणा दिने विश्वास लिएको उनले बताए । कार्यक्रममा नेपाल तामाङ घेदुङ्गका केन्द्रिय उपाध्यक्ष दीपक वाइवा तामाङ, नेपाल चलचित्र विकास वोर्डका अध्यक्ष दिनेश डिसी, गण्डकी प्रदेशका प्रेस रजिष्टार विमला भण्डारी, कलाकार बुद्धी तामाङ, कार्यक्रमका संयोजकमा पुर्व मिस तामाङ पोखरा रोशिला ब्लोन तामाङ, सह संयोजक शिशा लामा तामाङ, राम लामा, जिता लामा, सन्चारकर्मी सन्जय मल्ल लगायतले बोलेका थिए । कार्यक्रमको निर्णायकरुमा नेपाल चलचित्र विकास वोर्डका अध्यक्ष दिनेश डिसी, पुर्व मिस तामाङ नेपाल रिया लामा, गण्डकी प्रदेशका प्रेस रजिष्टार विमला भण्डारी, कलाकार बुद्धी तामाङ रहेका थिए । गायक फुलकुमार बोम्जन , विवेक दोङ, सन्तोष बस्याललगायतले प्रस्तुती राखेका थिए । कार्यक्रम बैदाम तामाङ सेवा समाजका अध्यक्ष ज्याक तामाङको अध्यक्षतामा भएको थियो ।

Breaking News

Samaya Dristi

Best News Site from Nepal

Main Menu