पोखरा । रसुवा, नुवाकोट र धादिङमा आएको बाढीपहिरोबाट प्रभावित नागरिकका लागि लायन्स इन्टरनेशनल डिस्ट्रिक्ट ३२५ एम, नेपालअन्तर्गत गण्डकी प्रदेशका ५२ ओटा लायन्स क्लबले करिब १३ लाख रुपियाँ बराबरको राहत सामग्री सहयोग गरेका छन् ।
‘मानवताका लागि एकता’ भन्ने सन् २०२६/२७ को मूल नाराअनुसार क्लबहरूले एकद्वार प्रणालीमार्फत राहत सामग्री सङ्कलन गरी प्रभावित क्षेत्रमा पुर्याएका हुन् ।
२०८३ भदौ १५ गते धादिङको गजुरी गाउँपालिका(२ मा आयोजित कार्यक्रममा डिस्ट्रिक्ट गभर्नर पीएमजेएफ लायन रत्नप्रसाद पराजुलीले वडाध्यक्ष दोर्ण कँडेललाई राहत सामग्री हस्तान्तरण गर्नुभयो ।
पराजुलीका अनुसार करिब ८ देखि १० टन राहत सामग्री ट्रक तथा अन्य सवारीसाधनमार्फत प्रभावित क्षेत्रमा पुर्याइएको छ ।
सडक अवरुद्ध भएका स्थानमा वैकल्पिक मार्ग प्रयोग गरी सवारीसाधन पुग्न नसक्ने ठाउँमा स्थानीय साधन र पैदल यात्रामार्फत समेत राहत पुर्याइएको उहाँले बताउनुभयो ।
गजुरी गाउँपालिका( २ का वडाअध्यक्ष दोर्ण कँडेलले सामाजिक संस्थाले आफ्नो गाँस काटेर गरेको सहयोगको सहि सदुपयोग र वास्तविक पिडित परिवारले पाउनेमा आफू प्रतिबद्ध रहेको बताउनु भयो ।
उहाँका अनुसार पहिरोले बाटो अवरुद्ध हुँदा हिँडेरै जाने तयारी कृष्णभीर तथा त्रिशूली नदी किनार आसपासका सडकमा पहिरो र कटानका कारण यातायात प्रभावित भएकाले टोलीले वैकल्पिक मार्ग अपनाएर आएको साथै सवारीसाधन पुग्न नसक्ने स्थानमा स्थानीय साधनको प्रयोग गर्ने र आवश्यकता अनुसार ९(१० किलोमिटर पैदल यात्रा तथा झोलुङ्गे पुल तरेरै भए पनि पीडित समक्ष पुगेकोमा धन्यवाद व्यक्त गर्नु भयो ।
पूर्व डिष्ट्रिक्ट गभर्नर पीएमजेएफ लायन चण्डीप्रसाद अर्यालका अनुसार गजुरी(२ का पहिरो प्रभावित १ सय २० परिवारका करिब ६ सय जनालाई लक्षित गरी एक महिनासम्म पुग्ने खाद्यान्न तथा आवश्यक सामग्री वितरण गरिएको छ ।
फस्ट भिडीजी लायन किशोर बरालले भोटेकोशी तथा त्रिशूली नदीमा आएको बाढीबाट रसुवा, नुवाकोट र धादिङमा ठूलो जनधनको क्षति भएकाले प्रभावितलाई तत्काल सहयोग पुर्याउने उद्देश्यले राहत अभियान सञ्चालन गरिएको बताउनुभयो ।
कार्यक्रम संयोजक तथा चिफ एड्भाइजर लायन शिवराज आचार्यले राज्य अप्ठ्यारोमा परेका बेला सामाजिक संस्थाले सहयोग गर्नु आफ्नो दायित्व भएको बताउनुभयो ।
पोखरा, २ असोज । सर्वाेच्च नेता गणेशमान सिंहको २३ औं स्मृति दिवसको अवसरमा पोखरा ५ निवासी नेपाली काँग्रेस कास्कीकी नेतृ सीता शर्माले नेपाल प्रेस युनियन कास्कीलाई मास्क र सेनिटाइजर...
Read More
पोखरा नेपाल पर्वतारोहण संघले बर्सेनि गर्दै आइरहेको पर्वतीय महोत्सव यस वर्ष ५ दिन हुने भएको छ । आठौं संस्करणको उक्त महोत्सव मंसिर २२ गतेदेखि २६ गतेसम्म पोखरास्थित अन्तर्राष्ट्रिय पर्वतीय...
Read More
पोखरा,आइतबार,१० असोज २०७८, नेपाली काङ्ग्रेसको पोखरा महानगर समितिको सभापतिमा सुरेन्द्रमान बिजुक्छे विजयी भएका छन् ।मुख्य प्रतिस्पर्धी गङ्गाधर पराजुलीलाई ६८ मतले पराजित गर्दै बिजुक्छेले बाजी मारेका हुन् । बिजुक्छेले चार...
Read More
