कैलाशद्वारा माहासंघमा निर्वाचितहरुलाई बधाई तथा सम्मान

माघ २१ गते २०८२

कैलाशद्वारा माहासंघमा निर्वाचितहरुलाई बधाई तथा सम्मान

पोखरा, १७ माघ
कैलाश बचत तथा ऋण सहकारी संस्थाले आफ्ना सदस्यहरुलाई हालै सम्पन्न नेपाल फोटोग्राफर महासंघमा निर्वाचित पदाधिकारी तथा सदस्यहरुलाई एक कार्यक्रमका विच बधाई तथा सम्मान गरेको छ ।
कैलाश बचत तथा ऋण सहकारी संस्थाल आयोजना गरेको पारिवारिक बनभोज तथा अन्तरक्रिया कार्यक्रमको अवसर पारेर उक्त सम्मान गरेको हो । कैलाश बचत तथा ऋण सहकारी संस्थाका पुर्व अध्यक्ष तथा सल्लाहकार दुर्गा प्रसाद पौडेल केन्द्रिय उपाध्यक्ष, तुलसीराम सुवेदी सचिव , पुर्व अध्यक्ष तथा सल्लाहकार जीवन ढुङ्गाना कोषाध्यक्ष,विजय जैसी सह–कोषाध्यक्ष,घनश्याम पौडेल,राममणि पौडेल,गुरु प्रसाद तिवारी,रविनाथ दाहाल,रामचन्द्र पोख्रेल,नारयण प्रसाद गौतम,सुरेशराज रेग्मी केन्द्रिय सदस्यमा र पोखरा फोटोग्राफर संघका अध्यक्ष भक्त तामाङ पदेन केन्द्रिय सदस्यमा फोटोग्राफर संघ गण्डकी का अध्यक्ष पदेन सचिवालय सदस्यमा निर्विरोध निर्वाचित भएका थिए ।कैलाश बचत तथा ऋण सहकारी संस्थाका अध्यक्ष खडानन्द अधिकारीको अध्यक्षतामा भएको कार्यक्रममा कार्यसमिति सदस्य पुर्णकुमारी थापाले सहकारीका सात सिद्धान्त वाचन, उपाध्यक्ष विनोद ढकालले स्वागत गरेका थिए । कार्यक्रमको संचालन संस्थाका सचिव बिष्णुहरी अधिकारीले गरेका थिए ।

पोखरा र पोखरा आसपार छरिएर रहेका फोटोग्राफर हरु द्वारा संचालित कैलाश बचत तथा ऋण सहकारी संस्थाले सदस्यहरुका विच पारिवारिक बनभोज आयोजना गरेको थियो । कार्यक्रममा फोटो कन्सर्न काडमाडौं का सिइओ दिनेश अर्याल लक्की ग्रुप प्रा.ली का ईश्वर श्रेष्ठ र नेपाल फोटोग्राफर महासंघका उपाध्यक्ष दुर्गा प्रसाद पौडेल ले आ आफ्नो भनाई राखेका थिए।
२०६८ सालमा स्थापना भएको सहकारीमा हाल सम्म १९५ शेयर सदस्य रहेका छन । संस्थाको शेयर पुंजी रु ३ करोड १० लाख २५ हजार बचत रु १० करोड ४५ लाख र ऋण लगानी ९ करोड ६४ लाख रहेको छ
संस्थाले फोटो फ्रेम उद्योग तथा फोटोग्राफरहरुलाई आवश्यक पर्ने सबैखाले सेवा उपलब्ध गर्दै आएको छ । संस्थाले फोटोग्राफरहरुका लागी कलर ल्याव फोटो प्रिन्ट,फ्लेक्स प्रिन्ट मायाको चिनो, फोटो फ्रेमहरु,ब्यानर,फोटोग्राफी सामानहरु र बिभिन्न समयमा फोग्राफर हरुको शिप र दक्षता बृद्धिका लागी बिभिन्न कार्यक्रमहरु संचालन गर्दै आएको छ ।

kailash

१२ वर्षपछि म्यानचेस्टरको जर्सीमा मैदान उत्रिँदै रोनाल्डो

Samaya Dristi 5 years ago

काठमाडौं, भदौ २६ । क्रिस्टियानो रोनाल्डो १२ वर्षपछि म्यानचेस्टर युनाइटेड फर्किएका छन् । र, उनले आज प्रिमियर लिगमा डेब्यु गर्ने अपेक्षा गरिएको छ । म्यानचेस्टरले आज न्युक्यासल युनाइटेडको सामना... Read More

प्रचण्ड–माधव पक्षको संघर्षका कार्यक्रमःसिठ्ठी जुलुसदेखि विरोध प्रदर्शन सम्म

Samaya Dristi 5 years ago

काठमाडौं,१२ माघ । नेकपा प्रचण्ड–माधव पक्षले प्रतिनिधिसभा विघटनविरुद्ध आन्दोलनका थप कार्यक्रम सार्वजनिक गरेको छ । सोमबार पत्रकार सम्मेलन गरेर आन्दोलनका कार्यक्रम सार्वजनिक गरेको हो । जसमा सिठ्ठी जुलुसदेखि विरोध... Read More

पोखरा पुम्दी भुम्दीमा प्रथम पर्वतीय दौड हुँदै

Samaya Dristi 2 years ago

पोखरामा असोज दोस्रो साता ‘प्रथम पर्वतीय दौड प्रतियोगिता–२०८१’ हुने भएको छ ।पोखरा वडा–२२ सहित समग्र पोखरालाई खेलपर्यटन माध्यमबाट प्रवर्द्धन गर्ने उद्देश्यले पोखरा क्लिक प्रा.लि.को आयोजनामा असोज १२ गते उक्त... Read More

गण्डकीका नौ जना कृषक पुरस्कृत

Samaya Dristi 2 years ago

पोखरा २३, असार कमल पौडेल अथक गण्डकी प्रदेश र कास्की जिल्लाका गरि ९ जना कृषक आइतबार पोखरामा सम्मानित भएका छन् । प्रदेश कृषि मन्त्रालयले ती कृषकलाइ सम्मान तथा... Read More

आजको खबर

पोखरा २५ हेम्जामा सशस्त्र प्रहरीले नियन्त्रणमा लिएका विद्युतीय गाडीहरू

२३ जेठ पोखरा विद्युतीय सवारी साधन नियन्त्रणः कास्कीको हेम्जामा पनि नियन्त्रणमा, छानबिन टोली मुस्ताङमा पोखरा, २३ जेठ र सशस्त्र प्रहरीले कोरला नाकाबाट भित्रिएका विद्युतीय सवारी साधन नियन्त्रणमा लिएपछि छानबिनका लागि गठित समिति मुस्ताङ पुगेको छ । विद्युतीय सवारी साधन नियन्त्रणमा लिएपछि अर्थमन्त्रालयले भन्सार विभाग, नीति तथा सञ्चालन महाशाखाअन्तर्गतको मूल्यांकन शाखाका प्रमुख समेत रहनुभएका निर्देशक भुपालराज शाक्यको नेतृत्वमा छानबिन समिति गठन गरेको थियो । छानविन टोली मुस्ताङ आउनुअघि पर्वत र कास्कीमा सशस्त्र प्रहरीले नियन्त्रणका लिएका विद्युतीय सवारी साधनको अनुमगन समेत गरेको थियो । चीनबाट पैठारी गरी नेपाल भित्रिएका विद्युतीय सवारी साधन आयातमा कैफियत रहे वा नरहेको भन्ने विषयमा टोलीले अनुसन्धान सुरु गरेको हो । टोलीले पोखरा हेम्जामा ९८ र पर्वतको कुश्मा १७ वटा विद्युतीय सवारीको अनुगमन गरेको छ । कोरलानाकाबाट भन्सार जाँचपास भई लोमान्थाङ हुँदै जोमसोम झारिएका २६६ वटा विद्युतीय सवारी साधनको समेत टोलीले स्थलगत अनुगमन गरेको मुस्ताङ भन्सार कार्यालयका प्रमुख बिदुर चुडालले जानकारी दिए । मुस्ताङको घरपझोङ–४ जोमसोमस्थित बसपार्क क्षेत्रमा पार्किङ गरी राखिएका उक्त सवारी साधनको अनुगमन गरिएको छ । छानविन टोली कोरलानाकामा राखिएका ३९४ वटा विद्युतीय सवारीको अनुगमनका लागि शनिबार बिहान त्यसतर्फ प्रस्थान गर्ने छ । गत भदौ ३१ गतेदेखि सञ्चालनमा आएको कोरलानाकाबाट गत जेठको दोस्रो साता चिनियाँ कम्पनी बिवाईडीले ७७५ वटा विद्युतीय सवारी साधन नेपाल भित्र्याएको थियो । कोरला नाकाबाट भित्रिएका ७७५ विद्युतीय सवारी साधनमध्ये ६४९ वटाको भन्सार जाँचपास भइसकेको छ ।
आज बिश्व वातावरण दिवस

पोखरा, २२ जेठ आज बिश्व वातावरण दिवस नेपालमा पनि विभिन्न कार्यक्रम गर्दै विश्व वातावरण दिवस मनाइँदै छ । मुख्य कुरा चाहिँ भावी सन्ततिलाई प्रकृति–प्रेम सिकाउनु प्रकृति हस्तान्तरण गर्नु र वातावरण स्वच्छ राख्नु यसको मुख्य उद्येश्य हुनुपर्दछ । विश्व वातावरण दिवस २०२६ को नारा ूक्ष्लकउष्चभम दथ ल्बतगचभ। ँयच ऋष्mिबतभ। ँयच इगच ँगतगचभ।ू अर्थात् हाम्रो भविष्य,हाम्रो जलवायु सबै प्रकृतिबाट प्रेरित छ , प्रकृतिलाई केवल जीवनको आधार मात्र नभई जलवायु संकटको समाधानको स्रोतका रूपमा प्रस्तुत गर्दछ। वन, नदी, हिमाल र जैविक विविधताबाट प्रेरणा लिँदै वातावरण संरक्षणका प्रयासहरूलाई बलियो बनाउन र भावी पुस्ताका लागि स्वच्छ, हरित तथा सुरक्षित भविष्य निर्माण गर्न यो नाराले सबैलाई आह्वान गरेको छ । पोखरा नेपालको सबैभन्दा सुन्दर तथा पर्यटकीय शहरमध्ये एक भएर पनि अहिले वातावरण संरक्षणका क्षेत्रमा केही गम्भीर चुनौतीहरू देखिएका छन्। विशेष गरी फोहोर व्यवस्थापन, बिभिन्नतालहरु संरक्षण, नदी प्रदूषण,नदी सिमसार अतिक्रमण,सार्वजनिक यातायातमा थोत्रा बसहरु ,अनियन्त्रित नदी जन्य पदार्थ उत्खनन् र अनियन्त्रित शहरीकरण मुख्य समस्याहरु बनेका छन्। तर, अहिलेको समयमा यहाँको वातावरण प्रदूषणले मानव स्वास्थ्य मात्र होइन सामाजिक, आर्थिक र सांस्कृतिक क्षेत्रमा समेत गम्भीर असर परेको छ । यस्तो प्रदूषण कम गर्न आम सरोकारवालाहरू एकजुट एवं जागरूक हुन आवश्यक छ । तर हाम्रो जस्तो मुलुकमा व्यक्तिको स्वच्छ वातावरणमा बाँच्न पाउने हकलाई सरकारले हालसम्म पनि कडाइका साथ कार्यान्वयन गर्न सकेको अवस्था छैन । जनस्वास्थ्य तथा वातावरणमा पर्न सक्ने प्रतिकूल प्रभावलाई कम गरी स्वच्छ वातावरण कायम गर्नका लागि फोहोर मैला व्यवस्थापनसम्बन्धी कानुनलाई संशोधन एवं एकीकरण गरी नेपालको अन्तरिम संविधान ०६३ सालको धारा ८३ बमोजिम संविधानसभाले फोहोर मैला व्यवस्थापन ऐन ०६८ पारित गरेको छ भने ०७२ को संविधानमा मौलिक हकको रूपमा वातावरणसम्बन्धी हकको व्यवस्था गरेको छ । पोखराको हकमा दैनिक करिब २०० टन फोहोर उत्पादन हुने गर्दछ। तर स्थायी ल्यान्डफिल साइटको अभावका कारण विभिन्न स्थानमा फोहोर थुप्रिने समस्या देखिएको छ। केही समय पहिला त मुख्य सडक र पर्यटकीय क्षेत्रमा समेत फोहोर थुप्रिएर दुर्गन्ध फैलिएको अवस्था थियो। यसको मूख्य जड महानगरले ल्याण्डफिल्डसाईड ब्यवस्था गर्न नसक्नु , आम नागरिकले फोहोर ब्यवस्थापनमा आफ्नो दायित्वको महशुश नगर्नु र राजनैतिक प्रतिशोध साध्नु जस्ता रहेका छन् । पर्यावरणिय हिसावले पोखरा र आसपासका क्षेत्र निकै धनि पनि छन् यहाँ धेरै संख्यामा तालतलैया हिमाल पहाड,नदी नाला,सिमसार आदी रहेता पनि यि सबै कुराहरु मनव चपेटामा परेका छन् । फिर्केखोला बुलौदी खोला, सेति नदी,पेवा बेगनास रुपा साथै अन्य तालहरु मनव अतिक्रमणमा पर्नु ताल किनार क्षेत्रमा अवैध संरचना तथा अतिक्रमण, प्लाष्टिक को बढ्दो उपयोग बिकास र सुविधाका नाम मा खनिएका वाटा घाटा पुल पुलेसा प्लटिङ आदीका कारण पोखरा क्षेत्रको पर्यावरण असन्तुलित हुने अवस्थामा पुगेको छ । वास्तवमा वातावरणलाई स्वच्छ राख्न दिगो विकासको अवधारणा, वातावरणीय प्रभाव मूल्याङ्कन, पूर्व सावधानी, सार्वजनिक न्याय लगायतका विषयहरूमा ध्यान दिन आवश्यक छ । पोखरामा दीर्घकालीन वैज्ञानिक फोहोर व्यवस्थापन प्लास्टिक प्रयोग नियन्त्रण , ताल र नदी किनार संरक्षण , वातावरणीय कानून कडाइका साथ कार्यान्वयन , नागरिक सचेतना र सहभागिता समग्रमा, पोखराको प्राकृतिक सौन्दर्य अझै अद्भुत छ, तर त्यसलाई जोगाउन प्रभावकारी वातावरण संरक्षण नीति र व्यवहारिक कार्यान्वयन अत्यन्त आवश्यक देखिन्छ।
शालिग्राम मूर्ति

घरपझोङ गा.पा. को आयोजना तथा नेपाल ललितकला प्रज्ञा प्रतिष्ठानको समन्वयमा घरपझोङ गाउँपालिका—४ जोमसोम स्थित कालिगण्डकी नदीको तटीय क्षेत्रमा निर्माण गरिएको विश्वकै ठुलो २२ फिट उचाईको शालिग्राम मूर्ति तस्विरः दुर्गा प्रसाद पौडेल
हिमाली साँस्कृतिक परिवारले आफ्नै भवन निर्माण गर्ने, पद्मराज ढकालले १ लाख २५ हजार सहयोग

पोखरा, १८ जेठ नेपाली लोक सँस्कृति बचाऔं नाराका साथ बिसं। २०५४ सालमा स्थापित पोखराको प्रतिष्ठित साँस्कृतिक संस्था हिमाली साँस्कृतिक परिवार आफ्नै भवन निर्माणको अभियानमा जुटेको छ । नेपाली लोक गायन र नृत्यको संरक्षण, संवर्धन र विकासमा निरन्तर क्रीयाशिल हिमाली साँस्कृतिक परिवारलाई पोखरा नगर विकास समितिले स्थान प्रदान गरी पोखरा ९ पृथ्वीचोकमा कार्यलय निर्माण गरी साँस्कृतिक क्षेत्रबाट योगदान प्रदान गर्दै आइरहेको परिवारले कार्यालय छोड्ने अवस्था आए पश्चात आफ्नै जग्गा खरिद गरि साँस्कृतिक भवन निर्माणको अभियानमा जुटेको हो। पोखरा महानगरबाट ३५ दिने सुचना जारी गरेको समयावधिभित्रै कार्यालय खालि गराई पोखरा महानगरपालिकालाई सहयोग गरेको हिमाली साँस्कृतिक परिवारले हाल तमु धिं नेपालमा कार्यालय व्यवस्थापन गर्दै क्लवको आफ्नै भवन निर्माणका लागि परिवारका मानार्थ सदस्य, वरिष्ठ समाजसेवी टिका बहादुर कार्कीको संयोजकत्वमा हिमाली साँस्कृतिक परिवार भवन निर्माण समिति गठन गरेको हो। कार्कीको संयोजकत्वमा रहेको समितिले जग्गा खरिद गर्ने, सहयोग जुटाउने, भवन निर्माण गर्ने भएको हो। निर्माण समितिलाई आवाश्यक विस्तार गर्दै पोखरामा २ रोपनी जग्गाको व्यवस्थापन गरी हिमालीका सहयोगी शुभेच्छुक देश बिदेशबाट सहयोग जुटाई कार्यालय, सभाहल, संग्रहालय, पार्किङ लगायतको व्यवस्थित हिमाली साँस्कृतिक परिवार भवन निर्माण गर्ने योजना रहेको संयोजक कार्कीले बताउनुभयो। यसै बिच हिमाली साँस्कृतिक परिवारको भवन निर्माणका लागि परिवारका सल्लाहकार, पोखरा प्रज्ञा प्रतिष्ठानका संस्थापक कुलपति, लेखनाथ साहित्य प्रतिष्ठानका अध्यक्ष, गायक एवम साहित्यकार पद्मराज ढकालले १ लाख २५ हजार ७८९ रुपैया सहयोग हस्तान्तरण गर्नुभएको छ। गौरवमय साँस्कृतिक संस्था हिमाली साँस्कृतिक प्रतिष्ठानको लोकसँस्कृति क्षेत्रमा लामो योगदान, परिवारका पुर्व अध्यक्ष स्वर्गीय मेनकाजी गुरुङसँगको सहकार्य साथै आफु पनि लोक सँस्कृति क्षेत्रमा क्रीयाशिलताको कारण हिमालीलाई हृदयदेखि नै सहयोग गरेको बताउनुहुदै भवन निर्माण अभियानमा सबैको सहयोगको आग्रह समेत गर्नुभयो। यसरी नै भवन निर्माणका लागि निर्माण समितिका संयोजक टिका कार्कीले ५ लाख रुपैया, सल्लाहकार सुबेदार मेजर जसबहादुर गुरुङले १ लाख रुपैया, सल्लाहकार बुद्धिमान दुरा धम्पुले आफु सत्तरी वर्ष दुई महिना पुगेकाले ७० हजार २०० रुपैया सहयोग गर्ने घोषणा गर्नु भयो। यसरी नै हाल तिन महिना कार्यालय व्यवस्थापनका लागि सल्लाहकार चिजा गुरुङले १८ हजार रुपैया सहयोग हस्तान्तरण गर्नुभएको थियो भने सल्लाहकार अशोक पालिखेले छ महिनाका लागि ३६ हजार रुपैया सहयिग गर्ने घोषणा गर्नुभएको परिवारका सचिव डबिन गुरुङले जानकारी दिनुभयो । यसरी नै हिमाली साँस्कृतिक परिवारका सम्पुर्ण कार्यसमिति, कलाकारहरुले आआफ्नो तर्फबाट अधिकतव सहयोग गर्ने घोषणा गरेका थिए । हिमाली साँस्कृतिक परिवारका अध्यक्ष ज्ञानबहादुर थापाको अध्यक्षता र सचिव डबिन गुरुङको संचालनमा भएको संरक्षक, मानार्थ सदस्य, सल्लाहकार र कार्यसमिति बिचको छलफल कार्यक्रममा संरक्षक नरबहादुर शेरचन, मानार्थ सदस्य खेमबहादुर गुरुङ,मानार्थ सदस्य एवम भवन निर्माण संयोजक टिका कार्की, सल्लाहकारहरु अशोक पालिखे, दिपेन्द्र श्रेष्ठ, हुमबहादुर गुरुङ लगायतले भनाई राख्नुभएको थियो।

Breaking News

Samaya Dristi

Best News Site from Nepal

Main Menu