आहा कति राम्रो तोरीबारी (फोटो फिचर)

माघ १२ गते २०८१

आहा कति राम्रो तोरीबारी (फोटो फिचर)

पोखरा वडा नम्बर ३२को राजाको चौतारा मालमुल फाँटमा हिउँदै बाली तोरी अब्यवस्थित बसोवासका कारण पछिल्लो समय पोखराका खेतियोग्य जमिन मासिदै गएको स्थानिय बताउछन् ।

तस्विरः जनकराज तिवारी

महाधिवेशन र स्थानीय चुनावलक्षित गतिविधि अघि बढाउन एमाले महासचिवको निर्देशन

Samaya Dristi 5 years ago

काठमाडौं, ६ भाद्र । नेकपा एमालेका महासचिव ईश्वर पोखरेलले अब महाधिवेशन र स्थानीय चुनावलाई लक्षित गरेर तलैसम्म गतिविधि सञ्चालन गर्न कार्यकर्तापंक्तिलाई निर्देशन दिएका छन् । काठमाडौं क्षेत्र नम्बर ५... Read More

महानगरको सक्रियतामा ठुला आयोजना निर्माण सम्भव भएको हो प्रमुख रेनु दाहाल चितवन

Samaya Dristi 2 years ago

वैशाख ११ चितवन भरतपुर महानगरपालिका प्रमुख रेनु दाहालले महानगरपालिकाको सक्रियतामा ठुला विकास निमाणका आयोजना अघि बढेको बताउनुभएको छ । नेपालमा लोकतन्त्र स्थापनाको अवसरमा भरतपुर १२ धनगढा मन्दिर परिसरमा आयोजना... Read More

नेपाल फोटोपत्रकार संघ कास्की(NPJA) को फोटो यात्रा–गन्तव्य मेघौली

Samaya Dristi 1 year ago

पोखरा । नेपाल फोटोपत्रकार संघ (एनपिजेए) कास्कीको आयोजनामा ‘फोटो यात्रा–गन्तव्य मेघौली’ कार्यक्रम भएको छ । बाराही जंगल लजको सहयोगमा भएको कार्यक्रम २ दिनसम्म सञ्चालन भएको थियो । आइतबार कास्कीबाट... Read More

राधा–लक्ष्मी पुरस्कार पण्डित माधवशरणलाई

Samaya Dristi 2 years ago

पोखरा, ८ असोज । हेमजा साहित्य प्रतिष्ठनद्धारा सञ्चालित राधा–लक्ष्मी पुरस्कारबाट पण्डित माधवशरण बास्तोला पुरस्कृत हुनभएको छ । प्रतिष्ठानले मंगलबार स्व. लक्ष्मी शरण उपाध्यायको ८७ वर्षको स्मृतिमा एक कार्यक्रमको आयोजना... Read More

आजको खबर

पोखरामा मिशन यूएसए एजुकेशन कन्सल्टेन्सी को नयाँ शाखा विस्तार

१० असार, पोखरा । उच्च शिक्षाका लागि विदेश जान चाहने विद्यार्थीहरूलाई गुणात्मक परामर्श सेवा प्रदान गर्दै आएको प्रतिष्ठित संस्था ‘मिशन यूएसए एजुकेशन कन्सल्टेन्सी (प्रा.) लि.’ ले पोखरामा आफ्नो नयाँ शाखा विस्तार गरेको छ । सन् २००८ मा स्थापना भई विगत लामो समयदेखि शैक्षिक परामर्शको क्षेत्रमा आफ्नो बलियो पहिचान बनाउन सफल यस कन्सल्टेन्सीको नयाँ शाखाको एक विशेष समारोहका बीच औपचारिक रूपमा शुभारम्भ गरेको हो । शाखको पोखरा उद्योग वाणिज्य संघका अध्यक्ष गोकर्ण कार्की, स्वतन्त्र शैक्षिक परामर्श एसोसिएसन (फेकोन) काठमाडौंका अध्यक्ष उमेश कुश्वार र फेकोन गण्डकीका अध्यक्ष सुदन बस्नेतले संयुक्त रूपमा रिबन काटेर शाखाको विधिवत् शुभारम्भ गर्नुभएको थियो । पोखरा र समग्र गण्डकी प्रदेशका विद्यार्थीहरूका लागि यो शाखा कोशेढुङ्गा सावित हुने कार्यक्रमका वक्ताहरुले विश्वास व्यक्त गर्नुभयो । उहाँहरूले संस्थाको व्यावसायिक सफलताको कामना गर्दै पारदर्शी, गुणस्तरीय र विश्वसनीय परामर्श आजको मुख्य आवश्यकता रहेको औंल्याउनुभयो । मिशन यूएसएका संस्थापक संजय घिमिरेका अनुसार संस्थाको यो चौथो शाखा हो । बजारको माग र विद्यार्थीहरूको सेवालाई मध्यनजर गर्दै संस्थाले आफ्नो संजाल फैलाउने क्रममा पोखरामा पाइला टेकेको हो । यसअघि जापानमा दुईवटा र काठमाडौंमा एउटा सफलतापूर्वक सञ्चालनमा आइसकेका छन् । नयाँ सञ्चालनमा आएको पोखरा शाखाको निर्देशक÷संयोजक किरण बानियाँले अमेरिका लगायत अन्य देशमा पनि विद्यार्थीहरुको चाहना अनुसार पोखराम विस्तार गरिएको बताउनुभयो । कार्यक्रममा पोखरा शाखाका निर्देशक तथा व्यवस्थापक कर्णबहादु विक, निर्देशक सावित्री केसी ले गुणस्तरिय परामर्शका लागि पोखरा आएको बताउनुभयो । विगत डेढ दशकभन्दा लामो अनुभव बोकेको यस कन्सल्टेन्सीले विशेषगरी अमेरिका, संयुक्त अधिराज्य, अष्ट्रेलिया, क्यानडा, युरोप, जापान र भारत जस्ता प्रमुख शैक्षिक गन्तव्यहरूका लागि उच्च शिक्षा परामर्श, भिसा आवेदन तथा अन्तर्वार्ता तयारी सम्बन्धी सेवाहरू प्रदान गर्दै आएको छ। पोखरा शाखाबाट विद्यार्थीहरूले अन्तर्राष्ट्रिय स्तरका भाषा परीक्षाहरू जस्तै आईईएलटीएस र टोफेल लगायतको स्तरीय तयारी कक्षाहरूका साथै अनुभवी परामर्शदाताहरूबाट प्रत्यक्ष मार्गदर्शन प्राप्त गर्न सक्नेछन्। पोखरा र आसपासका क्षेत्रका विद्यार्थीहरूलाई आफ्नै शहरमा अन्तर्राष्ट्रिय स्तरको परामर्श सेवा दिने उद्देश्यले यो शाखा सञ्चालनमा ल्याइएको र यसले विद्यार्थीहरूको विदेश अध्ययनको सपनालाई सही र सुरक्षित मार्गनिर्देशन गर्ने प्रतिबद्धता संस्थाले जनाएको छ।
तमु धिं स्याङ्जाको वार्षिकोत्सव सम्पन्न, मे.लक्ष्मीप्रसाद र हुमकुमारी गुरुङले अक्षयकोष स्थापना

स्याङ्जा, ८ असार । तमु जातिको अग्रणी सामाजिक सामुदायिक संस्था तमु धिं नेपालको स्याङ्जा जिल्ला समितिको प्रथम वार्षिकोत्सव सोमबार पुतलीबजार नगरपालिका वडा ३ मजुवास्थित तमु गुरुङ समाजमा भव्यताको साथ सम्पन्न भएको छ। कार्यक्रमको उद्घाटन गर्नुहुदै प्रमुख अतिथि गण्डकी प्रदेस सभा सदस्य पुर्व मन्त्री पन्चराम गुरुङले तमुहरु बिच एकता, सकृयता, सचेतता बिना अग्रगतिमा लाग्न नसक्ने बताउनु भयो। तमुहरु अब अरुले अधिकार दिएन, पछि पारे, हामी राज्यबाट ठगियौं भन्ने मानसिकताबाट माथि उठेर सबै तमुहरु एक भइ अधिकार खोसेर लिनुपर्ने बताउनुभयो। राज्यबाट अझै असमानता छ, चाहे बिकास निर्माण होस वा सेवा सुविधा होस तर अबको समय हामी गुरुङहरु एकतावद्ध भयौं भने सबै विभेदहरु अन्त्य हुने उहाँको भनाई थियो। गण्डकी प्रदेस सभाभित्र म माननीय हुँला बाहिर तपाईहरुको भाई छोरा साथै हली हुँ माननीय नभन्नुस, कुनै समस्या परेमा रातको बाह्र बजे पनि उपस्थित हुने प्रतिवद्धता समेत उहाँको थियो। तमुहरुको एकता, तमु समुदाय र तमु धिंको निम्ति आफ्नो तर्फबाट सक्दो साथ रहने गुरुङले उदघोष थियो । तमु धिं नेपाल केन्द्रिय समितिका अध्यक्ष हुमबहादुर गुरुङले वार्षिकोत्सवको सफलताको शुभकामना व्यक्त गर्नुहुदै तमु धिं नेपाल तमुहरुको एकता, तमु जातिको भाषा, कला, संस्कार संस्कृति संरक्षण बिकास, अग्रगतिको लागि स्थापित भएकाले दुख सुखमा सधै तमुहरु कै साथमा रहेको बताउनु भयो। तमु एकताका लागि तमु धिं नेपाल सधै तयार छ, संस्थाको नाममा कसैले अहमता र संकुचित भावनाबाट ग्रसित हुनुहुदैन, विशाल भावना असल मनसाय आवास्यक छ उहाँको भनाई थियो। अब तमु धिं नेपाल स्याङ्जा जिल्ला समिति पालिका, वडा, गाउहरुमा संगठन निर्माणको अभियानमा पुग्नुपर्दछ, राज्यबाट प्राप्त अधिकार कार्यन्वयन गर्न र पाउनुपर्ने अधिकारको लागि अभियानमा जुट्नुपर्ने बताउनुभयो। तमु धिं नेपाल केन्द्रिय सदस्य कृष्ण कुमार गुरुङले शुभकामना व्यक्त गर्नुहुदै तमु धिं नेपाल एकताका निम्ती इमान्दारपुर्वक अघिबढेको छ, एकताकै लागि संगठन बिस्तार अभियानलाई लामो समयदेखि स्थगन राखेकोमा अब पहिलो चरणमा तमुवान भुमि गण्डकी प्रदेसलाई संगठित गर्दै राष्ट्रिय अन्तर्राष्ट्रिय क्षेत्रमा अघि बढ्ने बताउनुभयो। तमु धिं नेपाल र तमु ह्युल छोंज धिं गुरुङ राष्ट्रिय परिषदको एकताको प्रक्रिया प्रष्ट पार्दै उहाँले तमु एकतामा तमु धिं नेपाल इमान्दार छ,यदि रहेन भने आफुले संस्थामा बिद्रोह गर्ने र तमु ह्युल छोंज धिं भित्रका इमान्दार तमुहरुले पनि विद्रोह गर्ने आँट गर्नुपर्छ भन्नुभयो । तमु ह्युल छोंज धिं गुरुङ राष्ट्रिय परिषदका केन्द्रिय सदस्य रबिन गुरुङले शुभकामना व्यक्त गर्नुहुन्दै तमु एकता लागि सबै संस्था सकरात्मक हुनुपर्दछ भन्नुहुदै तमु ह्युल छोंज धिं गुरुङ राष्ट्रिय परिषदभित्र आफुहरुले एकतालाई सार्थकता बनाउन बारम्बार जोड दिइरहेको बताउनुभयो। एकताकै चरणमा तमु धिं नेपालको स्याङ्जाको गतवर्षको भेलामा अवरोध र जापानको घटना दुखदायी भएको उहाँको भनाई थियो। नेतृत्वदायी संस्थाहरुले जुटाउने हो फुटाउने होइन भन्नुहुदै गुरुङले तमु धिं नेपाल स्याङ्जा जिल्ला समितिले स्याङ्जा जिल्लाका तमुहरुलाई एकताबद्ध बनाउने अभियानमा सधै आफ्नो साथ रहने बताउनु भयो। तमु धिं नेपाल संरक्षक परिषद सहसंयोजक वरिष्ठ समाजसेवी मेजर लक्ष्मीप्रसाद गुरुङले शुभकामना व्यक्त गर्नुहुदै तमु र भुपु सैनिकहरुको एकताले गुरुङ समुदाय अग्रगतिमा लाग्नसक्ने भएकाले आफुहरुको पहलमा गोर्खा कम्युनिटी पोखरा लगायतको संस्था स्थापना गरेको बताउनुभयो। तमु धिं नेपाल स्याङ्जा जिल्ला समिति सधै सकृयतापुर्वक अघि बढ्नका लागि मेजर लक्ष्मीप्रसाद गुरुङ र धर्मपत्नी तमु धिं केन्द्रिय समिति सदस्य हुमकुमारी गुरुङको तर्फबाट १ लाख १ हजार ११५ रुपैयाको अक्षयकोष रकम हस्तान्तरण साथै स्थापना दिवसको अवसरमा वार्षिक दश हजार रुपैया सहयोग गर्ने घोषणा गर्नुभयो। तमु धिं युकेका संस्थापक सल्लाहकार एवम गोर्खा स्मारक ट्रष्ट साल्मेडाडाका संयोजक डा। चन्द्र बहादुर गुरुङले शुभकामना व्यक्त गर्नुहुदै तमु भाषा संरक्षणका लागि सबै तमुहरुले मातृभाषा बोल्ने र तमु क्युईको संरक्षण र विकासका लागि तमु धिं स्याङजाले प्राथमिकता दिनुपर्ने गुरुङ भाषामै मन्तव्यबाट सुझाव दिनुभयो। तमु धिं नेपाल कास्की जिल्ला समिति अध्यक्ष प्रेमबहादुर गुरुङले वार्षिकोत्सव सफलताको शुभकामना व्यक्त गर्नुहुदै तमुहरुको संस्थागत एकता आवाश्याकतामा जोड दिनुभयो। कोल्मा बहाकोट तमु समाज पोखराका अध्यक्ष पुर्णबहादुर गुरुङले तमु धिं नेपाल स्याङजा जिल्ला समिति गठनको समयमा योजनाबद्ध घटना फेरि पनि नदोहोरियोस भन्नुभयो। उहाँले हामी तमुहरु एकता हुनुपर्दछ, अब तमु धिं स्याङ्जाको संगठन निर्माण अभियानमा सबैको साथको अपेक्षा गर्नुभयो । काहुलेमा बिगतमा गएको पहिरो पिडितलाई सबै भन्दा धेरै सहयोग, बिरामीहरुलाई सहयोग, भाषा, शिक्षा, संस्कृति लागयतको क्षेत्रमा तमु धिं नेपालको सहयोगको अतुलनीय रहेको बताउनुभयो। तमु गुरुङ समाज स्याङ्जाको अध्यक्ष अण बहादुर गुरुङले शुभकामना ब्यक्त गर्नुहुदै तमुहरुको दुख सुखमा एकै थलोमा रहनुपर्ने बताउनु भयो। क्याम्बर अफ कमर्श स्याङ्जाको अध्यक्ष श्रीबहादुर गुरुङले शुभकामना व्यक्त गर्नुहुदै तमुहरुको समृद्धिको लागि आफ्नो साथ रहने बताउनुभयो। तमु गुरुङ समाज स्याङ्जाका महासचिव डिवी गुरुङले तमु समाज स्याङ्जा जिल्ला प्रसासन कार्यलय स्याङ्जामा दर्ता भएको स्वायत्त संस्था भएकाले आगामी दिनमा पनि तमु संघ संस्थाहरुसंग सहकार्य गरिने बताउनुभयो। कार्यक्रममा तमु धिं नेपाल स्याङ्जा जिल्ला समिति सहसचिव गायिका ममता गुरुङ, तमु धिं नेपाल केन्द्रिय युवा समिति सचिव गायक रामप्रसाद गुरुङ र गायिका निसा गुरुङले आफ्नो गायन प्रस्तुति साथै तमु धिं नेपाल बिध्यार्थी समिति, तमु गुरुङ समाज स्याङ्जा र कोल्माबहाकोट तमु समाजका कलाकारहरुले बिबिध साँस्कृतिक प्रस्तुति गरी मनोरन्जन दिलाएका थिए भने कार्यक्रम सफलताको शुभेक्षा सहित विभिन्न सहयोगदाताहरुले सहयोग गरेका थिए । तमु धिं नेपाल स्याङ्जा जिल्ला समितिका अध्यक्ष बालकुमार गुरुङको अध्यक्षतामा भएको कार्यक्रममा उपाध्यक्ष आइ बहादुर गुरुङले स्वागत र सचिव जितबहादुर गुरुङले कार्यक्रम संचालन गर्नु भएको थियो।
लेउवा संघमा रोजगार रणनीति निर्माणका लागि रोजगार संवाद मञ्च

लेखनाथ, ०८ असार । स्थानिय तहमा रोजगारीको अवस्था र आगामी रोजगार रणनीति निर्माण गर्ने उद्देश्यले सोमबार लेखनाथ उद्योग वाणिज्य संघमा छलफल तथा अन्तरक्रिया गर्दै रोजगार संवाद मञ्च कार्यक्रम सम्पन्न भएको छ । पोखरा महानगरपालिका आर्थिक विकास महाशाखा अन्र्तगतको श्रम तथा रोजगार शाखाको आयोजना र लेखनाथ उद्योग वाणिज्य संघको समन्वयमा सञ्चालन गरिएको कार्यक्रममा स्वागत गर्दै लेखनाथ उद्योग वाणिज्य संघका अध्यक्ष जानुका पराजुलीले स्थानियस्तरमा रोजगारीका क्षेत्र पहिचान गर्न मञ्च उपयोगी हुने बताउँदै आयआर्जनका क्षेत्र पहिचान गरेर त्यसलाई कार्यान्वयन गर्न मञ्चले सुझाव दिएर सहयोगी भूमिका निर्वाह गर्ने अपेक्षा गरिएको बताईन । स्थानिय निकायका रोजगार सेवा केन्द्रबाट वेरोजगारीहरुको सुचिकृत गरी स्थानिय संघ संस्था, उद्योगी व्यवसायीहरुसँग समन्वय गरी रोजगारी सृजना गर्नु पर्ने र स्थानिय निकायले आधुनिक प्रविधिका दक्ष जनशक्तिको तयार गरी घरेलु तथा साना उद्योगहरुलाई विषेश ग्राहियता दिई बजारीकरण देखी अन्य क्षेत्रहरुमा पनि सहयोग गर्नु पर्ने बताईन । उक्त अवसरमा पोखरा महानगरपालिका आर्थिक विकास महाशाखाका प्रमुख मनोहर कडरियाले अबको चरण आर्थिक विकासको चरण भएको वताउँदै त्यसका लागी उत्पादनमा वृद्धि गर्न जरुरी रहेको वताएका थिए । उत्पादनको लागी पनि सिपयुक्त जनशक्ति राज्यले निकाल्नुपर्ने र त्यसका लागि तालिममा लगानी गर्नुपर्ने वताएका थिए । उनले खुल्ला दिशामुक्त क्षेत्र घोषणा गरेजस्तै गरि प्रत्येक एक–एक व्यक्तिलाई सिपयुक्त तालिम दिनुपर्ने र सिप नभएको कोही छैन भनेर घोषणा गर्नुपर्ने पनि वताएका थिए । काम ठुलो र सानो भन्ने सोच समाजमा रहेको वताउँदै यस्तो सोचलाईलाई अबका दिनमा चिरेर अगाडी वढ्नुपर्नेमा उनको जोड थियो । पोखरा महानगरपालिकाले आगामी असार १९ गते पोखरामा रोजगार मेला आयोजना गर्ने र त्यसमा सहभागी हुन पनि आग्रह गरेका थिए । कार्यक्रममा युवा श्रम तथा रोजगार मन्त्रालयका शाखा अधिकृत नवराज सुवेदी र पोखरा महानगरपालिका श्रम तथा रोजगार शाखाका प्रमुख विष्णु प्रसाद दाहालले विषयवस्तुमाथी प्रकाश पार्नुका साथै कार्यपत्र प्रस्तुत गरेका थिए । संघका अध्यक्ष जानुका पराजुली अधिकारीको अध्यक्षतामा सम्पन्न भएको कार्यक्रमको सञ्चालन महासचिव भरतराज ओझाले र धन्यवाद ज्ञापन कार्यसमिति सदस्य विरेन्द्रराज भुर्तेलले गरेका थिए ।
जनज्योति भूपू विद्यार्थी मञ्चको नेतृत्वमा कृर्ति वल्लभ त्रिपाठी

पोखरा । कृर्ति वल्लभ त्रिपाठीको नेतृत्वमा जनज्योति भूपू विद्यार्थी मञ्चको नयाँ कार्यसमिति चयन भएको छ । पोखरा–२८ कालिकास्थित जनज्योति माध्यमिक विद्यालयका पूर्व विद्यार्थीको पहिलो साधारणसभा तथा पहिलो अधिवेशनले सर्वसम्मत रुपमा नयाँ नेतृत्व छानेको हो । कार्यसमितिको उपाध्यक्षमा श्याम प्रसाद तिमिल्सेना चयन भए । सचिवमा गुरु प्रसाद त्रिपाठी र कोषाध्यक्षमा श्रीकान्त अधिकारी चुनिए । कार्यसमिति सदस्यहरुमा चन्द्रा शर्मा,नारायण प्रसाद त्रिपाठी,लिला मोहन कुइकेल,प्रविण नेपाली,किरण राज तिमिल्सेना,सागर अधिकारी र रचना भुजेल रहेका छन् । मञ्चका नवनिर्वाचित अध्यक्ष कीर्तिबल्लभ त्रिपाठीले संस्थाको उद्देश्य अनुसार सबैलाई समेटेर अघि बढ्ने प्रतिबद्धता जनाए । उनले भने, ‘सम्पूर्ण भूपू विद्यार्थीलाई एकताबद्ध गर्दै मञ्चलाई थप सक्रिय र प्रभावकारी बनाउनेछु ।’ आफ्नो योग्यता र अनुभवको प्रयोग गरी विद्यालय र पूर्व विद्यार्थीबीचको सम्बन्ध बलियो बनाउन आफू निरन्तर क्रियाशील रहने उनले बताए । अधिवेशनको पहिलो सत्र मञ्चका संयोजक कृर्ति वल्लभ त्रिपाठीको सभापतित्वमा भएको थियो । कार्यक्रममा विभिन्न वर्षका पूर्व विद्यार्थीहरुको उल्लेख्य उपस्थिति थियो । लामो समयपछि एकै ठाउँमा भेला भएका साथीभाइबीच अनुभव साटासाट र पुरानो सम्झनाले वातावरण उत्साहपूर्ण बनेको थियो । कार्यक्रममा प्रमुख अथिति विद्यालयका पुर्व प्रधानाध्यापक पुष्पराज पौडेलले विद्यालयको शैक्षिक, भौतिक र सामाजिक विकासमा भूपू विद्यार्थीको भूमिका निकै महत्वपूर्ण हुने बताउदै उनीहरुले आपसी एकता, भाइचारा र सहकार्यलाई सधैं निरन्तरता दिनुपर्ने बताए । पौडेलले आफुले जनज्योती माविमा बिताएका दिनहरु स्वर्णीम रहेको बताए । कार्यक्रममा पोखरा महानगरपालिकाका निर्वतमान नगर प्रमुख मान वहादुर जिसीले माछापुच्छ्रे हिमालको सम्मुखमा अवस्थित जनज्योति माध्यमिक विद्यालय प्राकृतिक सौन्दर्यसँगै शैक्षिक गरिमाका कारण कास्की जिल्लाकै विशिष्ट विद्यालयका रूपमा चिनिउको बताउदै ग्रामीण परिवेशमा स्थापना भएर पनि गुणस्तरीय शिक्षा प्रदान गर्दै आएको यस विद्यालयले समाज रूपान्तरणमा महत्वपूर्ण योगदान पु¥याएको बताए । कार्यक्रममा युवा स्वरोजगार कोषका कायृकारी निर्देशक विश्व मोहन अधिकारीले विद्यालय र पूर्व विद्यार्थीबीचको सम्बन्धलाई अझ सुदृढ बनाउनुपर्नेमा जोड दिए । कार्यक्रममा मञ्चका सल्लाहकार हरि प्रसाद त्रिपाठी, स्कुलका जग्गादाता तथा व्यवस्थापन समितिका पुर्व अध्यक्ष चन्द्र वहादुर पौडेल स्कुलका पुर्व प्रअ माधव प्रसाद पौडेल पोखरा २८ कि वडा सदस्य डाल्डादेवि भुजेल स्कुलका जग्गादाताहरूको तर्फबाट सुरेन्द्र अधिकारी जन ज्योती मा विका प्रअ उतम कुमार श्रेष्ठ लगाएतले शुभकामना मन्तव्य राखेका थिए । कार्यक्रममा मञ्चका विभिन्न कार्यक्रममा सयोग गर्ने सयोगदाताहरू स्कुलका जग्गादाताहरूलाई सम्मान गरिएको थियो । जनज्योति मावि भूपू विद्यार्थी मञ्चका संयोजक कीर्तिबल्लभ त्रिपाठीको अध्यक्षतामा भएको कार्यक्रमको सन्चालन सचिव गुरु प्रसाद त्रिपाठीले गरेका थिए भने स्वागत मन्तव्य मञ्चका सह सयोजक श्याम प्रसाद तिमल्सेना गरेका थिए । जनज्योति मा। बि। भुपु विद्यार्थी मन्चको बैधानिक रुपमा २०८२ पौष १० गते दर्ता गरि कानुनी मान्यता प्राप्त गरेको थियो । वि।स। २०१६ सालमा स्थापना भएको विद्यालयले २०२६ सालदेखि एसएलसी परीक्षामा समावेश हुँदै आएको थियो । माछापुच्छ्रे हिमालको सम्मुखमा अवस्थित जनज्योति माध्यमिक विद्यालय प्राकृतिक सौन्दर्यसँगै शैक्षिक गरिमाका कारण कास्की जिल्लाकै विशिष्ट विद्यालयका रूपमा चिनिन्छ । ग्रामीण परिवेशमा स्थापना भएर पनि गुणस्तरीय शिक्षा प्रदान गर्दै आएको यस विद्यालयले समाज रूपान्तरणमा महत्वपूर्ण योगदान पु¥याएको छ । अनुशासन, मेहनत र सामाजिक मूल्यमा आधारित शिक्षाले यहाँका विद्यार्थीलाई सक्षम नागरिक बनाउन महत्वपूर्ण भूमिका खेलेको छ ।

Breaking News

Samaya Dristi

Best News Site from Nepal

Main Menu