बालाचतुर्दशीका दिन सतविज छर्दै

मंसिर २६ गते २०८०

बालाचतुर्दशीका दिन सतविज छर्दै

पोखरा–२०,भलाम स्थित हरिहर गुफा परिसरमा मा बालाचतुर्दशीका दिन सतविज छर्दै भक्तालु
तस्विरः दुर्गा प्रसाद पौडेल

गण्डकीका आधाले पाए पूरा डोज, पहिलो डोज लगाउने ६५ प्रतिशत

Samaya Dristi 4 years ago

पोखरा, १० पुष । गण्डकी प्रदेशका आधा जनसंख्याले कोभिडविरुद्धको पूरा डोज खोप पाएका छन् । २५ लाख जनसंख्या रहेको यहाँ ११ लाख ९३ हजार ६ सय ५८ जनाले पूरा... Read More

आहा

Samaya Dristi 7 months ago

पोखराको चर्चित पर्यटकिय क्षेत्र सराङकोटको सराङकोट भ्यू प्वाइन्टबाट बिहीबार सूर्योदय र हिमशृङ्खला अवलोकन गर्दै पर्यटक । जेनजी आन्दोलनले प्रभावित पोखराको पर्यटन क्षेत्र बिस्तारै लयमा फर्कने प्रयासमा छ । तस्बिर... Read More

पक्राउ सांसदलाई छाड्न २४ घन्टे अल्टिमेटम

Samaya Dristi 3 years ago

काठमाडौँ, २० माघ । नागरिक उन्मुक्ति पार्टीले पक्राउ परेका आफ्ना सांसद अरुणकुमार चौधरीलाई २४ घन्टा भित्र रिहा नगरे आन्दोलन गर्ने चेतावनी दिएको छ । जिल्ला अदालत कैलालीबाट ६ महिना... Read More

केन्द्र विवादमा गाउँपालिका कार्यालयमा तालाबन्दी

Samaya Dristi 5 years ago

कास्की, २१ माघ । कास्कीको मादी गाउँपालिकाको केन्द्र सार्न सिफारिस गरिएको निर्णयविरुद्ध असन्तुष्ट पक्षले गाउँपालिका कार्यालयमा तालाबन्दी गरेका छन्। गाउँपालिकाको सिफारिसमा गण्डकी प्रदेश सरकारले सो पालिकाको केन्द्र हालको मादी–३... Read More

आजको खबर

पोखरामा सात सालको कथा परिचर्चा एवम् सिर्जना उत्सव

पोखरा २६, वैशाख समयदृष्टि पोखरामा लेखक फणीश्वरनाथ रेणुको कृति सात सालको कथा परिचर्चा एवम् सिर्जना उत्सव कार्यक्रम सम्पन्न भएको छ । नेपाली लेखक संघ कास्कीको आयोजनामा शनिवार सो कार्यक्रम सम्पन्न भएको हो । सो अवसरमा बोल्दै परिचर्चाकार प्रा. डा. कुसुमाकर न्यौपानेले भारतमा जन्मिएका फणीश्वरनाथ रेणुले नेपालको सात सालको क्रान्ति उतारेर इतिहास जीउँदो राखेको बताए । उनले सो कृतिमा सात सालको कथा मात्रै नभएर नेपालको राणा शासन वीपी कोइराला र प्रजातान्त्रिक आन्दोलनको शंखघोष गरिएको चर्चा गरे । हिन्दीमा लेखिएको उक्त कृति तुलसी भट्टराईले नेपालीमा अनुवाद गरेपछि कृतिको महिमा गर्विलो बनेको धारणा व्यक्त गरे । उनले उक्त कृति पढ्दा पढ्दै कही खुसी हुने ठाउँ त कहीँ आँशु आउने घटनाहरू संग्रहित भएको बताए । कार्यक्रममाथि प्रकाश पार्दै नेपाली लेखक संघ कास्कीका अध्यक्ष कमल पौडेल अथकले उक्त कृति साहित्य, पत्रकारिता र प्रजातान्त्रिक आन्दोलनको त्रिवेणीयुक्त अमर दस्तावेज भएको बताए । उनले उक्त कृति यसअघि नै चर्चा गर्ने आफ्नो इच्छा भएपनि अहिले आएर पूरा भएको बताए । उनले अहिले समाज अवसरवादी सोचमा रुमलिएका बेला सच्चा क्रान्तिको कथाले गलत प्रवृति र पात्रहरुलाइ परास्त गर्ने धारणा व्यक्त गरे । संस्थालाई भर्याङ्ग बनाएर मान सम्मान र अवसर खोज्नेहरूले नेपाली साहित्यमा धमिलो छर्केको बेला गर्विलो इतिहास बोकेको कृतिको परिचर्चा गर्न पाउँदा खुसी लागेको बताए । सो अवसरमा गुरुङ चलचित्रका महानायक ताराबहादुर गुरुङले राष्ट्रभावयुक्त अभिनयमूलक प्रस्तुति देखाएका थिए । कृति परिचर्चा, गीत, संगीत नृत्य अभिनय र रचना वाचन सहित सिर्जना उत्सव गरी कार्यक्रम सम्पन्न भएको लेखक संघ कास्कीले जानकारी दिएको छ । नेपाली लेखक संघ कास्कीका अध्यक्ष कमल पौडेल अथकको अध्यक्षतामा भएको कार्यक्रममा शंकर ज्ञावाली, धर्मराज अल्पायु, कोषाध्यक्ष गायत्री पराजुली, ढुण्डीराज ज्ञवाली, सह सचिव बसन्त चालिसे, लक्ष्मण थापा, मुक्तिप्रसाद रेग्मी, लक्ष्मी थापा, डा . चन्द्रवहादुर गुरुङ, उपाध्यक्ष चन्द्रावती वाग्ले र सचिव रोशन तिमिल्सिना लगायतले गीत, गजल, मुक्तक, कविता वाचन गरेका थिए ।
ल्वाङमा ‘सिनेमा संवादको चौथो संस्करण तयारी पूरा, सशक्त बहस र सांगीतिक प्रस्तुति हुँदै

पोखरा । कास्कीको पर्यटकीय गाउँ ल्वाङमा आयोजना हुने ‘सिनेमा संवाद’को चौथो संस्करणको तयारी अन्तिम चरणमा पुगेको छ। चलचित्र पत्रकार संघ नेपाल कास्कीको आयोजनामा आगामी बैशाख २५ र २६ गते हुने कार्यक्रमलाई यसपटक अझ व्यवस्थित र प्रभावकारी बनाउने तयारी गरिएको आयोजकले जनाएको छ । नेपाली चलचित्र क्षेत्रको वर्तमान अवस्था, चुनौती, सम्भावना तथा स्थानीय तहसँगको सहकार्यका विविध आयाममा गहन छलफल गर्ने उद्देश्यसहित कार्यक्रम आयोजना हुन लागेको हो। यसअघि घान्द्रुक, सिक्लेस र लमजुङको घले गाउँमा सम्पन्न भइसकेको यो कार्यक्रमको चौथो श्रृंखला ल्वाङमा हुन लागेको हो । संघका अध्यक्ष सन्तोष बस्यालका अनुसार कार्यक्रममार्फत चलचित्रकर्मी, पत्रकार र सरोकारवालाबीच अर्थपूर्ण संवादको वातावरण सिर्जना गर्दै समसामयिक विषयमा अनुभव आदान–प्रदान तथा सिर्जनात्मक बहस गरिनेछ । यसपटक ‘नयाँ पुस्ता र नेपाली सिनेमा’, ‘सिनेमामा द्वन्द’, ‘ग्लोबल मार्केटमा नेपाली सिनेमा’ र ‘कन्टेन्ट क्रियटर भर्सेस नेपाली सिनेमा’ जस्ता विषयमा बहस हुनेछ। ‘नयाँ पुस्ता र नेपाली सिनेमा’ शीर्षकमा नायिका आचल शर्मा, नायक सलोन बस्नेत र नायिका सनिशा भट्टराई वक्ताका रूपमा रहनेछन् भने सहजीकरण चलचित्र पत्रकार उत्सव रसाइलीले गर्नेछन्। ‘सिनेमामा द्वन्द’ विषयमा नायक निखिल उप्रेती र लेखक–निर्देशक मनोज पण्डितले धारणा राख्नेछन् भने संवादकर्ता संजोक बस्याल रहनेछन्। ‘ग्लोबल मार्केटमा नेपाली सिनेमा’मा चलचित्र विकास बोर्डका अध्यक्ष दिनेश डिसी, लेखक–निर्माता सामिप्य तिमिल्सिना र नायिका बेनिशा हमाल वक्ताका रुपमा सहभागी हुनेछन् भने सहजीकरण संचारकर्मी विमला थापाले गर्नेछिन् । ‘कन्टेन्ट क्रियटर भर्सेस नेपाली सिनेमा’मा प्रकाश सुवेदी, इस्टु कार्की र महेश भण्डारी वक्ताका रूपमा रहनेछन् भने सहजकर्ता चलचित्र पत्रकार सन्ध्या थापा रहनेछिन् । कार्यक्रमलाई टिभिएसले टाइटल स्पोन्सरको रूपमा साथ दिएको छ भने मेडिप्लस हस्पिटल एण्ड ट्रमा सेन्टर, रानीपौवा पोखरा इन एसोसिएसनमा रहेको छ । एक्सट्रिम इनर्जी ड्रिंक्स पावर बाईमा रहेको छ। यसैगरी प्रेस रजिष्ट्रारको कार्यालय गण्डकी प्रदेश, चलचित्र विकास बोर्ड, उद्योग तथा पर्यटन मन्त्रालय गण्डकी प्रदेश, पोखरा महानगरपालिका, माछापुच्छ्रे गाउँपालिका, नेपाल टुरिजम बोर्ड, पोखरा महानगरपालिका वडा नं. ४, ८, ९, १२, १३, १६, २६, एक्याप, माछापुच्छ्रे गाउँपालिका वडा नं. ८, ल्वाङ गाउँ होमस्टे, सिटीजन फर्निचर न्यूरोड पोखरा, जी एण्ड के इन्टरनेशनल एजुकेशन कन्सलटेन्ट, चलचित्र ‘मालती मंगले’, चलचित्र ‘पेन्सन पट्टा’, परिचय एड्भर्टाइजिङ, रोयल डेकोरेशन, ३१ पार्क होटल बराहीचोक लेकसाइड, होटल माउन्टेन टप लेकसाइड, कञ्चनजंगा अगरबत्ती, वल्र्डलिंक, विज्ञापन बजार, वान रुपी प्रोडक्सन, बन्जी नेपाल, मार्फा थकाली एण्ड स्टेशन, रक्सी सुकुटी, स्वपु क्रियशन, प्रचार, सेकुवा सदन शिवालय मार्ग पोखरा, मेरो साथी टिभी, पब्लिक फोर के टेलिभिजन, सूत्र टिभी, एसटी क्रियशन, रमाइलो छ डटकम, लिप इभेन्ट, इभेन्ट पोखरा, रअ स्टुडियो नेपाल, एभरेष्ट टाइम्स यूके लगायतका संस्थाहरूको सहयोग रहेको आयोजकले जनाएको छ । कार्यक्रम विभाग प्रमुख तथा संयोजक राकेश गुरुङका अनुसार बैशाख २५ गते साँझ ‘सिनेमा साँझ’ विशेष कार्यक्रम अन्तर्गत चर्चित पोखरेली ब्याण्डको सांगीतिक प्रस्तुति रहनेछ, जहाँ नेपाली चलचित्रका लोकप्रिय गीतहरू प्रस्तुत गरिनेछन् । संघका सचिव सुरेश सुनारले कार्यक्रमको प्रत्येक सेसन प्रभावकारी बनाउन निरन्तर तयारी भइरहेको जानकारी दिए। तयारीकै क्रममा आयोजक टोलीले माछापुच्छ्रे गाउँपालिका–८ का वडाध्यक्ष राम गुरुङ तथा ल्वाङ सामुदायिक होमस्टे समितिसँग समन्वय गरिसकेको उनले बताए । यसपटक कार्यक्रमलाई अझ व्यवस्थित बनाउन सहभागिताका लागि रजिष्ट्रेसन शुल्कसमेत तोकिएको छ । सिनेमा संवादमार्फत ल्वाङ गाउँको पर्यटन प्रवद्र्धनसँगै नेपाली सिनेमा क्षेत्रको विकासमा टेवा पुग्ने विश्वास गरिएको छ । साथै, कार्यक्रममा उठेका विषयलाई अवधारणा पत्रका रूपमा सम्बन्धित निकायमा पेश गर्ने लक्ष्यसमेत राखिएको आयोजकले जनाएको छ ।
मुलुक परिवर्तनमा सञ्चार जगतको भूमिका स्मरणीय , प्रदेश प्रमुख भट्ट , प्रजातन्त्र सेनानी दयाशंकर पालिखे स्मृति पत्रकारिता सम्मान पत्रकारद्वय बस्नेत र बराललाई

पोखरा, २२ वैशाख गण्डकी प्रदेशका प्रदेश प्रमुख डिल्लीराज भट्टले मुलुक परिवर्तनमा सञ्चार जगतको भूमिका स्मरणीय रहेको उल्लेख गर्नुभएको छ । पोखरामा मंगलबार ‘प्रजातन्त्र सेनानी दयाशंकर पालिखे स्मृति पत्रकारिता सम्मान’ अर्पण समारोहमा प्रदेश प्रमुख भट्टले नेपालका हरेक राजनीतिक र सामाजिक परिवर्तनहरूमा सञ्चार जगतले खेलेको भूमिका अतुलनीय रहेको बताउनुभयो । ‘नेपाली पत्रकारले दबाब र अभावसँग सम्झौता नगरी आफ्नो कर्मप्रति देखाएको सेवाभाव अनुकरणीय छ । पत्रकारिताको मर्यादा र नैतिकता कायम राख्दै समाज र राष्ट्र निर्माणमा अझै सशक्त भूमिका निर्वाह गर्ने अपेक्षा लिएको छु ।’ भट्टले भने । पत्रकारिता पेसा मात्र होइन, यसलाई महत्वपूर्ण सामाजिक दायित्व र चुनौतीपूर्ण सेवाका रुपमा लिनुपर्नेमा जोड दिँदै उहाँले राष्ट्रको चौथो अङ्गका रूपमा समाजलाई सही मार्गमा अघि बढाउने जिम्मा पत्रकारिता जगतमै रहेको बताउनुभयो । ‘सत्य, निष्पक्ष र उत्तरदायित्व वहन गर्दै सही सूचना समाचार प्रवाह गर्ने पत्रकारिता जगत राज्य र नागरिकबीचको सेतु हो । जसले पारदर्शिता, जवाफदेहिता र सुशासन प्रवद्र्धनमा महत्वपूर्ण योगदान दिँदै आएको छ ।’ उहाँले भन्नुभयो । प्रदेश प्रमुख भट्टले प्रविधिको विकाससँगै पत्रकारिता क्षेत्रमा अवसर र चुनौती दुवै सिर्जना भएको उल्लेख गर्दै यो एआई डिजिटल युगमा आफूलाई समयानुकूल अपडेट गर्दै क्षमता अभिवृद्धितर्फ ध्यान दिनुपर्नेमा जोड दिनुभयो । उहाँले थप्नुभयो – ‘बढ्दो सामाजिक सञ्जालको प्रयोग तथा यसका माध्यमबाट प्रवाहित हुनसक्ने मिथ्या र भ्रामक सूचनाले नागरिकलाई दिग्भ्रमित पार्न थालिसकेको छ । भ्रामक सूचनाको भीडमा सत्य र तथ्यपूर्ण समाचार सम्प्रेषण गर्नु आजको मुख्य आवश्यकता हो ।’ आर्थिक सङ्कटले सञ्चारसंस्थाहरूको दिगोपनामा समस्या पार्ने खतरा देखापरिसकेकोमा चिन्ता व्यक्त गर्दै उहाँले नेपाली पत्रकारको पेसागत असुरक्षा र न्यूनतम पारिश्रमिक कार्यान्वयनमा समस्या यथावत् रहेको र श्रमजीवी पत्रकारको पेशागत अधिकार स्थापित गर्दै सञ्चार संस्था तथा पत्रकारहरुको सबलिकरणको दिशामा राज्यले उचित ध्यान पु¥याउनुपर्ने मनन पनि गर्नुभयो । ‘प्रेस तथा अभिव्यक्ति स्वतन्त्रता, सञ्चार र सूचनाको हकलाई नेपालको संविधानमा मौलिक हकका रूपमा व्यवस्था गरिएको छ । संवैधानिक रूपमै व्यवस्थित गरिएका ती हकहरूको पूर्णरूपमा संरक्षण र कार्यान्वयन गर्दै जिम्मेवार र मर्यादित पत्रकारिताको विकासका लागि सबै पक्षले ध्यान दिनुपर्दछ ।’ प्रदेश प्रमुख भट्टले भन्नुभयो । जनही १ लाख १ हजार १ सय ११ नगदसहित सम्मानित पत्रकारद्वय सूर्यचन्द्र बस्नेत र कृष्णमणि बराललाई बधाई ज्ञापन गर्दै उहाँले प्रजातन्त्र सेनानी दयाशंकर पालिखेले प्रजातन्त्रको स्थापना र सम्वद्र्धनमा पु¥याउनुभएको योगदानलाई स्मरण पनि गर्नुभयो । पत्रकार महासंघ कास्कीका अध्यक्ष माधवप्रसाद बरालको अध्यक्षतामा भएको कार्यक्रममा उपाध्यक्ष माधवप्रसाद रेग्मीले स्वागत र सचिव भुपाल गुरूले सञ्चालन गर्नुभएको थियो ।
पोखरा महिला गोल्डकप संकटालाई हराउँदै आर्मी फाइनलमा

पोखरा ÷ त्रिभुवन आर्मी क्लब पोखरामा जारी महिला गोल्डकप फुटवल प्रतियोगिताको फाइनलमा प्रवेश गरेको छ । आर.एस. पोखरा फुटबल क्लबको आयोजनामा जारी गोल्डकपअन्तरगत शनिबार संकटा क्लबलाई ४–२ गोलअन्तरले हराउँदै आर्मी फाइनलमा पुगेको हो । पोखरा रंगशालास्थित फुटबल मैदानमा पहिलो हाफमा १–० को अग्रता कायम गरेको आर्मीले दोस्रो हाफमा थप ३ गोल ग¥यो । आर्मीको जितमा चन्द्रा भण्डारीले दुई तथा दिपा शाही र हिमा चौधरीले एक–एक गोल गरिन् । संकटाको तर्फबाट भने दुई विदेशी खेलाडी क्वीनबेल ए अमनाराह र लिसिया एल जे मोकाम्बिकले गोल गोल गरिन् । अत्यन्त प्रतिस्पर्धात्मक बनेको खेलको पहिलो हाफको निर्धारित समय सकिएपछि थप गरिएको एक मिनेटमा आर्मीका लागि दिपाले अग्रता दिलाइन् । तुलसा बोहोराको पासमा उनले सहज गोल गरिन् । दोस्रो हाफको सुरुवातमै आर्मीले अग्रता दोब्बर पा¥यो । ४७ औं मिनेटमा संकटाकी गोलरक्षक सुशिला चौधरीले डिफेन्स लाइनबाट आएको बललाई लङसट खेल्न खोज्दा आर्मीकी चन्द्राले गोल गरिन् । उनले ५५ औं मिनेटमा व्यक्तिगत दोस्रो गोल गर्दै टोलीको अग्रता तेब्बर पारिन् । ३–० ले पछि परेको संकटाका लागि ७० औं मिनेटमा क्वीनवेल अमक्राहले उत्कृष्ट गोल गर्दै खेलमा फर्काउने प्रयास गरिन् । लगत्तै ७२ औं मिनेटमा संकटाले फ्रिकीकमार्फत गोल गर्दै खेल ३–२ को स्थितिमा पु¥याएको थियो । लिसिया मोकाम्बिकले प्रहार गरेको फ्रिकीकमा आर्मीकी गोलरक्षक कोपिला खड्काले समात्ने प्रयास गर्दा बलले जाली चुमेको थियो । निर्धारित ९० मिनेट सकिएपछि थप गरिएको ८ मिनेटमा आर्मीकी हिमा चौधरीले गोल गरिन् । जित संगै आर्मीले फाइनलमा नेपाल पुलिसको सामना गर्नेछ । नेपाल पुलिस क्लबले यस अघि आयोजक आर.एस. पोखरा फुटबल क्लबलाई ८–० गोलले हराउँदै फाइनलमा प्रवेश गरेको थियो । प्रतियोगिताको फाइनल खेल भोलि २ बजे हुनेछ । प्रतियोगिताको विजेताले नगद पाँच लाख रुपैयाँ प्राप्त गर्नेछ भने उपविजेताले तीन लाख रुपैयाँ प्राप्त गर्ने भएको आयोजक आर एस पोखरा फुटबल क्लबले जनाएको छ । गण्डकी प्रदेशकै इतिहासमा पहिलो पटक पोखरामा महिला गोल्डकपको आयोजना गरिएको आयोजकको दाबी छ । प्रतियोगितामा कुल चार टिमको सहभागिता रहेको थियो ।

Breaking News

Samaya Dristi

Best News Site from Nepal

Main Menu