पोखरा अन्तर्राष्ट्रिय बिमान स्थलमा परिक्षण उडान

मंसिर ७ गते २०७९

पोखरा अन्तर्राष्ट्रिय बिमान स्थलमा परिक्षण उडान

जनवरी १ देखि औपचारिक उडान सुरु गर्न लागेको पोखरा अन्तर्राष्ट्रिय विमानस्थलले सोमबारदेखि क्यालिब्रेसन फ्लाइट (यान्त्रिक
परीक्षण) थालेको छ । थाइल्याण्डको एरो थाई कम्पनीको विमानले एक सातासम्म क्यालिब्रेसन फ्लाइट गर्ने छ ।
तस्विरः दुर्गा प्रसाद पौडेल

pokhara, pokharainternationalairport

शिक्षामा थप गुणस्तर वृद्धि गर्न ‘मेयरसँग विद्यार्थी’ कार्यक्रम सञ्चालन

Samaya Dristi 3 years ago

माघ,चितवन । भरतपुर महानगरपालिका प्रमुख रेनु दाहालले भरतपुरका विद्यालयहरुको शिक्षामा थप गुणस्तर वृद्धि गर्न ‘मेयरसँग विद्यार्थी’ कार्यक्रम सञ्चालनमा ल्याइएको बताउनुभएको छ । शनिबार सहिद स्मृति माध्यमिक विद्यालय भरतपुर ६... Read More

व्यवसायिक सीप रोजगारी र आत्मनिर्भरता तर्फको कदम

Samaya Dristi 2 years ago

पोखरा । गण्डकी प्रदेश सरकारका सामाजिक विकास, युवा तथा खेलकुद मन्त्री विन्दु कुमार थापाले व्यवसायिक सीप रोजगारी र आत्मनिर्भरता तर्फको कदम भएको बताएका छन् । सोमबारबाट व्यावसायिक तथा सीप... Read More

पोखरामा इस्लाम धर्मावलम्विहरुले बकर इद पर्व मनाए(फोटो फिचर)

Samaya Dristi 2 years ago

३ असार ,पोखरा आज असार ३ गते बकर ईद उल अजहा नामले विश्वभरिका ईस्लाम समुदायले यस वर्षको बकर इद पर्व धुमधामका साथ मनाएका छन । पोखराको मिया पाटनमा पनि... Read More

प्रेस युनियन राष्ट्रिय पत्रकारिता पुरस्कार पौडेल र बास्तोलालाई प्रदान गरिने

Samaya Dristi 4 years ago

पोखरा, साउन २२ । नेपाल प्रेस युनियन राष्ट्रिय पत्रकारिता पुरस्कारबाट पत्रकार रमेश पौडेल र रवीन्द्र बास्तोला पुरस्कृत हुने भएका छन् । नेपाल प्रेस युनियन कास्कीले स्थापना गरेको सो पुरस्कार... Read More

आजको खबर

लुम्बिनी फोटोग्राफर संघको आयोजनामा १ दिने स्टुडियो सम्बन्धी अनलाइन तालिम सम्पन्न

१८ साउन बुटवल लुम्बिनी फोटोग्राफर संघ को आयोजनामा १ दिने स्टुडियो सम्बन्धी अनलाइन तालिम सम्पन्न भएको छ। फोटोग्राफी व्यवसायलाई प्रविधिमैत्री र समयसापेक्ष बनाउने उद्देश्यका साथ उक्त तालिम सञ्चालन गरिएको हो। संघका अध्यक्ष दिनेश अर्यालको अध्यक्षतामा सम्पन्न उक्त कार्यक्रममा बुटवल उपमहानगरपालिका वडा नम्बर ६ का अध्यक्ष लोकनाथ न्यौपाने प्रमुख अतिथिका रूपमा रहेका थिए। कार्यक्रममा बोल्दै प्रमुख अतिथि न्यौपानेले आधुनिक समयमा प्रविधिको सही प्रयोग गर्दै सेवा प्रवाह गर्नु नै व्यवसायीहरूको सफलताको साँचो भएको बताउनुभयो। यस्ता खालका प्रविधिहरुको सेवा मुलक कामले राज्य पक्ष र सेवाग्राहि पक्ष दुवैलाई फाइदा गुग्ने कुरा बताए। कार्यक्रममा संघका सल्लाहकार माधवप्रसाद पन्थ, नवलपरासी फोटोग्राफर संघका उपाध्यक्ष शिव भण्डारी महासचिव सुरज चालिसे हरूलगायत विभिन्न अतिथिहरूले शुभकामना मन्तब्य राखेका थिए । कार्यक्रममा स्वागत मन्तव्य संघका प्रथम उपाध्यक्ष माधव प्रसाद पन्थले राखेका थिए भने कार्यक्रमको सञ्चालन महासचिव त्रिभुवन पाण्डेले गरेका थिए । तालिमको सहजीकरणमा संयोजक प्रेमबहादुर अर्याल र सुरज भुसालले रहेका थिए । तालिममा लोक सेवा आयोग, शिक्षक सेवा आयोग, त्रिभुवन विश्वविद्यालय, वडासँग सम्बन्धित फर्महरू, तथा पुलिस रिपोर्ट, ड्राइभिङ लाइसेन्स, बैंकहरू र श्रम तथा परिचयपत्र सम्बन्धी अनलाईनबाट भरिने अनलाइन फारम तथा प्रक्रियाबारे सहभागीहरूलाई व्यावहारिक ज्ञान प्रदान गरिएको थियो। तालिममा ६५ जना फोटोग्राफर तथा स्टुडियो व्यवसायीहरूको उत्साहजनक सहभागिता रहेको थियो।
पर्वत समाज जापानद्धारा पत्रकार रमेश पौडेल सम्मानित

पोखरा, साउन १२ गते नेपाल पत्रकार महासंघ गण्डकी प्रदेशका अध्यक्ष एवं रेडियो बाराहीका कार्यकारी निर्देशक रमेश पौडेललाई जापानमा रहेका पर्वतबासीहरूको संस्था पर्वत समाज जापानले सम्मान गरेको छ । ग्लोबल मिडिया सम्मेलनमा सहभागी हुन जापान पुग्नुभएका अध्यक्ष पौडेलसँगै नेपाल पत्रकार महासंघका केन्द्रीय सचिव बैकुण्ठ पराजुली, केन्द्रीय सदस्य छविलाल तिवारी तथा नेपाल पत्रकार महासंघ कास्कीका अध्यक्ष माधव बराललाई पनि सम्मान गरिएको हो । सम्मान कार्यक्रममा गैरआवासीय नेपाली संघ ९एनआरएनए० जापानका अध्यक्ष सुभास लामिछानेले प्रवासी नेपालीलेआर्जन गरेका सीप, ज्ञान र अनुभवलाई नेपालको विकाससँग जोड्न सञ्चारमाध्यमको भूमिका प्रभावकारी हुनुपर्ने बताउनुभयो । त्यसैगरी, पर्वत समाज जापानका अध्यक्ष राम बास्तोलाले प्रवासमा रहेका नेपालीहरूलाई एकताबद्ध बनाउन समाजले महत्वपूर्ण भूमिका निर्वाह गर्दै आएको उल्लेख गर्नुभयो । सम्मान ग्रहणपछि अध्यक्ष पौडेलले प्रवासमा रहेका नेपाली संस्थाहरूको सक्रियताको प्रशंसा गर्दै जापानको प्रणाली, अनुशासन र प्रविधिबाट नेपालले धेरै कुरा सिक्न सक्ने बताउनुभयो । उहाँले नेपालको उद्योग तथा आर्थिक विकासमा गैरआवासीय नेपाली संघ ९एनआरएनए०मार्फत लगानी भित्र्याउन थप पहल आवश्यक रहेको धारणा व्यक्त गर्नुभयो । कार्यक्रममा नेपालपत्रकार महासंघका केन्द्रीय सचिव पराजुली, केन्द्रीय सदस्य तिवारी, कास्की अध्यक्ष बराल, वरिष्ठ कलाकार ईश्वर गुरुङ, पर्वत समाज जापानका वरिष्ठ उपाध्यक्ष मुक्तिराज रेग्मी, महासचिव जीवन न्यौपाने लगायतले समाजका गतिविधि, प्रवासी नेपालीको भूमिका तथा नेपाल–जापान सम्बन्धका विविध पक्षबारे धारणा राख्नुभएको थियो ।
पोखरामा पर्यटकलाई सूचना दिन क्युआर कोर्ड, पर्यटक सुरक्षाका बारेमा छलफल

पोखरा, १२ साउन गण्डकी प्रदेश प्रहरी कार्यालय र पोखरा पर्यटन परिषद्को संयुक्त पहलमा पर्यटकलाई सुरक्षित र पर्यटन क्षेत्रको जानकारी दिने उद्देश्यले क्युआर कोर्ड सञ्चालनमा ल्याएको छ । क्युआर कोर्ड स्क्यान गरेर स्वदेशी तथा विदेशी पर्यटकहरूले नेपाल प्रहरीका आपत्कालीन सम्पर्क नम्बर, पर्यटकीय सुरक्षा सम्बन्धी जानकारी, आवश्यक सम्पर्क विवरण, भ्रमणका सूचनाहरू सहज रूपमा प्राप्त गर्न सक्नेछन् । गण्डकी प्रदेश प्रहरी प्रमुख प्रहरी नायव महानिरीक्षक (डिआइजी) दिपेन्द्र जिसीले क्युआर कोर्डको उद्घाटन गरे । यसले आपत्कालीन अवस्थामा पर्यटकलाई आवश्यक जानकारी तत्काल उपलब्ध गराउँदै सुरक्षित यात्रा अनुभवमा सहयोग पुग्ने अपेक्षा गरिएको छ । पर्यटन क्षेत्रसँग सम्बन्धित संघसंस्थाका अध्यक्षहरु सँग अन्तरक्रिया गर्दै पर्यटन सुरक्षा सम्बन्धमा छलफल गरे । छलफल पछि डिआजी जिसीले गण्डकी प्रदेशमा आउन पर्यटकको सुरक्षाका लागि आफुहरु लागि रहेको बताए । पर्यटकी क्षेत्रको सुरक्षाका लागि थप प्रहरीहरु समेत पठाएको बताए । पर्यटकहरुलाई प्रहरीले त्यतिकै खानतलासी नगर्ने बताउदै कहिले काही शंकास्पद अवस्थामा मात्रै पर्यटकलाई चेक जाचँ गर्ने गरेको बताए । उनले होटल तथा भाडाका कोठाहरूमा लामो समय बस्ने व्यक्तिहरूबाट हुनसक्ने अवैध गतिविधिप्रति प्रहरी सचेत रहनु पर्ने बताए । उनले भने, ‘प्रहरीले शङ्कास्पद गतिविधिमाथि सूक्ष्म निगरानी बढाएको छ।’ उनले थपे, ‘होटल व्यवसायी र घरधनीले आफ्ना पाहुनाको पहिचान सुनिश्चित गरी कुनै पनि शङ्कास्पद गतिविधिको सूचना तत्काल प्रहरीलाई उपलब्ध गराउन आग्रह गर्दछु।’ पर्यटन क्षेत्रका सुरक्षा चुनौती, पदमार्गको सुरक्षा, होटल व्यवस्थापन, प्रहरी र व्यवसायीबिचको सहकार्यका विषयमा छलफल गरेका हुन् । कार्यक्रममा पोखरा पर्यटन परिषद्का अध्यक्ष तारानाथ पहारीले पर्यटन विकासका लागि सुरक्षित वातावरण पहिलो सर्त भएको बताए । उनले व्यवसायी र प्रहरीबिचको आपसी समन्वयले मात्रै सुरक्षित पर्यटकीय वातावरण निर्माण गर्न सकिने बताउँदै यस्ता संवादलाई निरन्तरता दिनुपर्नेमा जोड दिए । कार्यक्रममा पोखरा पर्यटन परिषद्का पुर्व अध्यक्ष गोपीबहादुर भट्टराईले पोखरा सुरक्षाका लागि सिसी क्यामेरा जडान गर्नु पर्ने बताए । उनले आधुनिक क्यामेरा जडान गरेर पोखरालाई अझ सुरक्षीत शहर बनाउनु आवश्यक रहेको बताए । त्यसै गरी ट्रेकिङ एजेन्सिज एसोसिएसन अफ नेपाल (टान) गण्डकीका अध्यक्ष कृष्णप्रसाद आचार्यले पदयात्रा मार्गहरूमा हुने सम्भावित दुर्घटना र आपत्कालीन अवस्थामा तत्काल उद्धार गर्न विभिन्न स्थानमा सुरक्षाका स्थायी युनिट स्थापना गर्नुपर्ने बताए । यस्तै, होटल संघ पोखराका अध्यक्ष लक्ष्मण सुवेदीले केही होटल व्यवसायीले पाहुनालाई मोटरसाइकलमार्फत स्कर्टिङ गर्ने प्रवृत्तिले पर्यटन क्षेत्रमा नकारात्मक सन्देश प्रवाह गरिरहेको भन्दै यसतर्फ प्रहरीको ध्यानाकर्षण गराए । रेवान पोखराका अध्यक्ष विश्वराज पौडेलले लेकसाइडको फुड्ट्याकमा विभिन्न कानुन विपरीतका कामहरु हुने गरेको भन्दै त्यस्ता कामलाई रोक्न माग गरे । कार्यक्रममा पोखरेली ट्याक्सी सेवा प्रालिकी अध्यक्ष शोभाकान्त पोखरेल, नेपाल पर्वतारोहण संघ गण्डकीका अध्यक्ष विकास गुरुङ, जिल्ला प्रहरी कार्यालय कास्कीका प्रमुख नवीन कार्की, एगा पोखराका अध्यक्ष गोकर्ण लम्साल, टेसा पोखराका अध्यक्ष टिका बहादुर लम्साल, भिटोफ गण्डकीका अध्यक्ष रमेश अर्याल, नेपाल पर्यटन यातायात व्यवसायी संघ गण्डकीका अध्यक्ष रविप्रसाद आचार्य, फेवा डुङ्गा व्यवसायी संगठनका अध्यक्ष बलाराम गिरी, ओटेफ पोखराका अध्यक्ष ममता न्यौपाने, टेवानका अध्यक्ष शोभा न्यौपाने, विदेशी मुद्रा सटही संस्था पोखराका अध्यक्ष रुपक राज मिश्र, नाट्टा गण्डकी प्रदेशकी उपाध्यक्ष संगीता पौडेल, रेवान पोखराका उपाध्यक्ष विकास भट्टराई, रेवान पोखराका महासचिव विरेन्द्र शेरचन अन्नपुर्ण केवलकार पोखराका दिनेश पौडेल लगायत पर्यटन क्षेत्रका सुरक्षा र समस्याका बारेमा बताएका थिए । उनीहरुले लेकसाइडमा बेला बेलामा आउने मगन्तेहरु, पार्किङ व्यवस्थापन लगाएतका बारेमा जानकारी दिएका थिए ।
फोटोग्राफर संघ गण्डकी प्रदेश को फोटो प्रतियोगिता शुभारम्भ

श्रावण ११, चितवन , फोटोग्राफर संघ गण्डकी प्रदेश को आठौं स्थापना दिवस तथा १८७ औं बिश्व फोटोग्राफी दिवसको अवसरमा संस्थाले फोटो प्रतियोगिताको घोषणा गरेको छ । संघले फोटोग्राफरहरुको सम्मान प्रविधिको ज्ञान, व्यवसायिहरुलाई उत्साह र फोटोग्राफरहरुको मनोवल उच्च प्रदान गर्ने उदेश्यले उक्त प्रतियोगिताको घोषणा गरेको संस्थाका महासचिव प्रेम प्रसाद पराजुली ले जानाकारी गराए । गत शनिवार चितवनको सौराहामा सम्पन्न नेपाल फोटोग्राफर महासंघको केन्द्रिय बिस्तारित बैठक को शुभ अवसर पारेर केन्द्रिय अध्यक्ष महेन्द्र प्रसाद उपाध्याय ले प्रतियोगिताको ब्यानर सार्वजनिक गरेका थिए । प्रतियोगिताका संयोजक जिवन ढुंगानाले प्रतियोगितको महत्व तथा प्रतियोगितामा सहभागी कसरी हुने भन्नेवारेमा प्रकाश पारेका थिए । प्रतियोगितामा मिराज राष्ट्रिय बैवाहिक फोटो प्रतियोगिता अन्तरगत बिभिन्न ६ ओटा विधा सार्वजनिक गरेको छ ।जसमा बेष्ट फोटो अवार्ड, ब्राईड एण्ड ग्रुम हेड सट,बेष्ट कलरिङ एण्ड रिटचिङ, बेष्ट मोमेन्ट क्याप्चरिङ, बेष्ट कपल पोजिङ, बेष्ट कल्चर गरी ६ ओटा बिधा रहेका छन । बेष्ट बैवाहिक फोटो अवार्डका लागी रु १५,५५५ नगद ट्रफी र प्रमाण पत्र रहेको छ भने अन्य बिधामा ट्रफी र प्रमाण रहेका छन् । मिराज राष्ट्रिय बैवाहिक फोटो प्र्रतियोगिताका लागि मिराज फोटोका संचालक भक्त बहादुर तामाङ र बृहस तामाङले रु ३ लाखको अक्षयकोषको स्थापना गरेको कुरा कोषाध्यक्ष रामचन्द्र पोख्रेलले बताएका छन् । यसैगरी संस्थाले गण्डकी प्रदेशलाई बिश्वभरी नै चिनाउने उद्येश्यका साथ यहाँका प्राकृतिक छटाहरुलाई उजागर गर्ने र आन्तरिक पर्यटनलाई प्रोत्साहन गर्नका लागी नेचर एण्ड ल्याण्डस्केप बिधामा पनि प्रतियोगिताका घोषणा गरेको कुरा प्रतियोथिगता संयोजक जिवन ढुंगानाले बताए । नेचर एण्ड ल्याण्डस्केप बिधा अन्र्तगत फोटोहरु गण्डकी प्रदेश भित्रको हुनुपर्नेछ भने देशै भरिका फोटोग्राफरहरु यस प्रतियोगितामा भाग लिन पाउनेछन । उक्त प्रतियोगितामा बेस्ट फोटोले नगद रु १०,००० ट्रफि र प्रमाणपत्र पाउनेछन भने उत्कृष्ट ५ तस्विरलाई ट्रफि र प्रमाणपत्र प्राप्त गर्नेछन् । फोटोग्राफर संघ गण्डकी को स्थापना दिवस भाद्र २० गते भब्य समारोहका विच समापन गरिने कुरा संस्थाका अध्यक्ष नारायण बहादुर केसीले जानकारी दिए । बिधा प्रकृति तथा सुन्दर प्राकृतिक दृश्य (Nature & Landscape) प्रतियोगिता सम्वन्धिनियमहरु १.फोटो गण्डकी प्रदेश क्षेत्रभित्रखिचिएकोे हुनु पर्नेछ । २. सबै नेपालीनागरिकले सहभागिता जनाउन पाउने छन । ३.फोटो प्रकृति तथा सुन्दर प्राकृतिक दृश्य(Nature & Landscape) सम्वन्धि हुनु पर्नेछ । ४.फोटो क्यामरा तथा मोवाइल ले खिचेको हुनु पर्नेछ । ५. एरियल फोटो,ड्रोनफोटोहरु समावेश गर्न पाइने छैन । ६. फोटोलाई सामान्य Crop&color Correction गर्न सकिनेछ । ७. फोटोमा Logo तथा Water Markराख्नपाईने छैन । ८.फोटो Photographer Association Gandaki को Google Form (gpan075@gmail.com ) मा पठाउनु पर्नेछ । ९.सहभागीले ३ वटा सम्म फोटो पठाउन सक्नेछन । १०. फोटो १ एक एमवी भन्दा माथी हुनुपर्नेछ । १०.फोटोग्राफी क्षेत्रका ३ जना निर्णायकद्वारा मूल्यांकन गरिनेछ । Fill the Form https://forms.gle/vf2qEn4jt5TtRmbh6 बिधा मिराज राष्ट्रिय बैवाहिक फोटो प्रतियोगिता (Mirage National Wedding Photo Contest –2026) १.बेष्ट फोटो अवार्ड २.ब्राईड एण्ड ग्रुम हेड सट ३.बेष्ट कलरिङ एण्ड रिटचिङ ४.बेष्ट मोमेन्ट क्याप्चरिङ ५.बेष्ट कपल पोजिङ, ६.बेष्ट कल्चर Fill the Form https://forms.gle/vkf6wtJ9ggMRMUEF7 प्रतियोगिता शुरु शुरु मितिः २०८३ श्रावाण १ गते देखी फोटो पोष्ट गर्ने अन्तिम मितिः २०८३ भाद्र १२ गते राती १२ बजे सम्म नतिजा प्रकाशन तथा पुरस्कार बितरण ः २०८३ भाद्र २० गते शनिवार

Breaking News

Samaya Dristi

Best News Site from Nepal

Main Menu