प्रतीनिधी सभा तथा प्रदेश सभा निर्वाचन झलकहरु

मंसिर ३ गते २०७९

प्रतीनिधी सभा तथा प्रदेश सभा निर्वाचन झलकहरु

कास्की क्षेत्र नं ३ अन्तरगत हेम्जा गौरिशंकर मतदान केन्द्र अन्तरगत कुल मतदाता संख्या ४ हजार ४३९ र बिष्णुपादुका मतदान केन्द्रमा ३ हजार ५० गरि पोखरा २५ हेम्जाको कुल मतदाता संख्या ७ हजार ४८९ रहेको छ । जस अन्तरगत मतदान स्थलको पूर्वतयारीको दृष्यहरु ।

पोखरामा यही माघ २० गते देखि मानवसेवाका लागि महायज्ञ हुँदै,

Samaya Dristi 11 months ago

पोखरा, १ माघ । मानवसेवा आश्रम शाखा कार्यालय कास्की पोखराको भवन निर्माण तथा बेसहाराका लागि कोष निर्माण सहयोगार्थ यही माघ २० गतेदेखि २७गतेसम्म आश्रमको भवन निर्माणस्थल हेम्जास्थित बाबियातारामा बृहत... Read More

गणतन्त्र नेपालको तेस्रो राष्ट्रपति पौडेल

Samaya Dristi 9 months ago

फाल्गुन २५, २०७९ , काठमाडौँ गणतन्त्र नेपालको तेस्रो राष्ट्रपतिमा रामचन्द्र पौडेल निर्वाचित भएका छन् । राष्ट्रपति पदका अर्का उम्मेदवार सुवासचन्द्र नेम्वाङलाई पराजित गर्दै पौडेल बिहीबार राष्ट्रपति निर्वाचित भएका हुन्... Read More

ओलीले आफ्नो धरातल बिर्सेर आफूलाई महाराजधिराज ठानेः प्रचण्ड

Samaya Dristi 3 years ago

काठमाडौँ,१५ फागुन । नेपाल कम्युनिष्ट पार्टी (नेकपा) प्रचण्ड–माधव पक्षका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले आफूलाई महाराजधिराज ठान्ने गरेको बताएका छन्। शनिबार काठमाडौँमा आयोजित नेकपा प्रचण्ड–माधव समूह... Read More

पोखरामा नाटक निर्देशन कार्यशाला हुँदै

Samaya Dristi 2 years ago

पोखरा, ३ कार्तिक । पोखरामा नाटक निर्देशन कार्यशाला हुने भएको छ । गण्डकी प्रज्ञा प्रतिष्ठानको आयोजनामा हुने यो कार्यशालामा गण्डकी प्रदेशका ११ जिल्लाबाट २५ जनाको हाराहारीको सहभागिता रहने गण्डकी... Read More

आजको खबर

२२ गते देखि आठौं पर्वतीय महोत्वस, यसवर्ष ५ दिन मनाइने

पोखरा नेपाल पर्वतारोहण संघले बर्सेनि गर्दै आइरहेको पर्वतीय महोत्सव यस वर्ष ५ दिन हुने भएको छ । आठौं संस्करणको उक्त महोत्सव मंसिर २२ गतेदेखि २६ गतेसम्म पोखरास्थित अन्तर्राष्ट्रिय पर्वतीय संग्रहालय, रातोपैह्रोमा हुने भएको हो । यसअघि महोत्सव ३ दिन मनाइँदै आइएको थियो । संयुक्त राष्ट्रसंघले डिसेम्बर ११ लाई अन्तर्राष्ट्रिय पर्वतीय दिवस मनाउँदै आएको छ । सोही दिन पारेर नेपाल पर्वतारोहण संघले ८ वर्षदेखि निरन्तर पर्वतीय महोत्सव गर्दै आएको हो । आठौं संस्करणमा ५ दिनसम्म विभिन्न कार्यक्रम गरी महोत्सव गर्न लागेको महोत्सवका निर्देशक जिनेश सिन्दुल्करले जानकारी दिए । यसवर्षको महोत्सवमा बर्डस कन्जरभेसनसँगको सहकार्यमा ‘मिसअन्डरस्टुड बर्डस’ नामक नाटक प्रर्दशन मुख्य आकर्षणको रुपमा रहनेछ । आयोजक नेपाल पर्वतारोहण संघका महासचिव मोहन लम्सालका अनुसार उक्त नाटक ललितपुरको परोपकारी विद्यालय चिल्ड्रेन एन्ड युथ फस्र्टका विद्यार्थीले मञ्चन गर्नेछन् । ‘विद्यार्थीहरुले स्टेजमा गिद्धहरुको भेषमा मास्क लगाई गिद्धको महत्वबारे साथसाथै नेपालका चरा तथा जैविक विविधतासम्बन्धी ज्ञान जनसाधारणमा पु¥याउनेछ,’ लम्सालले भने, ‘यो कार्यक्रमको संरक्षणबारे जानकारी दिने विश्वास लिएका छौं ।’ त्यस्तै, महोत्सवमा पाँचै दिन पर्वतारोहण र पर्वतीय जीवनबारे ६ वटा वृत्तचित्र प्रदर्शन गरिने भएको छ । महोत्सवमा पासाङ, माउन्टेन म्यान, सोफी लाभाड, द सेकेन्ड समिट, अई–डेला हट्स भ्यालिस र एभरेस्ट म्यान वृतचित्र मञ्चन हुनेछन् । महोत्सवमा पर्वतारोहणसम्बन्धी विभिन्न विधामा कीर्तिमान बनाएका पर्वतारोहीको फोटो प्रदर्शनीसमेत गरिने महोत्सवकी सदस्य सचिव निर्मला न्यौपानेले जानकारी दिइन् । प्रतियोगितामा यो वर्ष ‘टग अफ वार’ पहिलो पटक समावेश गरिएको छ । ‘यसबाहेक छेलो प्रतियोगिता, जिपलाइन, दोहोरी गीत पनि समावेश गरिएको छ,’ उनले भनिन् ।
पोखरामा नाटक “एक चिहान” मञ्चन जारी

पोखरा १२ मंसिर । नाटक ‘एक चिहान’ मंगलबारदेखि बुकिङ शो मार्फत पोखरामा मञ्चन हुन थालेको छ । यस अगाडि सोमबार नाटक विशेष शो मार्फत मञ्चन भएको थियो । विद्यार्थीलाई लक्षित गरेर तयार पारिएको नाटक विद्यार्थी, शिक्षक, अभिभावक, सञ्चारकर्मी र नाटकप्रेमी समेतको उपस्थितीमा विशेष शो मार्फत मञ्चन भएको थियो । नाटक हेरे पश्चात दर्शकले नाटक टीमले गरेको मेहनतको प्रंशसा गरेका थिए । मंगलबारबाट पोखराका विद्यालयमा अध्ययनरत विद्यार्थीलाई लक्षित गरेर नाटक मञ्चन गर्ने क्रम सुरु भएको हो । यो क्रम आगामी पौष ६ गतेसम्म पोखरा थिएटरको गन्धर्व नाटकघरमा निरन्तर मञ्चन हुने नाटकका निर्देशक परिवर्तनले बताए । बुकिङ शो भएपनि हेर्न इच्छुकले व्यक्तिगत रुपमा ती शो मा पुगेर नाटक हेर्न भने पाउनेछन् । ‘एक चिहान’ साहित्यकार हृदय चन्द्र सिंह प्रधानले लेखेको उपन्यास हो । प्रधानको उपन्यास एक चिहान पाठ्यक्रम विकास केन्द्रद्धारा कक्षा ११ र १२ को अनिवार्य नेपालीमा समावेश गरिएको छ । नेपाली गरीब किसान र मजदुरको जीवनमा आधारित नाटक एक चिहान सामाजिक यथार्थबादी नाटक हो । गरिबी, वाध्यता र विवस्ताको परिवेशमा निम्न वर्गीय जीवनका जटिलता र संघर्ष प्रस्तुत भएको नाटकमा विशेष गरि नेवारी समुदायको पारिवारिक परिवेश देखाइएको छ । नेवारी पोशाक, नेवारी लवजले नाटकलाई परिपक्क बनाउन सघाएको छ । पोखरा थिएटरको प्रस्तुतीमा मञ्चन भइरहेको नाटकमा जनक पराजुली, रोशनी रामदाम, रविन्द मल्ल, उमा पुन, गोपाल भुसाल, रञ्जु दाहाल, सुसन पौडेल, मिलन श्रेष्ठ, दिप्सना विश्वकर्मा, धनकाजी श्रेष्ठ, प्रतिक घिमिरे, शुशिल बराल, रोहित पौडेल, प्रथम श्रेष्ठ, रमेशबाबु तिमल्सिना, सोनिया कार्की खत्री, अनुषा परियार लगायतको अभिनय हेर्न पाइन्छ । नाटक हेर्दा दर्शकलाई कुनै समय हसाउँछ, कुनै समय गम्भिर बनाउँछ भने कुनै समय रुवाउँछ पनि । उपन्यास एक चिहानलाई नाट्य रुपान्तरण तथा निर्देशन परिवर्तनले गरेका छन् । सह–निर्देशन अञ्जु दाहालले गरेको नाटकमा हरिदेवी कोइरालाको असारे गीत समेत समावेश छ । शनिबार बाहेक बिहान ८ बजे, साढे १० बजे र दिउँसो साढे १२ बजे मञ्चन नाटक मञ्चन हुने पोखरा थिएटरले जनाएको छ । नाटक झण्डै १ डेढ घण्टा अवधिको रहेको छ । यो नाटकप्रति विद्यार्थी, अभिभावक तथा विद्यालय परिवारको आर्कषण रहेको पोखरा थिएटरका संस्थापक सदस्य दीलप्रसाद गुरुङले बताए । चार वर्ष अगाडि पोखरा थिएटरमा नियमित सो तथा बुकिङ सो मार्फत मञ्चन गरिएको यो नाटकलाई नवलपुरमा समेत मञ्चन गरिएको थियो । यस अगाडि हेरेका दर्शकले समेत नाटकमा नयाँपन भेट्ने गुरुङको भनाई छ । हुनत पछिल्लो क्रममा विद्यार्थीलाई लक्षित गरेर पाठ्यक्रममा आधारित विषयवस्तुमा नाटक मञ्चन हुने क्रम समेत उतिकै बढेको छ ।
पञ्चासे भञ्ज्याङमा सञ्चालित होटल तथा घरबासको अनुगमन

कमल पौडेल अथक पोखरा ११, मंसिर पोखरा २३ पञ्चासे भञ्ज्याङमा रहेका होटल तथा घरवास होमस्टेहरुको सोमवार अनुगमन गरिएको छ । पर्यटन,उद्योग,बाणिज्य तथा उपभोक्ता हित निर्देशनालय कास्कीको अगुवाईमा सो अनुगमन गरिएको हो । पछिल्लो समयमा गाँउ घरमा हुने मेला महोत्सवहरु र घरवास तथा होटलहरुमा राखिने खाद्य पदार्थको गुणस्तरको वारेमा प्रश्न उठेपछि समितिले यस्ता ग्रामीण भेगमा अनुगमन केन्द्रीत गरेको जानकारी दिएको छ । अनुगमन समितिले त्यहाँ रहेका होटल तथा घरबास कार्यक्रममा विक्रीको लागि राखिने सामान र खानाको गुणस्तर र मूल्य सूचिको वारेमा जानकारी लिएको निर्देशनालयका निर्देशक नारायण ढकालले जानकारी दिएका छन् । यसैगरी पञ्चासे युवा क्लवले यही मंसिर २३ गतेदेखि २५ गतेसम्म आयोजना गर्ने भञ्ज्याङ मेला र त्यसको मूल्य सूचि र सरसफाइ र गुणस्तरको वारेमा स्थानीय आयोजक सँग अनुगमन समितिले छलफल गरेको निर्देशक ढकालले जानकारी दिए । पोखरामा मात्र नभई गाउँमा जाने सामान र त्यसको गुणस्तरको अवस्था के छ भन्ने कुरा बुझेर आवस्यक सुझाव दिएको अनुगमन समितिले जानकारी दिएको छ । अनुगमनको क्रममा समितिले होटल तथा घरवास सञ्चालकहरुलाई खाद्य तथा गुणस्तर तथा स्वच्छताको वारेमा परामर्श समेत दिएको छ । क्लवका अध्यक्ष दीनेश गुरुङले अनुगमन समितिको निर्देशन अनुसार नै मेलामा प्रयोग गरिने वस्तुको गुणस्तर र मूल्यको वारेमा ध्यान दिने प्रतिबद्धता जनाएका छन् । निर्देशनालयका निर्देशक नारायण ढकालको अगुवाईमा भएको अनुगमनमा सुचना अधिकारी प्रदीपकुमार रेग्मी, अधिकृत छैटौं राजेन्द्रप्रसाद पौडेल, जिल्ला प्रशासन कार्यालय कास्कीका नासु शिवप्रसाद शर्मा, जिल्ला प्रहरी कार्यालय कास्कीका प्रहरी नायब निरिक्षक प्रमोद कँडेल, उपभोक्ता मञ्चका प्रतिनिधि र पत्रकारहरुको उपस्थिति रहेको उपभोक्ता हित निर्देशनालयका सूचना अधिकारी प्रदीपकुमार रेग्मीले जानकारी दिएका छन् ।
उद्योग दिवसमा ७ जना उद्योगी सम्मानित

कमल पौडेल अथक पोखरा ९, मंसिर नवौं उद्योग दिवसको अवसरमा पोखरा र आसपासका ७ जना उद्योगी व्यवसायीहरु सम्मानित भएका छन् । उद्योग संचालन गरी देशको अर्थतन्त्रमा योगदान पुर्याएको भन्दै उनीहरुलाई सम्मान गरिएको हो । सम्मानित हुनेहरुमा विक्रम कर्माचार्य, मोति पौडेल, शक्ति पाण्डे, सुजल श्रेष्ठ, तुलसा पाण्डे चन्दकान्त वराल र सुन्नीकुमारी पुर्जा रहेका छन् । गण्डकी प्रदेशका उद्योग तथा पर्यटन मन्त्री दीपेन्द्रवहादुर थापा, पर्यटन उद्योग बाणिज्य तथा उपभोक्ता हित निर्देशनालय गण्डकीका निर्देशक नारायण ढकालले दोसल्ला र सम्मान पत्रले सम्मान गरेका हुन् । सो अवसरमा बोल्दै उद्योग मन्त्री थापाले नेपालमा उद्यागी व्यवसायीलाई बस्ने वातावरण वनाउन सरकार लागि परेको वताए । प्रदेशमा वन ऐन पास भएकोले अव काठ सदुपयोग गर्ने दिशामा सरकार अगाडि सरेको वताए । कार्यक्रममा वोल्ने वक्ताहरुले कोशेली घरका आवस्यकता भएको वताए । प्रदेशमा कोशेली घर नहुँदा कच्चा पदार्थ संकलन र उत्पादनमा समस्या भएको उनीहरुले गुनासो गरे । मन्त्रालयले रकम वाँडेको उत्पादन भने नभएको वताए । उनीहरुले प्रदेशमा कम्पनी रजिष्टार कार्यालय नहुँदा समस्या भएको वताए । निर्देशक नारायण ढकालको अध्यक्षतामा भएको कार्यक्रममा उद्योग मन्त्रालयका महाशाखा प्रमुख रामप्रसाद आचार्य, उद्योग परिसंघ गण्डकीका अध्यक्ष विनोद न्यौपाने, व्यवसायी चीनु गुरुङ, लघुउद्यम कास्कीका बुद्धी पूर्जा, कार्यालयका सूचना अधिकारी प्रदीपकुमार रेग्मी र कर्मचारी अमर नेपाली लगायतले वोलेका थिए ।

Breaking News

Samaya Dristi

Best News Site from Nepal

Main Menu