भैरव नाच तयारी (फोटो फिचर)

भाद्र १९ गते २०७९

भैरव नाच तयारी (फोटो फिचर)

पोखराको भैरवटोल स्थित भैरव मन्दिर वाट भैरव नृत्य को प्रशिक्षण प्रारम्भका लागी तयारी स्वरुप पुजा गरिंदै र प्रारम्भमा किसिली चढाउने परम्परा रहीआएको छ ।

तस्विर ः सन्देश उदास

चौथो माछापुच्छ्रे गाउँपालिका अध्यक्ष कप–२०८२ को तयारी पुरा

Samaya Dristi 5 months ago

चैत्र ९, कास्की । कास्कीको माछापुच्छ्रे गाउँपालिका खेलकुद विकास समितिको आयोजनामा हुने गण्डकी प्रदेश पालिका स्तरीय पुरुष तथा खुल्ला महिला भलिबल प्रतियोगिता–२०८२ को सम्पूर्ण तयारी पुरा भएको छ... Read More

पञ्चासेमा जैबिक बिबिधता पार्क बन्ने

Samaya Dristi 3 years ago

५ चैत,पोखरा । कास्कीको अन्नपूर्ण गाउँपालिका वडा नं ४ अन्तर्गत पर्ने टाँडीबिसौनीमा पञ्चासे जैबिक बिबिधता पार्कको प्रारम्भिक निर्माण कार्य शुरु हुने भएको छ । प्रदेश सरकारको सहयोगमा निर्मित सो... Read More

फोटोग्राफरको स्टुडियो पोट्रेट तालिम तथा शुभकामना आदान प्रदान

Samaya Dristi 4 years ago

९ असोज पोखरापोखरा फोटोग्राफर संघ, पोखरा नेपालको आयोजनामा १ दिने स्टुडियो पोटे«ट, स्ट्रोब एण्ड स्पीड लाईटिङ तालिम कार्यक्रम तथा दशौंको शुभकामना आदान प्रदान सम्पन्न भएको छ । बिशेष गरी... Read More

पोखरामा पहिलो अन्तराष्ट्रिय ब्यवसायिक उडान (फोटो फिचर)

Samaya Dristi 3 years ago

चीनको छेन्दुबाट सिचुवान एयरलाइन्सको न्यारोबडी ए ३१९ जहाज ८४ जना यात्रु बोकेर आज बिहान ९ बजेर ६ मिनेटमा पोखरा अन्तर्राष्ट्रिय विमानस्थलमा अवतरण गरेको छ । विमानलाई पोखरा आइपुग्न करिव... Read More

आजको खबर

पोखरा फोटोग्राफर संघले मनायो १८७ औं बिश्व फोटोग्राफी दिवस

पोखरा, भदौ ३ १८७औँ विश्व फोटोग्राफी दिवसको अवसरमा पोखरा फोटोग्राफर संघ, पोखरा नेपालले विभिन्न कार्यक्रम आयोजना गरी दिवस मनाएको छ । संघले प्रभातफेरी, नयाँ कार्यालय उद्घाटन तथा शुभकामना आदान–प्रदान कार्यक्रम मार्फत फोटोग्राफीको महत्वसँगै पोखराका फोटोग्राफर बीच आपसी एकता, सहकार्य र सद्भावको सन्देश दिएको हो । बुधबार पोखराको चिप्लेढुंगा स्थित मानवअधिकार चोकबाट सुरु भएको प्रभातफेरीमा विभिन्न क्षेत्रका फोटोग्राफर तथा संघका पदाधिकारीहरूको सहभागिता थियो । प्रभातफेरी न्यूरोड संगमटोल स्थित संघको कार्यालय परिसरमा पुगेर औपचारिक कार्यक्रममा परिणत भएको थियो । संघको नयाँ कार्यालयको उद्घाटन संस्थाका पूर्वअध्यक्ष तथा नेपाल फोटोग्राफर महासंघका उपाध्यक्ष दुर्गाप्रसाद पौडेलले गरेका थिए । उद्घाटनपछि आयोजित कार्यक्रममा बोल्दै पौडेलले विश्व फोटोग्राफी दिवस नेपालभर विभिन्न कार्यक्रम सहित उत्साहपूर्वक मनाइएको बताए । पोखरामा आयोजित प्रभातफेरी र नयाँ कार्यालय उद्घाटनले फोटोग्राफरहरू बीचको एकता, सहकार्य र सद्भावलाई थप मजबुत बनाउने उनले विश्वास व्यक्त गरे। कार्यक्रममा फोटोग्राफीको महत्व, यसको सम्भावना र अवसरसँगै पछिल्लो समय देखिएका चुनौतीबारे चर्चा गरिएको थियो। वक्ताहरूले प्रविधिको तीव्र विकाससँगै फोटोग्राफी क्षेत्रमा व्यापक परिवर्तन आएको उल्लेख गर्दै नयाँ प्रविधिलाई आत्मसात् गरी व्यावसायिकता, सिर्जनशीलता र गुणस्तर अभिवृद्धिमा जोड दिनुपर्ने धारणा राखेका थिए। फोटोग्राफी केवल तस्बिर खिच्ने माध्यम नभई समाज, संस्कृति, प्रकृति, इतिहास र महत्वपूर्ण घटनालाई अभिलेख गर्ने प्रभावकारी माध्यम भएको वक्ताहरूको भनाइ थियो। डिजिटल प्रविधि र सामाजिक सञ्जालको विस्तारसँगै फोटोग्राफीको क्षेत्र थप फराकिलो बनेकाले व्यवसायलाई समयअनुकूल बनाउनुपर्नेमा समेत जोड दिइएको थियो। दिवसका अवसरमा संघका पूर्वअध्यक्ष तथा संरक्षक गणेश छवी, निवर्तमान अध्यक्ष रामचन्द्र पोखरेल, पूर्वअध्यक्षहरू जयन्द्रकुमार राजभण्डारी, बलराम शर्मा, राममणि पौडेल, घनश्याम पौडेल, तुलसीराम सुवेदी, रबिनाथ दाहाल, पत्रकार इन्द्रप्रसाद पौडेल, प्रा।डा। चन्द्रबहादुर गुरुङ तथा पूर्व महिउपसमिति संयोजक तीर्थ श्रेष्ठलगायतले शुभकामना मन्तव्य दिएका थिए। संघका अध्यक्ष भक्तबहादुर तामाङको अध्यक्षतामा सम्पन्न कार्यक्रममा उपाध्यक्ष नन्दकला पौडेलले स्वागत मन्तव्य राखेकी थिइन् भने सचिव लक्ष्मीपती पौडेलले कार्यक्रम सञ्चालन गरेका थिए। विश्व फोटोग्राफी दिवसका अवसरमा आयोजित कार्यक्रमले पोखराका फोटोग्राफर बीचको आत्मीयता, आपसी सम्बन्ध र व्यावसायिक एकतालाई थप सुदृढ बनाएको सहभागीहरूले बताएका छन्। नयाँ कार्यालयलाई फोटोग्राफरहरूको साझा थलोका रूपमा विकास गर्दै आगामी दिनमा फोटोग्राफी क्षेत्रको विकास, व्यवसायीको हकहित र क्षमता अभिवृद्धिका लागि थप प्रभावकारी कार्यक्रम सञ्चालन गर्ने प्रतिबद्धता समेत व्यक्त गरिएको छ।।
हरेलो

किसानहरूको महत्वपूर्ण पर्व हरेलो । यस वर्षको खेतीपाती सप्रियोस भनेर योमुख्यतया बालीनालीको सुरक्षा, कीराफट्याङ्ग्रा र मुसाबाट धान जोगाउने तथा राम्रो उब्जनीको कामना गर्दै मनाइने प्रकृति र कृषिसँग सम्बन्धित भूमिपूजा हो । नयाँ बाबियोको हत्यौरी बाटेर त्यसको एक छेउमा मकैको भुत्लाको पोकोभित्र ५, ७ वा ९ प्रकारका अन्न धान, मकै, मास, चामल, भुस, गहुँ, फापर, तोरी र घरायासी काठका उपकरणका टुक्रा, भोजपत्र राखिएको हुन्छ । यस्ता पोकोसहितको हत्यौरीको साथमा धुप हाल्न, सल्केको गुइँठा, सलाई वा लाइटर, पुत्ताएको मकल, निबुवा आदि लगिन्छ । कान्लामा स्याउला वा टाँकीको डाँठ ठड्यएर, धुप, धुँवा र पूजाआजा गरी चामलको पैसे रोटी प्रसादको रुपमा चढाइ, कूलाको मूहानमा निबुवा निचोरी डाँठमा पोको झुण्ड्याइन्छ । पूजा गर्दा त्यस भेकका सीमे भुमे, अंयर भयंर, नाग आदि देवता सम्झिएर आह्वान गर्दै चराको चुच्चो भाँच्चियोस् मुसा को दाँत भाँच्चियोस भनेर पुकारा गरिन्छ । विधिपूर्वक पूजाआज गरेपछि एउटा ढुङ्गामा बसेर चामलका लाबा रोटीकोप्रसाद खाइन्छ । यो दिनमा खन खोर्सन केही गर्न नहुने परम्परा छ ।
जलवायु प्रभावको खोजदेखि डिजिटल पत्रकारितासम्म ः महिला पत्रकारलाई सशक्त बनाउँदै प्रादेशिक कार्यशाला सम्पन्न पोखरा, ०१ भदौँ । गण्डकी प्रदेशका महिला पत्रकारलाई जलवायु परिवर्तनका स्थानीय प्रभावमा खोजमूलक तथा तथ्यमा आधारित रिपोर्टिङ गर्न सक्षम बनाउने उद्देश्यले सञ्चारिका समूह नेपालको आयोजनामा सञ्चालित ‘व्यावहारिक पत्रकारिता सीप’ Practical Journalism Skills प्रादेशिक कार्यशाला सम्पन्न भएको छ। महिला पत्रकारलाई प्रविधिमैत्री, खोजमूलक र जिम्मेवार पत्रकारितातर्फ अग्रसर गराउने उद्देश्यले आयोजित कार्यशालामा जेण्डर संवेदनशील जलवायु रिपोर्टिङ, समावेशी पत्रकारिता, खोजमूलक अनुसन्धान, डिजिटल पत्रकारिता, तथ्य जाँच Fact Verification मोबाइल पत्रकारिता MoJo तथा पत्रकारिताको आचारसंहिता लगायतका विषयमा व्यावहारिक प्रशिक्षण दिइएको थियो। कार्यशालामा सहभागी महिला पत्रकारलाई जलवायु परिवर्तनले स्थानीय समुदाय, वातावरण, पर्यटन, कृषि तथा जनजीवनमा पारिरहेको प्रभावलाई समाचारका रूपमा कसरी उजागर गर्ने भन्ने विषयमा अभ्यास गराइएको थियो। जलवायुका विषयलाई महिला, सीमान्तकृत तथा प्रभावित समुदायको दृष्टिकोणबाट रिपोर्टिङ गर्नुपर्ने आवश्यकतामाथि समेत छलफल गरिएको थियो। कार्यशालामा पत्रकार कमला पन्थीले समाजमा पत्रकारको भूमिका, प्रभावकारी समाचार निर्माण तथा समाचारको प्रभावकारिताबारे सहजीकरण गरेकी थिइन्। राजु थापा, कमला पन्थी र अनिशा गौतमले जलवायु परिवर्तनका स्थानीय प्रभाव तथा तथ्य जाँचसम्बन्धी व्यावहारिक अभ्यास गराएका थिए। त्यस्तै, वरिष्ठ पत्रकार मोहन मैनालीले खोजमूलक पत्रकारिताका नयाँ आयाम, अनुसन्धानमा आधारित रिपोर्टिङ तथा जलवायु न्यायका विषयमा सहभागीलाई प्रशिक्षण दिएका थिए। डिजिटल पत्रकारितातर्फ विकास कार्कीले मोबाइल पत्रकारिता MoJo डिजिटल मिडिया तथा डिजिटल फ्याक्ट–चेकिङका विषयमा सहजीकरण गरेका थिए। सहभागीलाई मोबाइलबाटै समाचार संकलन, फोटो तथा भिडियो उत्पादन र डिजिटल प्लेटफर्मका लागि प्रभावकारी सामग्री निर्माण गर्ने सीपसमेत प्रदान गरिएको थियो। कार्यशालामा डिजिटल लिङ्ग संवेदनशील रिपोर्टिङ, पोडकास्ट निर्माण, पत्रकारिताको आचारसंहिता, सहभागीहरूको प्रस्तुति तथा आगामी कार्ययोजना निर्माण लगायतका विषयमा समेत अभ्यास गराइएको थियो। समापनका अवसरमा सहभागी महिला पत्रकारहरूले कार्यशालाबाट जलवायु परिवर्तन, खोजमूलक पत्रकारिता र डिजिटल प्रविधिको प्रयोगसम्बन्धी नयाँ ज्ञान तथा व्यावहारिक सीप हासिल भएको बताएका थिए। आयोजक सञ्चारिका समूह नेपालले महिला पत्रकारलाई समयअनुकूल पत्रकारिताका सीपसँग जोड्दै जलवायु परिवर्तनका असरलाई तथ्य, प्रमाण र स्थानीय आवाजका आधारमा उजागर गर्ने दक्ष जनशक्ति निर्माणमा कार्यशालाले योगदान पु¥याउने विश्वास व्यक्त गरेको छ।
‘जुनी जाला’को १२ लाख भ्युजसँगै ‘पेन्सन पट्टा’को चर्चा चुलिँदै

पोखरा । भदौ २६ गतेदेखि अल नेपाल प्रदर्शनमा आउन लागेको चलचित्र ‘पेन्सन पट्टा’को प्रचारप्रसारले गति लिएको छ । चलचित्रको ‘जुनी जाला’ बोलको गीतले युट्युबमा १२ लाखभन्दा बढी पटक हेरिएको खुशीयालीसँगै निर्माण टिमले दर्शकमाझ चलचित्रबारे थप जानकारी गराउन थालेको हो। पोखराबाट सञ्चालित रोधिं टिभीको चौथो वार्षिक उत्सवका अवसरमा आइतबार आयोजित विशेष सांस्कृतिक कार्यक्रममा ‘पेन्सन पट्टा’को निर्माण टिम तथा कलाकारहरूको उल्लेख्य उपस्थिति रहयो । कार्यक्रममा चलचित्रको प्रदर्शन मिति, कथावस्तु, कलाकार तथा गीतसंगीतका विषयमा जानकारी गराइएको छ । चलचित्रको टिमले ‘जुनी जाला’ गीतले छोटो समयमै पाएको लोकप्रियताले आफूहरूलाई उत्साहित बनाएको उल्लेख गर्यो । कार्यक्रममा चलचित्रका निर्देशक माओत्से गुरुङ, निर्माता सपना गुरुङ, कलाकार डिबी गुरुङ, गायक सरुन गुरुङ, राजबहादुर गुरुङ, गायिका उषा गुरुङ, कोरियोग्राफर कमल गुरुङलगायतको उपस्थिति थियो। कार्यक्रममा चलचित्रको गीतले युट्युबमा १२ लाखभन्दा बढी भ्युज पाएको अवसरमा खुशीयाली मात्र मनाइएन कलाकारहरुले नृत्य समेत प्रस्तुत गरे । निर्देशक माओत्से गुरुङका अनुसार ‘पेन्सन पट्टा’ कुनै एक व्यक्तिको मात्र कथा नभई नेपाली समाज र परिवारसँग जोडिएको कथा हो। उनले चलचित्रमा प्रस्तुत विषयवस्तु धेरै नेपाली परिवारको जीवनसँग प्रत्यक्ष वा अप्रत्यक्ष रूपमा जोडिन सक्ने भएकाले दर्शकले आफूलाई कथासँग नजिक पाउने विश्वास व्यक्त गरे। “यो समाजको कथा हो। हरेक नेपालीको घरसँग कुनै न कुनै रूपमा जोडिन सक्ने विषय भएकाले दर्शकले चलचित्रलाई रुचाउनुहुन्छ भन्ने विश्वास छ,” निर्देशक गुरुङको भनाइ छ। निर्माता सपना गुरुङले पनि चलचित्रको कथावस्तुले आफूलाई प्रभावित पारेपछि निर्माणमा जोडिएको बताइन्। आफ्नै परिवारसँग समेत सम्बन्धित विषय भएकाले चलचित्रमा लगानी गर्ने निर्णय गरेको उनको भनाइ छ। दर्शकले पर्दामा आफ्नो वरिपरिको जीवन, सम्बन्ध र समाजका विषय देख्न पाउने भएकाले चलचित्रले भावनात्मक रूपमा पनि प्रभाव पार्ने निर्माण पक्षको अपेक्षा छ। यसैबीच चलचित्रको टिजरले समेत दर्शकमाझ राम्रो प्रतिक्रिया पाइरहेको निर्माण पक्षले जनाएको छ। चलचित्रमा दयाहाङ राई, विल्सन विक्रम राई, गौमाया गुरुङ, पशुपति राई, बुद्धि तामाङ, माया गुरुङ, विश्वास गुरुङ, स्वर्गीय सुनिल थापालगायतका कलाकारको अभिनय रहेको छ। अनुभवी तथा लोकप्रिय कलाकारहरूको सहभागिताले चलचित्रप्रति दर्शकको चासो थप बढाएको देखिन्छ। चलचित्रको प्रचारप्रसारलाई तीव्र बनाउँदै निर्माण टिम अहिले विभिन्न कार्यक्रम तथा माध्यममार्फत दर्शकमाझ पुगिरहेको छ। विशेषगरी ‘जुनी जाला’ गीतको लोकप्रियता चलचित्रका लागि प्रभावकारी प्रचार सामग्री बनेको छ। युट्युबमा १२ लाखभन्दा बढी भ्युज हासिल गर्नुका साथै गीत सामाजिक सञ्जाल, विशेषगरी टिकटकमा समेत रुचाइएको निर्माण पक्षको दाबी छ। गीत सार्वजनिक भएपछि छोटो समयमै सामाजिक सञ्जालमा चर्चा पाउनुले चलचित्रको प्रचारमा समेत सकारात्मक प्रभाव पारेको छ। गीतका टुक्रा तथा त्यसमा आधारित भिडियोहरू सामाजिक सञ्जालमा फैलिँदा ‘पेन्सन पट्टा’बारे नयाँ दर्शकसम्म जानकारी पुगिरहेको छ। यसरी गीतको सफलतासँगै टिजरप्रतिको सकारात्मक प्रतिक्रिया र बलियो कलाकार संयोजनले ‘पेन्सन पट्टा’प्रति दर्शकको अपेक्षा बढाउँदै लगेको छ। अब भदौ २६ गतेदेखि देशभरका हलमा चलचित्रले कस्तो प्रतिक्रिया पाउँछ भन्ने चासो बढेको छ। सामाजिक यथार्थ र नेपाली परिवारको कथालाई पर्दामा उतारिएको दाबी गरिएको चलचित्रले दर्शकसँग भावनात्मक सम्बन्ध स्थापित गर्ने निर्माण टिमको विश्वास छ। ‘पेन्सन पट्टा’ टिम अब चलचित्रलाई दर्शकमाझ पु¥याउने अभियानमा थप सक्रिय देखिएको छ । गीतको लोकप्रियतालाई हलसम्मको दर्शक आकर्षणमा रूपान्तरण गर्न सके चलचित्रको सुरुवाती प्रदर्शन अझ प्रभावकारी हुने अपेक्षा गरिएको छ।

Breaking News

Samaya Dristi

Best News Site from Nepal

Main Menu