असार २२ गते २०७९

गाउ/ टोलको मेलमिलापले बिकास हुन्छ ।


कास्कीको अन्नपूर्ण गाउपालिकामा सूचिकृत मेलमिलापकर्ताको लागि २ दिने पूर्नताजगी तालिम शूरु भएको छ । बुधवार शुरु भएको सो तालिम कार्यक्रम गाउपालिका अध्यक्ष बिष्णु बहादुर केसीले उदघाटन गर्नुभएको थियो । अन्नपूर्ण गाउपालिका उपाध्यक्ष तथा न्यायिक समितिको संयोजक चन्द्रा देवकोटा अधिकारीको अध्यक्षतामा भएको सो कार्यक्रममा गाउपालिका भरीका महिला तथा पुरुष सूचिकृत मेलमिलावकर्ताको उपस्थिती थियो ।

कार्यक्रममा कानून सहजकर्ता तथा अधिबक्ता बिष्णु प्रसाद अधिकारीले वर्तमान कानूनका प्रावधान र ब्यावहारिकाता बारे स्पस्ट पार्नुभएको थियो । कार्यक्रममा नेपाली समाजको बिषेशता र सामाजिक एकतामा आउने बिकास बारे पत्रकार घनश्याम पौडेलले प्रकास पार्नुभएको थियो । देशका पालिका होस वा जिल्ला अदालतहरुमा समग्र मुद्धाहरुको चाप हेर्दा २ प्रकृतीका भएको पाइन्छ । पहिलो सम्पत्ती र दोश्रो सम्बन्ध । खासगरी पालिकाहरुमा गाउघर तथा शहर बजार समेतबाट आउने सम्बन्ध बिच्छेद, बिबाहवारी तथा सम्पत्ती हक दावी तथा साध सिमाना बिबाद जस्ता मुद्धाको चाप परेको देखिन्छ । मेलमिलापबाट नै मुद्धाको किनारा लगाउने कार्यले समाज बिकास र एकता कायम गराउछ ।