यि हुन पोखरा महानगरका विजेता

जेठ ११ गते २०७९

यि हुन पोखरा महानगरका विजेता

पोखराको १५ औं मेयरमा एकीकृत समाजवादीका धनराज आचार्य विजयी

मेयर : धनराज आचार्य एकीकृत समाजवादी (गठवन्धन विजयी ) (५८,८९३)

उपमेयर: मन्जु देवि गुरुङ नेकपा एमाले विजयी ।(६०,५४६)

कुन वडामा कस्को नेतृत्व निर्वाचित वडा_अध्यक्षहरुको नाम सहित

पोखरा-१: एमाले बिजयी शाहारा प्रधान

पोखरा-२: काङ्ग्रेस बिजयी दिवसमान प्रधानाङ्ग

पोखरा-३: काङ्ग्रेस बिजयी प्रकाश उदास

पोखरा-४: काङ्ग्रेस बिजयी देवकृष्ण पराजुली

पोखरा-५: एमाले बिजयी बिष्णु प्रसाद बराल

पोखरा-६: एमाले विजयी बिष्णु बहादुर भट्टराई

पोखरा-७: कांग्रेस विजयी राम मोहन आचार्य

पोखरा-८: एमाले विजयी रुद्र प्रसाद बराल

पोखरा-९: कांग्रेस विजयी दिपेन्द्र मरासिनी

पोखरा-१०: कांग्रेस विजयी राजेश गुरुङ

पोखरा-११: कांग्रेस विजयी प्रेम प्रसाद कर्मचार्य

पोखरा-१२: काङ्ग्रेस बिजयी सन्तोष बास्तोला

पोखरा-१३: काङ्ग्रेस बिजयी किरण बराल

पोखरा-१४: कांग्रेस विजयी बोधराज कार्की

पाेखरा-१५: – एमाले विजयी तोरण वानिया

पाेखरा-१६: – कांग्रेस विजयी अमृत शर्मा तिमिल्सिना

पाेखरा-१७: – एमाले विजयी राधिका शाही योगि

पाेखरा-१८: – काङ्ग्रेस बिजयी शिव प्रसाद तिमिल्सिना

पाेखरा-१९: – कांग्रेस विजयी पुस्पेन्द्र पाण्डे

पोखरा-२०: -एमाले विजयी गंगा केसी

पोखरा २१ : एमाले विजयी दीपक प्रसाद सुवेदी

पोखरा २२ : स्वतन्त्र विजयी हिमलाल बराल

पोखरा-२३: काङ्ग्रेस बिजयी राजकाजी गुरुङ

पोखरा-२४: काङ्ग्रेस बिजयी भरत बहादुर अधिकारी

पोखरा-२५: काङ्ग्रेस बिजयी मोतिराज तिमिल्सिना

पोखरा-२६: काङ्ग्रेस बिजयी नरेन्द्र थापा

पोखरा-२७: कांग्रेस विजयी पुर्ण कुमार गुरुङ

पोखरा-२८: कांग्रेस विजयी श्री कृष्ण लामिछाने

पाेखरा-२९: एमाले विजयी श्री प्रसाद गुरुङ

पाेखरा-३०:- कांग्रेस विजयी दुर्गा प्रसाद सुवेदी

पाेखरा-३१:- कांग्रेस विजयी ढक नाथ कडेल

पाेखरा-३२:- कांग्रेस विजयी अक्कल बहादुर कार्की

पाेखरा-३३:- कांग्रेस विजयी राम चन्द्र अधिकारी

पोखरा स्पोर्ट्स अवार्डको लागि मनोनयन सार्वजनिक

Samaya Dristi 3 years ago

बैशाख पोखरा नेपाल खेलकुद पत्रकार मञ्च गण्डकीले पोखरामा आयोजना गर्न लागेको सातौं संस्करणको ‘पोखरा स्पोर्ट्स अवार्ड २०७९’ को मनोनयन सार्वजनिक गरिएको छ । बुधबार क्लासिक चुलो पोखरामा पत्रकार सम्मेलनको... Read More

गण्डकी प्रदेशका मुख्यमन्त्री पृथ्वीसुव्वा गुरुङद्धारा पदवाट राजिनामा

Samaya Dristi 5 years ago

कमल पौडेल अथकपोखरा २६, वैशाखगण्डकी प्रदेशका मुख्यमन्त्री पृथ्वीसुव्वा गुरुङले आइतवार साँझ राजिनामा दिएका छन् । प्रदेश प्रमुख सीता कुमारी पौडेल समक्ष उनले राजिनामा दिएका हुन् । उनको राजिनामा स्वीकृत... Read More

तीजको अवसरमा आश्रमलाई सहयोग (फोटो फिचर)

Samaya Dristi 3 years ago

पोखरा, २८ भदौ नारिहरुको महान चाड हरितालिका तीजको अवसर पोखरा फोटोग्राफर संघ, पोखरा नेपालको महिला उपसमितिले पोखरा–२५ हेम्जामा रहेको मानव सेवा आश्रममा सहयोग गरेको छ । उक्त आश्रममा १५... Read More

काठमाडौँ फोटोग्राफर संघद्वारा AI सम्वन्धि कार्यशाला सम्पन्न

Samaya Dristi 1 year ago

काठमाडौं, ३ श्रावण २०८२ काठमाडौँ फोटोग्राफर संघ ले”Learn the Power of AI in Photo Editing” नामक १ दिने बृहत कार्यशाला सम्पन्न गरेको छ कार्यशालामा प्रतिष्ठित फोटोग्राफरहरू, स्वतन्त्र पेसेवर (फ्रिलान्सर),... Read More

आजको खबर

हेमजा साहित्य राष्ट्रिय पुरस्कार कवि रमेश श्रेष्ठ र शुभप्रभात काव्यमाला पुरस्कार गन्धर्व सारङ्गी पाठशालालाई

पोखरा, साउन हेमजा साहित्य राष्ट्रिय पुरस्कारबाट बिम्ब कवि तथा कलाकार रमेश श्रेष्ठ पुरस्कृत हुने भएका छन् । कृष्णप्रसाद पौडेलको संयोजकत्वमा सदस्यहरू कोविदशरण उपाध्याय र वसन्तराज त्रिपाठी रहेको प्रतिभा चयन समितिले श्रेष्ठको नाम सिफारिस गरेको थियो । बिम्बकविका रूपमा सुपरिचित नेपाली कविता र कलाका सुप्रसिद्ध प्रतिभा प्राज्ञ श्रेष्ठ गीत लेखन र संस्कृति संरक्षणमा पनि सक्रिय देखिन्छन् । लोकनृत्य, गाईजात्रा, बाघजात्रा भैरवनृत्य संरक्षणमा चार दशक आफूलाई समर्पित गराएका उनका दर्जन चर्चित कविता कृति प्रकाशित छन् । वाङ्मय क्षेत्रमा समर्पित श्रेष्ठसँग नेपाल प्रज्ञा–प्रतिष्ठान र नेपाल ललितकला प्रज्ञा–प्रतिष्ठानमा रहेर सेवा गरेको अनुभवसमेत छ । उनी यस अघि दर्जन बढी राष्ट्रिय–अन्तर्राष्ट्रिय सम्मान, पुरस्कारबाट पुरस्कृत भइसकेका छन् । यसैगरी, संस्थाद्वारा सञ्चालित शुभप्रभात काव्यमाला पुरस्कार गन्धर्व सारङ्गी पाठशाला हेमजालाई प्रदान गरिने भएको छ । संयोजक बलराम पौडेलको संयोजकत्वमा सोमनाथ गौतम र डिल्लीराम पौडेल सदस्य रहेको प्रतिभा चयन समितिको सिफारिसलाई संस्थाको बैठकले अनुमोदन गरेको हो । प्रतिष्ठानले मासिक रूपमा सञ्चालन गर्ने शुभप्रभात काव्यमाला र प्रतिष्ठानका कार्यक्रममा सारङ्गीको धुनसहितको गायनले प्रतिष्ठानका गतिविधि सफल पार्न पु¥याएको योगदानको कदर गर्दै सम्मानित गर्न लागिएको जनाइएको छ । पाठशालाका बालबालिका सम्बरबहादुर गायकद्वारा प्रशिक्षित हुँदै आएका छन् । प्रतिष्ठानले संस्थाको कोषका लागि स्वेच्छिक सहयोग प्रदान गरेका दाताको रकमलाई एकीकृत पारी २०८१ सालमा हेमजा साहित्य राष्ट्रिय पुरस्कार कोष स्थापना गरेको हो । यसैगरी, संस्थाको मासिक रचनावाचन कार्यक्रमलाई प्रभावकारी बनाउन तत्कालीन अध्यक्ष बलराम पौडेलको पहलमा साहित्यकार डा। पुष्पा के।सी। भण्डारी र असफल गौतमको सहयोगमा शुभप्रभात बालसाहित्य कोष स्थापना गरिएको हो । पहिलो पटक अर्पण गर्न लागेका दुवै पुरस्कार संस्था स्थापना दिवस यही साउन ८ गतेका दिन एक समारोहबीच अर्पण गरिने प्रतिष्ठानका अध्यक्ष सुनिल गायकले जानकारी दिए ।
लेखनाथ जन्मस्थल संरक्षण तथा विकास समितिमा गोपीराज

लेखनाथ । कविशिरोमणि लेखनाथ पौड्यालको जन्मस्थल संरक्षण तथा विकास समितिको अध्यक्षमा गोपीराज पौडेल चयन भएका छन् । संस्थाको प्रथम साधारणसभा तथा अधिवेसनले पौडेलको अध्यक्षतामा नयाँ कार्यसमिति चयन गरेको हो । नवगठित कार्यसमितिको उपाध्यक्षमा कृष्णमणि लामिछाने,सचिवमा शिबमोहन अधिकारी,सहसचिवमा दिपेन्द्र शर्मा,कोषाध्यक्षमा विमला पहारी रहेका छन् । यसैगरी सदस्यहरुमा राजेन्द्रबहादुर जि सी,तिलबहादुर भुजेल,मित्रलाल तिमिल्सेना,शिबराज तिमिल्सेना,गोपालमणि लामिछाने र ऋषिकेश बराल रहेका छन् ।लेखा संयोजकमा घनश्याम लामिछाने चयन भए । साधारणसभाको पोखरा २७ का वडाध्यक्ष पूर्णकुमार गुरुङले उद्घाटन गर्दै आफूहरु निर्वाचित भएपछि लेखनाथ जन्मस्थल विकासका लागि सक्दो काम गरिरहेको वताए । जनप्रतिनिधिका हिसाबले लेखनाथ जन्मस्थल विकासका लागि योगदान दिने सम्पूर्णप्रति उनले धन्यवाद ज्ञापन गर्दै नयाँ कार्यसमितिलाई पनि पूर्ण साथ सहयोग रहने वताए । लेखनाथ जन्मस्थल विकास समितिका कार्यबाहक अध्यक्ष गोपीराज पौडेलको अध्यक्षतामा सम्पन्न कार्यक्रममा निवर्तमान अध्यक्ष विश्वप्रकाश लामिछानेले करीब दश वर्ष आपूmले नेतृत्व गर्दाका अनुभव प्रस्तुत गर्दै संस्था औपचारिक रुपमा दर्ता भएर अधिवेसनका क्रममा रहँदा खुशी लागेको उल्लेख गरे । लेखनाथ साहित्य प्रतिष्ठानका अध्यक्ष पदमराज ढकालले आफूहरुले खल्तीबाटै रकम खर्च गरेर पनि कार्यक्रमहरु अगाडि बढाउँदै सबैको सहयोगले नै संस्था यहाँसम्म ल्याएको वताए । लेखनाथ पत्रकार मञ्चका अध्यक्ष विष्णुहरि पौडेलले लेखनाथसँग सम्बन्धित समाचारहरुले सधैं प्राथमिकता पाएका र अझै कलम चलिरहने भनाइ राखे । कार्यक्रममा टिकट घर निर्माण गरिदिने संस्था लेखनाथ उद्योग वाणिज्य संघ, निवर्तमान अध्यक्ष विश्वप्रकाश लामिछाने र लायन्स क्लब अफ कैलाश चौतारी पोखरालाई सम्मान समेत गरिएको थियो । लेखनाथ उद्योग वाणिज्य संघका बरिष्ठ उपाध्यक्ष गोपिचन्द्र बास्तोला, नेपाल रेडक्रस सोसाइटी अर्घौं उपशाखाका सभापति बोधराज लामिछाने,लक्ष्मी आदर्शका प्रअ शिबमणि भण्डारी, लेखनाथ साहित्य प्रतिष्ठानका उपाध्यक्ष छवि सुवेदी,विभिन्न राजनैतिक दलका प्रतिनिधिहरु त्था संघसंस्थाका प्रतिनिधिहरुले शुभकामना मन्तव्य दिएका थिए । सञ्चालन सचिव शिबमोहन अधिकारीले गरेका थिए ।
स्थापना दिवसको अवसरमा रक्तदान, ४६ युनिट रगत सङ्कलन

पोखरा, साउन २ पोखरा फोटोग्राफर सङ्घले आफ्नो ४५औँ स्थापना दिवस सामाजिक उत्तर दायित्वसँग जोड्दै आयोजना गरेको रक्तदान कार्यक्रममा ४६ युनिट रगत सङ्कलन गरेको छ। नेपाल रेडक्रस सोसाइटी प्रादेशिक रक्तसञ्चार केन्द्र, पोखराको प्राविधिक सहयोगमा शनिबार पोखरा महानगरपालिका–८ स्थित मानवअधिकार चोकमा सम्पन्न कार्यक्रममा ४६ जना रक्तदाताले रक्तदान गरेका हुन्। रक्तदान जीवनदान, जीवनदान महादान भन्ने मूल नारासहित आयोजित कार्यक्रमको उद्घाटन कैलास बचत तथा ऋण सहकारी संस्था लिमिटेडका अध्यक्ष खडानन्द अधिकारीले सङ्घका संरक्षक एवं ७३औँ पटक रक्तदान गर्नुभएका गणेशलाल श्रेष्ठ छवि लाई ब्लड ब्याग हस्तान्तरण गरेर गर्नुभएको थियो। उद्घाटन समारोहलाई सम्बोधन गर्दै अध्यक्ष अधिकारीले रक्तदानले बिरामीको जीवन बचाउन प्रत्यक्ष योगदान पुर्‍याउने उल्लेख गर्दै समाजमा मानवीय सेवाको संस्कृतिलाई थप सुदृढ बनाउन यस्ता अभियानलाई निरन्तरता दिनुपर्ने बताउनुभयो। नेपाल रेडक्रस सोसाइटी प्रादेशिक रक्तसञ्चार केन्द्र, पोखराकी स्टाफ नर्स यमुना केसीले पोखरामा पछिल्लो समय रगतको अभाव बढ्दै गएको जानकारी दिँदै स्वस्थ नागरिकलाई नियमित रूपमा ३ महिनामा रक्तदान गर्न आग्रह गर्नुभयो। उहाँले विशेषगरी एबी पोजेटिभ रक्तसमूहको अभाव देखिएकाले विभिन्न सङ्घ–संस्थाले नियमित रक्तदान कार्यक्रम सञ्चालन गर्नुपर्ने आवश्यकता औँल्याउनुभयो। कार्यक्रममा नेपाल फोटोग्राफर महासङ्घका केन्द्रिय उपाध्यक्ष दुर्गाप्रसाद पौडेल, फोटोग्राफर सङ्घ गण्डकीका वरिष्ठ उपाध्यक्ष तुलसीराम सुवेदी, गण्डकी प्रज्ञा प्रतिष्ठानका सदस्य कमल पौडेल अथक, तथा लायन्स क्लब अफ पोखरा दर्पणका अध्यक्ष अग्निधर तिमिल्सिना लगायतले रक्तदानले रगतको अभाव न्यूनीकरणका साथै मानवीय सेवाको भावना विस्तार गर्न महत्वपूर्ण भूमिका खेल्ने धारणा व्यक्त गर्नुभयो। सङ्घका अध्यक्ष भक्तबहादुर तामाङको अध्यक्षतामा सम्पन्न कार्यक्रममा उपाध्यक्ष नन्दकला पौडेलले स्वागत मन्तव्य राख्नुभएको थियो भने सचिव लक्ष्मीपति पौडेलले कार्यक्रम सञ्चालन गर्नुभएको थियो। यसैबीच, स्थापना दिवसको अवसरमा सङ्घले पाँचौँ फोटोग्राफी अवार्डको घोषणा पनि गरेको छ। सङ्घका कोषाध्यक्ष अग्निधर तिमिल्सिनाका अनुसार विभिन्न नौ विधामा उत्कृष्ट नौ जना फोटोग्राफरलाई आगामी भदौ महिनामा आयोजना गरिने विशेष समारोहमा सम्मान तथा अवार्ड प्रदान गरिनेछ। सामाजिक उत्तरदायित्व र व्यावसायिक उत्कृष्टतालाई एकसाथ प्रवर्द्धन गर्ने उद्देश्यका साथ रक्तदान कार्यक्रम र फोटोग्राफी अवार्ड घोषणालाई स्थापना दिवससँग जोडिएको सङ्घले जनाएको छ।
पर्यटकीय गन्तव्यको प्रवर्द्धन र साइकल संस्कृतिको विकासका लागि शनिबार फन राइड हुने

साउन १ ,पोखरा पोखराको स्वच्छ वातावरण, पर्यटन प्रवर्द्धन तथा पोखरामा साइकल संस्कृतिको विकास गर्ने उद्देश्यसहित साइकल सिटी पोखराले हरेक महिनाको पहिलो शनिबार आयोजना गर्दै आएको फन राइड यसपटक करिब ६० किलोमिटर लामो रुटमा भोली २ गते शनिवार सञ्चालन हुने भएको छ। साइकल सिटी पोखराका अध्यक्ष श्यामकृष्ण श्रेष्ठका अनुसार यसपटकको यात्रा पोखराको ट्रेडमलबाट सुरु भई दोभिल्ला–बागमारा–नेपाल आयल निगम गगनगौडा डिपो–रूपाताल–तालबेसी–माझीकुना–बेगनासताल, तालचोक, विजयपुर हुँदै अमरसिंह चोकमा पुगेर फन राइड समापन हुनेछ। अध्यक्ष श्रेष्ठले स्वच्छ वातावरण र पर्यटन भन्ने मूल नारासहित पोखराका विभिन्न पर्यटकीय गन्तव्यलाई जोड्ने तथा ती क्षेत्रको प्रवर्द्धन गर्ने उद्देश्यले हरेक महिनाको पहिलो शनिबार फन राइड आयोजना हुँदै आएको बताउनुभयो। यसपटक प्राकृतिक तथा पर्यटकीय दृष्टिले महत्त्वपूर्ण क्षेत्र समेटिने गरी रुट तय गरिएको उहाँको भनाइ छ। उहाँका अनुसार कार्यक्रमको अर्को प्रमुख उद्देश्य पोखरामा साइकल संस्कृतिको विकास गर्दै दैनिक जीवनमा साइकल प्रयोगलाई प्रोत्साहन गर्नु हो। साइकलको प्रयोग बढेमा पेट्रोलियम पदार्थको खपत घट्नुका साथै वातावरण संरक्षण, स्वास्थ्य प्रवर्द्धन र दिगो यातायात प्रणालीको विकासमा समेत टेवा पुग्ने विश्वास आयोजकको छ। साइकल सिटी पोखराले पोखराका पर्यटकीय गन्तव्यको प्रवर्द्धन, वातावरण संरक्षण तथा स्वस्थ जीवनशैलीलाई प्रोत्साहन गर्ने अभियानलाई निरन्तरता दिँदै हरेक महिनाको पहिलो शनिबार फन राइड आयोजना गर्दै आएको आयोजकले जनाएको छ ।

Breaking News

Samaya Dristi

Best News Site from Nepal

Main Menu