बिहानी को सूनौलो हिमाल

मंसिर ७ गते २०७८

बिहानी को सूनौलो हिमाल

कास्कीको पर्यटकिय स्थल घान्द्रुक बाट सुूर्योदयको समयमा देखिएको अन्नपूर्ण तथा मापुच्छ«े हिमाल को सूनौलो दृश्य
तस्विरः दुर्गा प्रसाद पौडेल

उदयपुरको गढी गाँउपालिकाका २५ घर हावाहुरी प्रभावितलाई युनाइटेडको राहत

Samaya Dristi 4 months ago

पोखरा । उदयपुरको गढी गाँउपालिकाका हावाहुरी प्रभावितहरुलाई युनाइटेड क्लबले राहत प्रदान गरेको छ । युनाइटेड क्लब पोखराले विपद ब्यवस्थापन सहयोगार्थ कोष अन्तर्गत उदयपुर जिल्लाको गढी गाँउपालिका वडा नम्बर १,... Read More

पहिलो पटक पश्चिमाञ्चल क्याम्पसमा कम्प्युटर परीक्षा प्रणालीको बिधिमार्फत स्नातकोत्तर तहको प्रवेश परीक्षा सम्पन्न

Samaya Dristi 7 months ago

फाल्गुण १८ पोखरा, पोखराको लामाचौर स्थित IOE पश्चिमान्चल क्याम्पस इन्जिनियरिंग अध्ययन संथानमा पहिलो पटक काठमाडौँ बाहिर शैक्षिक बर्ष २०७९र०८० लागि सूचना प्रविधिको आधारमा कम्प्युटर परीक्षा प्रणालीको बिधिमार्फत स्नातकोत्तर... Read More

गण्डकी प्रदेशका मुख्यमन्त्री पृथ्वी सुब्बा गुरुङ विरुद्ध अविश्वासको प्रस्ताव पेश

Samaya Dristi 2 years ago

पोखरा, १३ बैशाख । गण्डकी प्रदेशका मुख्यमन्त्री पृथ्वी सुब्बा गुरुङमाथि परेको अविश्वासको प्रस्ताव आज ९सोमबार० पेश भएको छ। सोमबार सुरु भएको विशेष अधिवेशनमा प्रस्तावित मुख्यमन्त्री तथा कांग्रेस संसदीय दलका... Read More

माघ ६ देखि २० औं आहारारा गोल्डकप फुटबल

Samaya Dristi 2 years ago

पोखरा, २० पुस । २० औं आहारारा गोल्डकप फुटबल प्रतियोगिताको तयारी तीव्र पारिएको छ । सहारा क्लब पोखराको आयोजनामा पोखरा रंगशालामा आगामी माघ ६ देखि १५ सम्म चल्ने प्रतियोगिताको... Read More

आजको खबर

सुनासको साधारण सभा सम्पन्न

् सुशासनका लागि नागरिक समाज (सुनास) कास्कीले आफ्नो १७औ वार्षिक साधारण सभा सम्पन्न गरेको छ । सुनासका अध्यक्ष रबिन्द्र बास्तोलाको अध्यक्षतामा भएको साधरणसभामा संस्थाका संस्थापक अध्यक्ष सुरेन्द्र थापा मगरले प्रमुख आतिथ्यता गर्नुभएको थियो । झण्डै ३५ सदस्यहरु उपस्थित रहेको सो कार्यक्रममा संस्थाका गतिबिधी र कार्यक्रमहरुको औचित्यताबारे संस्थाका कार्यकारी प्रमुख भानु पराजुलीले बर्णन गर्नुभएको थियो । यस आर्थिक वर्षका सम्पूर्ण कार्यक्रम र संस्थाको आयब्याय सचिवको प्रतिबेदन र आर्थिक प्रतिबेदन समेत सचिव बिष्णु प्रसाद अधिकारीले राख्नुभएको थियो । सुनासका उपाध्यक्ष शिरोज कोइरालाले स्वागत भाषण मार्फत शुरु भएको कार्यक्रममा संस्थाको गत वर्षका गतिबिधी साथै आगामी वर्षमा गरिने कार्यक्र्रमहरु समेत संस्थाको औचित्यबारे अध्यक्ष बास्तोलाले प्रकाश पार्नुभएको थियो । कार्यक्रममा उपस्थित बिभिन्न सदस्यले सस्थाले गरेका र भविष्यमा गर्ने कार्यक्रमहरुको बारेमा छलफल गरेका थिए । यस गएको वर्षमा सुनासले कास्की, पर्वत, म्याग्दी, बाग्लुड.र स्याड.जामा बिभिन्न सार्वजनिक सुनुवाइ जस्ता भ्रष्टचार तथा सुशासनसग सम्बन्धित कार्यक्रमहरु गरेको थियो । पोखरा महानगर पालिका स्वास्थ्य महाशाखाको समन्वयमा पोखरा क्षेत्रका ४८ वटा स्वास्थ्य केन्द्रहरुमा सामाजिक परिक्षणको कार्यहरु समेत गरिसकेको छ । भ्रष्टचार बिरुद्ध बिभिन्न कार्यक्रम गर्ने ट्रास्परेन्सी इन्टरनेसनल संस्थासग आवद्ध रहेको सुनासले कास्की जिल्ला लगायत गण्डकी प्रदेशमा नै भ्रष्टचार बिरुद्धका कार्यक्रम साथमा सार्वजनिक सुनुवाई , सामाजिक परिक्षण तथा अवलोकान र अनुगमन जस्ता कार्य गर्दै आएको छ ।
प्रथम एट टु नाइन खुल्ला फुटबल हुँदै

एट टु नाईन युवा क्लबको आयोजनामा असोज १७ गतेदेखी खुल्ला सेभेन ए साइड फुटबल प्रतियोगिता हुने भएको छ । ‘युवा एकता, खेलकुद विकास तथा स्वास्थ्यका लागि खेलकुद’ भन्ने मूल नाराका साथ फुटबल प्रतियोगिताको आयोजना हुन लागेको हो । असोज १७ गतेदेखी २३ गतेसम्म पोखरा १३ माछापोखरी खेल मैदानमा हुने प्रतियोगिताको विजेताले नगद एक लाख रुपैयाँसंगै शिल्ड मेडल र प्रमाणपत्र प्राप्त गर्नेछन् । प्रतियोगिताको उपविजेताले ६० हजार रुपैयाँसंगै शिल्ड, मेडल र प्रमाणपत्र प्राप्त गर्नेछन् । एक हप्तासम्म चल्ने प्रतियोगिताबाट बचत हुन आएको रकम रग्बी खेलाडी यशोदा बोहोरालाई प्रदान गरिनेछ । यशोदा नेपालमा भएको यु–२० एसिया रग्बी सेभेन्सको तयारीको प्रशिक्षणका दौरान घाइते भएकी थिइन् । यशोदा यु–१५ साफ महिला फुटबल च्याम्पियनसिपमा नेपालले स्वर्ण जितेको टोलीकी सदस्य पनि हुन् । उनलाई आर्थिक सहयोग गर्न प्रतियोगिताको आयोजना गरेको प्रतियोगिता संयोजक लोक गुरुङले बताए । प्रतियोगिताको उत्कृष्ट खेलाडी, उच्च गोलकर्ता र उत्कृष्ट गोलरक्षकलाई नगद प्रदान गरिनेछ ।
सातौं अन्तर्राष्ट्रिय हेमजा गोल्डकपको लागि तयारी भेला

गोविन्द तिमिल्सिना हेमजा, ११ असोज हेमजा युनाइटेडको आयोजनामा पोखरा २५ हेमजामा बिहीबार आम भेला सम्पन्न भएको छ । हेमजा युनाइटेडले आयोजना गर्न लागेको सातौं अन्तर्राष्ट्रिय हेमजा गोल्डकपको लागि आम भेला गरिएको हो । भेलालाई सम्बोधन गर्दै पोखरा महानगरपालिकाका प्रवक्ता एवं वडा नं. २५ का वडा अध्यक्ष मोतीलाल तिमिल्सिनाले गोल्डकपको लागि महानगरको तर्फबाट आवश्यक सहयोग गर्ने प्रतिबद्धता व्यक्त गर्नुभयो । हेमजा युनाइटेडका अध्यक्ष राजेश त्रिपाठीले गोल्डकप हेमजाको गौरव भएकोले सबैलाई सहयोग गर्न आग्रह गर्नुभयो । यही कार्तिक ११ गतेदेखि १८ गतेसम्म सञ्चालन हुने आमन्त्रित नकआउट फुटबल प्रतियोगिता गर्न ६० लाख खर्च लाग्ने अनुमान गरिएको अध्यक्ष त्रिपाठीले बताउनुभयो । भेलामा सुबिन श्रेष्ठ, शंकरमणी त्रिपाठी, शोभाकर तिमिल्सिना, सन्तमान श्रेष्ठ, दानबहादुर थापा, धर्मराज बाँस्तोला, दानबहादुर भुजेल लगाएतले सुझाव दिनुभएको थियो । युवा एकता र विकासका लागि खेलकुद भन्ने नाराका साथ गर्न लागिएको प्रतियोगिताबाट बचेको ५० प्रतिशत रकम हेमजा युनाईटेड एकेडेमी सञ्चालानार्थ खर्च गरिनेछ । युनाईटेडले गोल्डकपलाई निरन्तरता दिने, खेल मैदानमा प्याराफिट निर्माणमा थप पहल गर्ने, गौरीशंकर खेलमैदानलाई प्रादेशिक खेलमैदान वनाउन पहल गर्ने उद्देश्यका लागी प्रतियोगिता आयोजना गरिएको हो । विजेता समूहले नगद रु ६ लाख ५५ हजार र उपविजेता समूहले रु ३ लाख ५५ हजार साथमा शिल्ड, मेडल र प्रमाणपत्र पुरस्कार पाउने छन् ।सर्वोत्कृष्ट खेलाडीलाई रु ५० हजार, सर्वाधिक गोलकर्तालाई रु २५ हजार , फेयर प्लेय पुरस्कार रु २५ हजार, अन्य विभिन्न पाँच विधामा उत्कृष्ट हुनेलाई जनही रु २० हजार तथा म्यान अफ दि म्याच हुन सफल खेलाडीलाई रु ५ हजार प्रदान गरिनेछ । हेमजा युनाइटेडका अध्यक्ष राजेश त्रिपाठीको अध्यक्षतामा भएको भेलाको सञ्चालन सचिव सुनिल गायकले गर्नुभएको थियो ।
उपल्लो काउरेमा १०२ बर्षीय जेष्ठ नागरिक भीमादेवी सम्मानित

कमल पौडेल अथक पोखरा ११, असोज जेष्ठ नागरिक सरोकार समाज नेपाल कास्कीले पोखरा–१९, उपल्लो काउरे निवासी १०२ बर्षीय जेष्ठ नागरिक भीमादेवी बास्तोलालाई उनको घर मै पुगेर सम्मान गरेको छ । समाजले उनलाई दोसल्ला र सम्मान पत्रले सम्मान गरेको हो । आफू घरमा नै सम्मानित हुन पाउँदा निकै खुसी लागेको सम्मानित भीमादेवीले बताइन् । छोरा, नाती, नातीना, पनाती खनातीको सामु लामो समयसम्म वाँचेर सम्मान पाउँदा खुसी लागेको र अझै आफूमा कुनै किसिमको रोग नभएको उनले वताइन् । समाजले १ सय वर्ष पुगेका ज्येष्ठ नागरिकलाई उनीहरुको घरमा नै पुगेर सम्मान गर्दै आएको छ । अहिलेसम्म संस्थाले २० जना भन्दा वढी ज्येष्ठ नागरिकलाई उनीहरुको घरमा नै पुगेर सम्मान गर्दै आएको छ । यसरी घरमा पुगेर ज्येष्ठ नागरिकलाई सम्मान गर्दा समाजमा जेष्ठ नागरिकको आत्मसम्मान हुने र परिवारका सदस्यहरुमा पनि दायित्वबोध हुने संस्थाको ठहर छ । राज्यले जेष्ठ नागरिकका हक अधिकारको वारेमा विभिन्न सेवा सुविधा कानूनमा व्यवस्था गरेपनि व्यवहारमा कार्यान्वयमा आउन सकेका छैनन् । सार्वजनिक यातायातमा जेष्ठ नागरिक आरक्षण सिट तथा यात्रामा छुटको व्यवस्था भएपनि पनि अहिलेसम्म कार्यान्वयनमा आउन नसकेको समाजका उपाध्यक्ष केशवप्रसाद ढकालले गुनासो गरे । उनले घर परिवार तथा समाजले ज्येष्ठ नागरिकलाई हेर्ने दृष्टिकोण बदल्नु जरुरी रहेको बताए । समाजका अध्यक्ष भक्तराज श्रेष्ठको अगुवाईमा गएको टोलीमा समाजसेवी रामप्रसाद वतास, कोषाध्यक्ष रामजीप्रसाद कोइराला, सदस्यहरु त्रिभुवन शर्मा, कुश्मराज आचार्य, हरिप्रसाद फुयाँल, नारायणप्रसाद सुबेदी, अनन्तप्रसाद कोइराला, स्थानीय निलकण्ठ वास्तोला, पद्यमा गौतम र सचिव इच्छावहादुर वाग्ले लगायतका महानुभावहरु रहेका थिए ।

Breaking News

Samaya Dristi

Best News Site from Nepal

Main Menu