श्रावण २३ गते २०७८

एसईईको नतिजा प्रकाशित, कक्षा १२ को परीक्षा स्थगित

काठमाडौं,२३ साउन । राष्ट्रिय परीक्षा बोर्डले २०७७ सालको माध्यमिक शिक्षा परीक्षा (एसईई)को नतिजा प्रकाशित गरेको छ । विद्यार्थी अध्ययन गरेकै विद्यालयले गरेको मूल्यांकन देशभरबाट संकलन गरी बोर्डले प्रमाणित गरेर नतिजा प्रकशन गरेको हो ।

विद्यालयबाट आएको मूल्यांकनलाई प्रमाणीकरण गरी सार्वजनिक गरिएको परीक्षा नियन्त्रक रुद्र प्रसाद अधिकारीले जानकारी दिए । विद्यालयको आन्तरिक मूल्यांकनलाई नै प्रमाणीकरण गरेकोले यो वर्ष पनि बोर्डले नतिजा विश्लेषण नगरेको उनले जानकारी दिए ।

त्यसैगरी बोर्डले २०७७ को एसईईको नतिजा विभिन्न फर्म र संस्थाबाट समेत सार्वजनिक गर्ने जनाएको छ । बोर्डले बोर्डको अफिसियल बेवसाइटबाट, नेपाल टेलिकमद कन्सेपट प्लसएडुसञ्जालनेपाल टेलिकमईकान्तिपुर र एनसेलको वेबसाइटबाट सार्वजनिक गरेको छ ।

कक्षा १२ को परीक्षा स्थगित

यसैबीच, कक्षा १२ को परीक्षा स्थगित भएको छ। साउन ३१ गतेदेखि सुरू हुने भनिएको परीक्षा स्थगित गरिएको हो। 

कोभिड संकट व्यवस्थापन केन्द्रको सिफारिसका आधारमा परीक्षा स्थगन गरिएको पौडेलले बताए।