पौष २३ गते २०७७

आइसोलेसन सुबिधाको खोजीमा एन्फा

काठमाडौं ,२३ पुस ।

अखिल नेपाल फुटबल संघ (एन्फा) ले आगामी माघ, फागुन र चैतमा विभिन्न फुटबल प्रतियोगिता आयोजना गर्ने तयारी गरिरहेको छ ।

एन्फाले माघ ७ गतेदेखि राष्ट्रिय महिला लिग प्रतियोगिता आयोजना गर्ने जनाएको छ । यस्तै फागुन ११ गतेदेखि बी डिभिजन लिगमा बाँकी खेलहरु र चैत १ देखि सी डिभिजन लिग गर्ने योजना बनाएको छ ।

कोरोना महामारीपछि खेलाडीदेखि पदाधिकारीसम्म सबैले स्वास्थ्य सुरक्षामा ध्यान दिनु जरुरी छ । साथै सरकारले स्वास्थ्य प्रोटोकल पनि पालना गर्नुपर्नेछ । खेलाडीहरुलाई पनि सुरक्षित तरिकाले व्यवस्थापन गर्नुपर्ने चुनौती छ ।

त्यसै सन्दर्भमा एन्फाले तीन प्रतियोगिता र एन्फाले सिफारिस गरेका अन्य खेलाडी र पदाधिकारीको लागि आइसोलेसन सुविधा खोजिरहेको छ ।