फोटो कथा

भाद्र १५ गते २०७७

चुनावी घोषणा सत्ता लम्ब्याउने चाल मात्रै हो :प्रकाशमान सिंह

Samaya Dristi 5 years ago

काठमाडौं,३ फागुन । नेपाली कांग्रेसका नेता प्रकाशमान सिंहले प्रधानमन्त्री केपी शर्मा ओलीले आफ्नो तानशाही शासन लम्ब्याउनका लागि मध्यावधि निर्वाचनको घोषणा गरेको बताएका छन् । प्रतिनिधिसभा विघटनको विरोधमा कांग्रेसले कास्कीमा... Read More

पोखरा फोटोग्राफी अवार्ड–२०७९ मा फोटो पठाउन ६ दिन बाँकी

Samaya Dristi 4 years ago

१९ साउन पोखरा पोखरा फोटोग्राफर संघ पोखरा नेपाल ४१औं स्थापना दिवसको अवसर पारेर तेश्रो पोखरा फोटोग्राफी अवार्ड–२०७९ मा फोटो सवमिट गर्न केवल ६ दिन बाँकी रहेको छ । गण्डकी... Read More

एघारौं राष्ट्रिय हेमजाआलु महोत्सव सुरु

Samaya Dristi 3 years ago

पोखरा, २६ चैत । हेमजामा आइतवार देखि एघारौं राष्ट्रिय हेमजा आलु महोत्सव सुरु भएको छ । ‘सुन्दर ठाउँ हेमजा जाआँैं, आलुका स्वादिष्ट परिकार खाउँ, आलु एक परिकार अनेक’... Read More

पोखरा इलेक्ट्रिक क्लबको क्यालेण्डर विमोचन तथा शुभकामना आदान प्रदान

Samaya Dristi 2 months ago

कमल पौडेल अथक पोखरा ३, वैशाख पोखरा इलेक्ट्रिक क्लवको क्यालेण्डर विमोचन तथा नयाँ वर्षको शुभकामना आदान प्रदान कार्यक्रम विहीवार पोखरामा सम्पन्न भएको छ । सो अवसरमा क्लबले प्रकाशन गरेको... Read More

आजको खबर

राष्ट्रिय स्वतन्त्र पार्टी रास्वपा गण्डकीको नयाँ समिति

पोखरा । राष्ट्रिय स्वतन्त्र पार्टी रास्वपा गण्डकी प्रदेशको प्रथम अधिवेशनबाट नवीन त्रिपाठी सभापत्वमा नयाँ समिति तयार भएको छ । शुक्रबार राति अबेर भएको मतदानमा अरु ३ उम्मेदवारलाई पछि पार्दै त्रिपाठी विजयी भएका थिए । पहिलो चरणमै ५० प्रतिशत मत ल्याएर त्रिपाठी विजयी भएका हुन् । अध्यक्षका लागि नवलपुरका राजन गौतम, माधवप्रसाद कँडेल र हरिबहादुर कार्की पनि चुनावी मैदानमा थिए । पहिलो चरणको निर्वाचनबाट निर्वाचित सदस्यहरु मध्येबाट पदाधिकारीहरु निर्विरोध निर्वाचित भएका छन् । रास्वपा गण्डकीको उपसभापतिमा बागलुङकी मिना शर्मा आचार्य, महामन्त्रीमा कास्कीका कृष्णप्रसाल लम्साल, सहमहामन्त्रीमा तनहुँका शंकर पन्त र नवलपुरकी सिताकुमारी अर्याल निर्विरोध भएको उनले जानकारी दिए । ‘पदाधिकारीमा एउटा पदमा एक जनाको मात्र नाम परेपछि निर्वाचन समितिले निर्विरोध निर्वाचित घोषणा गरेको हो,’ उनले भने । कोषाध्यक्ष कार्यसमितिले मनोनीत गरिनेछ । रास्वपाको विधान अनुसार पहिलो चरणमा निर्वाचित सदस्यहरु मध्येबाट पदाधिकारी मनोनय दर्ता गर्ने प्रावधान छ । सोही अनुसार शनिबार पहिलो चरणको निर्वाचनबाट निर्वाचित ३३ सदस्यबाट पदाधिकारी निर्विरोध भएका हुन् । यदि एउटा पदमा २ वा २ भन्दा बढि उम्मेदवारी परेमा पुनः दोस्रो चरणको निर्वाचन गर्नुपर्थ्यो । दोस्रो चरणको निर्वाचनमा पनि सबै गण्डकीका प्रतिनिधि ७ सय ८० प्रतिनिधिले मतदान गर्नुपर्थ्यो । निर्वाचन नगरी गण्डकीको पदाधिकारीमा सर्वसम्मत गरिएको एक नेताले बताए । उक्त कार्यसमितिले पछि ४ जना सदस्य मनोनीत गर्न पाउने विधानमा व्यवस्था छ ।
काठमाडौँ मा एआई (AI) सम्बन्धी एक दिने कार्यशाला सम्पन्न

काठमाडौँ, ३१ जेठ। काठमाडौँ फोटोग्राफर संघ काठमाडौंको आयोजनामा शनिबार जेठ ३० गते Upgrade Your Skill With AI तपाईंको अर्को पाइला , फोटो र भिडियो यहाँबाट सुरु हुन्छ भन्ने मुख्य नाराका साथ एक दिने विशेष कार्यशाला भव्यताका साथ सम्पन्न भएको छ। नेपाल चलचित्र बिकास बोर्ड, ईन्टरनेशनल फिल्म फेस्टिबल समेतका प्रशिक्षक रहनु भएका ए आाई प्रशिक्षक श्री मौसम पुरीले प्रशिक्षण दिनु भएको उक्त कार्यशालाको समुद्घाटन काठमाण्डौ फोटोग्राफर संघका अध्यक्ष आनन्दप्रभाकर धिमिरे, निबर्तमान अध्यक्ष हरि प्रसाद घिमिरे पुर्व अध्यक्ष द्वय बालकृष्ण श्रेष्ठ तथा मोतिबहादुर बोगटी, प्रशिक्षक मौसम पुरी लगाएत कार्यक्रम संयोजक सुजन तिमिल्सिनाले संयुक्त रुपमा गर्नु भएको थियो । वसुन्धरास्थित दियालो फुडल्याण्डमा आयोजना गरिएको उक्त कार्यशालामा काठमाडौँ र वरपर क्षेत्रका डिजिटल प्रविधि, फोटोग्राफी र भिडियोग्राफी क्षेत्रमा क्रियाशिल व्यावसायिक फोटोग्राफरहरूको उत्साहजनक सहभागिता रहेको थियो। बिहान १०ः०० बजेदेखि बेलुका ५ः०० बजेसम्म चलेको उक्त प्रशिक्षण कार्यक्रममा पछिल्लो समय प्रविधि क्षेत्रमा भित्रिएको आर्टिफिसियल इन्टेलिजेन्स AI लाई फोटो तथा भिडियो सम्पादन (Editing) मा कसरी व्यावसायिक रूपमा प्रयोग गर्ने भन्नेबारे विस्तृत प्रशिक्षण दिइएको थियो। कार्यक्रममा सहभागीहरूलाई एआई प्रविधिको प्रयोग गरेर कामको गति बढाउने, गुणस्तर सुधार्ने र नयाँ डिजिटल ट्रेन्ड अनुसार आफूलाई परिमार्जित गर्ने व्यावहारिक सीपहरू सिकाइएको थियो। फोटोग्राफी र भिडियोग्राफी विधामा एआईको बढ्दो प्रभाव र यसले सिर्जना गरेका नयाँ अवसरहरूका विषयमा केन्द्रित रहँदै प्रशिक्षकले आफ्ना अनुभव र प्राविधिक ज्ञान साझा गर्नुभएको थियो। कार्यक्रममा फोटो कन्सन नेपाल तथा सिबराम ट्रेडिङ कम्पनी (STC) बाट सहयोग प्राप्त भएको थियो । यसै सन्दर्भमा फोटो कन्सनका निर्देशक दिनेशराज अर्यालले सम्पुर्ण सहभागिहरुलाई निस्शुल्क फोटो बुक लगाएतको हात खालि नजाने कुपन, काठमाण्डौ फोटोग्राफर संघका सदस्यहरुलाई आजकै मितिबाट फोटो बुकमा रू ५०० छुट साथै साउन १ गतेबाट फ्रि डेलिभरीको सुबिधा दिने समेत घोषणा गर्नु भएको थियो काठमाडौँ फोटोग्राफर संघ ले स्थापनाकालदेखि नै आफ्ना सदस्य तथा समग्र फोटोग्राफी क्षेत्रको पेसागत दक्षता अभिवृद्धिका लागि विभिन्न समयमा यस्ता सीपमूलक तालिम तथा कार्यशालाहरू आयोजना गर्दै आइरहेको छ। हिजो सम्पन्न कार्यशालाले पनि सहभागी फोटोग्राफर तथा भिडियो सम्पादकहरूलाई नयाँ प्रविधिसँग अभ्यस्त हुन र आफ्नो व्यवसायलाई डिजिटल युग सुहाउँदो बनाउन ठूलो मद्दत पुर्‍याएको संघले विश्वास लिएको छ।
पुतलीबजार प्रज्ञा सम्मानबाट तीन स्रष्टा सम्मानित

पुतलीबजार प्रज्ञा–प्रतिष्ठान स्याङ्जाले कला, साहित्य तथा संगीतको श्रीवृद्धिमा योगदान पु¥याएका तीन स्रष्टालाई पुतलीबजार प्रज्ञा–सम्मान अर्पण गरेको छ । प्रतिष्ठानले पुतलीबजार नगरपालिकामा सम्मान समारोहको आयोजना गरी पुतलीबजार–३ का कवि अनन्त श्रेष्ठ, पुतलीबजार–७ का समालोचक असफल गौतम र पुतलीबजार–१४ की लघुकथाकार लक्ष्मी रेग्मी खनाललाई जनही २० हजार नगद, सम्मानपत्र र दोसल्लासहित प्रज्ञा–सम्मान गरेको हो । प्रमुख अतिथि पुतलीबजार नगरपालिकाका नगर प्रमुख तुलसीराम रेग्मी, प्रतिष्ठानका कुलपति विश्वप्रेम अधिकारी, उपकुलपति दुर्गाबहादुर शाह बाबा र सदस्य–सचिव बाबुराम बरालले सम्मान अर्पण गरे । प्रमुख अतिथि तुलसीराम रेग्मीले प्रज्ञा प्रतिष्ठान स्थापनाकालदेखि स्रष्टा र सिर्जना कर्मको सम्मानमा नगरपालिका लाग्दै आएको र निरन्तर लाग्ने प्रतिबद्धता व्यक्त गरे । प्रतिष्ठानका कुलपति विश्वप्रेम अधिकारीले सम्मानित प्रतिभाको परिचय प्रस्तुत गर्दै पुतलीबजारको साहित्यिक तथा पर्यटकीय श्रीवृद्धिमा श्रेष्ठ, लघुकथाको विधागत र नारी लेखनको सशक्तिकरणमा खनाल र सिर्जनशीलतामाथिको टिप्पणी तथा समालोचनामा गौतमको व्यक्तित्व सम्मानलायक रहेको बताए । धर्मराज–सावित्री थापा प्रतिष्ठानका अध्यक्ष मदनराज थापाले स्रष्टाहरूको सम्मान नेपाली भाषा, कला साहित्य र संस्कृतिको संरक्षण रहेको बताए । आनन्द आश्रम स्याङ्जाका संस्थापक तथा पूर्व मन्त्री त्रिलोचन ढकालले यस्ता कार्यक्रमले नेपाली साहित्यको श्रीवृद्धि र स्रष्टाको सिर्जनशीलतामा इटा थप्न सार्थक रहने बताए । प्रतिष्ठानका सदस्य–सचिव बाबुराम बरालले हरेक वर्ष कला, साहित्य तथा संगीत क्षेत्रमा उल्लेखनीय योगदान पु¥याउने फरक–फरक विधाका स्रष्टालाई सम्मान गर्ने क्रममा यसपटक कवि, कथाकार र समालोचक व्यक्तित्वलाई छनौट गरिएको जानकारी गराए । प्रतिष्ठानका उपकुलपति दुर्गाबहादुर शाहले प्रतिष्ठानले स्थापनाकालदेखि नेपाली साहित्यको श्रीवृद्धिका लागि रचनात्मक कार्यक्रमसहित स्रष्टा सम्मान गर्दै आएको बताए । सम्मानित व्यक्तित्व असफल गौतमले प्रतिष्ठानले पछिल्लो पुस्तामाथि राखेको भरोसा र गरेको विश्वासलाई जोगाइराख्न सिर्जनात्मक यात्रामा निरन्तर लागिरहने प्रतिबद्धता व्यक्त गरे । अर्का सम्मानित व्यक्तित्व अनन्तकुमार श्रेष्ठले सम्मानले साहित्यिक क्षेत्रमा थप ऊर्जा मिलेको धारणा राखे । सम्मानित लक्ष्मी रेग्मी खनालले छोरीका लागि माइतीदेशमा पाएको सम्मान अविस्मरणीय रहेको बताइन् । कार्यक्रममा प्रतिष्ठानका प्राज्ञ सदस्यहरू हिमलाल पुरी, रामबहादुर परियार, मञ्जु थापा, राजेन्द्र श्रेष्ठलगायतले साहित्य, कला, संस्कृतिको संरक्षण तथा प्रवद्र्धनमा प्रतिष्ठानका कार्यक्रमले उल्लेख्य योगदान पु¥याउँदै आएको धारणा राखे । कार्यक्रममा कविहरू चिन्तु गिरी, मुक्तिप्रसाद रेग्मी, लक्ष्मी काफ्ले, सूर्यप्रसाद खनाल, मोतीप्रसाद अधिकारी, राजेन्द्र थापा, चण्डीप्रसाद सुवेदी, पुष्पराज अधिकारी, अदिती गैरे, सुशान्त रेग्मी, भेनाज वेगम, प्रकाश खनाललगायतले रचनावाचन गरेका थिए । शोभा बस्यालले सञ्चालन गरेको कार्यक्रम प्रतिष्ठानका कुलपति विश्वप्रेम अधिकारीको अध्यक्षतामा सम्पन्न भएको थियो ।
बुद्व विशाल बजार व्यापारिक एशोसियसनको त्रिलोकेश्वर शिव मन्दिरमा वृक्षारोपण कार्यक्रम

पोखरा । बुद्व विशाल बजार व्यापारिक एशोसियसनको आयोजनामा त्रिलोकेश्वर शिव मन्दिर परिसर पोखरा २८ कालिकामा बृक्षारोपण कार्यक्रम गरिएको छ । धार्मिक पर्यटकिय गन्तव्य त्रिलोकेश्वर शिव मन्दिर परिसर भित्र विभिन्न जातका फलफुल अन्य जातका विरुवा रोपिएको हो । बुद्व विशाल बजार व्यापारिक एशोसियसनको आयोजना तथा त्रिलोकेश्वर शिव मन्दिर सेवा समितिको समन्वयमा मन्दिर पसिरमा बर, पिपल, सुमि, आँप, बेलपत्र, निम, अशोक, डुम्री, गुराँस, अमला, नारेश्वर, विभिन्न फलफुल तथा फुलहरूका विरूवाहरु रोपिएको थियो । बृक्षारोपण कार्यक्रमको शुभारम्भ गर्दे पोखरा महानगरपालिका २८ का वडा अध्यक्ष श्रीकृष्ण लामिछानेले बुद्व विशाल बजार व्यापारिक एशोसियसन सामाजिक कार्यमा निकै सक्रिय रहेको र एशोसियसनको समाज प्रति ठुलो योगदान रहेको बताए । लामिछानेले मन्दिर परिसरमा बृक्षारोपण गर्नाले मन्दिरको सौन्दर्यतालाई झनै थप उजागर गर्ने बताउदै एशोसियसनसँग पोखरा २८ ले सहकार्य गरेर आगामी दिनहरुमा विभिन्न कार्यक्रम गर्न सकिने बताए । कार्यक्रममा बुद्व विशाल बजार व्यापारिक एशोसियसनका मानार्थ सदस्य तथा सल्लाहकार केशव बहादुर खत्रीले एशोसियसनले आफ्नो सामाजिक उत्तरदायित्व अन्तर्गत शिक्षा, स्वास्थ्य लगायत क्षेत्रमा पनि विविध कार्यक्रम गर्दै आएको बताउदै मन्दिरमा रोपिएका विरुवाहरुको संरक्षणको लागी एशोसियसनको तर्फबाट सक्दो सयोग रहने बताए । बुद्व विशाल बजार व्यापारिक एशोसियसनका अध्यक्ष बुद्धि वहादुर कुँवरले एशोसियसनको वार्षिक कार्यक्रम अन्तरगत संस्थागत सामाजिक उत्तरदायित्व वहन गर्दे पर्यावरण अन्तरगत यस वृक्षारोपण कार्यक्रम गरिएको बताउदै पोखरा २८ वासीलाई बुद्ध विशाल बजारमा आएर किनमेल गर्न समेत आग्रह गरे । कार्यक्रममा त्रिलोकेश्वर शिव मन्दिर सेवा समितिका सल्लाहकार राधिका पौडेल गाँउ सुधार समुहका कोषाध्यक्ष तथा बुद्धिजिवी माधव प्रसाद पौडेल लगाएतले बोलेका थिए । बुद्व विशाल बजार व्यापारिक एशोसियसनका अध्यक्ष बुद्धि वहादुर कुँवरको अध्यक्षतामा भएको कार्यक्रममा एशोसियसनका उपाध्यक्ष तथा कार्यक्रम संयोजक मनोहरि पौडेलले स्वागत मन्तव्य राखेका थिए भने एशोसियसनका महासचिव थमन सिह गुरुङले कार्यक्रम सन्चालन गरेका थिए । कार्यक्रममा एशोसियसनद्धारा मन्दिर समितिलाई दुई थान डसविन हस्तान्त्रण गरिएको थियो । बृक्षारोपण कार्यक्रममा सम्पुर्ण गाँउवासीहरुको उपस्थीति रहेको थियो भने आवश्यक विरुवाहरु बन कार्यालय कास्कीबाट उपलब्ध गराईएको थियो ।

Breaking News

Samaya Dristi

Best News Site from Nepal

Main Menu