ropaimahotsab

छैटौं हेमजा हिले महोत्सवको तयारी पुरा

7 hours ago Samaya Dristi Comments Off on छैटौं हेमजा हिले महोत्सवको तयारी पुरा

पोखरा । देवीस्थान सेवा समाज हेमजाको आयोजनामा यहि असार १५ गते हुने छैटौं हेमजा हिले महोत्सवको तयारी पुरा भएको छ । महोत्सव अन्तर्गत हिले दौड, रस्साकस्सी, घैटो फुटाउने, कृषि झाँकी प्रदर्शन, विद्यालय स्तरीय धान रोपाई प्रतियोगिता, उत्कृष्ट किसान सम्मान, जोडी दौड, आमा समूह बीच असारे भाका, हिलोमा भाले तथा माछा समाउने ,हिले भलिबल, फुटबल लगायतका थप समाचार

मध्य असार कृषकको चटारो

4 years ago Samaya Dristi 0

१४ असार ,पोखराअसार १२ महिनाहरू मध्यको तेस्रो महिना हो। सौर्य मासका अनुसार असार महिना मिथुन सङ्क्रान्तिको दिनबाट सुरु हुन्छ। चन्द्रमासको अनुसार असारको महिना जेष्ठ पूर्णिमाको भोलि पल्टदेखि सुरु हुन्छ। असार सालको तेस्रो महिना र गृष्मऋतुको दोस्रो महिना हो। अङ्ग्रेजी महिनाको आधा जुन महिना आधा जुलाई महिना असार महिना भित्र पर्छ। हाम्रो देश भौगोलिक भूबनोटका कारण थप समाचार

आजको खबर

छैटौं हेमजा हिले महोत्सवको तयारी पुरा

पोखरा । देवीस्थान सेवा समाज हेमजाको आयोजनामा यहि असार १५ गते हुने छैटौं हेमजा हिले महोत्सवको तयारी पुरा भएको छ । महोत्सव अन्तर्गत हिले दौड, रस्साकस्सी, घैटो फुटाउने, कृषि झाँकी प्रदर्शन, विद्यालय स्तरीय धान रोपाई प्रतियोगिता, उत्कृष्ट किसान सम्मान, जोडी दौड, आमा समूह बीच असारे भाका, हिलोमा भाले तथा माछा समाउने ,हिले भलिबल, फुटबल लगायतका प्रतियोगिता हुँदैछन् । महोत्सवको तयारी स्वरुप खेत हिल्याउने कार्य सम्पन्न भएको भएको छ । हेमजालाई कृषि पर्यटनसँग जोड्न विष्णुपादुका धार्मिक क्षेत्रको प्रवद्र्धन गर्न, आन्तरिक र बाह्य पर्यटनको आगमन बढाउन, हेमजाका कृषकहरूको सम्मान र युवाहरूलाई कृषिमा प्रोत्साहनका गर्नका लागि हेमजा हिले महोत्सवलाई निरन्तरता दिएको समाजका अध्यक्ष कृष्णमान श्रेष्ठले जानकारी दिए । कृषकको चाडको रुपमा सञ्चालन हुने यस महोत्सवले कृषि क्षेत्रका लागि महत्वपूर्ण हुने अपेक्षा गरिएको सामाजकी उपाध्यक्ष एवं महोत्सव मूल आयोजक समितिका संयोजक चन्द्र्रकला पोख्रेलले बताइन । ‘कृषिमा कृषकलाई प्रोत्साहनस् विष्णुपादुका मन्दिर हेमजाको सान’ भन्ने नाराका साथ स्थानीय देवीस्थान टोलमा महोत्सव हुँदैछ जसमा विभिन्न स्थानीय कलाकारले प्रस्तुति समेत राख्नेछन् । प्रतियोगितामा प्रथम तथा द्वितीय हुने व्यक्ति वा समूहलाई नगद पुरस्कार सहित मेडल र प्रमाणपत्र पुरस्कार प्रदान गरिने छ। पोखरा महानगरपालिका वडा नं २५ हेम्जाकी का।वा। वडा अध्यक्ष तथा कार्यपालिका सदस्य धन कुमारी पोख्रेल तिम्सिनाज्युको प्रमुख अतिथियतामा कार्यक्रमको उद्घाटन हुने आयोजकले जानकारी दिएको छ । असार १५ गते बिहान ठिक ९ः३० बजे विष्णुपादुका माई स्थान मन्दिर बाट सुरु हुने झाकी देविस्थान मार्ग हुँदै मिलचोक परिकमा गरी महोत्सव स्थल पुग्ने छ । फाइल तस्विर
सुनुवार राष्ट्रसेवक स्मारिका २०८३ विमोचन

काठमाडौं । सुनुवार राष्ट्रसेवक समाजको सुनुवार राष्ट्रसेवक स्मारिका २०८३ विमोचन भएको छ । समाजले शनिबार राजधानीमा एक विशेष कार्यक्रमबीच स्मारिकाको दोस्रो अङ्क विमोचन गरेको हो । कार्यक्रमका प्रमुख अतिथी कोशी प्रदेशका भौतिक पूर्वाधार विकास मन्त्री प्रदीप कुमार सुनुवारले सरकारी सेवामा रहेका सुनुवार समुदायका कर्मचारीहरूले इमानदारी, जिम्मेवारी र समर्पणका साथ कार्य गर्दै समाज तथा राष्ट्र निर्माणमा उल्लेखनीय भूमिका निर्वाह गरिरहेको बताउनु भयो । उहाँले आगामी दिनमा पनि समुदायको प्रतिष्ठा अझ उँचो बनाउन निष्ठापूर्वक उच्च मनोवलका साथ कार्य सम्पादन गर्न अनुरोध गर्नु भयो। कार्यक्रममा सुनुवार राष्ट्रसेवक समाजका अध्यक्ष अमरदीप सुनुवारले राज्य तथा राष्ट्र निर्माणमा सुनुवार समुदायका राष्ट्रसेवक कर्मचारीहरूको योगदान महत्त्वपूर्ण रहेको बताउनु भयो । समाजद्वारा प्रकाशित स्मारिकाको दोस्रो अङ्कले समुदायका योगदान, अनुभव, इतिहास तथा सिर्जनात्मक गतिविधिलाई दस्तावेजीकरण गर्ने उद्देश्य राखेको र उक्त विषयमा समाज सफल भएको बताउनु भयो। सोही अवसरमा सुनुवार राष्ट्रसेवक समाजका कोषाध्यक्ष तथा कवि तारादेवी सुनुवारद्वारा लिखित ‘जिर्मा’ कविता सङ्ग्रह परिचर्चा कार्यक्रम सम्पन्न गरिएको छ । आफ्नो कृतिबारे बोल्नु हुँदै कवि सुनुवारले ‘जिर्मा’ आफ्नै समाजलाई बुझ्ने, पढ्ने र अनुभूति गर्ने क्रममा सिर्जना भएका कविताहरूको सङ्ग्रह भएको बताउनु भयो । ुजिर्माु परिचर्चा कार्यक्रममा वक्ता उपप्राध्यापक डा। अशोक थापा र उपप्राध्यापक कुमारी लामाले जिर्मा कवितामाथि समालोचकीय मन्तव्य राख्नु भएको थियो । कार्यक्रममा कवि सुनुवारको कृति ुजिर्माुमाथि टिप्पणी गर्नु हुँदै कवि अमरदीप सुनुवारले ‘जिर्मा’ ले सुनुवार समुदायको भाषा, संस्कार, संस्कृति र सामाजिक जीवनका विविध पक्षलाई कलात्मक ढङ्गले प्रस्तुत गरेको बताउनु भयो। उहाँका अनुसार कृतिमा पुरुषसत्तात्मक समाजमा विद्यमान सामाजिक तथा सांस्कृतिक विकृति, विसङ्गति र विभेदविरुद्ध सशक्त आवाज उठाइएको छ । यस्ता सिर्जनाले समुदायको पहिचान, भाषा र संस्कृतिको संरक्षण तथा सामाजिक रूपान्तरणमा महत्त्वपूर्ण योगदान पुर्‍याउने विश्वास व्यक्त गर्नु भयो । उक्त कार्यक्रमको अवसरमा आफ्नो जीवनको अमूल्य ३२ वर्ष अनवरत रुपमा राष्ट्रलाई सेवा गरी सेवा निवृत्त हुनु भएका सुनुवार राष्ट्रसेवक समाजका संस्थापक सदस्य मोहन बहादुर सुनुवारलाई सेवा निवृत्त जीवन सफल र उर्जाशीलताको कामना सहित सम्मान गरिएको छ । कार्यक्रम कोशी प्रदेशका भौतिक पूर्वाधार मन्त्री प्रदीप कुमार सुनुवारको प्रमुख आतिथ्यता, सुनुवार राष्ट्रसेवक समाजका प्रमुख सल्लाहका राजेन्द्र प्रसाद सुनुवार, सुनुवार सेवा समाज सङ्घीय समितिका पूर्व अध्यक्ष, होलिष्टिक हस्पिटल तथा रिसर्च सेन्टरका सञ्चालक एलबी मुखिया, सिङ्गापुर पुलिस फोर्सका सेवा निवृत्त टिका राम सुनुवार लगायतको आतिथ्यता र राष्ट्रसेवक कर्मचारी, साहित्यकार र सञ्चारकर्मीहरूको उपस्थितिमा सम्पन्न भएको थियो ।
पोखरामा मिशन यूएसए एजुकेशन कन्सल्टेन्सी को नयाँ शाखा विस्तार

१० असार, पोखरा । उच्च शिक्षाका लागि विदेश जान चाहने विद्यार्थीहरूलाई गुणात्मक परामर्श सेवा प्रदान गर्दै आएको प्रतिष्ठित संस्था ‘मिशन यूएसए एजुकेशन कन्सल्टेन्सी (प्रा.) लि.’ ले पोखरामा आफ्नो नयाँ शाखा विस्तार गरेको छ । सन् २००८ मा स्थापना भई विगत लामो समयदेखि शैक्षिक परामर्शको क्षेत्रमा आफ्नो बलियो पहिचान बनाउन सफल यस कन्सल्टेन्सीको नयाँ शाखाको एक विशेष समारोहका बीच औपचारिक रूपमा शुभारम्भ गरेको हो । शाखको पोखरा उद्योग वाणिज्य संघका अध्यक्ष गोकर्ण कार्की, स्वतन्त्र शैक्षिक परामर्श एसोसिएसन (फेकोन) काठमाडौंका अध्यक्ष उमेश कुश्वार र फेकोन गण्डकीका अध्यक्ष सुदन बस्नेतले संयुक्त रूपमा रिबन काटेर शाखाको विधिवत् शुभारम्भ गर्नुभएको थियो । पोखरा र समग्र गण्डकी प्रदेशका विद्यार्थीहरूका लागि यो शाखा कोशेढुङ्गा सावित हुने कार्यक्रमका वक्ताहरुले विश्वास व्यक्त गर्नुभयो । उहाँहरूले संस्थाको व्यावसायिक सफलताको कामना गर्दै पारदर्शी, गुणस्तरीय र विश्वसनीय परामर्श आजको मुख्य आवश्यकता रहेको औंल्याउनुभयो । मिशन यूएसएका संस्थापक संजय घिमिरेका अनुसार संस्थाको यो चौथो शाखा हो । बजारको माग र विद्यार्थीहरूको सेवालाई मध्यनजर गर्दै संस्थाले आफ्नो संजाल फैलाउने क्रममा पोखरामा पाइला टेकेको हो । यसअघि जापानमा दुईवटा र काठमाडौंमा एउटा सफलतापूर्वक सञ्चालनमा आइसकेका छन् । नयाँ सञ्चालनमा आएको पोखरा शाखाको निर्देशक÷संयोजक किरण बानियाँले अमेरिका लगायत अन्य देशमा पनि विद्यार्थीहरुको चाहना अनुसार पोखराम विस्तार गरिएको बताउनुभयो । कार्यक्रममा पोखरा शाखाका निर्देशक तथा व्यवस्थापक कर्णबहादु विक, निर्देशक सावित्री केसी ले गुणस्तरिय परामर्शका लागि पोखरा आएको बताउनुभयो । विगत डेढ दशकभन्दा लामो अनुभव बोकेको यस कन्सल्टेन्सीले विशेषगरी अमेरिका, संयुक्त अधिराज्य, अष्ट्रेलिया, क्यानडा, युरोप, जापान र भारत जस्ता प्रमुख शैक्षिक गन्तव्यहरूका लागि उच्च शिक्षा परामर्श, भिसा आवेदन तथा अन्तर्वार्ता तयारी सम्बन्धी सेवाहरू प्रदान गर्दै आएको छ। पोखरा शाखाबाट विद्यार्थीहरूले अन्तर्राष्ट्रिय स्तरका भाषा परीक्षाहरू जस्तै आईईएलटीएस र टोफेल लगायतको स्तरीय तयारी कक्षाहरूका साथै अनुभवी परामर्शदाताहरूबाट प्रत्यक्ष मार्गदर्शन प्राप्त गर्न सक्नेछन्। पोखरा र आसपासका क्षेत्रका विद्यार्थीहरूलाई आफ्नै शहरमा अन्तर्राष्ट्रिय स्तरको परामर्श सेवा दिने उद्देश्यले यो शाखा सञ्चालनमा ल्याइएको र यसले विद्यार्थीहरूको विदेश अध्ययनको सपनालाई सही र सुरक्षित मार्गनिर्देशन गर्ने प्रतिबद्धता संस्थाले जनाएको छ।
तमु धिं स्याङ्जाको वार्षिकोत्सव सम्पन्न, मे.लक्ष्मीप्रसाद र हुमकुमारी गुरुङले अक्षयकोष स्थापना

स्याङ्जा, ८ असार । तमु जातिको अग्रणी सामाजिक सामुदायिक संस्था तमु धिं नेपालको स्याङ्जा जिल्ला समितिको प्रथम वार्षिकोत्सव सोमबार पुतलीबजार नगरपालिका वडा ३ मजुवास्थित तमु गुरुङ समाजमा भव्यताको साथ सम्पन्न भएको छ। कार्यक्रमको उद्घाटन गर्नुहुदै प्रमुख अतिथि गण्डकी प्रदेस सभा सदस्य पुर्व मन्त्री पन्चराम गुरुङले तमुहरु बिच एकता, सकृयता, सचेतता बिना अग्रगतिमा लाग्न नसक्ने बताउनु भयो। तमुहरु अब अरुले अधिकार दिएन, पछि पारे, हामी राज्यबाट ठगियौं भन्ने मानसिकताबाट माथि उठेर सबै तमुहरु एक भइ अधिकार खोसेर लिनुपर्ने बताउनुभयो। राज्यबाट अझै असमानता छ, चाहे बिकास निर्माण होस वा सेवा सुविधा होस तर अबको समय हामी गुरुङहरु एकतावद्ध भयौं भने सबै विभेदहरु अन्त्य हुने उहाँको भनाई थियो। गण्डकी प्रदेस सभाभित्र म माननीय हुँला बाहिर तपाईहरुको भाई छोरा साथै हली हुँ माननीय नभन्नुस, कुनै समस्या परेमा रातको बाह्र बजे पनि उपस्थित हुने प्रतिवद्धता समेत उहाँको थियो। तमुहरुको एकता, तमु समुदाय र तमु धिंको निम्ति आफ्नो तर्फबाट सक्दो साथ रहने गुरुङले उदघोष थियो । तमु धिं नेपाल केन्द्रिय समितिका अध्यक्ष हुमबहादुर गुरुङले वार्षिकोत्सवको सफलताको शुभकामना व्यक्त गर्नुहुदै तमु धिं नेपाल तमुहरुको एकता, तमु जातिको भाषा, कला, संस्कार संस्कृति संरक्षण बिकास, अग्रगतिको लागि स्थापित भएकाले दुख सुखमा सधै तमुहरु कै साथमा रहेको बताउनु भयो। तमु एकताका लागि तमु धिं नेपाल सधै तयार छ, संस्थाको नाममा कसैले अहमता र संकुचित भावनाबाट ग्रसित हुनुहुदैन, विशाल भावना असल मनसाय आवास्यक छ उहाँको भनाई थियो। अब तमु धिं नेपाल स्याङ्जा जिल्ला समिति पालिका, वडा, गाउहरुमा संगठन निर्माणको अभियानमा पुग्नुपर्दछ, राज्यबाट प्राप्त अधिकार कार्यन्वयन गर्न र पाउनुपर्ने अधिकारको लागि अभियानमा जुट्नुपर्ने बताउनुभयो। तमु धिं नेपाल केन्द्रिय सदस्य कृष्ण कुमार गुरुङले शुभकामना व्यक्त गर्नुहुदै तमु धिं नेपाल एकताका निम्ती इमान्दारपुर्वक अघिबढेको छ, एकताकै लागि संगठन बिस्तार अभियानलाई लामो समयदेखि स्थगन राखेकोमा अब पहिलो चरणमा तमुवान भुमि गण्डकी प्रदेसलाई संगठित गर्दै राष्ट्रिय अन्तर्राष्ट्रिय क्षेत्रमा अघि बढ्ने बताउनुभयो। तमु धिं नेपाल र तमु ह्युल छोंज धिं गुरुङ राष्ट्रिय परिषदको एकताको प्रक्रिया प्रष्ट पार्दै उहाँले तमु एकतामा तमु धिं नेपाल इमान्दार छ,यदि रहेन भने आफुले संस्थामा बिद्रोह गर्ने र तमु ह्युल छोंज धिं भित्रका इमान्दार तमुहरुले पनि विद्रोह गर्ने आँट गर्नुपर्छ भन्नुभयो । तमु ह्युल छोंज धिं गुरुङ राष्ट्रिय परिषदका केन्द्रिय सदस्य रबिन गुरुङले शुभकामना व्यक्त गर्नुहुन्दै तमु एकता लागि सबै संस्था सकरात्मक हुनुपर्दछ भन्नुहुदै तमु ह्युल छोंज धिं गुरुङ राष्ट्रिय परिषदभित्र आफुहरुले एकतालाई सार्थकता बनाउन बारम्बार जोड दिइरहेको बताउनुभयो। एकताकै चरणमा तमु धिं नेपालको स्याङ्जाको गतवर्षको भेलामा अवरोध र जापानको घटना दुखदायी भएको उहाँको भनाई थियो। नेतृत्वदायी संस्थाहरुले जुटाउने हो फुटाउने होइन भन्नुहुदै गुरुङले तमु धिं नेपाल स्याङ्जा जिल्ला समितिले स्याङ्जा जिल्लाका तमुहरुलाई एकताबद्ध बनाउने अभियानमा सधै आफ्नो साथ रहने बताउनु भयो। तमु धिं नेपाल संरक्षक परिषद सहसंयोजक वरिष्ठ समाजसेवी मेजर लक्ष्मीप्रसाद गुरुङले शुभकामना व्यक्त गर्नुहुदै तमु र भुपु सैनिकहरुको एकताले गुरुङ समुदाय अग्रगतिमा लाग्नसक्ने भएकाले आफुहरुको पहलमा गोर्खा कम्युनिटी पोखरा लगायतको संस्था स्थापना गरेको बताउनुभयो। तमु धिं नेपाल स्याङ्जा जिल्ला समिति सधै सकृयतापुर्वक अघि बढ्नका लागि मेजर लक्ष्मीप्रसाद गुरुङ र धर्मपत्नी तमु धिं केन्द्रिय समिति सदस्य हुमकुमारी गुरुङको तर्फबाट १ लाख १ हजार ११५ रुपैयाको अक्षयकोष रकम हस्तान्तरण साथै स्थापना दिवसको अवसरमा वार्षिक दश हजार रुपैया सहयोग गर्ने घोषणा गर्नुभयो। तमु धिं युकेका संस्थापक सल्लाहकार एवम गोर्खा स्मारक ट्रष्ट साल्मेडाडाका संयोजक डा। चन्द्र बहादुर गुरुङले शुभकामना व्यक्त गर्नुहुदै तमु भाषा संरक्षणका लागि सबै तमुहरुले मातृभाषा बोल्ने र तमु क्युईको संरक्षण र विकासका लागि तमु धिं स्याङजाले प्राथमिकता दिनुपर्ने गुरुङ भाषामै मन्तव्यबाट सुझाव दिनुभयो। तमु धिं नेपाल कास्की जिल्ला समिति अध्यक्ष प्रेमबहादुर गुरुङले वार्षिकोत्सव सफलताको शुभकामना व्यक्त गर्नुहुदै तमुहरुको संस्थागत एकता आवाश्याकतामा जोड दिनुभयो। कोल्मा बहाकोट तमु समाज पोखराका अध्यक्ष पुर्णबहादुर गुरुङले तमु धिं नेपाल स्याङजा जिल्ला समिति गठनको समयमा योजनाबद्ध घटना फेरि पनि नदोहोरियोस भन्नुभयो। उहाँले हामी तमुहरु एकता हुनुपर्दछ, अब तमु धिं स्याङ्जाको संगठन निर्माण अभियानमा सबैको साथको अपेक्षा गर्नुभयो । काहुलेमा बिगतमा गएको पहिरो पिडितलाई सबै भन्दा धेरै सहयोग, बिरामीहरुलाई सहयोग, भाषा, शिक्षा, संस्कृति लागयतको क्षेत्रमा तमु धिं नेपालको सहयोगको अतुलनीय रहेको बताउनुभयो। तमु गुरुङ समाज स्याङ्जाको अध्यक्ष अण बहादुर गुरुङले शुभकामना ब्यक्त गर्नुहुदै तमुहरुको दुख सुखमा एकै थलोमा रहनुपर्ने बताउनु भयो। क्याम्बर अफ कमर्श स्याङ्जाको अध्यक्ष श्रीबहादुर गुरुङले शुभकामना व्यक्त गर्नुहुदै तमुहरुको समृद्धिको लागि आफ्नो साथ रहने बताउनुभयो। तमु गुरुङ समाज स्याङ्जाका महासचिव डिवी गुरुङले तमु समाज स्याङ्जा जिल्ला प्रसासन कार्यलय स्याङ्जामा दर्ता भएको स्वायत्त संस्था भएकाले आगामी दिनमा पनि तमु संघ संस्थाहरुसंग सहकार्य गरिने बताउनुभयो। कार्यक्रममा तमु धिं नेपाल स्याङ्जा जिल्ला समिति सहसचिव गायिका ममता गुरुङ, तमु धिं नेपाल केन्द्रिय युवा समिति सचिव गायक रामप्रसाद गुरुङ र गायिका निसा गुरुङले आफ्नो गायन प्रस्तुति साथै तमु धिं नेपाल बिध्यार्थी समिति, तमु गुरुङ समाज स्याङ्जा र कोल्माबहाकोट तमु समाजका कलाकारहरुले बिबिध साँस्कृतिक प्रस्तुति गरी मनोरन्जन दिलाएका थिए भने कार्यक्रम सफलताको शुभेक्षा सहित विभिन्न सहयोगदाताहरुले सहयोग गरेका थिए । तमु धिं नेपाल स्याङ्जा जिल्ला समितिका अध्यक्ष बालकुमार गुरुङको अध्यक्षतामा भएको कार्यक्रममा उपाध्यक्ष आइ बहादुर गुरुङले स्वागत र सचिव जितबहादुर गुरुङले कार्यक्रम संचालन गर्नु भएको थियो।

Breaking News

Samaya Dristi

Best News Site from Nepal

Main Menu

ropaimahotsab

छैटौं हेमजा हिले महोत्सवको तयारी पुरा

7 hours ago Samaya Dristi Comments Off on छैटौं हेमजा हिले महोत्सवको तयारी पुरा

मध्य असार कृषकको चटारो

4 years ago Samaya Dristi 0

हाम्रो बारेमा