पोखरा अन्तर्राष्ट्रिय विमानस्थलको उद्घाटन

पौष १८ गते २०७९

पोखरा अन्तर्राष्ट्रिय विमानस्थलको उद्घाटन

पोखरा १७,पुष
पोखरा अन्तर्राष्ट्रिय विमानस्थलको आइतबार प्रधानमन्त्री पुष्पकमल दाहाल प्रचण्ड द्वारा उद्घाटन गरिएको छ ।

पोखरा क्षेत्रीय अन्तर्राष्ट्रिय विमानस्थल आएर प्रचण्डले दियो बालेर विमानस्थलको उद्घाटन गरेका हुन । देशकै प्रमुख पर्यटकीय गन्तव्य पोखरामा निर्माण भएको पोखरा अन्र्तराष्ट्रिय विमानस्थल
उद्घाटन समारोहमा व्यापक जनसहभागिता समेत रहेको थियो । प्रधानमन्त्री पुष्पकमल दाहाल ‘प्रचण्ड’सँगै अर्थ मन्त्री विष्णु पौडेल बिहान काठमाडौंबाट पोखरा अन्तर्राष्ट्रिय विमानस्थलमा अवतरण गरेका हुन् । तर आइतबार उद्घाटन भएको अन्तर्राष्ट्रिय विमानस्थलबाट अन्तर्राष्ट्रिय उडान हुने भन्ने टुंगो लागेको छैन ।

पोखरामा १५० मत गणना हुँदा एमालेका कृष्ण थापालाई अग्रता

Samaya Dristi 4 years ago

पोखरा,३१ बैशाख । । पोखरामा १५० मत गणना हुँदा नेकपा एमाले उम्मेद्वार कृष्णबहादुर थापाले अग्रता लिएका छन् । पोखरा १ को ५० र पोखरा १२ को १ सय मत... Read More

नेकपाभित्रैबाट सरकारको विकल्प दिन सांसदको ‘लबिङ’

Samaya Dristi 6 years ago

काठमाडौँ,२१ फागुन । नेकपाका दुई दर्जन सांसदले पार्टीभित्रैबाट सरकारको नेतृत्वको विकल्प दिएर एकता जोगाउनुपर्ने भन्दै लबिङ गर्दै आएका छन् । सांसदहरू कृष्णप्रसाद दाहाल, गणेश पहाडी, यज्ञराज सुनुवार, भूमि त्रिपाठी,... Read More

नेपाल पुलिस क्लबले थ्रीस्टार विरुद्ध ४–० गोल

Samaya Dristi 6 years ago

चैत्र २४ ,पोखरा रुस्लान थ्रीस्टारलाई नेपाल पुलिस क्लबले फराकिलो अन्तर ले पराजित गरेको छथ्रिस्टारलाई १९ औं आहा रारा गोल्डकपबाट बिदाई गर्दै पुलिसले उपाधि दावेदारी प्रस्तुत गरेको छ । मंगलबार... Read More

चलचित्र ‘ए मेरो हजुर ४’ चैत्रमा रिलिज हुने

Samaya Dristi 5 years ago

काठमाडौं, भदौ २६ ।झरना थापा निर्देशित फिल्म ‘ए मेरो हजुर ४’ लाई आगामी चैत्र २५ गते रिलिज हुने भएको छ । निर्माता सुनिलकुमार थापाले सामाजिक सञ्जालमा एक पोष्ट गर्दै... Read More

आजको खबर

साँझको सुनौलो घाममा माछापुच्छ्रे

माछापुच्छ्रे हिमाल नेपालको गण्डकी प्रदेशस्थित कास्की जिल्लाको उत्तरमा अवस्थित एक अत्यन्त सुन्दर र प्रसिद्ध हिमाल हो। यसको चुच्चो माछाको पुच्छरजस्तै देखिने भएकाले यसलाई माछापुच्छ्रे (Fish Tail Mountain) भनिएको हो। समुद्री सतहबाट करिब ६,९९३ मिटर उचाइमा रहेको यो हिमाल अन्नपूर्ण हिमशृङ्खलाको एक आकर्षक शिखर हो। प्राकृतिक सुन्दरता, सेतो हिउँले ढाकिएको चुचुरो र मनोरम दृश्यका कारण माछापुच्छ्रे हिमाल पोखराको प्रमुख पहिचान बनेको छ। विशेषगरी बिहानको सूर्योदय र साँझको सुनौलो घाममा हिमालको दृश्य अत्यन्त मनमोहक देखिन्छ। फेवाताल, सराङकोट र आसपासका डाँडाहरूबाट यसको सुन्दर दृश्य अवलोकन गर्न सकिन्छ। माछापुच्छ्रे हिमाललाई धार्मिक तथा सांस्कृतिक दृष्टिले पनि पवित्र मानिन्छ। यसको शिखरमा आरोहण गर्न अनुमति दिइएको छैन, जसले यसको प्राकृतिक र सांस्कृतिक महत्त्वलाई अझ विशेष बनाएको छ। माछापुच्छ्रे हिमाल केवल हिमाल मात्र होइन, पोखराको गौरव, नेपालको प्राकृतिक सम्पदा र विश्वभरका पर्यटकलाई आकर्षित गर्ने अनुपम सौन्दर्यको प्रतीक पनि हो।
प्रकृति संगै योग

कास्कीको माछापुच्छ्रे गाउँपालिका – ६ अस्ताममा अवस्थित अन्नपूर्ण इको भिलेजमा योगामा रमाउँद‌ै विदेशी पर्यटकहरु । तस्विरःबिश्व अधिकारी
सङ्गीत तथा नाट्य प्रज्ञा प्रतिष्ठानका प्राज्ञहरूद्वारा सुझाव सङ्कलन

पोखरा, असोज २७ गते । नेपाल सङ्गीत तथा नाट्य प्रज्ञा प्रतिष्ठानका प्राज्ञसभा सदस्यहरूले पोखरामा सुझाव सङ्कलन गरेका छन् । प्रतिष्ठानका प्राज्ञसभा सदस्य विनोद बानिया, दीपक पराजुली र परिवर्तनको अगुवाइमा भएको कार्यक्रममा पोखरामा क्रियाशील गीत, सङ्गीत, नाटक र संस्कृतिसँग सम्बन्धित संस्थाका प्रतिनिधिहरूले प्रज्ञा प्रतिष्ठानहरूले आफ्ना गतिविधिमार्फत परिवर्तनको सङ्केत दिनुपर्ने सुझाव दिएका थिए । कार्यक्रममा प्राज्ञसभा सदस्य गायक विनोद बानियाँले आगामी प्राज्ञसभामा सम्बन्धित विषयविज्ञहरूको सुझाव लिएर नीति निर्माणका लागि सुझाव दिने उद्देश्यले अन्तरक्रिया आयोजना गरिएको जानकारी दिए । उनले आवश्यकता र नीतिको संयोजन गरी कार्यक्रम गर्न सकिए त्यसले गतिलो परिणाम ल्याउन सक्ने धारणा राखे । अर्का प्राज्ञसभा सदस्य तथा ¥यान्डम रिडर्स सोसाइटीका अध्यक्ष दीपक पराजुलीले प्राप्त सुझावहरू प्राज्ञसभामा राखिने बताए । प्राज्ञसभा सदस्य तथा पोखरा थिएटरका अध्यक्ष, नाट्यकर्मी परिवर्तनले नीति निर्माणका तहमा आफूहरूले जोड दिने बताए । कार्यक्रममा गण्डकी प्रज्ञा प्रतिष्ठानका प्राज्ञसभा सदस्य तथा गीतकार प्रतिष्ठान नेपालका अध्यक्ष अनुराग अधिकारीले नेपाल सङ्गीत तथा नाट्य प्रज्ञा प्रतिष्ठान, गण्डकी प्रज्ञा प्रतिष्ठान र पोखरा प्रज्ञा प्रतिष्ठानको संयुक्त आयोजनामा विशेष कार्यक्रम आयोजना गर्नुपर्ने आवश्यकता औँल्याए । सो अवसरमा हिमाली सांस्कृतिक परिवारका अध्यक्ष ज्ञानबहादुर थापा, गण्डकी प्रज्ञा प्रतिष्ठानका प्राज्ञसभा सदस्य गायक रामभक्त जोजिजू, पोखरा साङ्गीतिक कलाकार सङ्घका निवर्तमान अध्यक्ष सुनील थापा, उपाध्यक्ष तेज केसी, जोजिजू म्युजिक सेन्टरका प्रबन्धक विनित जोजिजू, पोखरा प्रज्ञा प्रतिष्ठानका परिषद् सदस्य दिलिप गायक, रेनेसा थिएटरकी रोशनी रामदाम, नाट्यकर्मी प्रमिला तुलाचन, गीतकार प्रतिष्ठानका संस्थापक अध्यक्ष हरिहर खनिया, उपाध्यक्ष लाल कार्की ‘अञ्जान’, सचिव रुपिन्द्र प्रभावी, पोखरेली युवा सांस्कृतिक परिवारका सचिव एमडी काफ्ले, त्रिवेणी सङ्गीतालयका सुनील बरालले विद्यालय तहमा सङ्गीत, नाटक र संस्कृति पुग्न सक्ने गरी कार्यक्रम ल्याउने, प्रतिलिपि अधिकार र रोयल्टीसम्बन्धी नीतिगत व्यवस्था कार्यान्वयन गर्नेलगायत सुझाव दिएका थिए । त्यसै गरी, कमला श्रेष्ठ, दलबहादुर गुरुङ, असीम शेरचन, डविन गुरुङ, निश्चल विमल, नेपालहरि रानाभाट, रामजी पौडेललगायतले सबैले अपनत्व महसुस गर्न सक्ने कार्यक्रम ल्याउन सुझाव दिएका थिए । सम्बन्धित क्षेत्रका व्यक्तिहरूसँग सुझाव सङ्कलनका लागि गरिएको पहलप्रति सहभागीहरूले धन्यवाद ज्ञापन गरेका थिए ।
पोखरामा भएको तेस्रो पर्वतीय दौडको उपाधि राउतलाई (फोटो फिचर)

पोखरा, २५ असोज तेस्रो पर्वतीय दौड प्रतियोगिताको उपाधि नरेन्द्रसिंह रावतले जितेका छन् । पोखरा–२२, पुम्दी–भुम्दीमा शनिबार आयोजित उक्त प्रतियोगितामा निर्धारित ८ किमी दूरी उनले ३४ः३५ः८८ मिनेटमा पूरा गर्दै उपाधिसहित नगद ५० हजार, मेडल र प्रमाणपत्र पुरस्कार प्राप्त गरे । सुदूरपश्चिमका रावत गत वर्ष पनि च्याम्पियन बनेका थिए । यसैगरी, गौतम श्रेष्ठ दोस्रो र निरज भट्ट क्षेत्री तेस्रो भए । श्रेष्ठले निर्धारित दूरी ३५ः१६ः१९ मिनेटमा पूरा गर्दा क्षेत्रीले ३५ः२९ः०१ मिनेट समय लगाए । उनीहरुले क्रमशः ३० र १५ हजार साथमा मेडल र प्रमाणपत्र पुरस्कार प्राप्त गरे । प्रतियोगितामा धीरजबहादुर बुढा चौथो र सरोज कुँवर पाँचौं हुँदै क्रमशः ७ र ३ हजार नगदसहित मेडल र प्रमाणपत्र पुरस्कार प्राप्त गरे । छैटौंदेखि दशौंसम्म महेन्द्रबहादुर बुढाथोकी, श्रीकेश राई, पृथ्वीलाल राई, महेन्द्र घर्तीमगर र आशीष कुँवर पर्न सफल भए । उनीहरुले जनही १ हजार, मेडल र प्रमाणपत्र पाए । महिलातर्फ दीर्पा बस्नेत प्रथम हुन सफल भइन् । उनले निर्धारित ८ किमी दूरी ४८ः१३ः४६ मिनेटमा पूरा गर्दै नगद १५ हजार प्राप्त गरिन् । दोरपता कठायतले ५०ः२०ः४३ मिनेट र मीनु बुढाले ५१ः१३ः२१ मिनेट लगाउँदै क्रमशः दोस्रो र तेस्रोको पुरस्कार प्राप्त गरे । सोही इभेन्टमा सिमरन थापा र संजिला राई चौथो र पाँचौं भए । यू–१६ तर्फ कमल बिक प्रथम, मुलुक सिंह खत्री दोस्रो र सक्षम बोहोरा क्रमशः पहिलो, दोस्रो र तेस्रो भए । बिकले ४०ः००ः४२ मिनेटमा दुरी पार गर्दा खत्रीले ४०ः०८ः८६ मा दुरी पार गरे । सुशान्त विक्रम तिवारी चौथो र सफल खड्का पाँचौ बने । पोखरा २२ वडाअन्तर्गत क्रिशल परियार प्रथम भए । उनले ४३ः४५ः०२ मिनेटमा दुरी पार गर्नुभयो । सुयन बिकले ४८ः०६ः५७ सेकेण्डमा दुरी पार गरी दोश्रो भए । कमल पौडेल, पुष्पराज बराल र सुजल परियार क्रमशः तेश्रो देखि पाँचौं भए । भेट्रान्सतर्फ तेजबहादुर गुरुङ प्रथम हुन सफल भए । उनले निर्धारित दुरी ४६ः३०ः५१ मिनेटमा पार गर्दा किशोर थापा दोस्रो भए । थापाले ४८ः५७ः०४ मिनेटमा उक्त दुरी पार गरे । कमल गुरुङ तेस्रो, अनुप केसी चौथो र योगप्रसाद गुरुङ पाँचौ। बने । विदेशी धावकतर्फ फ्रान्सका माथियस डियोन प्रथम, रसियाका अलेकजेण्डर दोस्रो भए । डियोनले ४६ः२४ मिनेटमा र अलेकजेण्डरले उक्त दुरी ५४ः१३ः१८ मिनेटमा पार गरे । माइखाइलो तेस्रो भए । खुलाबाहेक बाँकी विधामा प्रथम, दोस्रो र तेस्रोलाई क्रमशः १५, १० र ७ हजार साथमा मेडल र प्रमाणपत्र पुरस्कार दिइएको थियो । पोखरा प्रबद्र्धन केन्द्र र पोखरा क्लिकद्वारा विश्व पर्यटन दिवस सन्दर्भमा आयोजित उक्त दौड विश्व शान्ति स्तूपदेखि विशाल महादेवको मूर्ति, वडा कार्यालय हुँदै बुद्ध पार्क पुगेर समापन भएको हो । विजयीलाई पोखरा महानगरपालिकाका प्रमुख धनराज आचार्य, पोखरा २२ का वडाअध्यक्ष हिमलाल बराल, महानगरका प्रमुख प्रशासकिय अधिकृत, राजन पौडेल, गण्डकी प्रदेशको सामाजिक विकास युवा तथा खेलकुद मन्त्रालयका उपसचिव टंक प्रसाद ढकाल, सशस्त्र प्रहरी बल मुक्तिनाथ बाहिनीका शसस्त्र प्रहरी नायव महानिरिक्षक ९डिआईजी० प्रवीण कँडेल, पोखरा उद्योग वाणिज्य संघ अध्यक्ष शोभा गौतम, पर्यटन बोर्डका वरिष्ठ कार्यक्रम अधिकृत युवराज गुरुङ, पोखरा महानगरका आर्थिक विकास महाशाखाका प्रमुख मनोहर कडरिया, पोखरा पर्यटन परिषद् अध्यक्ष हरि भुजेल, परिषद्का पूर्व अध्यक्ष एवं पोखरा भ्रमण वर्ष–२०२५ का संयोजक गोपीबहादुर भट्टराई, नाट्टा गण्डकीका अध्यक्ष संगीता पौडेल, टान गण्डकीका अध्यक्ष कृष्ण प्रसाद आचार्य, होटल संघ पोखरा नेपालका अध्यक्ष लक्ष्मण सुवेदी, पुम्दीकोट कोट विकास समितिका अध्यक्ष तथा उद्योगपति चन्द्रकान्त बराल, होम स्टे महासंघ नेपालका उपाध्यक्ष प्रकाश गुरुङ, हिमश्री फुड्स प्रा।लि।का प्रशासन प्रमुख बम बराल लगायतले पुरस्कार वितरण गरे । सो अवसरमा पुम्दीभुम्दीको पर्यटन प्रवद्र्धन र स्थानीय क्षेत्रको विकासमा योगदान दिएका राज गुरुङ ‘ लाला ’ र म्याराथन धावक अर्जुन गोदारलाई सम्मान गरिएको थियो । गुरुङ कालाबाङ घरेडी बुद्ध पार्कका परिकल्पनाकार तथा कालाबाङ घरेडी बुद्ध पार्क विकास संस्थाका संस्थापक अध्यक्ष समेत हुन् । अघिल्ला संस्करणमा पुम्दीकोट कोट विकास समितिका अध्यक्ष चन्द्रकान्त बराल, विश्वशान्ति स्तूप समितिका अध्यक्ष अशोक गुरुङ, हिमाल आरोही तथा साहसिक पर्यटन क्षेत्रका व्यक्तित्व ले।लि। कुसाङ गुरुङ र वसन्त गौतमलाई सम्मान गरिएको थियो । समापन समारोहका प्रमुख अतिथि मेयर आचार्यले पर्यटकीय राजधानी पोखराको खेलकुद तथा पर्यटन विकासमा यसप्रकारका इभेन्टले सघाउ पुग्ने भन्दै महानगरले पनि सहयोग गर्दै जाने बताए । उक्त कार्यक्रम कम्तिमा ५ बर्षसम्म क्यालेण्डरमै फिक्स गर्न आयोजकलाई सुझाव दिनुभयो । त्यसअघि, गण्डकी प्रदेशका सामाजिक विकास, युवा तथा खेलकुद मन्त्री रेखा गुरुङले विश्व शान्ति स्तूपमा आयोजित उद्घाटन समारोहमा दौडको उद्घाटन गरेकी थिइन् । कार्यक्रममा बोल्दै उनले यस्ता प्रतियोगिताले गाउँ पर्यटन र खेल पर्यटनको प्रबद्र्धनमा टेवा पुग्ने विश्वास व्यक्त गरिन् । उक्त अवसरमा कीर्तिमानी धावक तथा ओलम्पियन बैकुण्ठ मानन्धर सहितका अतिथिको सहभागिता रहेको थियो । कार्यक्रममा स्कुलले ऐतिहासिक व्यक्तित्व सागमा तीन स्वर्ण विजेता एवं ओलम्पियन बैकुन्ठ मानन्धर र करातेका उदयीमान खेलाडी तथा करातेमार्फत सानै उमेरमा वल्र्ड बुक अफ रेकर्ड राख्न सफल आर्यन रंजितद्वयलाई नगदसहित सम्मान गरेको हो । प्रतियोगिता संयोजक दीननाथ बरालको अध्यक्षतामा भएको कार्यक्रममा स्वागत आयोजक केन्द्रका उपाध्यक्ष असफल गौतम र संचालन पर्यटनविज्ञ दीपेन्द्र पहारीले गरे । ‘खेल पर्यटन प्रवद्र्धनमा पुम्दी–भुम्दी पर्वतीय दौड’ नारालाई आत्मसात् गर्दै आयोजकले विश्व पर्यटन दिवस सन्दर्भ पारेर प्रतियोगितालाई निरन्तरता दिएको हो । नेपाल पर्यटन बोर्ड र पोखरा महानगरपालिकाले प्रवद्र्धन गरेको प्रतियोगितामा प्रदेश खेलकुद परिषद् गण्डकीको समन्वय र पोखरा महानगरपालिका वडा नम्बर २२ को सहकार्य रहेको थियो । प्रतियोगिताको मेडिकल पार्टनरमा नेलम्बो नेपाल, हस्पिटल पार्टनरमा मेडि प्लस एण्ड ट्रमा सेन्टर, इन्स्योरेन्स पार्टनरमा युनाइटेड अजोड इन्स्योरेन्स लिमिटेड, हस्पिटालिटी पार्टनरमा म्याजेस्टिक लेक फ्रन्ट होटल एण्ड सुइट्स, अफिसियल टेलिभिजनमा पोखरा टेलिभिजन रहेको थियो । आधिकारिक ड्रिङ्किङ वाटरमा ग्लेज स्प्रिङ वाटर हो । यसैबिच, गण्डकी प्रदेश सामाजिक विकास, युवा तथा खेलकुद मन्त्रालय, अन्तराष्ट्रिय म्याराथन धावक ल।रि। कुसाङ गुरुङ, परिचय एड्भरटाइजिङ, राष्ट्रिय खेलकुद परिषद्, अटो वेज प्रा।लि।, हिमश्री फुड्सको उत्पादन रारा तयारी चाउचाउ, शुभ अधिकारी ट्राभल्स, सिटिजन फर्निचर, चिकेन प्वाइन्ट, वडा युवा परिषद्, विश्व शान्ति स्तूप समिति, पुम्दीकोट कोट विकास समिति, कालाबाङ घरेडी बुद्ध पार्क समिति, एनएस भिल्ला पोखरा २२ कालाबाङ घरेडी सहित विभिन्न व्यवसायी तथा संघसंस्थाको सहयोग रहेको केन्द्रका सचिव सागर सुनारले बताए । कार्यक्रममा शसस्त्र प्रहरी बल मुक्तिनाथ बाहिनीको पन्चे बाजेले आगन्तुक धावकलाई स्वागत गरिएको थियो भने विहान मौसम खुलेसंगै स्थानियले समेत ठाँउ ठाँउमा धावकलाई भव्य स्वागत गरेको वडा यूवा परिषद पोखरा २२ का अध्यक्ष दिनेश बरालले बताए ।

Breaking News

Samaya Dristi

Best News Site from Nepal

Main Menu