भाइरल गाउँ म्याग्दीको रत्नेचौर (फोटो फिचर)

पौष २३ गते २०८१

भाइरल गाउँ म्याग्दीको रत्नेचौर (फोटो फिचर)

म्याग्दीको सदरमुकाम बेनी र बागलुङको बीचमा रहेको भाइरल गाउँ रत्नेचौरको तोरी बारी र
पृष्ठभूमिमा धवलागिरि हिमाल, म्याग्दी, बागलुङ र पर्वतका ग्रामीण भेगको मनमोहक दृश्य

तस्विरः दुर्गा प्रसाद पौडेल

अमेरिकामा नेपालको लाटोकोसेरो को फोटो प्रर्दशनी

Samaya Dristi 3 years ago

पोखरा,फागुन अमेरिकामा हुने अन्तर्राष्ट्रिय लाटोकोसेरो संरक्षण उत्सवमा नेपालका फोटो पत्रकार कृष्णमणि बरालले खिचेको फोटो तथा भिडियो प्रदर्शनी हुने भएको छ । अमेरिकाको मिनोसोटा प्रदेशको मिनोपोलिस सहरमा मार्च १ देखि... Read More

कमल दह

Samaya Dristi 2 years ago

नागवेली डाँडाहरुले घेरिएको सुन्दर रुकुमकोट उपत्यका र मध्यपहाडी राजमार्गको छेउमै रहेको सुन्दर कमल दह(ताल) तस्विरः दुर्गा प्रसाद पौडेल Read More

साहित्यकार उषा शेरचनलाई राष्ट्रिय मुक्तक पुरस्कार अर्पण

Samaya Dristi 3 years ago

पोखरा, माघ २८ गते । साहित्यकार उषा शेरचन राष्ट्रिय मुक्तक पुरस्कार २०८० बाट पुरस्कृत भएकी छन् । मुक्तक मञ्च, केन्द्रीय समिति, पोखराद्वाराशनिवार पोखरामा आयोजित कार्यक्रममा शेरचनलाई ३३ हजार ३३३... Read More

आस्थाको केन्द्र मुक्तिनाथ मन्दिर

Samaya Dristi 3 months ago

गत हप्ता चार दिन छुट्टीका कारण मुक्तिनाथ मन्दिरमा शनिवार आन्तरिक तथा बाहय दर्शनार्थिको घुईचो तस्विरः दुर्गा प्रसाद पौडेल Read More

आजको खबर

पोखरा फोटोग्राफर संघले गर्यो श्रद्धाञ्जली सभा

२२ भदौ २०८३, पोखरा । भोटेकोशी नदीमा आएको विनाशकारी बाढीबाट भएको मानवीय तथा भौतिक क्षतिप्रति पोखरा फोटोग्राफर संघले गहिरो दुःख व्यक्त गर्दै दिवंगतप्रति श्रद्धाञ्जली तथा विपदमा परेका परिवारप्रति सहानुभुति जनाएको छ । कार्यक्रममा संघका पदाधिकारी तथा सदस्यहरूका साथै संस्थापक, संरक्षक, पूर्वअध्यक्षहरु, , अक्षयकोषदाता, आजीवन तथा साधारण सदस्य, महिला उपसमितिका पूर्वसंयोजक र संघका शुभेच्छुकहरूको सहभागिता रहेको थियो । दीप प्रज्वलन तथा शोकसभा पोखरा महानगरपालिका–४ स्थित मानव अधिकार चोकमा आयोजना गरिएको थियो । भोटेकोशी नदीमा आएको बाढीले विभिन्न क्षेत्रमा ठूलो जनधनको क्षति पु¥याएको घटनाले मुलुकभर गहिरो पीडा र चिन्ता उत्पन्न गरेको छ । प्राकृतिक विपत्तिका कारण आफ्ना आफन्त गुमाएका परिवार, घरबार तथा सम्पत्ति गुमाएका नागरिक र विस्थापित समुदाय अहिले कठिन परिस्थितिको सामना गरिरहेका छन्। यस्तो अवस्थामा पीडितको दुःखमा साथ दिनु र मानवीय संवेदना प्रकट गर्नु सबैको साझा दायित्व भएको संघकी नवनिर्वाचित अध्यक्ष नन्दकला पौडेलले बताईन । संघले विपत्तिमा परेका नागरिकप्रति संवेदना व्यक्त गर्ने र राहत अभियानमा आफ्नो तर्फबाट योगदान गर्ने अवसरका रूपमा उपयोग गरेको जनाएको छ । प्राकृतिक विपत्तिका बेला समाजका विभिन्न क्षेत्र, संघसंस्था, व्यवसायी तथा नागरिक एकजुट भएर पीडितको साथमा उभिनुपर्ने आवश्यकता रहेको संघको भनाइ छ। संघका सदस्यहरूबाट संकलन गरिएको रकम प्रधानमन्त्री दैवी प्रकोप राहत कोषमा जम्मा गरिने संघका कोषाध्यक्ष राजु प्रसाद तिमिल्सीनाले जानाकारी गराए ।
फोटोग्राफर संघ गण्डकीको ८औं स्थापना दिवसमा द्विप प्रज्वलन र बाढीपीडितलाई सहयोग

२२ भाद्र पोखरा, फोटोग्राफर संघ गण्डकीले आफ्नो ८औं स्थापना दिवस विशेष र सामाजिक रूपमा मनाएको छ। संघले संस्थाको स्थापना दिवसको अवसर पारेर रसुवाको भोटेकोशीमा आएको भीषण बाढीमा ज्यान गुमाउनेहरूप्रति हार्दिक श्रद्धाञ्जली अर्पण गर्दै द्विप प्रज्वलन गरेको छ। पोखरामा आयोजित एक कार्यक्रममा संघका सदस्यहरू र पदाधिकारीहरूले सामूहिक रूपमा दिप प्रज्वलन गरी बाढीमा ज्यान गुमाउने मृत आत्माको बैकुण्ठ बासको कामना गरे। साथै, उनीहरूले बाढीबाट प्रभावित भएका सम्पूर्ण नागरिकहरूको शिघ्र स्वास्थ्य लाभको पनि कामना गरेका छन्। सामाजिक उत्तरदायित्वको भावनालाई आत्मसात गर्दै, संघले प्रधानमन्त्री दैवी प्रकोप राहत कोषमा आर्थिक सहयोग जम्मा गरेको छ। संघका सदस्यहरूद्वारा सङ्कलन गरिएको कुल रु १५,००० पन्ध्र हजार रकम कोषमा जम्मा गरिएको छ। यो सानो सहयोगले बाढीपीडितहरूको पुनर्स्थापना र राहतमा केही सहयोग पुग्ने विश्वास संघले लिएको छ। फोटोग्राफर संघ गण्डकीका अध्यक्ष नारायण बहादुर केसी को अध्यक्षतामा भएको कार्यक्रममा संस्थापक अध्यक्ष दुर्गा प्रसाद पौडेलले संस्थाको उद्धेश्य माथी प्रकाश पारे कार्यक्रम संस्थाका सचिव नारायण गौतमले संचालन गरेका थिए । #GPA
पाँचौ पोखरा फोटोग्राफी अवार्ड सम्पन्न लाईफ टाइम अचिभमेन्ट गन बहादुर पुन लाई

भाद्र २२, पोखरा, पोखरा फोटोग्राफर संघ, पोखरा नेपाल द्वारा सञ्चालित पोखरा फोटोग्राफी अवार्डका बिभिन्न ९ बिधाहरुको पुरस्कार वितरण गरिएको छ । जस अन्र्तगत अशोक लाईफ टाइम अचिभ्मेन्ट फोटोग्राफी अवार्ड वाट पोखराका पुराना तथा अग्रज फोटोग्राफर गन बहादुर पुनलाई सम्मान गरिएको छ । पोखरा फोटोग्राफर संघको ४५ औं स्थापना दिवसको अवसर पारेर यही श्रावण २ गते देखी प्रतियोगिताको लागि आव्हान गरिएको थियो कुल ७ वटा फोटो बिधामा र बिबाह भिडियो बिधाको १ गरी कुल ८ ओटा बिधामा फोटोहरु मागिएको थियो भने लाईफटाइम अचिभमेन्टमा जिल्ला संघहरुद्वारा सिफारिश गरिएको थियो ।अवार्डको पहिलो तथा गर्विलो बिधा अन्र्तगत रहेको अशोक लाईफ टाईम अचिभमेन्ट फोटोग्राफी अर्वाडबाट यस वर्ष पोखराका अग्रज फोटोग्राफर गन बहादुर पुनलाई सम्मान गरिएको छ ।बिभिन्न जिल्लावाट आएका सिफारिश मध्यवाट उनि छनोटमा परेका थिए। पोखराका अग्रज फोटोग्राफर अशोक बाटाजु ज्यूले आफ्ना परिवाका नाममा राखिदिएको रु ३ लाखको अक्षयकोष वाट उक्त सम्मान नगद रु २५,५५५ पच्चिस हजार पाँच सय पचपन्न सहित दोसल्ला र ताम्रपत्रले सम्मान गरिएको हो । यसैगरी यस वर्षको कैलाश फोटोग्राफर अफ दि ईयरअवार्ड वाट प्रेम श्रेष्ठ सम्मानित भएका छन भने उत्कृष्ट ५ मा सुके घले , रामजी थापा, महेन्द्र के. सी. सन्तोष गौतम परेका छन । यस पुरस्कार को राशि रु १५ हजार ५५५ रुपैंया ट्रफि र प्रमाण पत्र रहेको छ। यस विधाको लागी फोटोग्राफरद्वारासंचालित कैलाश बचत तथा ऋण सहकारी संस्थाले १ लाख रुपैयाको अक्षयकोष स्थापना गरिदिएको छ ।यसै गरी दोश्रो विधा मिलन यूथ ईनर्जेटिक फोटोग्राफी अवार्ड वाट प्रेम थापा सम्मानित भएका छन भने उत्कृष्ठ ५ मा प्रदिप श्रेष्ठ, प्रेम श्रेष्ठ , बस बहादुर शेर्पा देवानन्द पोख्रेल परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ भने रु ५० हजार को अक्षयकोष मिलन फोटोका बुवाआमा नगेन्द्रराज पौडेल र सिता पौडेलले राखिदिएका छन । तेस्रो विधा रामतारा डेली लाईफ फोटोग्राफी अवार्ड वाट कपिलबस्तुका कर्ण बहादुर तिवारी सम्मानित भएका छन् भने उत्कृष्ठ ५ मा मन्जरी, सुवेदी नारायण पौडेल, सहिल तिवारी, लोक बहादुर कुमाल परेका छन ।रु ५० हजार को अक्षयकोष नमस्ते फोटोका संचालक रामचन्द्र पोखरेल र तारा पोख्रेलले राखिदिएका छन । चौथो बिधा मिराज क्रियटिभ पोट्रेट फोटोग्राफी अवार्ड वाट कृष्ण गलामी सम्मानित भएका छन भने उत्कृष्ठ ५ मा मोहन महतो , सन्देश थापा , प्रदिप श्रेष्ठ , देवानन्द पोख्रेल परेका छन । रु ५० हजार को अक्षयकोष मिराज फोटोका संचालक भक्त तामाङ र बृहश तामाङले राखिदिएका छन । पाचौ बिधा मिराज क्रियटिभ बैवाहिक भिडियोग्राफी अवार्ड वाट प्रदिप श्रेष्ठ सम्मानित भएका छन भने उत्कृष्ठ ५ मा सन्देश थापा देवानन्द पोख्रेल, महेन्द्र के. सी. र लोक बहादुर कुमाल परेका छन । रु ५० हजार को अक्षयकोष मिराज फोटोका संचालक भक्त तामाङ र बृहश तामाङले राखिदिएका छन । यसैगरी छैठौं बिधा एसटिसी सस्कृती तथा पर्यटन बिधामा मोहन महतो सम्मानित भएका छन भने उत्कृष्ठ ५ मा समिर रेग्मी ,सन्तोष गौतम, प्रेम थापा प्रमोद क्षेत्री काफोटोहरु परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ । सातौं बिधा अन्र्तगत क्यामरा जोन वातावरण तथा प्रकृति बिधामा तेजेन थापा सम्मानित भएका छन भने उत्कृष्ठ ५ मा कृष्ण गलामी , सान्त्वना पराजुली, भुवन अधिकारी , बव साई काफोटोहरु परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ। आठौं बिधा महिला प्रतियोगिको लागि मात्र राखिएको नन्द नारी फोटोग्राफी अवार्ड वाट सुस्मिता अधिकारी सम्मानित भएकी छन भने उत्कृष्ठ ५ मा सरिता खत्रि,मन्जरी सुवेदी , विनु श्रेष्ठ,शोभा कुमारी तिवारी सुवेदी का फोटोहरु परेका छन । यस बिधामा उत्कृष्ठ विजेतालाई ६ हजार १ रुपैया ट्रफि र प्रमाण पत्र रहेको छ भने रु ५५ हजार को अक्षयकोष योर्स फोटोका संचालक घनश्याम पौडेल र नन्दकला पौडेलले राखिदिएका छन । पोखरा फोटोग्राफर संघको २५ औं अबिधेशन तथा ४५ औं साधारण सभाको अवसर पारेर उक्त अवार्ड कार्यक्रम सम्पन्न गरिएको थियो । कास्की क्षेत्रनं २ का संघिय सांसद उत्तम प्रसाद पौडेलको प्रमुख आतिथ्यमा भएको कार्यक्रममा महिला उपसमितिद्वारा संकलित रकम भोटेकोशि बाढी पिडित का लागी संकलन हुने गरी सहयोग पेटिकामा रकम खसालेर उद्घाटन गरेका थिए । प्रमुख अतिथिको मन्तब्य राख्दै पौडेलले फोटोग्राफी पेशाको उच्च सम्मान रहेकोले फोटोग्राफरहरुको गरिमा उच्च रहेको बताए ,फोटोले इतिहास बोल्ने भएकाले पनि यो पेशाको गरिमा छुट्टै रहेको बताए । फोटोग्राफी ब्यवसायलाई आफुले नजिक वाट चिन्ने मौका पाएको भन्दै यो पेशा ब्यवसायमा आउने समस्या समाधानमा आफु कहिल्यै पछि नहट्ने कुरा बताए । कार्यक्रममा बिशेष अतिथि कैलाश बचत तथा ऋण सहकारी संस्थाका अध्यक्ष खडानन्द अधिकारीले फोटोग्राफरहरुको आर्थिक उन्नतीका लागी सहकारीले ठूलो भुमिका खेलेको बताए । उक्त कार्यक्रममा संस्थाले निकालेको फोकस तेस्रो स्मारिका पनि बिमोचन गरिएको थियो । पोखरा फोटोग्राफर संघ पोखरा नेपालका अध्यक्ष भक्त बहादुर तामाङको अध्यक्षतामा भएको कार्यक्रममा स्वागत उपाध्यक्ष नन्दकला पौडेलले गरेकी थिईन भने कार्यक्रमको संचालन सचिव लक्ष्मीपति पौडेल ले गरेका थिए । #PPA #photographer
प्रेम थापा लाई मिलन युथ इनर्जेटिक फोटोग्राफी अवार्ड , पुरस्कारको रकममा थपेर बाढीपीडितलाई प्रदान

भाद्र २० पोखरा पोखरा फोटोग्राफर संघ पोखराले आयोजना गरेको ५ औं पोखरा फोटोग्राफी अन्र्तगत मिलन युथ इनर्जेटिक फोटोग्राफी अवार्ड बाट पोखराका फोटोपत्रकार प्रेम थापा सम्मानित भएका छन्। पोखरा फोटोग्राफर संघको ४५औँ वार्षिक साधारण सभा, पाँचौँ पोखरा फोटोग्राफी अवार्ड वितरण, ‘फोकस’ तेस्रो स्मारिका विमोचन तथा २५औँ अधिवेशन समारोहका अवसरमा थापालाई उक्त अवार्ड प्रदान गरिएको हो। अवार्ड प्राप्त गरेपछि थापाले पुरस्कारको रकम सामाजिक सेवामा समर्पण गरेका छन्। उनले अवार्डस्वरूप प्राप्त नगद रकममा आफ्नै तर्फबाट सोही बराबरको रकम थप गरी बाढीपीडित परिवारको सहयोगका लागि प्रदान गरेका छन्। सानो सहयोगले पनि विपद्मा परेका परिवारको दुःखमा केही राहत पुग्ने विश्वासका साथ आफूले पुरस्कारको रकम सहयोग गरेको थापाले बताएका छन्। थापाले भने, ‘सानो सहयोगले पनि कसैको दुःखमा थोरै भए पनि राहत मिलोस् भन्ने प्रयास हो। अवार्ड मेरो मेहनतको सम्मान हो, तर यही सम्मानलाई कसैको पीडामा मल्हम लगाउने माध्यम बनाउन पाउँदा अझ खुसी लागेको छ।’ अवार्डसँगै प्राप्त रकमलाई विपद् प्रभावितको सहयोगमा समर्पण गर्ने थापाको निर्णयले फोटोग्राफी र पत्रकारिता क्षेत्रबाट पनि सामाजिक उत्तरदायित्व निर्वाह गर्न सकिने सकारात्मक सन्देश दिएको छ।

Breaking News

Samaya Dristi

Best News Site from Nepal

Main Menu