फागु पूर्णिमा मा पोखरा(फोटो फिचर)

चैत्र ११ गते २०८०

फागु पूर्णिमा मा पोखरा(फोटो फिचर)

पोखरामा फागुपूर्णिमाको रौनक
तस्विरः नितेश राज पौडेल

थप २,८३८ जनामा कोरोना संक्रमण, ३० जनाको मृत्यु

Samaya Dristi 5 years ago

काठमाडौं , ६ साउन । पछिल्लो २४ घण्टामा थप २,८३८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८,७१५ पीसीआर परीक्षणमा १,९१८ र ३,९०१ एन्टिजेन... Read More

बागलुङमा दुई घर पुरिए

Samaya Dristi 5 years ago

बागलुङ , ६ आश्विन । बागलुङको ढोरपाटन नगरपालिका(२ तारीखेतमा गएराति आएको भलसहितको बाढीले दुई घर पुरिएका छन्। बस्ती नजिकैको ठाडोखोलामा आएको बाढीले स्थानीय तमबहादुर महत र खिमबहादुर रसाइलीको घर... Read More

रामघाटमा तीजगित प्रतियोगितामा हेम्जाको कामधेनु महिला समुह पहिलो

Samaya Dristi 4 years ago

तुलसी राम सुवेदी, १५ भाद्र भाद्र शुक्ल तृतियाका दिन मनाईने नेपाली नारीहरुको महान पर्व हरितालिका तिज को अवसरमा पोखरा १० रामघाट स्थित शिव मन्दिर गितामन्दिर परिसरमा बृहत तिजगित प्रतियोगिता... Read More

आहा पोखरा

Samaya Dristi 4 weeks ago

खुलेको मौसम हरियाली प्रकृति नियाल्दै पर्यटक तस्विर ः यज्ञ शर्मा Read More

आजको खबर

फोटोग्राफर संघ गण्डकीको ८औं स्थापना दिवसमा द्विप प्रज्वलन र बाढीपीडितलाई सहयोग

२२ भाद्र पोखरा, फोटोग्राफर संघ गण्डकीले आफ्नो ८औं स्थापना दिवस विशेष र सामाजिक रूपमा मनाएको छ। संघले संस्थाको स्थापना दिवसको अवसर पारेर रसुवाको भोटेकोशीमा आएको भीषण बाढीमा ज्यान गुमाउनेहरूप्रति हार्दिक श्रद्धाञ्जली अर्पण गर्दै द्विप प्रज्वलन गरेको छ। पोखरामा आयोजित एक कार्यक्रममा संघका सदस्यहरू र पदाधिकारीहरूले सामूहिक रूपमा दिप प्रज्वलन गरी बाढीमा ज्यान गुमाउने मृत आत्माको बैकुण्ठ बासको कामना गरे। साथै, उनीहरूले बाढीबाट प्रभावित भएका सम्पूर्ण नागरिकहरूको शिघ्र स्वास्थ्य लाभको पनि कामना गरेका छन्। सामाजिक उत्तरदायित्वको भावनालाई आत्मसात गर्दै, संघले प्रधानमन्त्री दैवी प्रकोप राहत कोषमा आर्थिक सहयोग जम्मा गरेको छ। संघका सदस्यहरूद्वारा सङ्कलन गरिएको कुल रु १५,००० पन्ध्र हजार रकम कोषमा जम्मा गरिएको छ। यो सानो सहयोगले बाढीपीडितहरूको पुनर्स्थापना र राहतमा केही सहयोग पुग्ने विश्वास संघले लिएको छ। फोटोग्राफर संघ गण्डकीका अध्यक्ष नारायण बहादुर केसी को अध्यक्षतामा भएको कार्यक्रममा संस्थापक अध्यक्ष दुर्गा प्रसाद पौडेलले संस्थाको उद्धेश्य माथी प्रकाश पारे कार्यक्रम संस्थाका सचिव नारायण गौतमले संचालन गरेका थिए । #GPA
पाँचौ पोखरा फोटोग्राफी अवार्ड सम्पन्न लाईफ टाइम अचिभमेन्ट गन बहादुर पुन लाई

भाद्र २२, पोखरा, पोखरा फोटोग्राफर संघ, पोखरा नेपाल द्वारा सञ्चालित पोखरा फोटोग्राफी अवार्डका बिभिन्न ९ बिधाहरुको पुरस्कार वितरण गरिएको छ । जस अन्र्तगत अशोक लाईफ टाइम अचिभ्मेन्ट फोटोग्राफी अवार्ड वाट पोखराका पुराना तथा अग्रज फोटोग्राफर गन बहादुर पुनलाई सम्मान गरिएको छ । पोखरा फोटोग्राफर संघको ४५ औं स्थापना दिवसको अवसर पारेर यही श्रावण २ गते देखी प्रतियोगिताको लागि आव्हान गरिएको थियो कुल ७ वटा फोटो बिधामा र बिबाह भिडियो बिधाको १ गरी कुल ८ ओटा बिधामा फोटोहरु मागिएको थियो भने लाईफटाइम अचिभमेन्टमा जिल्ला संघहरुद्वारा सिफारिश गरिएको थियो ।अवार्डको पहिलो तथा गर्विलो बिधा अन्र्तगत रहेको अशोक लाईफ टाईम अचिभमेन्ट फोटोग्राफी अर्वाडबाट यस वर्ष पोखराका अग्रज फोटोग्राफर गन बहादुर पुनलाई सम्मान गरिएको छ ।बिभिन्न जिल्लावाट आएका सिफारिश मध्यवाट उनि छनोटमा परेका थिए। पोखराका अग्रज फोटोग्राफर अशोक बाटाजु ज्यूले आफ्ना परिवाका नाममा राखिदिएको रु ३ लाखको अक्षयकोष वाट उक्त सम्मान नगद रु २५,५५५ पच्चिस हजार पाँच सय पचपन्न सहित दोसल्ला र ताम्रपत्रले सम्मान गरिएको हो । यसैगरी यस वर्षको कैलाश फोटोग्राफर अफ दि ईयरअवार्ड वाट प्रेम श्रेष्ठ सम्मानित भएका छन भने उत्कृष्ट ५ मा सुके घले , रामजी थापा, महेन्द्र के. सी. सन्तोष गौतम परेका छन । यस पुरस्कार को राशि रु १५ हजार ५५५ रुपैंया ट्रफि र प्रमाण पत्र रहेको छ। यस विधाको लागी फोटोग्राफरद्वारासंचालित कैलाश बचत तथा ऋण सहकारी संस्थाले १ लाख रुपैयाको अक्षयकोष स्थापना गरिदिएको छ ।यसै गरी दोश्रो विधा मिलन यूथ ईनर्जेटिक फोटोग्राफी अवार्ड वाट प्रेम थापा सम्मानित भएका छन भने उत्कृष्ठ ५ मा प्रदिप श्रेष्ठ, प्रेम श्रेष्ठ , बस बहादुर शेर्पा देवानन्द पोख्रेल परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ भने रु ५० हजार को अक्षयकोष मिलन फोटोका बुवाआमा नगेन्द्रराज पौडेल र सिता पौडेलले राखिदिएका छन । तेस्रो विधा रामतारा डेली लाईफ फोटोग्राफी अवार्ड वाट कपिलबस्तुका कर्ण बहादुर तिवारी सम्मानित भएका छन् भने उत्कृष्ठ ५ मा मन्जरी, सुवेदी नारायण पौडेल, सहिल तिवारी, लोक बहादुर कुमाल परेका छन ।रु ५० हजार को अक्षयकोष नमस्ते फोटोका संचालक रामचन्द्र पोखरेल र तारा पोख्रेलले राखिदिएका छन । चौथो बिधा मिराज क्रियटिभ पोट्रेट फोटोग्राफी अवार्ड वाट कृष्ण गलामी सम्मानित भएका छन भने उत्कृष्ठ ५ मा मोहन महतो , सन्देश थापा , प्रदिप श्रेष्ठ , देवानन्द पोख्रेल परेका छन । रु ५० हजार को अक्षयकोष मिराज फोटोका संचालक भक्त तामाङ र बृहश तामाङले राखिदिएका छन । पाचौ बिधा मिराज क्रियटिभ बैवाहिक भिडियोग्राफी अवार्ड वाट प्रदिप श्रेष्ठ सम्मानित भएका छन भने उत्कृष्ठ ५ मा सन्देश थापा देवानन्द पोख्रेल, महेन्द्र के. सी. र लोक बहादुर कुमाल परेका छन । रु ५० हजार को अक्षयकोष मिराज फोटोका संचालक भक्त तामाङ र बृहश तामाङले राखिदिएका छन । यसैगरी छैठौं बिधा एसटिसी सस्कृती तथा पर्यटन बिधामा मोहन महतो सम्मानित भएका छन भने उत्कृष्ठ ५ मा समिर रेग्मी ,सन्तोष गौतम, प्रेम थापा प्रमोद क्षेत्री काफोटोहरु परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ । सातौं बिधा अन्र्तगत क्यामरा जोन वातावरण तथा प्रकृति बिधामा तेजेन थापा सम्मानित भएका छन भने उत्कृष्ठ ५ मा कृष्ण गलामी , सान्त्वना पराजुली, भुवन अधिकारी , बव साई काफोटोहरु परेका छन । यस बिधामा उत्कृष्ठ विजेतालाई ५ हजार १ रुपैया ट्रफि र प्रमाण पत्र रहेको छ। आठौं बिधा महिला प्रतियोगिको लागि मात्र राखिएको नन्द नारी फोटोग्राफी अवार्ड वाट सुस्मिता अधिकारी सम्मानित भएकी छन भने उत्कृष्ठ ५ मा सरिता खत्रि,मन्जरी सुवेदी , विनु श्रेष्ठ,शोभा कुमारी तिवारी सुवेदी का फोटोहरु परेका छन । यस बिधामा उत्कृष्ठ विजेतालाई ६ हजार १ रुपैया ट्रफि र प्रमाण पत्र रहेको छ भने रु ५५ हजार को अक्षयकोष योर्स फोटोका संचालक घनश्याम पौडेल र नन्दकला पौडेलले राखिदिएका छन । पोखरा फोटोग्राफर संघको २५ औं अबिधेशन तथा ४५ औं साधारण सभाको अवसर पारेर उक्त अवार्ड कार्यक्रम सम्पन्न गरिएको थियो । कास्की क्षेत्रनं २ का संघिय सांसद उत्तम प्रसाद पौडेलको प्रमुख आतिथ्यमा भएको कार्यक्रममा महिला उपसमितिद्वारा संकलित रकम भोटेकोशि बाढी पिडित का लागी संकलन हुने गरी सहयोग पेटिकामा रकम खसालेर उद्घाटन गरेका थिए । प्रमुख अतिथिको मन्तब्य राख्दै पौडेलले फोटोग्राफी पेशाको उच्च सम्मान रहेकोले फोटोग्राफरहरुको गरिमा उच्च रहेको बताए ,फोटोले इतिहास बोल्ने भएकाले पनि यो पेशाको गरिमा छुट्टै रहेको बताए । फोटोग्राफी ब्यवसायलाई आफुले नजिक वाट चिन्ने मौका पाएको भन्दै यो पेशा ब्यवसायमा आउने समस्या समाधानमा आफु कहिल्यै पछि नहट्ने कुरा बताए । कार्यक्रममा बिशेष अतिथि कैलाश बचत तथा ऋण सहकारी संस्थाका अध्यक्ष खडानन्द अधिकारीले फोटोग्राफरहरुको आर्थिक उन्नतीका लागी सहकारीले ठूलो भुमिका खेलेको बताए । उक्त कार्यक्रममा संस्थाले निकालेको फोकस तेस्रो स्मारिका पनि बिमोचन गरिएको थियो । पोखरा फोटोग्राफर संघ पोखरा नेपालका अध्यक्ष भक्त बहादुर तामाङको अध्यक्षतामा भएको कार्यक्रममा स्वागत उपाध्यक्ष नन्दकला पौडेलले गरेकी थिईन भने कार्यक्रमको संचालन सचिव लक्ष्मीपति पौडेल ले गरेका थिए । #PPA #photographer
प्रेम थापा लाई मिलन युथ इनर्जेटिक फोटोग्राफी अवार्ड , पुरस्कारको रकममा थपेर बाढीपीडितलाई प्रदान

भाद्र २० पोखरा पोखरा फोटोग्राफर संघ पोखराले आयोजना गरेको ५ औं पोखरा फोटोग्राफी अन्र्तगत मिलन युथ इनर्जेटिक फोटोग्राफी अवार्ड बाट पोखराका फोटोपत्रकार प्रेम थापा सम्मानित भएका छन्। पोखरा फोटोग्राफर संघको ४५औँ वार्षिक साधारण सभा, पाँचौँ पोखरा फोटोग्राफी अवार्ड वितरण, ‘फोकस’ तेस्रो स्मारिका विमोचन तथा २५औँ अधिवेशन समारोहका अवसरमा थापालाई उक्त अवार्ड प्रदान गरिएको हो। अवार्ड प्राप्त गरेपछि थापाले पुरस्कारको रकम सामाजिक सेवामा समर्पण गरेका छन्। उनले अवार्डस्वरूप प्राप्त नगद रकममा आफ्नै तर्फबाट सोही बराबरको रकम थप गरी बाढीपीडित परिवारको सहयोगका लागि प्रदान गरेका छन्। सानो सहयोगले पनि विपद्मा परेका परिवारको दुःखमा केही राहत पुग्ने विश्वासका साथ आफूले पुरस्कारको रकम सहयोग गरेको थापाले बताएका छन्। थापाले भने, ‘सानो सहयोगले पनि कसैको दुःखमा थोरै भए पनि राहत मिलोस् भन्ने प्रयास हो। अवार्ड मेरो मेहनतको सम्मान हो, तर यही सम्मानलाई कसैको पीडामा मल्हम लगाउने माध्यम बनाउन पाउँदा अझ खुसी लागेको छ।’ अवार्डसँगै प्राप्त रकमलाई विपद् प्रभावितको सहयोगमा समर्पण गर्ने थापाको निर्णयले फोटोग्राफी र पत्रकारिता क्षेत्रबाट पनि सामाजिक उत्तरदायित्व निर्वाह गर्न सकिने सकारात्मक सन्देश दिएको छ।
पोखरा फोटोग्राफर संघमा महिला नेतृत्व

२० भाद्र ,पोखरा पोखरा फोटोग्राफर संघको इतिहासमा पहिलोपल्ट महिला नेतृत्व आएको छ । शनिबार भएको संघको ४५ औं वार्षिक साधारणसभा एवं २५ औं अधिवेशनले नन्दकला पौडेलको अध्यक्षतामा नयाँ कार्यसमिति सर्वसम्मत् निर्वाचित गरेको हो। यसअघि संघमा उपाध्यक्ष रहेकी पौडेल २०७२ सालदेखि संघमा आबद्ध हुंदै कार्यसमिति सदस्य, कोषाध्यक्ष, उपाध्यक्ष वाट नेतृत्वमा पुगेकी हुन् । २०३९ सालमा स्थापना भएको पोखरा फोटोग्रोफर संघ नेपालमै फोटोग्राफरको पुरानो संघ हो । संघको ४५ वर्षे इतिहासमा संघले महिला नेतृत्व पाएको छ । संघका संस्थापक अध्यक्ष शम्भुरत्न शाक्य हुन् । निर्वाचन समितिका संयोजक रामचन्द्र पो्ख्रेलका अनुसार संघको उपाध्यक्षमा लक्ष्मी पति पौडेल, सचिव अग्निधर तिमिल्सिना र कोषाध्यक्ष राजुप्रसाद तिमिल्सिना निर्वाचित भए । यसैगरी, सदस्यमा प्रकाश पौडेल, प्रेम श्रेष्ठ, मिरु लम्साल, चन्द्रप्रकाश ढुंगाना र बविता पौडेल रहेका छन् । कार्यक्रमको उद्घाटन कास्की–२ बाट निर्वाचित प्रतिनिधि सभा सदस्य उत्तमप्रसाद पौडेलले गरेका थिए । संघ अध्यक्ष भक्त तामाङको अध्यक्षतामा भएको कार्यक्रममा स्मारिका विमोचन गरिनुका साथै पाँचौं संस्करणको फोटोग्राफी अवार्ड पनि प्रदान गरिएको छ । जसमा विभिन्न ९ विधामा अवार्ड प्रदान गरिएको संघ अध्यक्ष तामाङले बताए । जुरी कमिटी संयोजकमा नेपाल फोटोग्राफर महासंघका केन्द्रीय उपाध्यक्ष दुर्गाप्रसाद पौडेल थिए । नेपालकै पुरानो पोखरा फोटोग्राफर संघकै पहलमा गण्डकी फोटोग्राफर संघ र नेपाल फोटोग्राफर महासंघ स्थापना भएका हुन् । संघका करिब ३०० सदस्य रहेकोमा २५ औं अधिवेशनसम्म १८८ सदस्यले नवीकरण गरेका थिए ।

Breaking News

Samaya Dristi

Best News Site from Nepal

Main Menu