पोखरामा छठ

मंसिर ३ गते २०८०

पोखरामा छठ

पोखरा को केदारेश्वोर मन्दिर सङै रहेको पार्वती छठ घाटमा छठ पुजाको तयारी

तस्बिर: दुर्गा प्रसाद पौडेल

chhath

नेकपा एकीकृत समाजवादीको संसदीय दलको बैठक बस्दै, दलको नेता चुन्ने

Samaya Dristi 5 years ago

काठमाडौं, १३ भदौ । नेकपा एकीकृत समाजवादीको संसदीय दलको बैठक आज बस्दै छ । संसद भवनको ल्होत्से हलमा बिहान ११ बजे बस्ने बैठकले संसदीय दलको नेता, प्रमुख सचेतक र... Read More

पोखरामा यती एयरलाइन्सको विमान दुर्घटना

Samaya Dristi 4 years ago

कास्की, ०१ माघ । पोखरामा जहाज दुर्घटना भएको छ । काठमाडौँबाट पोखराका लागि उडेको यति एयरलाइन्सको विमान आइतबार बिहान पोखरा विमानस्थलबाट नजिकै रहेको सेती खोचमा दुर्घटना भएको नेपाल नागरिक... Read More

छैटौं हेमजा हिले महोत्सवको तयारी पुरा

Samaya Dristi 1 month ago

पोखरा । देवीस्थान सेवा समाज हेमजाको आयोजनामा यहि असार १५ गते हुने छैटौं हेमजा हिले महोत्सवको तयारी पुरा भएको छ । महोत्सव अन्तर्गत हिले दौड, रस्साकस्सी, घैटो फुटाउने, कृषि... Read More

नेपाल लोकतान्त्रिक यातायात व्यवसायी संघ कास्कीको अध्यक्षमा देविप्रसाद

Samaya Dristi 2 years ago

पोखरा, १७ पुस । नेपाल लोकतान्त्रिक यातायात व्यवसायी संघ कास्कीको प्रथम जिल्ला अधिवेशनले देविप्रसाद कुइकेलको अध्यक्षतामा सर्वसम्मत नयाँ कार्यसमिति चयन गरेको छ । समितिको उपाध्यक्षमा विश्वराज बराल, सचिवमा सूर्यबहादुर... Read More

आजको खबर

पोखरामा पर्यटकलाई सूचना दिन क्युआर कोर्ड, पर्यटक सुरक्षाका बारेमा छलफल

पोखरा, १२ साउन गण्डकी प्रदेश प्रहरी कार्यालय र पोखरा पर्यटन परिषद्को संयुक्त पहलमा पर्यटकलाई सुरक्षित र पर्यटन क्षेत्रको जानकारी दिने उद्देश्यले क्युआर कोर्ड सञ्चालनमा ल्याएको छ । क्युआर कोर्ड स्क्यान गरेर स्वदेशी तथा विदेशी पर्यटकहरूले नेपाल प्रहरीका आपत्कालीन सम्पर्क नम्बर, पर्यटकीय सुरक्षा सम्बन्धी जानकारी, आवश्यक सम्पर्क विवरण, भ्रमणका सूचनाहरू सहज रूपमा प्राप्त गर्न सक्नेछन् । गण्डकी प्रदेश प्रहरी प्रमुख प्रहरी नायव महानिरीक्षक (डिआइजी) दिपेन्द्र जिसीले क्युआर कोर्डको उद्घाटन गरे । यसले आपत्कालीन अवस्थामा पर्यटकलाई आवश्यक जानकारी तत्काल उपलब्ध गराउँदै सुरक्षित यात्रा अनुभवमा सहयोग पुग्ने अपेक्षा गरिएको छ । पर्यटन क्षेत्रसँग सम्बन्धित संघसंस्थाका अध्यक्षहरु सँग अन्तरक्रिया गर्दै पर्यटन सुरक्षा सम्बन्धमा छलफल गरे । छलफल पछि डिआजी जिसीले गण्डकी प्रदेशमा आउन पर्यटकको सुरक्षाका लागि आफुहरु लागि रहेको बताए । पर्यटकी क्षेत्रको सुरक्षाका लागि थप प्रहरीहरु समेत पठाएको बताए । पर्यटकहरुलाई प्रहरीले त्यतिकै खानतलासी नगर्ने बताउदै कहिले काही शंकास्पद अवस्थामा मात्रै पर्यटकलाई चेक जाचँ गर्ने गरेको बताए । उनले होटल तथा भाडाका कोठाहरूमा लामो समय बस्ने व्यक्तिहरूबाट हुनसक्ने अवैध गतिविधिप्रति प्रहरी सचेत रहनु पर्ने बताए । उनले भने, ‘प्रहरीले शङ्कास्पद गतिविधिमाथि सूक्ष्म निगरानी बढाएको छ।’ उनले थपे, ‘होटल व्यवसायी र घरधनीले आफ्ना पाहुनाको पहिचान सुनिश्चित गरी कुनै पनि शङ्कास्पद गतिविधिको सूचना तत्काल प्रहरीलाई उपलब्ध गराउन आग्रह गर्दछु।’ पर्यटन क्षेत्रका सुरक्षा चुनौती, पदमार्गको सुरक्षा, होटल व्यवस्थापन, प्रहरी र व्यवसायीबिचको सहकार्यका विषयमा छलफल गरेका हुन् । कार्यक्रममा पोखरा पर्यटन परिषद्का अध्यक्ष तारानाथ पहारीले पर्यटन विकासका लागि सुरक्षित वातावरण पहिलो सर्त भएको बताए । उनले व्यवसायी र प्रहरीबिचको आपसी समन्वयले मात्रै सुरक्षित पर्यटकीय वातावरण निर्माण गर्न सकिने बताउँदै यस्ता संवादलाई निरन्तरता दिनुपर्नेमा जोड दिए । कार्यक्रममा पोखरा पर्यटन परिषद्का पुर्व अध्यक्ष गोपीबहादुर भट्टराईले पोखरा सुरक्षाका लागि सिसी क्यामेरा जडान गर्नु पर्ने बताए । उनले आधुनिक क्यामेरा जडान गरेर पोखरालाई अझ सुरक्षीत शहर बनाउनु आवश्यक रहेको बताए । त्यसै गरी ट्रेकिङ एजेन्सिज एसोसिएसन अफ नेपाल (टान) गण्डकीका अध्यक्ष कृष्णप्रसाद आचार्यले पदयात्रा मार्गहरूमा हुने सम्भावित दुर्घटना र आपत्कालीन अवस्थामा तत्काल उद्धार गर्न विभिन्न स्थानमा सुरक्षाका स्थायी युनिट स्थापना गर्नुपर्ने बताए । यस्तै, होटल संघ पोखराका अध्यक्ष लक्ष्मण सुवेदीले केही होटल व्यवसायीले पाहुनालाई मोटरसाइकलमार्फत स्कर्टिङ गर्ने प्रवृत्तिले पर्यटन क्षेत्रमा नकारात्मक सन्देश प्रवाह गरिरहेको भन्दै यसतर्फ प्रहरीको ध्यानाकर्षण गराए । रेवान पोखराका अध्यक्ष विश्वराज पौडेलले लेकसाइडको फुड्ट्याकमा विभिन्न कानुन विपरीतका कामहरु हुने गरेको भन्दै त्यस्ता कामलाई रोक्न माग गरे । कार्यक्रममा पोखरेली ट्याक्सी सेवा प्रालिकी अध्यक्ष शोभाकान्त पोखरेल, नेपाल पर्वतारोहण संघ गण्डकीका अध्यक्ष विकास गुरुङ, जिल्ला प्रहरी कार्यालय कास्कीका प्रमुख नवीन कार्की, एगा पोखराका अध्यक्ष गोकर्ण लम्साल, टेसा पोखराका अध्यक्ष टिका बहादुर लम्साल, भिटोफ गण्डकीका अध्यक्ष रमेश अर्याल, नेपाल पर्यटन यातायात व्यवसायी संघ गण्डकीका अध्यक्ष रविप्रसाद आचार्य, फेवा डुङ्गा व्यवसायी संगठनका अध्यक्ष बलाराम गिरी, ओटेफ पोखराका अध्यक्ष ममता न्यौपाने, टेवानका अध्यक्ष शोभा न्यौपाने, विदेशी मुद्रा सटही संस्था पोखराका अध्यक्ष रुपक राज मिश्र, नाट्टा गण्डकी प्रदेशकी उपाध्यक्ष संगीता पौडेल, रेवान पोखराका उपाध्यक्ष विकास भट्टराई, रेवान पोखराका महासचिव विरेन्द्र शेरचन अन्नपुर्ण केवलकार पोखराका दिनेश पौडेल लगायत पर्यटन क्षेत्रका सुरक्षा र समस्याका बारेमा बताएका थिए । उनीहरुले लेकसाइडमा बेला बेलामा आउने मगन्तेहरु, पार्किङ व्यवस्थापन लगाएतका बारेमा जानकारी दिएका थिए ।
फोटोग्राफर संघ गण्डकी प्रदेश को फोटो प्रतियोगिता शुभारम्भ

श्रावण ११, चितवन , फोटोग्राफर संघ गण्डकी प्रदेश को आठौं स्थापना दिवस तथा १८७ औं बिश्व फोटोग्राफी दिवसको अवसरमा संस्थाले फोटो प्रतियोगिताको घोषणा गरेको छ । संघले फोटोग्राफरहरुको सम्मान प्रविधिको ज्ञान, व्यवसायिहरुलाई उत्साह र फोटोग्राफरहरुको मनोवल उच्च प्रदान गर्ने उदेश्यले उक्त प्रतियोगिताको घोषणा गरेको संस्थाका महासचिव प्रेम प्रसाद पराजुली ले जानाकारी गराए । गत शनिवार चितवनको सौराहामा सम्पन्न नेपाल फोटोग्राफर महासंघको केन्द्रिय बिस्तारित बैठक को शुभ अवसर पारेर केन्द्रिय अध्यक्ष महेन्द्र प्रसाद उपाध्याय ले प्रतियोगिताको ब्यानर सार्वजनिक गरेका थिए । प्रतियोगिताका संयोजक जिवन ढुंगानाले प्रतियोगितको महत्व तथा प्रतियोगितामा सहभागी कसरी हुने भन्नेवारेमा प्रकाश पारेका थिए । प्रतियोगितामा मिराज राष्ट्रिय बैवाहिक फोटो प्रतियोगिता अन्तरगत बिभिन्न ६ ओटा विधा सार्वजनिक गरेको छ ।जसमा बेष्ट फोटो अवार्ड, ब्राईड एण्ड ग्रुम हेड सट,बेष्ट कलरिङ एण्ड रिटचिङ, बेष्ट मोमेन्ट क्याप्चरिङ, बेष्ट कपल पोजिङ, बेष्ट कल्चर गरी ६ ओटा बिधा रहेका छन । बेष्ट बैवाहिक फोटो अवार्डका लागी रु १५,५५५ नगद ट्रफी र प्रमाण पत्र रहेको छ भने अन्य बिधामा ट्रफी र प्रमाण रहेका छन् । मिराज राष्ट्रिय बैवाहिक फोटो प्र्रतियोगिताका लागि मिराज फोटोका संचालक भक्त बहादुर तामाङ र बृहस तामाङले रु ३ लाखको अक्षयकोषको स्थापना गरेको कुरा कोषाध्यक्ष रामचन्द्र पोख्रेलले बताएका छन् । यसैगरी संस्थाले गण्डकी प्रदेशलाई बिश्वभरी नै चिनाउने उद्येश्यका साथ यहाँका प्राकृतिक छटाहरुलाई उजागर गर्ने र आन्तरिक पर्यटनलाई प्रोत्साहन गर्नका लागी नेचर एण्ड ल्याण्डस्केप बिधामा पनि प्रतियोगिताका घोषणा गरेको कुरा प्रतियोथिगता संयोजक जिवन ढुंगानाले बताए । नेचर एण्ड ल्याण्डस्केप बिधा अन्र्तगत फोटोहरु गण्डकी प्रदेश भित्रको हुनुपर्नेछ भने देशै भरिका फोटोग्राफरहरु यस प्रतियोगितामा भाग लिन पाउनेछन । उक्त प्रतियोगितामा बेस्ट फोटोले नगद रु १०,००० ट्रफि र प्रमाणपत्र पाउनेछन भने उत्कृष्ट ५ तस्विरलाई ट्रफि र प्रमाणपत्र प्राप्त गर्नेछन् । फोटोग्राफर संघ गण्डकी को स्थापना दिवस भाद्र २० गते भब्य समारोहका विच समापन गरिने कुरा संस्थाका अध्यक्ष नारायण बहादुर केसीले जानकारी दिए । बिधा प्रकृति तथा सुन्दर प्राकृतिक दृश्य (Nature & Landscape) प्रतियोगिता सम्वन्धिनियमहरु १.फोटो गण्डकी प्रदेश क्षेत्रभित्रखिचिएकोे हुनु पर्नेछ । २. सबै नेपालीनागरिकले सहभागिता जनाउन पाउने छन । ३.फोटो प्रकृति तथा सुन्दर प्राकृतिक दृश्य(Nature & Landscape) सम्वन्धि हुनु पर्नेछ । ४.फोटो क्यामरा तथा मोवाइल ले खिचेको हुनु पर्नेछ । ५. एरियल फोटो,ड्रोनफोटोहरु समावेश गर्न पाइने छैन । ६. फोटोलाई सामान्य Crop&color Correction गर्न सकिनेछ । ७. फोटोमा Logo तथा Water Markराख्नपाईने छैन । ८.फोटो Photographer Association Gandaki को Google Form (gpan075@gmail.com ) मा पठाउनु पर्नेछ । ९.सहभागीले ३ वटा सम्म फोटो पठाउन सक्नेछन । १०. फोटो १ एक एमवी भन्दा माथी हुनुपर्नेछ । १०.फोटोग्राफी क्षेत्रका ३ जना निर्णायकद्वारा मूल्यांकन गरिनेछ । Fill the Form https://forms.gle/vf2qEn4jt5TtRmbh6 बिधा मिराज राष्ट्रिय बैवाहिक फोटो प्रतियोगिता (Mirage National Wedding Photo Contest –2026) १.बेष्ट फोटो अवार्ड २.ब्राईड एण्ड ग्रुम हेड सट ३.बेष्ट कलरिङ एण्ड रिटचिङ ४.बेष्ट मोमेन्ट क्याप्चरिङ ५.बेष्ट कपल पोजिङ, ६.बेष्ट कल्चर Fill the Form https://forms.gle/vkf6wtJ9ggMRMUEF7 प्रतियोगिता शुरु शुरु मितिः २०८३ श्रावाण १ गते देखी फोटो पोष्ट गर्ने अन्तिम मितिः २०८३ भाद्र १२ गते राती १२ बजे सम्म नतिजा प्रकाशन तथा पुरस्कार बितरण ः २०८३ भाद्र २० गते शनिवार
हेमजा साहित्य राष्ट्रिय पुरस्कार कवि रमेश श्रेष्ठ र शुभप्रभात काव्यमाला पुरस्कार गन्धर्व सारङ्गी पाठशालालाई

पोखरा, साउन हेमजा साहित्य राष्ट्रिय पुरस्कारबाट बिम्ब कवि तथा कलाकार रमेश श्रेष्ठ पुरस्कृत हुने भएका छन् । कृष्णप्रसाद पौडेलको संयोजकत्वमा सदस्यहरू कोविदशरण उपाध्याय र वसन्तराज त्रिपाठी रहेको प्रतिभा चयन समितिले श्रेष्ठको नाम सिफारिस गरेको थियो । बिम्बकविका रूपमा सुपरिचित नेपाली कविता र कलाका सुप्रसिद्ध प्रतिभा प्राज्ञ श्रेष्ठ गीत लेखन र संस्कृति संरक्षणमा पनि सक्रिय देखिन्छन् । लोकनृत्य, गाईजात्रा, बाघजात्रा भैरवनृत्य संरक्षणमा चार दशक आफूलाई समर्पित गराएका उनका दर्जन चर्चित कविता कृति प्रकाशित छन् । वाङ्मय क्षेत्रमा समर्पित श्रेष्ठसँग नेपाल प्रज्ञा–प्रतिष्ठान र नेपाल ललितकला प्रज्ञा–प्रतिष्ठानमा रहेर सेवा गरेको अनुभवसमेत छ । उनी यस अघि दर्जन बढी राष्ट्रिय–अन्तर्राष्ट्रिय सम्मान, पुरस्कारबाट पुरस्कृत भइसकेका छन् । यसैगरी, संस्थाद्वारा सञ्चालित शुभप्रभात काव्यमाला पुरस्कार गन्धर्व सारङ्गी पाठशाला हेमजालाई प्रदान गरिने भएको छ । संयोजक बलराम पौडेलको संयोजकत्वमा सोमनाथ गौतम र डिल्लीराम पौडेल सदस्य रहेको प्रतिभा चयन समितिको सिफारिसलाई संस्थाको बैठकले अनुमोदन गरेको हो । प्रतिष्ठानले मासिक रूपमा सञ्चालन गर्ने शुभप्रभात काव्यमाला र प्रतिष्ठानका कार्यक्रममा सारङ्गीको धुनसहितको गायनले प्रतिष्ठानका गतिविधि सफल पार्न पु¥याएको योगदानको कदर गर्दै सम्मानित गर्न लागिएको जनाइएको छ । पाठशालाका बालबालिका सम्बरबहादुर गायकद्वारा प्रशिक्षित हुँदै आएका छन् । प्रतिष्ठानले संस्थाको कोषका लागि स्वेच्छिक सहयोग प्रदान गरेका दाताको रकमलाई एकीकृत पारी २०८१ सालमा हेमजा साहित्य राष्ट्रिय पुरस्कार कोष स्थापना गरेको हो । यसैगरी, संस्थाको मासिक रचनावाचन कार्यक्रमलाई प्रभावकारी बनाउन तत्कालीन अध्यक्ष बलराम पौडेलको पहलमा साहित्यकार डा। पुष्पा के।सी। भण्डारी र असफल गौतमको सहयोगमा शुभप्रभात बालसाहित्य कोष स्थापना गरिएको हो । पहिलो पटक अर्पण गर्न लागेका दुवै पुरस्कार संस्था स्थापना दिवस यही साउन ८ गतेका दिन एक समारोहबीच अर्पण गरिने प्रतिष्ठानका अध्यक्ष सुनिल गायकले जानकारी दिए ।
लेखनाथ जन्मस्थल संरक्षण तथा विकास समितिमा गोपीराज

लेखनाथ । कविशिरोमणि लेखनाथ पौड्यालको जन्मस्थल संरक्षण तथा विकास समितिको अध्यक्षमा गोपीराज पौडेल चयन भएका छन् । संस्थाको प्रथम साधारणसभा तथा अधिवेसनले पौडेलको अध्यक्षतामा नयाँ कार्यसमिति चयन गरेको हो । नवगठित कार्यसमितिको उपाध्यक्षमा कृष्णमणि लामिछाने,सचिवमा शिबमोहन अधिकारी,सहसचिवमा दिपेन्द्र शर्मा,कोषाध्यक्षमा विमला पहारी रहेका छन् । यसैगरी सदस्यहरुमा राजेन्द्रबहादुर जि सी,तिलबहादुर भुजेल,मित्रलाल तिमिल्सेना,शिबराज तिमिल्सेना,गोपालमणि लामिछाने र ऋषिकेश बराल रहेका छन् ।लेखा संयोजकमा घनश्याम लामिछाने चयन भए । साधारणसभाको पोखरा २७ का वडाध्यक्ष पूर्णकुमार गुरुङले उद्घाटन गर्दै आफूहरु निर्वाचित भएपछि लेखनाथ जन्मस्थल विकासका लागि सक्दो काम गरिरहेको वताए । जनप्रतिनिधिका हिसाबले लेखनाथ जन्मस्थल विकासका लागि योगदान दिने सम्पूर्णप्रति उनले धन्यवाद ज्ञापन गर्दै नयाँ कार्यसमितिलाई पनि पूर्ण साथ सहयोग रहने वताए । लेखनाथ जन्मस्थल विकास समितिका कार्यबाहक अध्यक्ष गोपीराज पौडेलको अध्यक्षतामा सम्पन्न कार्यक्रममा निवर्तमान अध्यक्ष विश्वप्रकाश लामिछानेले करीब दश वर्ष आपूmले नेतृत्व गर्दाका अनुभव प्रस्तुत गर्दै संस्था औपचारिक रुपमा दर्ता भएर अधिवेसनका क्रममा रहँदा खुशी लागेको उल्लेख गरे । लेखनाथ साहित्य प्रतिष्ठानका अध्यक्ष पदमराज ढकालले आफूहरुले खल्तीबाटै रकम खर्च गरेर पनि कार्यक्रमहरु अगाडि बढाउँदै सबैको सहयोगले नै संस्था यहाँसम्म ल्याएको वताए । लेखनाथ पत्रकार मञ्चका अध्यक्ष विष्णुहरि पौडेलले लेखनाथसँग सम्बन्धित समाचारहरुले सधैं प्राथमिकता पाएका र अझै कलम चलिरहने भनाइ राखे । कार्यक्रममा टिकट घर निर्माण गरिदिने संस्था लेखनाथ उद्योग वाणिज्य संघ, निवर्तमान अध्यक्ष विश्वप्रकाश लामिछाने र लायन्स क्लब अफ कैलाश चौतारी पोखरालाई सम्मान समेत गरिएको थियो । लेखनाथ उद्योग वाणिज्य संघका बरिष्ठ उपाध्यक्ष गोपिचन्द्र बास्तोला, नेपाल रेडक्रस सोसाइटी अर्घौं उपशाखाका सभापति बोधराज लामिछाने,लक्ष्मी आदर्शका प्रअ शिबमणि भण्डारी, लेखनाथ साहित्य प्रतिष्ठानका उपाध्यक्ष छवि सुवेदी,विभिन्न राजनैतिक दलका प्रतिनिधिहरु त्था संघसंस्थाका प्रतिनिधिहरुले शुभकामना मन्तव्य दिएका थिए । सञ्चालन सचिव शिबमोहन अधिकारीले गरेका थिए ।

Breaking News

Samaya Dristi

Best News Site from Nepal

Main Menu