chhath

पोखरामा छठ

2 years ago Samaya Dristi Comments Off on पोखरामा छठ

पोखरा को केदारेश्वोर मन्दिर सङै रहेको पार्वती छठ घाटमा छठ पुजाको तयारी तस्बिर: दुर्गा प्रसाद पौडेल थप समाचार

आजको खबर

७२ सालको भुकम्पले ढलेको बारपाक बिस्तारै उठ्दै छ (फोटो फिचर)

२३ असार, गोरखा गाउँनै सखाप हुने गरि आएको बिनासकारी भुकम्पले बस्ती नै सखाप त पार्यो नै ७२ जना ले भुकम्पमा परि ज्यान गुमाएका थिए गोरखाको बारपाकमा । गोरखाको उत्तर पश्चिममा अवस्थित बारपाक ०७२ बैशाख १२ को भुकम्पको केन्द्र बिन्दु हो। अहिले भुकम्प गएको पनि १० बर्ष पुगिसकेको छ। तत्कालिन समयमा भुकम्पले एक हजार चार सय घरमा क्ष्ति पुर्याएको थियो । बुद्ध हिमालको काखमा रहेको यो गाउँ दुई हजार तीन सय मिटर उचाइमा छ। घले गुरुङ र दलित समुदायको बसोवास रहेको बारपाकमा विकासका पूर्वाधारको विस्तार भइरहेका छन्। यहाँ २०४८ सालदेखि नै विजुली बलेको रहेछ स्थानीय युवा बीरबहादुर घलेले स्थानीय खोलाबाटै विजुली उत्पादन गरेर गाउँ झिलिमिली बनाएका रहेछन। बिकासको क्रम संगै बारपाकसम्म कालोपत्रे सडक पुगेको छ। घरघरै खानेपानीको पहुँच पुगेको छ । गाउँले मुहार फेरेको छ भुकम्पले बनाएको घाउ बिस्तारै सेलाउदै गएको छ । भुकम्प पछि बारपाकले मौलिकता भने गुमाएको छ। ढुंगा र काठले छाएका यहाँका घर भुकम्पले पूर्ण रुपमा क्षति बनाएपछि सरकारले ३ लाखका दरले दिएको अनुदान रकम लिएर बारपाकीले आरसिसि वर्णका घर बनाएका छन। अचेल बारपाक कुनै कंक्रिट शहर भन्दा कम देखिदैन । जस्तोसुकै पिडा सहेर पनि बारपाक बिस्तारै उठ्ने क्रममा छ पर्यटकिय हिसावले सुन्दर छ । भुकम्पको केन्द्र बिन्दु भएकोले अध्ययन र खोजमुलक पर्यटन बिकासको प्रचुर सम्भावना रहेको छ ।
फोटोग्राफर सघं गण्डकीको संस्थागत विस्तार अभियान अन्तर्गत गोर्खा फोटोग्राफर संघ गठन

२२ असार, गोर्खा गण्डकी प्रदेशका क्रियाशील फोटोग्राफरहरूको साझा संस्था फोटोग्राफर संघ गण्डकीले आफ्नो संस्थागत विस्तार अभियान अन्तर्गत गोर्खा जिल्लामा विशेष कार्यक्रम सम्पन्न गरेको छ । कार्यक्रममा गोर्खाका अग्रज फोटोग्राफर रामप्रसाद भट्टको अध्यक्षतामा नयाँ जिल्ला समिति गठन गरेको छ । उक्त कार्यक्रमका प्रमुख अतिथिका रूपमा फोटोग्राफर संघ गण्डकीका अध्यक्ष नारायण बहादुर केसीले गोर्खा जिल्ला समितिको गठन सँगै संघले पूर्णता पाएको बताउँदै अब सबै मिलेर फोटोग्राफरहरूको हकहित र व्यावसायिक सशक्तिकरणको पक्षमा आवाज उठाउने प्रतिबद्धता जनाउनुभयो । त्यसैगरि फोटोग्राफर संघ गण्डकीका संस्थापक अध्यक्ष तथा नेपाल फोटोग्राफर महासंघ नेपालका उपाध्यक्ष दुर्गाप्रसाद पौडेलले व्यावसायिक एकता र संस्थाको आवश्यकताका बारेमा प्रकाश पार्नुभएको थियो । संस्थाका बरिष्ठ उपाध्यक्ष तथा नेपाल फोटोग्राफर महासंघ नेपालका कोषाध्यक्ष तुलसीराम सुबेदीले संघको वैधानिक पक्ष, संरचना, र स्थानीय देखि केन्द्र सम्मको सहकार्यको महत्व बारे जानकारी दिनुभयो । कार्यक्रममा पोखरा फोटोग्राफर संघका अध्यक्ष भक्तबहादुर तामाङ, पर्वत फोटोग्राफर संघका अध्यक्ष विजय शर्मा जैसी, तनहुँ फोटोग्राफर संघका अध्यक्ष आलोक कुमाल, नवलपुर फोटोग्राफर संघका अध्यक्ष कुशल अधिकारी, साथै स्याङ्जा र बागलुङ जिल्लाका प्रतिनिधिहरूको समेत उपस्थिति रहेको थियो । सहभागी जिल्ला अध्यक्षहरू र प्रदेश प्रतिनिधिहरुले नवगठित समितिलाई बधाई तथा सफल कार्यकालको शुभकामना प्रकट गरे । कार्यक्रममा फोटोग्राफर संघ गण्डकीका महासचिव प्रेम प्रसाद पराजुलीले फोटोग्राफर संघ गण्डकीलाई प्राप्त गोर्खा जिल्ला समिति को प्रस्तावीत नामावली प्रस्तुत गर्नुभएको थियो भने सो प्रस्तावीत नामावलीलाई सर्वसम्मत पारित गरिएको थियो । नवगठित गोर्खा समितिमा अध्यक्षः रामप्रसाद भट्ट,उपाध्यक्षः सबिन केसी,सचिवः सुकबहादुर नेपाली, सह–सचिवः पारस बोगटी,कोषाध्यक्षः गणेश श्रेष्ठ, सदस्यहरूमा सम्भु श्रेष्ठ, सजिन थापा, प्रमिला आले, सञ्जीत श्रीमल रहनु भएको छ । कार्यक्रमको संचालन सचिव सुकबहादुर नेपालीले गर्नु भएको थियो भने स्वागत मन्तव्य उपाध्यक्ष सबिन केसीले राख्नुभएको थियो । नवगठित समितिलाई गण्डकी फोटोग्राफर संघका अध्यक्ष नारायणबहादुर केसीले खादा लगाई सम्मान गर्नुभएको थियो । त्यस अघि गोर्खाको बारपाकमा फोटोग्राफर संघ गण्डकीको अन्तरक्रिया सहितको कार्यक्रम सम्पन्न भएको थियो ।
शान्ति निकेतनमा बधाइ तथा सम्मान, संस्थागत विद्यालयतर्फ अव्वल नतिजा

पोखरा २२, असार पोखरा ५ मा प्रस्र्याङमा रहेको शान्ति निकेतन स्कूलले एसइइ २०८१ मा उत्तीर्ण विद्यार्थीहरुलाई शनिवार एक समारोहका बीच बधाई तथा सम्मान गरेको छ । विद्यालयले एसइइ उत्तीर्ण ३९ जना विद्यार्थीलाई एक साथ वधाई तथा सम्मान व्यक्त गरेको हो । सर्वोत्कृष्ट नतिजा ४ जीपीए ल्याउने अनुपम पराजुली र निश्चल कोइरालालाई जनही १ लाखका दरले सम्मान गरेको छ । अन्य विद्यार्थीलाइ पनि विद्यालयले खादा माला र मायाको चिनो दिएर सम्मान गरेको विद्यालयले जनाएको छ । विद्यालयका ३९ विद्यार्थीमध्ये विज्ञान विज्ञान विषयमा ३८ जनाले ४ जीपीए ल्याउन सफल भएका छन् । त्यस्तै लेखामा २४ जना विद्यार्थी र नेपालीमा २२ जना विद्यार्थीले ४ जीपीए प्राप्त गर्न सफल भएको विद्यालयले जनाएको छ । सो अवसरमा विद्यालयले ४ जीपीए ल्याउने विद्यार्थीका विषयगत शिक्षकलाई पनि हौषला स्वरुप नगद सहित सम्मान गरेको छ । स्कूलका २ जना विद्यार्थीले सर्वोत्कृष्ट ४ जीपीए, ३२ जनाले उत्कृष्ट र ५ जनाले सन्तोषजनक नतिजा हाँसिल गरेका छन् । विद्यालयको एभरेज नतिजा ३.७५ भन्दा माथि रहेको विद्यालयका संस्थापक प्रीन्सिपल डा. महेश्वर पराजुलीले जानकारी दिएका छन् । माथिल्लो नतिजा ४ जीपीए र तल्लो ३.१६ भएको उनले जानकारी दिए । गत वर्ष एक जनाले ४ जीपीए ल्याएको वताउँदै यो वर्षको नतिजा विगतको भन्दा राम्रो रहेको वताए । अनुभवि शिक्षक, शिक्षिका, अविभावकको निरन्तर खवरदारी र चासो तथा विद्यार्थीको मेहनतले गर्दा विद्यालयले उचाई हाँसिल गर्न सफल भएको उनले दावी गरे । सो अवसरमा वोल्दै शिक्षा विकास समन्वय इकाई कास्कीका प्रमुख लोकनाथ आचार्यले कास्कीका संस्थागत विद्यालयहरुमा शान्ति निकेतन स्कूलको नतिजा उत्कृट रहेको वताए । उनले विद्यार्थीले लव्धाङकमा जसरी अंक ल्याएका छन् घर, परिवार र छिमेकमा पनि उनीहरुको व्यवहार उत्कृष्ट झल्किनु पर्ने वताए । विद्यालयका अविभावक एवं रेडियो सराङकोटका समाचार प्रमुख कमल पौडेल अथकले शान्ति निकेतनको नतिजा पोखराका संस्थागत विद्यालय मध्ये अव्वल रहेको वताए । उनले आगामी दिनमा यो नतिजा कायम राख्दै थप प्रगति पथमा लम्किन विद्यालय परिवारलाई आग्रह गरे । विद्यालय व्यवस्थापन समितिका अध्यक्ष कृष्णमणि भूत्र्यालको अध्यक्षतामा भएको कार्यक्रममा वाराही माविका प्रधानाध्यापक शिवप्रसाद भण्डारी, विद्यालयका सल्लाहकार सोमनाथ भूत्र्याल, समाजसेवी हेडम्वप्रसाद कोइराला, सहायक प्रीन्सिपल यदूविलास भूत्र्याल, विद्यार्थीद्धय अनुपम पराजुली निश्चल कोइराला र समाजिक विषयका शिक्षक हेम सुवेदी लगायतले विद्यालयको प्रगति र नतिजाको वारेमा प्रसंशा गरेका थिए ।
जनप्रकाशमा ५२ युनिट रगत संकलन

पोखरा, १९ असार । जनप्रकाश बहुमुुखी क्याम्पस अल्मुनाइ एशोसिएसनद्वारा आयोजित रक्तदान कार्यक्रममा ५२ युनिट रगत संकलन भएको छ । संस्थाले सामाजिक उत्तरदायित्व अन्तर्गत रक्तदान कार्यक्रम आया्ेजना गरेको जनप्रकाश क्याम्पस अल्मुनाइ एशोसिएसनका अध्यक्ष पदम थापाले जानकारी दिनुुभयो कार्यक्रमका प्रमुख अतिथि जनप्रकाश बहुमुखी क्याम्पस सञ्चालक समितिका अध्यक्ष विजयराज भण्डारीले पहिलो रक्तदाता हरिश्चन्द्र पौडेललाई ब्लड ब्याग हस्तान्तरण गरेर उद्घाटन गर्नुभएको थियो । कार्यक्रममा प्रमुख अतिथि भण्डारीले रक्तदान जीवनदान भएको बताउँदै संस्थाको कार्यको प्रशंसा गर्नुभयो । जनप्रकाश क्याम्पस अल्मुनाइ एशोसिएसनका अध्यक्ष पदम थापाको सभापतित्व एवम् सचिव कमल थापा मगरले सञ्चालन गर्नुुभएको कार्यक्रममा सदस्य सशिश भट्टराईले स्वागत गर्नुुभएको थियो । कार्यक्रममा जनप्रकाश बहुमुखी क्याम्पसका क्याम्पस प्रमुख ऋषिराम बुढाथोकी, रक्त सञ्चार केन्द्रका प्राविधिक महेन्द्र केसी, लेखनाथ पत्रकार मञ्चका अध्यक्ष विष्णुहरि पौडेल लगायतले रक्तदानको महत्व लगायतका विषयमा बोल्नुुभएको थियो ।

Breaking News

Samaya Dristi

Best News Site from Nepal

Main Menu

chhath

पोखरामा छठ

2 years ago Samaya Dristi Comments Off on पोखरामा छठ

हाम्रो बारेमा