श्रावण २३ गते २०७९

छाइल उपन्यास बिर्मश कार्यक्रम सम्पन्न

डोडोट्याली कवि लोकराज भट्टद्धारा लिलित उपन्यास छाइल आइतवार एक समारोहका बिच पोखरामा विमर्श कार्यक्रम सम्पन्न भएकोछ । कार्यक्रममा प्राज्ञ तथा वरिष्ट साहित्यकार सरुभक्तले लेखकलाई आर्शिबचन दिदै उपन्यास लेखनकला र साहित्यको महत्व माथि चर्चा गर्नुभएको थियो । पोखराको युवा साहित्यकार सञ्जिव पौडेलले उक्त उपन्यासमाथी समालोचना गर्दै डोटी र त्यस वरपारको भाषा अनि गाउले परिवेशलाई मसिनोगरी बुनेर तयार गरिएको एक उत्कृष्ण उपन्यास छाइल सवै नेपालका ग्रामिण परिवेश र गरिवीलाई समेटेको छ भन्नु भयो । यस्तै अर्का युवा साहित्यकार गौरी तमूले उक्त पुस्तक बारेमा समालोचना गर्दैै उपन्यासमा भएका महिला पात्रको बारेमा चर्चा गर्नुभएको थियो । साहित्यकार हेमन्त बिवशले सञ्चालन गर्नुभएको सो कार्यक्रममा स्रष्टा एवं छाइलका लेखक लोकराज भट्टले उपन्यासमा भएका कथा बस्तु र पश्चिम नेपालको गाउघर परिवेशका कथा अनि भाषा लवज समेटने प्रयास रहेको बताउनुभएको थियो । पोखराको न्यूरोड स्थित हिमालयन रिडर्स कर्नरमा भएको सो कार्यक्रममा पोखराका युवा साहित्यकार तथा साहित्य प्रति रुचीहुनेहरुको उपस्थिती रहेको थियो । प्रकाशक तथा बुक्क हिमालयको प्रबन्ध निर्देशक पवन शाक्यको सभापतित्वमा भएको सो छाइल बिमर्श कार्यक्रम पत्रकार अमृत भादगाउलेको सक्रियतामा भएको थियो ।