वैशाख २९ गते २०७९

स्थानीय निर्वाचनको पूर्वाङ्ग ( फोटो फिचर )


कमल पौडेल अथक,
पोखरा २९, वैशाख
देशभरि यही वैशाख ३० गते हुने स्थानीय निर्वाचनको तयारी पूरा भएको छ । मतदान केन्द्रको तयारी तिब्र पारिएको छ । मतदान अधिकृत सहित निर्वाचनमा खटाइएका सम्पूर्ण कर्मचारी मतदान केन्द्रमा खटिएका छन् ।


सुरक्षाकर्मी मतदान केन्द्रमा तैनाथ गरिएको छ । निर्वाचन सामग्री पनि मतदान केन्द्रमा पुगिसकेको निर्वाचन आयोगले जनाएको छ ।
यसैबीच पोखरा महानगरपालिका भित्रका मतदान केन्द्रमा पनि तयारी तीव्र छ । पोखरा ४ को नबीन मावि, पोखरा ९ को महेन्द्र मावि, पोखरा २ को बरपाटन मावि, पोखरा ११ को शिव शक्ति मावि मदतान लगायतका मतदान केन्द्रमा तयारी पूरा भएको ती स्थानमा खटाइएका मतदान अधिकृतहरुले वताएका छन् ।


यसैक्रममा मतदान केन्द्रमा संचारकर्मीलाई निर्वाध प्रवेश गर्न दिने आयोगको नीति भएपनि केही स्थानका सुरक्षाकर्मीले अवरोध गरेको संञ्चारकर्मीहरुले वताएका छन् ।


यसैबीच मौषम विज्ञान विभागले शुक्रवार देशभर पानी पर्ने जनाएको छ । निर्वाचन अयोगले मतपेटिका सुरक्षा गर्नको लागि हरेक निर्वाचन केन्द्रमा त्रिपाल वा ओतको व्यवस्था गर्न निर्देशन दिएको छ । देशका ७ सय ५३ पालिकामा एकैसाथ निर्वाचन हुँदैछ ।

तस्बिर: दुर्गा प्रसाद पौडेल, सन्देश उदाश, जय गुरुङ