१० औ महाधिवेशन बिशेष

मंसिर १० गते २०७८

१० औ महाधिवेशन बिशेष

नेकपा एमालेको १० औं राष्ट्रिय महाधिवेशन समुद्घाटन समारोह स्थल नारायणी किनारमा उर्लिएको मानव समुन्द्र फोटो फिचर

रगत जम्ने विवरण आएपछि थाइल्याण्डमा पनि आस्ट्राजेनेकाको खोप लगाउने कार्यक्रम रद्द

Samaya Dristi 6 years ago

काठमाडौं, २८ फागुन । थाइल्याण्डले पनि कोरोना भाइरसविरुद्धको अक्सफर्ड–आस्ट्राजेनेकाको खोप लगाउने कार्यक्रम स्थगित गरेको छ। मानिसहरुमा रगत जम्ने खतरा बढाएको विवरण सार्वजनिक भएपछि थाइल्याण्डले पनि यो खोप लगाउने कार्यक्रम... Read More

चितवन-२ मा रवि लामिछानेको जित निश्चित , २८ हजारको मतान्तर

Samaya Dristi 4 years ago

चितवन, ०८ मंसिर । नवगठित राष्ट्रिय स्वतन्त्र पार्टीका केन्द्रीय अध्यक्ष रवि लामिछाने चितवन-२ बाट फराकिलो मतान्तरसहित जित हासिल गर्ने भएका छन् । बिहीबा र बिहान सवा सात बजेसम्मको मतगणनाअनुसार... Read More

कल्याण शेरचन स्मृति दिवस मनाइदै, कुमार र राजनलाई सम्मान गरिने

Samaya Dristi 3 years ago

माघ २०, पोखरा । कल्याण शेरचन स्मृति प्रतिष्ठानले वरिष्ठ लोक गायक कुमार बस्नेत र लोक गायक राजन कार्कीलाई सम्मान अर्पण गर्ने भएको छ । प्रतिष्ठानले लोक स्रष्टा, साधक तथा... Read More

लुम्बिनी फोटोग्राफर संघको आयोजनामा १ दिने स्टुडियो सम्बन्धी अनलाइन तालिम सम्पन्न

Samaya Dristi 3 months ago

१८ साउन बुटवल लुम्बिनी फोटोग्राफर संघ को आयोजनामा १ दिने स्टुडियो सम्बन्धी अनलाइन तालिम सम्पन्न भएको छ। फोटोग्राफी व्यवसायलाई प्रविधिमैत्री र समयसापेक्ष बनाउने उद्देश्यका साथ उक्त तालिम सञ्चालन गरिएको... Read More

आजको खबर

पोखरामा प्रथम ट्रयाङ्कुलिटी स्पा राष्ट्रिय जुनियर टेनिस सुरु, पहिलो दिन २१ खेल सम्पन्न

पोखरा स्पोर्ट्स । पोखरामा प्रथम ट्रयाङ्कुलिटी स्पा राष्ट्रिय जुनियर टेनिस प्रतियोगिता २०२६ सुरु भएको छ । गण्डकी प्रदेश टेनिस संघको आयोजना, नेपाल टेनिस संघको सहकार्य एवं कास्की जिल्ला टेनिस संघको प्राविधिक सहयोगमा पोखरा रंगशालास्थित टेनिस कम्प्लेक्समा बुधबारदेखि सुरु भएको प्रतियोगिताको पहिलो दिन २१ खेल सम्पन्न भएका छन् । प्रतियोगिताको पहिलो दिन ब्वाइज यू–१८ सिंगल्सतर्फ असभ सम्राट हाडाले विजयी सुरुवात गरेका छन् । उनले अभिषेक विकलाई ६–०, ६–१ को सोझो सेटमा पराजित गरे । सोही स्पर्धामा सन्दीप विकले संगम आले मगरलाई ६–०, ६–० तथा सुरेन्द्र विकले दर्शन अधिकारीलाई ६–०, ६–३ ले हराए । ब्वाइज यू–१४ सिंगल्सतर्फ निधय विक्रम रानाले माकर्ब पोखरेललाई ६–०, ६–० ले पराजित गर्दा सौरभ भट्टचनले जोनिल साईलाई ६–२, ६–० र इभान भट्टराईले आदित्य पुन मगरलाई ६–२, ६–४ ले हराए । यू–१६ ब्वाइज सिंगल्समा दर्शन अधिकारीले आयुष माझीलाई ६–०, ६–० ले पराजित गरे । यू–१२ ब्वाइज सिंगल्सतर्फ आरोग्य राईले हेमन्त पुन मगरलाई ६–०, ६–०, आदित्य पुन मगरले जोनिल साईलाई ६–०, ६–३ तथा निधय विक्रम रानाले सौरभ विक्रम रानालाई ६–०, ६–२ ले हराए । यू–१० ब्वाइज सिंगल्समा सोनाम घलेले रिजन रानालाई ६–०, ६–१ र आयान पन्तले दिप्सन पुन मगरलाई ६–२, ६–० ले पराजित गरे । गल्र्सतर्फ यू–१० र यू–१२ दुवै उमेर समूहमा साहारा कायस्थ विजयी भइन् । उनले यू–१० मा सेजल पुन मगरलाई ६–१, ६–० तथा यू–१२ मा अनन्या गुरुङलाई ६–०, ६–० को सोझो सेटमा पराजित गरिन् । यस अघि सो प्रतियोगिताको उद्घाटन प्रमुख प्रायोजक संस्थाका प्रवन्ध निर्देशक रनिल खैँजुले गरे । गण्डकी प्रदेश टेनिस संघका अध्यक्ष विनोद कायस्थको अध्यक्षतामा भएको उद्घाटन कार्यक्रममा प्रतियोगिता संयोजक लोकबहादुर गुरुङ, संघका महासचिव नवीन चालिसेलगायतले प्रतियोगिताले जुनियर खेलाडीको क्षमता विकास र नयाँ प्रतिभा उत्पादनमा महत्वपूर्ण योगदान पु¥याउने विश्वास व्यक्त गरे । कात्तिक २१ गतेसम्म सञ्चालन हुने प्रतियोगितामा विभिन्न उमेर समूहका ४३ खेलाडीले प्रतिस्पर्धा गर्नेछन् । प्रतियोगितालाई ट्रयाङ्कुलिटी स्पाले मुख्य प्रायोजन गरेको छ भने कर्माचार्य बिस्कुट, सुजल फुड्स प्रालि र सोल्टी मिनरल वाटरले सहकार्य गरेका छन् । ट्रयाङ्कुलिटी स्पा देशकै ठूलो स्पा चेन समेत हो ।
नेपथ्य लाइभ इन शुक्लागण्डकीको ‘एजुकेशनल पार्टनर’ मा लिटल गार्डेन

दुलेगौंडा– नेपथ्य लाइभ इन शुक्लागण्डकीको एजुकेशनल पार्टनरमा लिटल गार्डेन इङलिस बोर्डिङ स्कुलले सघाउने भएको छ । शुक्लागण्डकी नगरपालिका–४ दुलेगौंडामा रहेको विद्यालयले ‘एजुकेशनल पार्टनर’ मा सघाउने सम्झौता गरेको हो । बिहीबार नेपथ्य लाइभ इन शुक्लागण्डकीको विज्ञापन संयोजक बुद्धिबहादुर थापा, आयोजक लायन्स क्बल अफ शुक्लागण्डकीका अध्यक्ष देवेन्द्रबहादुर ढुंगानाले विद्यालयकी निर्देशक प्रतिभा लामीछाने पौडेलसँग सम्झौता गरे । शिक्षामा संगीतलाई जोड्न पाएकोमा उत्साहित भएको निर्देशक लामीछानेको भनाइ छ । ‘नेपाथ्य लाइभ इन शुक्लागण्डकीको एजुकेशनल पार्टनर हुन पाएकोमा उत्साहित छौं’, उनले भने, ‘सहकार्यले दुवै क्षेत्रलाई फाइदा पुग्ने विश्वास छ ।’ नेपथ्य लाइभ इन शुक्लागण्डकी सफल हुने उनले बताइन् । विज्ञापन संयोजक बुद्धिबहादुरले शुक्लागण्डकीलाई चिनाउदै शिक्षा क्षेत्रमा सहयोग गर्ने उदेश्यले कार्यक्रम आयोजना गरेको बताए । शिक्षा क्षेत्रबाट प्राप्त सहयोगले हौसला थपेको उनको भनाइ थियो । ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ आगमी मंसिर १२ गते भानुभक्त बहुमुखी क्याम्पसको खेलमैदानमा हुदैछ । शुक्लागण्डकीकै ऐतिहासिक सांगीतिक उत्सवको रुपमा मनाउने तयारी छ । विपन्न वर्गका विद्यार्थीलाई छात्रवृत्ति र शैक्षिक सामग्री सहयोग गर्ने उद्देश्यले कार्यक्रम आयोजना गरेको क्लबका अध्यक्ष ढुंगानाले बताए । कन्सर्टमा १० हजार संगीतप्रेमीलाई झुमाउने तयारी छ । लायन्स इन्टरनेशनलको ‘पढाऊ’ अभियान अन्तर्गत शिक्षा क्षेत्रमा सहयोग पुर्याउने उद्देश्यले साङ्गतिक कार्यक्रम आयोजना गरेको कार्यक्रम संयोजक खुमबहादुर विक ‘राजु’ ले बताए । बचत रकमले विपन्न वर्गका विद्यार्थीहरूलाई छात्रवृत्ति, शैक्षिक सामग्री र पोसाक वितरण गर्ने लक्ष्य रहेको उनले जानकारी दिए । संगीत केवल मनोरञ्जनको माध्यम मात्र नभई समाजलाई जोड्ने, सकारात्मक सन्देश प्रवाह गर्ने र सामाजिक अभियानलाई उकास्ने एक प्रभावकारी माध्यम भएको उनले सुनाए । त्यही माध्यमले तनहुँसहित कास्की, स्याङ्जा, लमजुङ, गोरखा, पाल्पा र आसपासका तमाम संगीतप्रेमी, विद्यार्थी, युवा, व्यवसायी, उद्यमी, पेसाकर्मी तथा सर्वसाधारणलाई एउटै सांगीतिक मञ्चमा जोड्ने दाबी छ ।
सिद्धि गौचनको १६ औं स्मृति दिवसमा थकाली सेवा समिति पुरस्कृत

१२ कार्तिक, पोखरा । समाजसेवी तथा महिला उद्यमी सिद्धि गौचनको १६ औं स्मृति दिवसमा थकाली सेवा समिति नदीपुर–३, पोखरालाई पुरस्कृत गरिएको छ । विभिन्न भू–भागमा रहेका थकाली समुदायको हकहित, संस्कृति संरक्षण र सामाजिक कल्याणका लागि थकालीहरू बीच सामूहिक भावना तथा सहकार्यको वातावरण सिर्जना गरी २०११ सालदेखि पोखरामा सक्रिय रहेको संस्थाले पु¥याएको अतुलनीय योगदानको कदर गर्दै उक्त पुरस्कार अर्पण गरिएको हो । जरो टुप्पो संरक्षण साहित्य समाज नेपालद्वारा आयोजित पुरस्कार अर्पण समारोह बीच संस्थाका अध्यक्ष डा. नारायणप्रसाद अधिकारी, बिम्बकवि रमेश श्रेष्ठ, गण्डकी प्रज्ञा–प्रतिष्ठानका निवर्तमान कुलपति सूर्य खड्का बिखर्ची, कोषका संस्थापक विश्वमोहन गौचनलगायतले १० हजार एकसय १० नगदसहितको उक्त पुरस्कार अर्पण गरे । बिम्बकवि रमेश श्रेष्ठले पोखराकी पहिलो महिला वडाध्यक्ष सिद्धि गौचनले तत्कालीन सभ्य समाज र विकास निर्माणमा पु¥याएको योगदानको चर्चा जति गरे पनि कमै हुने बताए । अक्षयकोषका संस्थापक विश्वमोहन गौचनले जुन घर परिवारमा महिलाको सम्मान हुन्छ त्यो स्वर्ग समान हुने बताए । इन्द्र–हुमा वाङ्मय कोषका संस्थापक सविन जिसीले समाजमा स्तुत्य कार्य गरेका परिवारजनको योगदानको स्मरणका लागि यस्ता कार्यक्रम फलदायी हुने बताए । सम्मानित संस्था थकाली सेवा समिति गण्डकीका अध्यक्ष तेजेन्द्र तुलाचनले सामाजिक संघसंस्थाका लागि प्राप्त हुने सम्मान तथा पुरस्कार मूूल्यसँग तुलना नहुने बताउँदै संस्थाका लागि यो सम्मान बहुमूल्य रहेको धारणा राखे । समाजको भवन स्थापनाकालको स्मरण गर्दै उनले सिद्धि गौचनलाई व्यक्ति एक व्यक्तित्व अनेक भएकी प्रतिभाका रूपमा चिनाए । प्रा.डा. यमबहादुर पौडेल क्षत्रीले थकाली समुदाय बीचको एकता, आपसी सद्भाव र व्यवसायप्रतिको लगाव सबैका लागि प्रेरणापरक भएको धारणा राखे । प्रतिभा चयन समितिका संयोजक कृष्णप्रसाद पौडेलले गौचन परिवारबाट स्थापित अक्षयकोषको आर्जित व्याजबाट डा. वसन्त ताम्रकार, रामकली खड्का र हिमाली सांस्कृतिक परिवार यस अगाडि सम्मानित भइसकेको जानकारी गराए । प्रतिभा चयनका लागि पौडेलको संयोजकत्वमा साहित्यकार दुर्गाबहादुर शाह बाबा र लोकनृत्य निर्देशक बबिता गुरुङ रहेको तीन सदस्यीय समिति गठन गरिएको थियो । कार्यक्रममा गण्डकी प्रज्ञा–प्रतिष्ठानका निवर्तमान कुलपति सूर्य खड्का बिखर्ची, पुतलीबजार प्रज्ञा–प्रतिष्ठानका उपकुलपति दुर्गाबहादुर शाह बाबा, थकाली सेवा समितिका सल्लाहकार हरिध्वज तुलाचन, निवर्तमान अध्यक्ष ई. रुजिन्द्र तुलाचन, प्राध्यापक ज्योति भट्टचन, लागूपदार्थ नियन्त्रण तथा समाज सुधार आमा समूहकी अध्यक्ष भगवती गुरुङले महिला सशक्तिकरणका घरेलु उद्योग, सिलाइबुनाइ, कृषि, शिक्षा, स्वास्थ्य, समाजसेवा, पाककला, साहित्य, संगीत लगायतका विविध आयाममा गौचनले समुदायबाट पहिला अमेरिका पुगेर सिकेर आएको ज्ञान, सीप र कलाले सिङ्गो समुदायलाई व्यवसाय र सेवामा लाग्न प्रेरित गरेको योगदानको स्मरण गरे । समारोहमा साहित्यकार छविलाल आचार्य, विष्णुप्रसाद बास्तोला, टेकनाथ पीडित लगायतले रचना वाचन गरेका थिए ।
जेसिज सप्ताहमा म्याराथन प्रतियोगिता

कार्तिक ११, लेखनाथ । नेतृत्व विकास र सामाजिक सेवामा काम गर्दै आएको संस्था लेखनाथ जेसीजको जेसीज सप्ताह–२०२६ अन्तर्गत लेखनाथ जुनियर जेसीजको समेतको संयुक्त आयोजनामा सप्ताहव्यापी कार्यक्रम अन्तर्गत बुधबार मिनी म्याराथन प्रतियोगिताको सम्पन्न भएको छ । कुल साढे आठ किलो मिटर दुरीमा मिनी म्याराथन तालचोकबाट पावरहाउस, तागाकोमुख हुँदै शिसुवासम्म गरिएको प्रतियोगितामा निर्धारित दुरी २७ मिनेट ५८ सेकेण्डमा पूरा गरी गौतम श्रेष्ठले प्रथम स्थान हाँसिल गरे । निर्धारित दुरी २८ मिनेट १६ सेकेण्डमा पूरा गरी प्रिती राईले द्धित्तीय तथा निर्धारित दुरी २८ मिनेट ५८ सेकेण्डमा पूरा गरी तेजन मगरले तृतीय स्थान हाँसिल गरे । निर्धारित दुरी ३० मिनेट ८ सेकेण्डमा पूरा गरी महेन्द्र मगरले चौथो स्थान हाँसिल गरे । विजेताहरुलाई क्रमशः नगद रु ५ हजार, ३ हजार ५ सय, २ हजार ५ सय र १ हजार पुरस्कार समापनका अवसरमा प्रदान गरिने प्रयिोगिताका संयोजक विनय जमरकटृेलले जानकारी दिएका छन । यसअघि पोखरा २७ का वडाध्यक्ष पूर्णकुमार गुरुङले दौडको सुरुवात गर्दै जेसिजहरुले गरेको नेतृत्व र सेवाभावको प्रसंशा गरे । सप्ताहव्यापी रुपमा गत कार्तिक ६ गते बाट शुरु भएको कार्यक्रमको समापन कात्तिक १२ गते बिहिबार हुने लेखनाथ जेसिजका अध्यक्ष सर्वेन्द्र न्यौपानेले जानकारी दिएका छन ।

Breaking News

Samaya Dristi

Best News Site from Nepal

Main Menu