लायन्स ग्यालेक्सी द्वारा खाद्यान्न बितरण

असाेज १७ गते २०७८

लायन्स ग्यालेक्सी द्वारा खाद्यान्न बितरण

असोज १७ ,पोखरा
लायन्स क्लव अफ पोखरा ग्यालेक्सी ले स्याङ्गजा फेदीखोलामा रहेको अमोर सेवा नेपाल बालगृहमा रहेका बालबालिकालाई खाद्यान्न बितरण गरेको छ ।
प्रमुख अतिथि लायन्स क्लव इन्टरनेशनल ३२५ बि १ नेपाल रिजन १८ का चेयर पर्सन लायन सन्तोष घिमिरे बिशिष्ट अतिथि फेदिखोला गाउपालिका वडा नं १ का अधक्ष्य खिम बहादुर क्षेत्री ले लायन्स क्लव को सामाजिक क्षेत्रमा गरेको कार्यको खुलेर प्रशंशा गर्नु भएको थियो ।
कार्यक्रममा बालगृहमा रहेका २३ जना बालबालिका का लागी रु २५००० बराबरको खाद्यान्न सामाग्री बितरण गरेको थियो ।
क्लव का अध्यक्ष होम बिलास सापकोटाको अध्यक्षतामा भएको कार्यक्रममा स्वागत मन्तब्य क्लवका प्रथम उपाध्यक्ष लायन सुरेश आचार्य गरेका थिए । बालगृहका संचालक कमला पराजुलीले यस्तै सहयोगी हातहरुका कारण बिपन्न तथा असाहाय बालबालिका हरुलाई उनिहरुको उजवल भविश्य तिर डोर्याउन सहयोग पुगेको बताईन ।
क्लवका सचिव लायन राजेन्द्र प्रसाद आचार्य ले संचालन गरेको कार्यक्रममा संयोजक लायन मनोज कार्की ले धन्यवाद दिएका थिए ।

पोखरामा भीषण असिना

Samaya Dristi 2 years ago

८ फागुन,पोखरा पोखरामा आइतबार दिउँसो साढे एकबजेपछि एकाएक पोखरामा असिनापानी पर्न थालेको थियो। असिनाका कारण पोखराको नदीपुर, चिप्लेढुंगा, महेन्द्रपुल, न्यूरोड, नयाँबजार क्षेत्रमा यातायात अवरुद्ध भएको थियो। अधिक असिना परेपछि... Read More

नेपालमा सुशासन र सामाजिक रुपान्तरण अन्तराष्ट्रिय सम्मेलन पोखरामा

Samaya Dristi 4 weeks ago

नेपालका समाजशास्त्रीहरुको ब्यावसायिक संस्था नेपाल समाजशास्त्र संघको आयोजनामा पोखरामा ३ दिने International Conference on “Good Governance and Social Transformation in Nepal” to be held in Pokhara अन्तराष्ट्रिय सम्मेलन हुदैछ... Read More

नेपालको इतिहासमा जातिय ब्यवस्था र वर्तमान अवस्था

Samaya Dristi 1 year ago

घन श्याम पौडेल नेपालमा जात ब्यवस्थाबारे अध्यान गर्दा हामी नेपाली इतिहास र बिश्वको परिवेश वा अवस्था बारे पनि अध्यान गर्नुपर्ने हुन्छ । जात शब्द अर्थात कास्ट अबकतभ रोमन भाषा... Read More

कोपिला सहकारीको १४औं साधारण सभा सम्पन्न

Samaya Dristi 2 years ago

पोखरा, १० असोज ।कोपिला सहकारी संस्था लिमिटेडको १४ औं साधारण सभा समापन भएको छ । यहि असोज १३ गते देखी शुरु भएको साधारण सभा शनिवार एक कार्यक्रमका बिच समापन... Read More

आजको खबर

प्रथम एट टु नाइन खुल्ला फुटबल हुँदै

एट टु नाईन युवा क्लबको आयोजनामा असोज १७ गतेदेखी खुल्ला सेभेन ए साइड फुटबल प्रतियोगिता हुने भएको छ । ‘युवा एकता, खेलकुद विकास तथा स्वास्थ्यका लागि खेलकुद’ भन्ने मूल नाराका साथ फुटबल प्रतियोगिताको आयोजना हुन लागेको हो । असोज १७ गतेदेखी २३ गतेसम्म पोखरा १३ माछापोखरी खेल मैदानमा हुने प्रतियोगिताको विजेताले नगद एक लाख रुपैयाँसंगै शिल्ड मेडल र प्रमाणपत्र प्राप्त गर्नेछन् । प्रतियोगिताको उपविजेताले ६० हजार रुपैयाँसंगै शिल्ड, मेडल र प्रमाणपत्र प्राप्त गर्नेछन् । एक हप्तासम्म चल्ने प्रतियोगिताबाट बचत हुन आएको रकम रग्बी खेलाडी यशोदा बोहोरालाई प्रदान गरिनेछ । यशोदा नेपालमा भएको यु–२० एसिया रग्बी सेभेन्सको तयारीको प्रशिक्षणका दौरान घाइते भएकी थिइन् । यशोदा यु–१५ साफ महिला फुटबल च्याम्पियनसिपमा नेपालले स्वर्ण जितेको टोलीकी सदस्य पनि हुन् । उनलाई आर्थिक सहयोग गर्न प्रतियोगिताको आयोजना गरेको प्रतियोगिता संयोजक लोक गुरुङले बताए । प्रतियोगिताको उत्कृष्ट खेलाडी, उच्च गोलकर्ता र उत्कृष्ट गोलरक्षकलाई नगद प्रदान गरिनेछ ।
सातौं अन्तर्राष्ट्रिय हेमजा गोल्डकपको लागि तयारी भेला

गोविन्द तिमिल्सिना हेमजा, ११ असोज हेमजा युनाइटेडको आयोजनामा पोखरा २५ हेमजामा बिहीबार आम भेला सम्पन्न भएको छ । हेमजा युनाइटेडले आयोजना गर्न लागेको सातौं अन्तर्राष्ट्रिय हेमजा गोल्डकपको लागि आम भेला गरिएको हो । भेलालाई सम्बोधन गर्दै पोखरा महानगरपालिकाका प्रवक्ता एवं वडा नं. २५ का वडा अध्यक्ष मोतीलाल तिमिल्सिनाले गोल्डकपको लागि महानगरको तर्फबाट आवश्यक सहयोग गर्ने प्रतिबद्धता व्यक्त गर्नुभयो । हेमजा युनाइटेडका अध्यक्ष राजेश त्रिपाठीले गोल्डकप हेमजाको गौरव भएकोले सबैलाई सहयोग गर्न आग्रह गर्नुभयो । यही कार्तिक ११ गतेदेखि १८ गतेसम्म सञ्चालन हुने आमन्त्रित नकआउट फुटबल प्रतियोगिता गर्न ६० लाख खर्च लाग्ने अनुमान गरिएको अध्यक्ष त्रिपाठीले बताउनुभयो । भेलामा सुबिन श्रेष्ठ, शंकरमणी त्रिपाठी, शोभाकर तिमिल्सिना, सन्तमान श्रेष्ठ, दानबहादुर थापा, धर्मराज बाँस्तोला, दानबहादुर भुजेल लगाएतले सुझाव दिनुभएको थियो । युवा एकता र विकासका लागि खेलकुद भन्ने नाराका साथ गर्न लागिएको प्रतियोगिताबाट बचेको ५० प्रतिशत रकम हेमजा युनाईटेड एकेडेमी सञ्चालानार्थ खर्च गरिनेछ । युनाईटेडले गोल्डकपलाई निरन्तरता दिने, खेल मैदानमा प्याराफिट निर्माणमा थप पहल गर्ने, गौरीशंकर खेलमैदानलाई प्रादेशिक खेलमैदान वनाउन पहल गर्ने उद्देश्यका लागी प्रतियोगिता आयोजना गरिएको हो । विजेता समूहले नगद रु ६ लाख ५५ हजार र उपविजेता समूहले रु ३ लाख ५५ हजार साथमा शिल्ड, मेडल र प्रमाणपत्र पुरस्कार पाउने छन् ।सर्वोत्कृष्ट खेलाडीलाई रु ५० हजार, सर्वाधिक गोलकर्तालाई रु २५ हजार , फेयर प्लेय पुरस्कार रु २५ हजार, अन्य विभिन्न पाँच विधामा उत्कृष्ट हुनेलाई जनही रु २० हजार तथा म्यान अफ दि म्याच हुन सफल खेलाडीलाई रु ५ हजार प्रदान गरिनेछ । हेमजा युनाइटेडका अध्यक्ष राजेश त्रिपाठीको अध्यक्षतामा भएको भेलाको सञ्चालन सचिव सुनिल गायकले गर्नुभएको थियो ।
उपल्लो काउरेमा १०२ बर्षीय जेष्ठ नागरिक भीमादेवी सम्मानित

कमल पौडेल अथक पोखरा ११, असोज जेष्ठ नागरिक सरोकार समाज नेपाल कास्कीले पोखरा–१९, उपल्लो काउरे निवासी १०२ बर्षीय जेष्ठ नागरिक भीमादेवी बास्तोलालाई उनको घर मै पुगेर सम्मान गरेको छ । समाजले उनलाई दोसल्ला र सम्मान पत्रले सम्मान गरेको हो । आफू घरमा नै सम्मानित हुन पाउँदा निकै खुसी लागेको सम्मानित भीमादेवीले बताइन् । छोरा, नाती, नातीना, पनाती खनातीको सामु लामो समयसम्म वाँचेर सम्मान पाउँदा खुसी लागेको र अझै आफूमा कुनै किसिमको रोग नभएको उनले वताइन् । समाजले १ सय वर्ष पुगेका ज्येष्ठ नागरिकलाई उनीहरुको घरमा नै पुगेर सम्मान गर्दै आएको छ । अहिलेसम्म संस्थाले २० जना भन्दा वढी ज्येष्ठ नागरिकलाई उनीहरुको घरमा नै पुगेर सम्मान गर्दै आएको छ । यसरी घरमा पुगेर ज्येष्ठ नागरिकलाई सम्मान गर्दा समाजमा जेष्ठ नागरिकको आत्मसम्मान हुने र परिवारका सदस्यहरुमा पनि दायित्वबोध हुने संस्थाको ठहर छ । राज्यले जेष्ठ नागरिकका हक अधिकारको वारेमा विभिन्न सेवा सुविधा कानूनमा व्यवस्था गरेपनि व्यवहारमा कार्यान्वयमा आउन सकेका छैनन् । सार्वजनिक यातायातमा जेष्ठ नागरिक आरक्षण सिट तथा यात्रामा छुटको व्यवस्था भएपनि पनि अहिलेसम्म कार्यान्वयनमा आउन नसकेको समाजका उपाध्यक्ष केशवप्रसाद ढकालले गुनासो गरे । उनले घर परिवार तथा समाजले ज्येष्ठ नागरिकलाई हेर्ने दृष्टिकोण बदल्नु जरुरी रहेको बताए । समाजका अध्यक्ष भक्तराज श्रेष्ठको अगुवाईमा गएको टोलीमा समाजसेवी रामप्रसाद वतास, कोषाध्यक्ष रामजीप्रसाद कोइराला, सदस्यहरु त्रिभुवन शर्मा, कुश्मराज आचार्य, हरिप्रसाद फुयाँल, नारायणप्रसाद सुबेदी, अनन्तप्रसाद कोइराला, स्थानीय निलकण्ठ वास्तोला, पद्यमा गौतम र सचिव इच्छावहादुर वाग्ले लगायतका महानुभावहरु रहेका थिए ।
हेमजा भू.पू.सैनिकको आठौं साधारण सभा

गोविन्द तिमिल्सिना हेमजा, १० असोज पोखरा महानगरपालिका वडा न। २५ हेमजामा रहेको भू।पू सैनिक बचत तथा ऋण सहकारी संस्थाको आठौं वार्षिक साधारण सभा बुधबार हेमजामा सम्पन्न भएको छ । कार्यक्रमको उद्घाटन गर्दै प्रमुख अतिथि पोखरा महानगरपालिकाका प्रवक्ता एवं वडा न। २५ का वडा अध्यक्ष मोतीलाल तिमिल्सिनाले राष्ट्रका निम्ति काम गरेर अवकाश पछि संस्था सञ्चालन गरेकोमा खुसी व्यक्त गर्दै सहकारी संस्था मध्य नमुना सहकारी भएको बताउनुभयो । उहाँले सहकारी बचत तथा ऋण मात्र नभइ उत्पादनमा जान आवश्यक रहेको बताउदै सक्दो सहयोग गर्ने प्रतिबद्धता व्यक्त गर्नुभयो । कार्यक्रममा किसान बहुउद्देश्यीय सहकारी संस्थाका ब्यबस्थापक हरिप्रसाद त्रिपाठी, नेपाल भू।पू सैनिक संघ कास्कीका अध्यक्ष बलराम पौडेल र शिक्षा उपसमिति सदस्य पार्वती थापा बानियाँले शुभकामना दिनुभएको थियो । सो अवसरमा उत्कृष्ट बचतमा देबुमायाँ तिमिल्सिना र उत्कृष्ट कर्जामा लक्ष्मण बि।क लाई सम्मान गरिएको थियो । कार्यक्रममा सचिव शेर बहादुर कार्कीले वार्षिक प्रगति प्रतिबेदन र कोषाध्यक्ष श्याम बहादुर कुँवरले आर्थिक प्रतिबेदन प्रस्तुत गरेकोमा सभाले पारित गरेको थियो । संस्थाको शेयर पुँजी ३ करोड ३६ लाख ६ हजार ३ सय रहेकोमा निक्षेप संकलन ६ करोड २० लाख ५१ हजार ९ सय ७५ र ८ करोड ८७ लाख २७ हजार ६९२ ऋण लगानी रहेको संस्थाका ब्यबस्थापक प्रेमराज तिमिल्सिनाले बताउनुभयो ।सहसचिव पार्वती थापाले स्वागत गरि सुरु भएको कार्यक्रममा सहायक ब्यबस्थापक दुर्गा तिमिल्सिनाले सहकारीको सात सिद्धान्त वाचन गर्नुभयो । संस्थाका अध्यक्ष सुरेश बहादुर सापकोटाको अध्यक्षतामा भएको कार्यक्रमको सञ्चालन सचिव सेर बहादुर कार्कीले गर्नुभएको थियो ।

Breaking News

Samaya Dristi

Best News Site from Nepal

Main Menu