कांग्रेसका ३ जिल्ला सभापति र २ युवा नेता अनसन बस्दै

भाद्र ९ गते २०७८

कांग्रेसका ३ जिल्ला सभापति र २ युवा नेता अनसन बस्दै

काठमाडौं, ९ भदौ । क्रियाशील सदस्यता सूची सार्वजनिक लगायतका माग राखेर नेपाली कांग्रेसका जिल्ला सभापतिहरु आजदेखि रिले अनसनमा बस्ने भएका छन् । संस्थापन इतर समूहका जिल्ला सभापतिहरुले यसअघि मंगलबार कांग्रेस केन्द्रीय कार्यालय सानेपामा धर्ना दिएका थिए । आफ्ना माग पूरा गराउने विषयमा पार्टी नेतृत्वले चासो नदेखाएको भन्दै ३ जिल्लाका सभापति र २ युवा नेता आज अनसनमा बस्न लागेका हुन् ।

नेपाली कांग्रेस नुवाकोटका सभापति जगदीश्वर नरसिंह केसी, काभ्रे जिल्ला सभापति मधु आचार्य, धादिङ जिल्ला सभापति रमेश धमला तथा युवा नेताद्वय रञ्जित कर्ण र डिल्लीराम सुवेदी अनसनमा बस्न लागेका हुन् ।

बिनु र तारालाई मिना सिर्जनशील समावेशी पुरस्कार

Samaya Dristi 1 year ago

पोखरा, ९ असोज । मिना सिर्जनशील समावेशी पत्रकारिता पुरस्कारबाट पत्रकारद्वय बिनाकुमारी थापा ‘बिनु’ र बालकुमारी पौडेल ‘तारा’ सम्मान गरिने भएको छ । गण्डकी प्रदेशका पूर्व सांसद, उद्यमी तथा समाज... Read More

विदेशमा थप तीनजना नेपालीको कोभिड-१९ संक्रमणबाट निधन

Samaya Dristi 4 years ago

पुष १९ । कोरोना भाइरस (कोभिड १९) को संक्रमणबाट विदेशमा थप ३ जना नेपालीको निधन भएको छ । गैरआवासीय नेपाली संघका अनुसार यो साता युकेमा एकजना र पोर्चुगलमा दुईजनाको... Read More

जरोटुप्पोमा विनोद गौचनको ६९ औं जन्मजयन्ती

Samaya Dristi 2 years ago

जरोटुप्पो संरक्षण साहित्य समाज नेपालले कवि तथा गीतकार विनोद गौचनको ६९ औं जन्मजयन्ती विविध कार्यक्रमका साथ मनाएको छ । कार्यक्रमका वक्ताले कविता गाउँका प्रणेता, तगारोमा रुमाल राखी।।।, जति... Read More

नेकपामा माधव नेपालको ७ बुँदे नोट अफ डिसेन्ट

समय दृष्टि 5 years ago

नेपाल कम्युनिस्ट पार्टी नेकपाका वरिष्ठ नेता माधवकुमार नेपालले पार्टी अध्यक्ष र प्रधानमन्त्री केपी शर्मा ओलीले एक पद छाड्नुपर्ने लिखित प्रस्ताव दर्ता गराएका छन् । सचिवालय बैठकका निर्णयहरुप्रति असन्तुष्ट नेपालले... Read More

आजको खबर

चर्चित वाइल्डलाइफ फोटोग्राफर चुङ्बा शेर्पाको निधन

२९ पुष काठमाडौँ । चर्चित वाइल्डलाइफ फोटोग्राफर चुङ्बा शेर्पाको निधन भएको छ । ६४ वर्षीय शेर्पाको आज राती १२ः१५ बजेको समयमा ग्रान्डी अस्पतालमा उपचारको क्रममा निधन भएको हो । सोलुखुम्बुको खुम्बु पासाङल्हामु गाउँपालिका–१ लुक्ला स्थायी ठेगाना भएका शेर्पा कलेजोसम्बन्धी समस्याका कारण एक सातादेखि उपचाररत थिए । काठमाडौंको ग्राण्डी अस्पतालमा उनको भेन्टिलेटरमा राखेर उपचार भइरहेको थियो । उपचारकै क्रममा शेर्पाको निधन भएको खुम्बु पासाङल्हामु गाउँपालिका–१ का वडाअध्यक्ष फुनुरु शेर्पाले पुष्टि गर्नुभयो । उनका दुई छोरा र तीन छोरी छन् । पर्यटन व्यवसायमा आबद्ध उनी चौँरीखर्कको पूर्व गाविस अध्यक्षसमेत थिए । केही वर्षदेखि वाइल्डलाइफ फोटोग्राफीमा सक्रिय शेर्पा फोटोग्राफी सम्बन्धी विभिन्न राष्ट्रिय तथा अन्तर्राष्ट्रिय संस्थासँग आबद्ध थिए । उहाँको निधनले वाइल्डलाइफ फोटोग्राफी क्षेत्रको एक कुशल र जुझारु फोटोग्राफर गुमाएको छ ।
गण्डकीका मौलिक धुनहरूलाई संरक्षण गर्ने विषयमा प्रदेश सरकार प्रतिबद्ध ः मन्त्री थापा

पोखरा । गण्डकी प्रदेशका सामाजिक विकास, युवा तथा खेलकुद मन्त्री विन्दु कुमार थापाले गण्डकीका मौलिक धुनहरुलाई संरक्षण गर्ने विषयमा प्रदेश सरकार प्रतिबद्ध रहेको बताएका छन् । गण्डकी प्रज्ञा प्रतिष्ठान र पोखरा सांगीतिक कलाकार संघको संयुुक्त आयोजनामा भएको “गण्डकीका धुुनहरु” नामक कार्यक्रममा बोल्दै उनले गण्डकी प्रदेशको सांगीतिक सम्पदाको महत्व र यसलाई संरक्षण गर्ने आवश्यकतामा जोड दिएका हुन् । मन्त्री थापाले प्रदेशका मौलिक बाजाहरूको जगेर्ना र नयाँ पुस्तामा यसको हस्तान्तरणलाई प्राथमिकतामा राखिने बताए । “गण्डकी प्रदेश गीतसंगीतको उर्वर भूमि हो । यहाँका सिर्जना विश्वप्रख्यात छन् । गण्डकीका सर्जकका सिर्जनालाई संरक्षण गर्न नै गण्डकी प्रज्ञा प्रतिष्ठानको स्थापना गरिएको हो । जस माध्यम विविध कार्यक्रमहरु हुँदै आएका छन् ।”, उनले भने । कार्यक्रममा पञ्चे बाजा, सारंगी, बाँसुरी, धिमे, सनई, टुङ्ना, मादल, खीं लगायतका मौलिक बाजाहरू एकै मञ्चमा प्रस्तुत भएको देख्न पाउँदा खुशी लागेको उनले उल्लेख गरे । उनले प्रस्तुत बाजाहरूको ध्वनि र धुनले गण्डकी प्रदेशको सांगीतिक विविधतालाई प्रतिनिधित्व गरेको बताए । “हामी धुन र बाजाका हिसाबले धनी छौं। यसलाई संरक्षण गर्दै आगामी दिनमा प्रवद्र्धन गर्न हामी सबैले भूमिका निर्वाह गर्नुपर्छ ।”, उनले भने । मन्त्री थापाले गण्डकी प्रज्ञा–प्रतिष्ठानको यस पहलको प्रशंसा गर्दै यस्तो कार्यक्रमले सांस्कृतिक धरोहरलाई जीवन्त राख्ने विश्वास व्यक्त गरे । साथै उनले आफ्नो मन्त्रालयको यस्ता सांस्कृतिक गतिविधिहरूमा निरन्तर साथ र सहयोग रहने प्रतिबद्धता जनाएका छन् । मन्त्री थापाले गण्डकीका मौलिक बाजाहरू जोगाउन सरकार, कलाकार र स्थानीय समुदायको सामूहिक प्रयास जरुरी रहेको उल्लेख गरे । पोखरा महानगरपालिकाका मेयर धनराज आचार्यले कार्यक्रमको महत्वलाई रेखांकित गर्दै गण्डकीको सांस्कृतिक धरोहर जगेर्ना गर्न यस्ता कार्यक्रमले खेल्ने भूमिकाको प्रशंसा गरे । गण्डकी प्रज्ञा प्रतिष्ठानका सदस्यसचिव मनकुमार श्रेष्ठले अग्रज स्रष्टाहरूलाई सम्मान र नयाँ पुस्तालाई मौलिक बाजाहरू प्रतिको आकर्षण बढाउने उद्देश्य सहित कार्यक्रमको आयोजना गरिएको जानकारी गराए । उक्त कार्यक्रमले सांस्कृतिक पहिचानलाई बचाउन र नयाँ पुस्तालाई प्रेरित गर्न महत्वपूर्ण योगदान पु¥याउने विश्वास उनको छ । कार्यक्रममा काठमाडौं र गण्डकीका ४० भन्दा बढी वाद्यवादकहरूले नेपाली मौलिक बाजाहरूको माध्यमबाट सांगीतिक धुनहरू प्रस्तुत गरे । संगीत संयोजक तथा निर्देशक प्राज्ञ अशोक राईले पोखरामा पहिलो पटक अर्केष्ट्राको स्वरूप प्रदर्शन गरिएको जानकारी दिए । उक्त अभियानले गण्डकीका धुनहरुलाई प्राथमिकतामा राखेर सांगीतिक पहिचानलाई बलियो बनाउने प्रयास भएको भनाई उनको छ । गण्डकी प्रज्ञा प्रतिष्ठानका कुलपति सुर्य खड्का बिखर्चीको अध्यक्षतामा सम्पन्न कार्यक्रममा राजनीति कर्मी, प्रदेश सरकारका सचिवहरु, कलाकार, साहित्यकार, पत्रकार लगायतको उपस्थिति थियो ।
विद्यालय ड्रप आउट ४ प्रतिशत, आधारभूत शिक्षा हाँसिल नगरेको व्यक्ति देशका हरेक क्षेत्रमा अयोग्य, सेवा सुविधाबाट वञ्चित

कमल पौडेल अथक पोखरा २६, पुस गण्डकीका महानिर्देशक अम्विका प्रसाद आचार्यले नेपालको शैक्षिक क्षेत्रमा विद्यालय ड्रप आउट गर्ने विद्यार्थीहरुको संख्या अझै चार प्रतिशत रहेको बताएका छन् । हालसम्म ९७.६ प्रतिशत विद्यार्थी विद्यालयमा प्रवेश गरेको आचार्यले वताए । त्यस्तै २.४ प्रतिशत वालवालिका विद्यालय शिक्षावाट वञ्चित रहेको उनले जानकारी दिए । गरिवी, विभिन्न खालको अपाङ्गता, र पारिवारिक हेरचाहमा संलग्न हुनु पर्दा यो संख्या विद्यमान रहेको उनले वताए । यी वालवालिकाको लागि पोशाक, स्टेशनरी र पढाई सँगै रोजगारको ग्यारेण्टी गर्नुपर्ने आवश्यक रहेको उनले बताए । २०४२ सालदेखि २०५७ सालसम्म सवैको लागि शिक्षा भनिएपनि त्यो व्यवहारमा कार्यान्वयन हुन नसक्दा शिक्षा क्षेत्रले समस्या भोग्दै आएको उनको भनाई छ । सिकाई परियोजनाको समन्वयमा सामाजिक विकास मन्त्रालय गण्डकी प्रदेशद्धारा विहावार आयोजित प्रदेश वालिका तथा समावेशी शिक्षा सञ्जालको वैठकलाई सम्वोधन गर्दै उनले सो कुरा वताएका हुन् । २०७९ सालमा गण्डकी प्रदेशले निशुल्क शिक्षा सुरु गरेको र अहिले त्यो सवै देशभरि लागू भएको उनले वताए । उनले २०८५ बैशाखसम्म आधारभूत शिक्षा हाँसिल नगरेको व्यक्ति देशका हरेक क्षेत्रमा अयोग्य ठहरिने र सेवा सुविधामा समेत वञ्चित हुने भएकोले त्यसलाई ध्यानमा राखेर शिक्षा हाँसिल गर्नु पर्ने वताए । सामाजिक विकास मन्त्रालय गण्डकीका सचिव नवराज ढकालले सरकारले लिएको लक्ष्य पूरा गर्नको लागि सवै पक्षको एकमत आवस्यक भएको वताए । उनले स्थानीय तहको श्रोत साधन परिचालन गरेर सवैको लागि शिक्षालाई प्रभावकारी वनाउनु पर्ने वताए । सामाजिक विकास मन्त्रालयका उपसचिव तोयनाथ लम्सालले बालवालिकालाई विद्यालयसम्म पुर्याउन सरोकारवालाहरुको भूमिका महत्वपूण रहने उद्घोष गरे ।
लायन्स क्लब अफ पोखरा हेमजाको १७औ चार्टरनाईट कार्यक्रम सम्पन्न

हेमजा, २४ पुष लायन्स क्लब अफ पोखरा हेमजाको १७औ चार्टरनाईट कार्यक्रम” मंगलबार पोखरामा सम्पन्न भएको छ । कार्यक्रममा सम्बोधन गर्दै लायन्स ईन्टरनेशनल डिस्ट्रिक्ट ३२५ जे नेपालका सेकेण्ड भाईस डिस्ट्रिक्ट गभर्नर लायन प्रजापति बॉस्तोलाले लायन्स क्लब अफ पोखरा हेमजामा डिस्ट्रिक्टको नेतृत्व गर्न सक्ने अब्बल ब्यक्तिहरु रहेको कारण क्लबले धेरै राम्रा र प्रभावकारी सेवाका कार्यहरु गर्ने गरेको धारणा राख्दै डिस्ट्रिक्टको नेतृत्वमा आउनका लागी सल्लाह दिएका थिए । डिष्टिनगुईज एड्भाईजर लायन मोतीराज तिम्सिनाले हालका अध्यक्ष सरल र समन्वयकारी भएका कारण क्लबले उत्कृष्ट सेवाका कार्य गरेकोमा खुशी ब्यक्त गरे । एसिष्टेन चिफ एड्भाईजर लायन राजेन्द्र बहादुर साप्कोटले क्लबका अन्य साथीहरु पनि जागरुक भएर लाग्न अनुरोध गरे । गण्डकी एरियाका चिफ लायन सुर्य बरालले लायन्स क्लब अफ पोखरा हेमजा संग पहिला पनि काम गरेको स्मरण गर्दै पोखराको नमुना क्लब रहेको र डिस्ट्रिक्ट तर्फ गर्नु पर्ने सबै किसिमका सहयोग गर्ने प्रतिबद्धता गरे । लायन्स क्लब अफ पोखरा अन्नपुर्णका अध्यक्ष लायन गणेश छबिले लायन्स क्लब अफ पोखरा हेमजा संग खानेपानी ट्यांकी सहयोगको कार्यक्रममा समन्वय गर्न पाएकोमा खुशी ब्यक्त गरे । प्रथम उपाध्यक्ष लायन दुर्गा प्रसाद पौडेलले स्वागत गरि सुरु भएको कार्यक्रममा ध्वजका अभिवादन द्वितिय उपाध्यक्ष लायन सुरेश कुमार श्रेष्ठले गरे । अध्यक्ष लायन सन्तमान श्रेष्ठको अध्यक्षतामा भएको कार्यक्रमको सञ्चालन सचिव लायन मदन पौडेलले गरेका थिए ।

Breaking News

Samaya Dristi

Best News Site from Nepal

Main Menu