एमालेले झलनाथ खनालको उपचार खर्च बेहोर्ने

असार १६ गते २०७८

एमालेले झलनाथ खनालको उपचार खर्च बेहोर्ने

काठमाडौँ, १६ असार । नेकपा एमालेका वरिष्ठ नेता झलनाथ खनालको उपचार खर्च पार्टीले बेहोर्ने भएको छ । बालुवाटारमा बसेको बैठकले वरिष्ठ नेता खनालको उपचार खर्च नेकपा एमालेले बेहोर्ने निर्णय गरेको हो ।

भारतको नयाँदिल्लीस्थित एपोलो अस्पतालमा उपचारत नेता खनालको स्वास्थ्यलाभको कामना पनि बैठकले गरेको छ ।

सरकारले आजदेखि भेरोसेल खोप लगाउने, क-कसले पाउँछन् ?

Samaya Dristi 3 years ago

काठमाडौं, ४ असोज । सरकारले आजदेखि ११ दिनसम्म कोरोनाविरूद्ध भेरोसेल खोपको पहिलो मात्रा लगाउने भएको छ । चीनबाट खरिद गरेर ल्याइएको ४४ लाख डोज भेरोसेल खोप सरकारले विभिन्न जिल्लाका... Read More

केशव स्थापितलाइै भोट दिनेको स्वर्गबास हुन्छ ।

Samaya Dristi 3 years ago

काठमाडौं महानगरपालिकाको एमालेका मेयर उम्मेदवार केशव स्थापितले आफूलाई भोट नहाले नर्कमा पुग्ने अभिव्यक्ति दिएका छन्। सोमबार काठमाडौंको त्रिपुरेश्वर–११ वंशिघाटमा आयोजित चुनावी कार्यक्रमलाई सम्बोधन गर्दै स्थापितले यस्तो बताएका हुन्। ‘यो... Read More

एक महिना स्वास्थ्य संकटकाल लगाउने सरकारको तयारी

Samaya Dristi 4 years ago

बैशाख २७, बैशाख । सरकारले एक महिना स्वास्थ्य संकटकाल लगाउने तयारी गरेको छ। सो अनुसार सरकारले राष्ट्रपतिलाई सिफारिस गरेको छ। शीतल निवास स्रोतका अनुसार अहिले मुख्य सचिव, गृह सचिव... Read More

गण्डकी प्रदेशसभाको विशेष अधिवेशन आज

Samaya Dristi 4 years ago

पोखरा,२१ पुस । प्रमुख प्रतिपक्षी दल नेपाली कांग्रेस र जनता समाजवादी पार्टीले माग गरेपछि गण्डकी प्रदेशको विशेष अधिवेशन आज बोलाइएको हो ।विशेष अधिवेशनको बैठक दिउँसो १ बजे पोखरा सभागृहमा... Read More

आजको खबर

फोटोग्राफर संघ गण्डकीको पदस्थापना सम्पन्न

मंसिर २२ ,पोखरा फोटोग्राफर संघ गण्डकी प्रदेशको गत मंसिर १ गते सम्पन्न चौथो साधारण सभा तथा दोस्रो अधिबेशन वाट निर्वाचित कार्यसमितिले शनिवार पदभार ग्रहण गरेका छन। फोटोग्राफर संघ गण्डकी प्रदेशका सल्लाहकार तथा निर्वाचन समिति संयोजक गणेश छविले निर्वाचित सदस्यलाई प्रमाण पत्र प्रदान गरि पदस्थापना गराएका थिए । निर्वाचन समितिमा रेडियो सराङकोटका समाचार प्रमुख कमल प्रसाद पौडेल अथक र नेपाल फोटोग्राफर महासंघका बरिष्ठ उपाध्यक्ष श्रीराम कंडेल रहेका थिए । कार्यक्रममा निवर्तमान अध्यक्ष दुर्गा प्रसाद पौडेल ले नयाँ कार्यसमितिलाई बधाई तथा शुभकामना ब्यक्त गर्दै फोटोग्राफर हरुको पहिलो प्रदेश संघ गठन गर्नमा सहयोग पुर्याउने संस्थापक सदस्यहरु तथा जिल्ला संघहरुलाई धन्यवाद ब्यक्त गरे । कार्यक्रममा पूर्व सचिव तुलसीरा सुवेदी ले महासचिव प्रेम प्रसाद पराजुलीलाई माइन्यूट तथा पूर्व कोषाध्यक्ष जिवन ढुंगानाले वर्तमान कोषध्यक्ष रामचन्द्र पोख्रेल लाई कोषका हिसाव किताव हरुतान्तरण गरे । निर्वाचन सदस्य कमल प्रसाद पौडेल अथक ले संचालन गरेको कार्यक्रममा नवनिर्वाचित अध्यक्ष नारायण बहादुर के.सी.ले आफ्ना भावि योजना प्रस्तुत गरे भने निर्वाचन संयोजक गणेश छविको सभापतित्वमा कार्यक्रम सम्पन्न भएको थियो । फोटोग्राफर संघ प्रदेश समितिका नव निर्वाचितहरुअध्यक्ष नारायण बहादुर के.सी (पर्वत)वरिष्ठ उपाध्यक्ष तुलसीराम सुवेदी(कास्की)प्रथम उपाध्यक्ष बलभद्र श्रेष्ठ(तनहुं)द्धितिय उपाध्यक्ष जिवन ढुंगाना(कास्की)तृतिय उपाध्यक्ष घनश्याम पौडेल(कास्की)महासचिव प्रेम प्रसाद पराजुली(स्याङजा)सचिव नारायण गौतम (बाग्लुङ)कोषाध्यक्ष रामचन्द्र पोख्रेल(कास्की)सहकोषाध्यक्ष सुरेश रेग्मी(पर्वत)सदस्य राममणि पौडेल(कास्की) सदस्यहरुमा प्रदीप पाठक (स्याङजा) गणेश गैह्रे(नवलपुर)आत्माराम पौडेल(बाग्लुङ) बिकास खाँड(स्याङजा)राजन अधिकारी(नवलपुर) रहेका छन्।
शैलुङडाँडा

दोलखाको शैलुङ गाउँपालिकामा अवस्थित सामुद्रिक सतहबाट ३२२५ मिटरको उचाइमा रहेको सैलुङडाँडा करिब १०० वटा स(साना थुम्काहरूबाट बनेको झट्ट हेर्दा धानको थुप्रो जस्तो देखिने यी थुम्काहरू पहाडी घाँसेमैदान सैलुङडाँडाबाट अन्नपूर्ण, मनास्लु, गणेश, लाङटाङ, गौरीशङ्कर, नुम्बुर, सगरमाथा लगायतका सुन्दर हिमालका दृश्यको साथै प्राकृतिक दृश्यहरूको अवलोकन गर्न सकिन्छ । यो डाँडाको मुख्य विशेषता यहाँबाट चारै दिशामा करिब ३६० डिग्रीको कोणमा मनोरम दृश्यको अवलोकन गर्न सकिन्छ । शैलुङको थुम्काहरुमा पुषदेखि फागुनसम्म हिमपात समेत हुने भएकोले पर्यटकलाई थप आकर्षण गर्न सक्ने स्थानिय बताउछन् । अहिले शैलुङ क्षेत्रमा विशाल बुद्धको मूर्ति निर्माण, भ्यु टावर निमार्ण लगायतका काम समेत भै रहेको छ । शैलुङ घुम्न जानेले कालापानी, खोलाखर्क, ढुङ्गे र बाघखोरमा रहेको होटलहरुमा बस्न सक्ने स्थानिय बताउछन् । शैलुङमा पुग्न दोलखा र सिन्धुपाल्चोकको सिमाना मुडेबाट गाडीमा २० किलोमिटर गएर कालिपानी पुगेपछि आधाघण्टा पैदल जानुपर्छ भने दोलखा सदरमुकाम चरिकोटबाट महाङ्काल, मागापौवा, बाघखोर हुदै गाडिबाट ३२ किलोमीटर गएपछि कालापानी हुदै आधा घण्टा पैदल यात्रामा शैलुङ पुग्न सकिन्छ ।
मंसिर २२ गते हेमजामा निशुल्क स्वास्थ्य शिविर

मंसिर २१ , हेमजा । नेपाली जनप्रगतिशिल मञ्च जापानको आयोजनामा यहि मंसिर २२ गते हेमजामा निशुल्क स्वास्थ्य शिविर हुने भएको छ । शिविर विशेष गरि पोखरा–२५, हेमजा साथै छिमेकी गाउँपालिकाका नागरीकहरुको स्वास्थ्य लाभका लागि आयोजना गरिएको मञ्चका अध्यक्ष मोहन पौडेलले बताए स्थानिय सहयोगी गौरिशंकर आमा समुहका अध्यक्ष उमा भुर्तेल पौडेलका अनुसार शिविरमा किरण गुरुङ मेडिकल र आर।सी हेल्थ क्लिनिकको प्राविधिक सहयोग, गौरीशंकर आमा समुह हेमजाको सहजिकरण रहने छ । विशेषज्ञ डाक्टरहरुको उपस्थितिमा सुगर, मृगौला तथा महिला सम्बन्धी सम्पुर्ण रोगहरुको परिक्षण गरिने किरण गुरुङ मेडिकलका प्रवन्ध निर्देशक किरण गुरुङले बताए स्वास्थ्थ परिक्षण गर्न आउँदा खालिपेटमा र नियमित खाईरहेको औषधी साथमा लिएर आउन आर।सि हेल्थ क्लिनिकका प्रवन्ध निर्देशक रामचन्द्र पौडेलले अनुराध गरेका छन । उक्त शिविर गौरीशंकर मा.वि हेमजामा विहान ठिक ८ः०० बजे देखि दिनको २ः०० बजे सम्म सञ्चालन हुने छ ।
द्वन्द्व पीडितहरू आत्मसम्मानपूर्वक बाँच्न पाउनुुपर्नेमा जोड

पोखरा, २१ मङ्सिर । पोखरामा बिहिबार आयोजित एक कार्यक्रममा द्वन्द्व पीडितहरूले समाजमा आत्मसम्मापूर्वक बाँच्न पाउनुुपर्नेमा जोड दिइएको छ । राष्ट्रिय मानव अधिकार आयोग, गण्डकी प्रदेश कार्यालयको आयोजना एवम् विजय विकास स्रोत केन्द्र गैंडाकोट, नवलपरासी(ब.सुु.पूर्व) को समन्वय र सहयोगमा महिला, शान्ति र सुरक्षा सम्बन्धि संयुक्त राष्ट्रसंघ सुरक्षा परिषद् प्रस्ताव नं १३२५ र १८२० सम्बन्धि दोस्रो राष्ट्रिय कार्ययोजना विषयक गण्डकी प्रदेश स्तरीय अन्तरसम्वाद कार्यक्रमका सहभागीले शान्ति सम्झौता भएको १८ वर्षसम्म पनि द्वन्द्व पीडितले न्यायको अनुुभूति गर्न नसकेको बताए । बेपत्ता परिवार समाज कास्कीका अणनाथ बरालले परिवारका सदस्य बेपत्ता भएको २० औं वर्षसम्म पनि कुनै जानकारी पाउन नसक्दा शान्तिको अनुुभूति हुन नसकेको बताउनुुभयो । द्वन्द्व पीडितका लागि कार्ययोजना बने पनि त्यसको प्रभावकारी कार्यान्वयन नहुँदा पीडितले राहतको अनुुभूति गर्न नसकेको उहाँको भनाइ छ । द्वन्द्वपीडित परिवार समाज कास्कीका सुनिता भट्टराईले शान्ति सम्झौता भएको १८ वर्ष बितिसक्दा पनि सहिद तथा बेपत्ता पारिएका परिवारका समस्याहरू समाधान हुन नसकेको भन्दै दुुःखेसो गर्नुुभयो । मानव अधिकारका लागि एकल महिला समाज कास्कीका अध्यक्ष जुुना केसीले शान्ति प्रक्रियाका हरेक सवालमा महिलाको अर्थपूर्ण सहभागिता आवश्यक हुनेमा जोड दिनुुभयो । इन्सेक गण्डकी प्रदेशका अध्यक्ष शिव खकुरेलले द्वन्द्वपीडितका समस्यालाई साझा समस्याका रुपमा लिदै त्यसको समाधानका लागि सामुहिक प्रयास आवश्यक हुनेमा जोड दिनुुभयो । कार्यक्रममा गण्डकी प्रदेशका उर्जा, जलस्रोत तथा खानेपानी मन्त्री फणिन्द्र देवकोटाले द्वन्द्वपीडितले राहतको अनुुभूति गर्ने गरी समस्याको समाधानका लागि सम्बद्ध सबै पक्ष लाग्नुु जरुरी रहेको बताउनुुभयो । मानव अधिकार आयोग गण्डकी प्रदेशका प्रमुुख नितुु गड्तौलाले द्वन्द्व पीडितको समस्यालाई साझा समस्याका रुपमा लिदै त्यसको समाधानका लागि सामुहिक प्रयास गर्नुुपर्ने आवश्यकता औंल्याउनुुभयो । विजय विकास स्रोत केन्द्र गैडाकोटका अध्यक्ष कृष्णप्रसाद सापकोटाले केन्द्रका तर्फबाट द्वन्द्वोत्तर समाज आइसकेपछि द्वन्द्व पीडितका हक हितका काम गर्ने गरि विभिन्न कार्यक्रम सञ्चालन गरिरहेको जानकारी गराउनुुभयो । केन्द्रले आफ्नै रेडियो सहित विभिन्न आठवटा संस्था मार्फत समाजमा क्रियाशिल बनेको बताउँदै उहाँले सरकार एवम् मानवअधिकार आयोग लगायत संघसंस्थासँग सहकार्य गर्दै अघि बढीरहेको बताउनुुभयो । संयुक्त राष्ट्रंघका महासचिव स्वयम्ले द्वन्द्व पीडितका समस्यालाई साझा चासोको विषयका रुपमा उल्लेख गर्नुुभएको उहाँले बताउनुुभयो । केन्द्रका न्यायका लागि साहस परियोजनाका नर्मदा पाण्डेले यस परियोजना अन्तर्गत गोरखा र नवलपुरमा तीन वर्षदेखि द्वन्द्व पीडितको पहिचान गर्दै उनीहरूलाई जीविकोपार्जनमा सहयोग गर्ने लगायतका काम गरिएको जानकारी गराउनुुभयो । सहस परियोजना तीन मा बर्दीया, नवलपुुर र चितवनमा द्वन्द्व पीडितको व्यक्तिगत विवरण अभिलेखीकरण गरिएको उहाँले बताउनुुभयो । कार्यक्रममा राष्ट्रिय मानव अधिकार आयोग गण्डकी प्रदेश कार्यालयका अधिकृत मोहन काफ्लेले महिला, शान्ति र सुरक्षा सम्बन्धि संयुक्त राष्ट्रसंघ, सुरक्षा परिषद् प्रस्ताव नं १३२५ र १८२० को कार्यान्वयन सम्बन्धि दोस्रो राष्ट्रिय कार्ययोजना सम्बन्धमा जानकारी गराउनुुभएको थियो । कोपला नेपालका विना सिलवाल, समाजिक विकास मन्त्रालय सामाजिक विकास महाशाखा प्रमुख मुना अधिकारी, पोखरा उद्योग वाणिज्य संघका महासचिव शोभा सापकोटा, दुदराज अधिकारी, कल्पना सुवेदी लगायतले द्वन्द्व पीडितलाई सम्बोधन गर्ने गरी नीति बने पनि त्यसको कार्यान्वयन नहुँदा समस्याहरू समाधान हुन नसकेको बताउनुुभयो ।

Breaking News

Samaya Dristi

Best News Site from Nepal

Main Menu