Samaya Dristi

पोखरा १३ वैशाख ।

काठमाडौं उपत्यकामा वैशाख १६ गते विहान ६ बजेदेखि वैशाख २२ गते राति १२ बजेसम्म अत्यावश्यकबाहेकका सेवा बन्द गरिएको छ।

कोरोना भाइरसको संक्रमण तीव्र रुपमा बढेपछि यसको रोकथाम र नियन्त्रणका लागि सो आदेश जारी गरिएको हो। संक्रमण नियन्त्रणका लागि आगामी बिहीबारदेखि काठमाडौं उपत्यकाभित्र सवारी साधन आवतजावतमा पनि रोक लगाइएको छ। सो आदेशमा के बन्द र के खुल्ला भन्ने मापदण्ड पनि बनाइएको छ।

पोखरा

कोरोना संक्रमण बढेपछि वैशाख १५ गतेदेखी सवारीमा जोर विजोर प्रणाली लागु गर्ने हुने भएको छ ।जिल्ला प्रशासन कार्यलय कास्कीले सोमबार साँझ आदेश जारी गर्दै अत्यावश्यक बाहेका काममा बाहिर हिँडडुल नगर्न , सभा सम्मेलन भेला निषेध गरेको छ ।

दैनिक उपभोग्य खाद्यबस्तु बिहान ५ बजेदेखी बेलुकी ८ बजेसम्म स्वास्थ्य मापदण्ड अपनाएर सञ्चालन गर्न सकिने छ भने सिनेमा हल , नाचघर , दोहोरी साँझ , बार , डिस्को,सुनचाँदी पसल , रंगशाला , जिमखाना , सैलुन व्युटी पार्लर टेलरिङ जस्ता क्षेत्र भने खोल्न नपाइने आदेशमा उल्लेख छ ।यस्तै रेष्टुरेण्टहरुमा विहान ८ बजेदेखी बेलुका ८ बजेसम्म टेक अवेको रुपमा सेवा प्रवाह गर्न आदेशमा भनिएको छ ।