फोटो कथा

भाद्र १५ गते २०७७

कृषि उत्सवका रुपमा आलु महोत्सवको तयारी तिब्र

Samaya Dristi 3 years ago

५ चैत,पोखरा । यहि चैत २६ गतेदेखि बैशाख ३ गतेसम्म हेमजामा हुन लागेको ११ औं संस्करणको राष्ट्रिय हेमजा आलु महोत्सवको तयारी तीब्र पारिएको छ । आयोजक विष्णुपादुका क्लवले एक... Read More

फ्यान कास्कीको उद्घोषण तथा कटफ्लावर तालिम

Samaya Dristi 4 years ago

पोखरा ९, बैशाखफ्लोरिकल्चर एशोसिएशन नेपाल फ्यान कास्कीको आयोजनामा शुक्रवारदेखि पोखरामा दुइदिने उद्घोषण तथा कटफ्लावर तालिम सुरु भएको छ । तालिममा ३० जना वढी व्यवसायीको सहभागिता रहेको छ । तालिममा... Read More

पोखरामा स्कुल बस दुर्घटना, घाइते विद्यार्थीहरुको उद्धार हुँदै

Samaya Dristi 2 years ago

पोखरा साउन १४, २०८१ पोखरामा स्कुल बस दुर्घटना भएको छ । पोखरा महानगरपालिका–२१ फुर्सेखोला नजिक स्कुल बस दुर्घटना भएको जिल्ला ट्राफिक कार्यालय कास्कीले जनाएको छ । बस दुर्घटनामा घाइते... Read More

Samaya Dristi 2 years ago

आज बिश्व सिमसार दिवस माघ १९,पोखरा विश्वको पर्यावरण र जलाधार निम्ति सिमसारको भूमिका अत्यन्त महत्त्वपूर्ण मानिन्छ ।समुन्द्रले नछोएको भूपरिवेष्टित देश भए पनि नेपाल जलश्रोतमा सम्पन्न मानिन्छ । हामीसँग नदीनाला,... Read More

आजको खबर

पर्यटकीय गन्तव्यको प्रवर्द्धन र साइकल संस्कृतिको विकासका लागि शनिबार फन राइड हुने

साउन १ ,पोखरा पोखराको स्वच्छ वातावरण, पर्यटन प्रवर्द्धन तथा पोखरामा साइकल संस्कृतिको विकास गर्ने उद्देश्यसहित साइकल सिटी पोखराले हरेक महिनाको पहिलो शनिबार आयोजना गर्दै आएको फन राइड यसपटक करिब ६० किलोमिटर लामो रुटमा भोली २ गते शनिवार सञ्चालन हुने भएको छ। साइकल सिटी पोखराका अध्यक्ष श्यामकृष्ण श्रेष्ठका अनुसार यसपटकको यात्रा पोखराको ट्रेडमलबाट सुरु भई दोभिल्ला–बागमारा–नेपाल आयल निगम गगनगौडा डिपो–रूपाताल–तालबेसी–माझीकुना–बेगनासताल, तालचोक, विजयपुर हुँदै अमरसिंह चोकमा पुगेर फन राइड समापन हुनेछ। अध्यक्ष श्रेष्ठले स्वच्छ वातावरण र पर्यटन भन्ने मूल नारासहित पोखराका विभिन्न पर्यटकीय गन्तव्यलाई जोड्ने तथा ती क्षेत्रको प्रवर्द्धन गर्ने उद्देश्यले हरेक महिनाको पहिलो शनिबार फन राइड आयोजना हुँदै आएको बताउनुभयो। यसपटक प्राकृतिक तथा पर्यटकीय दृष्टिले महत्त्वपूर्ण क्षेत्र समेटिने गरी रुट तय गरिएको उहाँको भनाइ छ। उहाँका अनुसार कार्यक्रमको अर्को प्रमुख उद्देश्य पोखरामा साइकल संस्कृतिको विकास गर्दै दैनिक जीवनमा साइकल प्रयोगलाई प्रोत्साहन गर्नु हो। साइकलको प्रयोग बढेमा पेट्रोलियम पदार्थको खपत घट्नुका साथै वातावरण संरक्षण, स्वास्थ्य प्रवर्द्धन र दिगो यातायात प्रणालीको विकासमा समेत टेवा पुग्ने विश्वास आयोजकको छ। साइकल सिटी पोखराले पोखराका पर्यटकीय गन्तव्यको प्रवर्द्धन, वातावरण संरक्षण तथा स्वस्थ जीवनशैलीलाई प्रोत्साहन गर्ने अभियानलाई निरन्तरता दिँदै हरेक महिनाको पहिलो शनिबार फन राइड आयोजना गर्दै आएको आयोजकले जनाएको छ ।
साउने सक्रान्ती र यसको महिमा

पोखरा साउन १ कर्कट सक्रान्ति अर्थात साउने सक्रान्ती, सुर्यको किरण कर्कट रेखातर्फ उन्मुख हुने अर्थात सूर्यले आजको दिन मिथुन राशिबाट कर्कट राशि परिवर्तन गर्ने हुनाले यसलाई कर्कट सक्रान्ती पनि भनिन्छ। यसै दिन सुर्य नारायणको दक्षिणायन प्रारम्भ हुन्छ । हरेक वर्ष श्रावण महिनाको पहिलो दिनलाई विशेष रुपले मनाइन्छ यस दिनलाई साउने सक्रान्ति तथा लुतो फाल्ने दिनको रुपमा मनाउने गरेको पाइन्छ । वर्षाकालको अन्त्य नागपञ्चमी मानिए पनि यस श्रावण सक्रान्तीको दिन वर्षाको कारण केहि नराम्रो भएन बाँचियो भन्ने भावना राख्दै पवित्र नदीतलाउमा स्नान गरि पाठपुजा समेत गर्ने प्रचलन रहेको पाइन्छ । वर्षा यामको हिलो र अशुद्ध पानीको कारण अनेक प्रकारका रोगहरु जस्तैः लुतो, पिलो, खटिरो, झाडापखाला आदिको महामारी फैलन सक्ने हुँदा आफ्नो व्यक्तिगत सरसफाइलाई विशेष ध्यान दिँदै विभिन्न प्रकारका साँस्कृतिक पुजापाठमा सरीक हुने परम्परालाई निरन्तरता दिइँदै आएको पाइन्छ । पहाडी भिरपाखा, खेतवारी र चउरमा पाईने सर्जामहरु लुतेझार स्युँडी कुरिलो कुकुरडाइनो पानीसरो रायो उखुकापात बाँसकापात धोबिनी पातफुलसहित सिरु सस्र्यु हाडेउनियो मालटाटो निबुवा, सुन्तला आदी जोडि फलभएको साउने आरुको झुप्पो केराकोपात जौ, तिल, कुश दुनामा दिप आदी जम्मा गरि दियो, कलश र गणेशको स्थापना गरि जौ, तिल, चन्दन, अक्षता र फुलले पुजा गरि धुपदिप गरिन्छ र शंख घण्टा बजाएर पूजा गर्ने चलन रहेको छ । यसरी जम्मा पारिएका सर्जामहरुमा काण्डारक नामक राक्षस उपस्थित भएकोमानी जौ, तिल, अक्षता आदी पंचोपचारले पुजा गरिन्छ ।काण्डारक को पुजा गरिसकेपछी बालिएका ४ वटा अगुल्टा घरको चारैदिशा तर्फ फालिन्छ । लुतोलाई जा लुतो लईजा भन्दै वरपरका गाउँहरुको नाम लिइन्छ । पुजा गर्ने ठाउँमा राँका बाल्ने र चौतर्फी सलेदाहरु फ्याकिने हुनाले चारैदिशा उज्यालो र झलमल हुन्छ । राँको शब्दको अर्थ प्रकाश वा पुर्णिमा भएको र यसले लुतोलाई समेत जनाउने हुनाले यसदिनलाई लुतो फाल्ने वा राँके सक्रान्ति भनिएको हो । काण्डारक पुजा सकिए पछी तिउरी लगाउने चलन पनि पाइन्छ । जुन अहिले मेहेन्दीको नाम वाट प्रख्यात छ । अर्कोतर्फ साउन मा नयाँ निस्केका अनाज मकै र फलेका निबुवा, सुन्तला,नासपति जस्ता फलफुलहरु अव उप्रान्त खाँदा हुने भयो भन्ने कुरा पनि हो ।पछिललो समय श्रावण महिनामा शिव भक्तहरुको बिशेष महिना हुने गरेको छ । श्रावण महिनाबारे पौराणिक व्याख्या अनुसार यसै महिनामा समुन्द्र मन्थन भएको हो र त्यसपछि हलाहल विष निस्केको उल्लेख छ । संसारलाई रक्षा गर्नकालागि भगवान् शिव आफैले सो विषको सेवन गरेर हिमालय पर्वतमा गएर रहनुभएको उल्लेख छ । यसरी विष ग्रहण गरेर नीलकण्ठ भएका भगवान् शिव नेपालमा अवस्थित गोसाँईकुण्डमा गएर सुत्नुभएको र विषको असर कम गर्नुभएको उल्लेख छ । यसरी विषको प्रभावमा रहनुभएका शिवलाई यस महिना शिव लिङ्गमा जल तथा बेली पुष्प चढाएमा शिव प्रसन्न हुने मान्यता छ । यो महिना भरका सोमवारमा भक्तजनहरु बिभिन्न शक्तिपिठमा गएर भगवान शिव प्रति श्रद्धा र आस्था प्रकट गर्ने गर्दछन ।
यू १६ छात्र र छात्रा जुनियर ह्यान्डबलमा गुरुकुल र गण्डकी बोर्डिङ च्याम्पियन जुनियर प्रशिक्षकद्वय बस्नेत र श्रेष्ठ सम्मानित

पोखरा । गण्डकी प्रदेश ह्यान्डबल संघको आयोजनामा प्रदेश खेलकुद परिषद् गण्डकीको प्रवर्द्धन तथा कास्की जिल्ला ह्यान्डबल संघको प्राविधिक सहयोगमा आयोजित यू–१६ छात्ररछात्रा जुनियर ह्यान्डबल प्रतियोगिता सोमबार सम्पन्न भएको छ । प्रतियोगिताको छात्रतर्फ गुरुकुल विद्यासदन मावि च्याम्पियन बनेको छ । फाइनल खेलमा गुरुकुलले पोखरा एकेडेमीलाई १२–१० गोल अन्तरले पराजित गर्दै उपाधि जितेको हो । पोखरा लर्नस तेस्रो स्थान हासिल गर्‍यो । त्यस्तै छात्रातर्फ गण्डकी बोर्डिङ स्कुल आवासीय मावि ‘ए’ टिम च्याम्पियन बनेको छ । फाइनल खेलमा गण्डकी बोर्डिङले प्रगति माध्यमिक विद्यालयलाई ३–० गोलले पराजित गर्दै उपाधि हात पारेको हो । तेस्रो स्थानका लागि भएको खेलमा गण्डकी बोर्डिङ ‘बी’ टिमले पोखरा एकेडेमीलाई ७–३ गोल अन्तरले हरायो । प्रतियोगिताका विजेता टोलीले समान २५ हजार रुपैयाँ नगदसहित ट्रफी, मेडल र प्रमाणपत्र प्राप्त गरे । उपविजेता टोलीले १५ हजार तथा तेस्रो स्थान हासिल गर्ने टोलीले १० हजार रुपैयाँ नगदसहित ट्रफी, मेडल र प्रमाणपत्र प्राप्त गरे । व्यक्तिगत विधातर्फ छात्रमा गुरुकुलका दिव्य गुरुङ सर्वाधिक गोलकर्ता घोषित भए । छात्रातर्फ गण्डकी बोर्डिङ स्कुलकी सुस्मिता कुमारी जैसी सर्वाधिक गोलकर्ता बनिन् । उत्कृष्ट गोलरक्षकको उपाधि छात्रतर्फ पोखरा एकेडेमीका अनिक परियार र छात्रातर्फ गुरुकुलकी रबिना चेपाङ ले प्राप्त गरे । उत्कृष्ट खेलाडी छात्रतर्फ प्रगति माध्यमिक विद्यालयकी दिप्ती बानियाँ र पोखरा एकेडेमीका अशेर कुमाल घोषित भए । व्यक्तिगत विधाका उत्कृष्ट खेलाडी, उत्कृष्ट गोलरक्षक तथा सर्वाधिक गोलकर्ताले जनही ३ हजार रुपैयाँ नगदसहित ट्रफी र प्रमाणपत्र प्राप्त गरे । विजेता टोली तथा खेलाडीलाई गण्डकी प्रदेश सरकारका भौतिक पूर्वाधार विकास तथा यातायात मन्त्री गोविन्दबहादुर नेपाली, राष्ट्रिय ओलम्पिक एकेडेमीका अध्यक्ष तेजबहादुर गुरुङ, गण्डकी प्रदेश टेनिस संघका अध्यक्ष विनोद कायस्थ, गण्डकी बोर्डिङ स्कुलका प्राचार्य डा। सुधीर पौडेल, नेपाल बास्केटबल संघका उपाध्यक्ष जुमप्रसाद गुरुङ, कास्की ह्यान्डबल संघका अध्यक्ष चित्रबहादुर थापा, गुरुकुल विद्यासदनका प्राचार्य भुवन सुवेदी, परिषद्का पूर्व सदस्यद्वय अमृत बराल र गिरमान गुरुङ लगायतले नगद, ट्रफी, मेडल तथा प्रमाणपत्र वितरण गरेका थिए । समापन समारोहमा बोल्दै मन्त्री नेपालीले गण्डकी प्रदेश ह्यान्डबल संघले खेलाडी उत्पादनमा खेलेको भूमिकाको प्रशंसा गर्दै प्रदेश सरकार खेलकुद क्षेत्रको विकासका लागि प्रतिबद्ध रहेको बताए ।
पोखरा कौराहा संवाद कार्यक्रम सम्पन्न

पोखरा । नेपाल मगर संघका केन्द्रीय अध्यक्ष रक्षबहादुर रैका मगरले विभिन्न जातजातिले आफ्नो संस्कृतिलाई हाम्रो भनेर दावी गरिरहँदा हामी आफैले पनि आफ्नो संस्कारलाई विर्सिन नहुने बताएका छन् । नेपाल मगर पत्रकार संघ कास्कीको आयोजना तथा राष्ट्रिय मौलिक कौराहा संरक्षण समितिको सहयोजनामा शुक्रबार पोखरामा सम्पन्न भएको मगर मौलिक कौराहा संवाद कार्यक्रममा उनले यस्तो बताएका हुन् । कौराहा मगरको भएको र यसको उत्पति मगर समुदायबाट भएकाले अबको पालोमा राष्ट्रिय तहमा सुचीकृत गर्नु आवश्यक रहेकोमा उनले जोड दिएका छन् । ‘हामीले सुचीकरण नगरेको खण्डमा अन्यले हक जमाउन सक्छन्, तर यो विषयमा सरकारले पनि ध्यान दिएको छैन ।’ उनले भने, ‘यसका लागि हामी र हाम्रो समुदाय आफै एकजुट भएर लाग्नु आजको आवश्यकता हो ।’ आफ्नो संस्कार र संस्कृतिलाई जोगाउन उनले सबैलाई आग्रह गरेका छन् । नेपाल मगर संघका केन्द्रीय भाषिक उपाध्यक्ष हर्क आले मगरले आफ्नो कार्यपत्र प्रस्तुत गर्दै कौराहा नृत्य मगर समुदायको निकै महत्वपूर्ण रहेको बताए । कौराहाको इतिहास कार्यपत्रमार्फत् प्रस्तुत गर्दै उनले आफ्नो संस्कार र संस्कृतिलाई भूल्न नहुने बताएका थिए । कौराहा जिल्ला र स्थान अनुसार फरक भएपनि संस्कार र संस्तृति एउटै भएको उनको भनाई छ । ‘मगर भाषाको शब्द कानराहाबाट कौराहा शब्द बनेको हो ।’ उनले भने, ‘तर कौराहा एउटा सागर हो यसको गरिराई नाप्न सकिन्न र यसको बयान गर्न कुनै शब्द छैन ।’ मगर समुदायको बसोबास बढी भएको स्थानमा यो नृत्य प्रचलित रहेको उनले कार्यक्रममा बताए । कौराहा नाच्ने समय माघेसक्रान्तिदेखि साउने सक्रान्तिसम्म भएको उनको भनाई छ । ‘कौराहा मगर समुदायबाट प्रचलित भएपनि अन्य समुदायले समेत हाल अनुसरण गर्दै गइरहेको छ, यो हाम्रो लागि गर्वको कुरा हो ।’ भाषिक उपाध्यक्ष आले मगरले कार्यक्रममा भने । राष्ट्रिय मौलिक कौराहा संरक्षण समितिका विज्ञ समुहका संयोजक याम बहादुर आलेमगर कुनै पनि समुदायको अस्तित्व मेटाउनका लागि त्यसको संस्कार र संस्कृतिमा हमला गरे मात्रै हुने भएकाले सबै सचेत हुनुपर्नेमा जोड दिए । आफ्नो इतिहास, संस्कार र संस्कृतिको संरक्षणका लागि समुदायगत रुपमा एकजुट भएर लाग्नुको अर्को विकल्प नभएको उनले कार्यक्रममा बताएका छन् । राष्ट्रियस्तरबाट आदिवासी जनजातिमाथि हमला भइरहेको अवस्थामा आफ्नो पहिचान जोगाउनु आजको आवश्यकता भएकोमा उनले कार्यक्रममा जोड । नेपाल मगर पत्रकार संघ कास्कीका अध्यक्ष सुरज थापा मगरको अध्यक्षतामा आयोजित कार्यक्रममा स्वागत राष्ट्रिय मौलिक कौराहा संरक्षण समितिका केन्द्रीय सदस्य गीता रखाली मगरले स्वागत मन्तव्य व्यक्त गरेकी थिइन् । त्यस्तै कार्यक्रमको सञ्चालन संघका सचिव बलबहादुर रोका मगरले गरेका थिए ।

Breaking News

Samaya Dristi

Best News Site from Nepal

Main Menu