फोटो कथा

भाद्र १५ गते २०७७

प्रतीनिधी सभा तथा प्रदेश सभा निर्वाचन झलकहरु

Samaya Dristi 3 years ago

कास्की क्षेत्र नं ३ अन्तरगत हेम्जा गौरिशंकर मतदान केन्द्र अन्तरगत कुल मतदाता संख्या ४ हजार ४३९ र बिष्णुपादुका मतदान केन्द्रमा ३ हजार ५० गरि पोखरा २५ हेम्जाको कुल मतदाता... Read More

आत्रेय गोत्रिय पौडेलको कुलपूजा सम्पन्न

Samaya Dristi 3 years ago

पोखरा, २३ मङ्सिर कास्कीको पोखरा महानगरपालिका वडा नं २५ हेमजा मुल थलो भएका आत्रेय गोत्रिय पौडेलहरूको कूलपूजा धान्य पूर्णिमाको दिन भव्य रुपमा सम्पन्न भएको छ । प्रत्येक तिन वर्षको... Read More

नेपाली लेखक संघको सातौं राष्ट्रिय महाधिवेशनको तयारी पूरा

Samaya Dristi 4 years ago

कमल पौडेल अथकपोखरा १६, चैत्रनेपाली लेखक संघको यही चैत्र १८ र १९ गते पोखरामा हुने सातौं राष्ट्रिय महाधिवेशनको तयारी पूरा भएको छ । अधिवेशन मूल आयोजक समितिले वुधवार पोखरामा... Read More

स्थानिय नेताको खोजी

Samaya Dristi 4 years ago

नेपाल भरी स्थानिय निकायको निर्वाचन हुदैछ । धमाधम निर्वाचन केन्द बन्दैछन । निर्वाचनमा खटिएका कर्मचारी तथा सुरक्षाकर्मीले हिजो र आज लगाएर मतदान केन्द्रको ब्यावस्थापनमा लागि परिरहेका छन । उता... Read More

आजको खबर

पोखरामा फोहोर संकलन सुरु, दुर्गन्ध बढेपछि अबरोध गर्नेलाई कारबाही गर्ने महानगरको चेतावनी

पोखरा १९, फागुन, पोखरामा डेढ महिनादेखि थुप्रिएको फोहोर अन्ततः तेस्रो पटक फेरि उठ्न थालेको छ । पटक–पटक अवरोधका कारण रोकिँदै आएको फोहोर संकलन कार्य सोमबार साझदेखि पुनः सुरु गरिएको हो। मंगलबार बिहानसम्म १ सय ५० गाडी फोहोर उठाइसकिएको महानगरले जनाएको छ । बिहान केही समूहले पुनः अवरोध गर्न खोजेपछि स्थिति नियन्त्रणमा लिएरै भए पनि फोहोर व्यवस्थापन अघि बढाइएको पोखराका मेयर धनराज आचार्यले बताए । उनले भने“फोहोरको दुर्गन्ध फैलिसकेको छ, पानी परिरहेको छ। यस्तो अवस्थामा हैजाजस्ता महामारी फैलन सक्छन्। महानगर चुप लागेर बस्ने कुरा भएन। सहमतिमै अघि बढेको काममा फेरि अवरोध हुनु दुःखद छ।” स्थानीय बासिन्दा र राजनीतिक दलहरूसँग समन्वय गरेर अस्थायी रूपमा व्यवस्थापन थालिएको बताउदै मेयर आचार्यले यो दीर्घकालीन समाधान नभई अस्थायी व्यवस्थापन मात्र भएको उल्लेख गर्दै तर जनस्वास्थ्यको सवालमा महानगर अब पछि नहट्ने जिकिर गरे । मेयर आचार्यले सामाजिक सञ्जालमार्फत पनि कडा चेतावनी दिएका छन्। सहमतिमा अघि बढेको फोहोर विसर्जन कार्यमा अवरोध नगर्न राजनीतिक दलका नेताहरूलाई आग्रह गर्दै अन्यथा प्रचलित कानुनअनुसार कारबाही प्रक्रिया अघि बढाइने उनको स्पष्ट सन्देश छ। डेढ महिनादेखि नियमित फोहोर उठ्न नसक्दा बजार क्षेत्र, मुख्य चोक र सडक किनारामा थुप्रिएको फोहोरबाट दुर्गन्ध फैलिएको छ। गर्मी बढ्दै जाँदा र वर्षा हुन थालेपछि स्वास्थ्य जोखिमसमेत बढेको भन्दै महानगरले फोहोर संकलनलाई प्राथमिकतामा राखेको मेयर आचार्यले जनाए । हाल ३८ वटा फोहोर संकलन गाडी परिचालनमा छन्। बजार क्षेत्रमा करिब १ हजार ५ सय ट्रक बराबर फोहोर थुप्रिएको अनुमान गरिएको छ। महानगरले आज र भोलिसम्म अधिकतम फोहोर उठाइसक्ने लक्ष्य लिएको छ। बजारको फोहोर संकलन गरेसंगै फोहोर गाडीको रुट अनुसार घर घरमा फोहोर संकलन हुने भएको महानगरले जनाएको छ । महानगरले पुनः अपिल गरेको छ, घर तथा व्यवसायबाट निस्कने फोहोर सडक, चोक, बसपार्क, ताल–पोखरी र नदी किनारमा जथाभावी नफाल्न आग्रह गर्दै गाडीको पालो कुर्नु र कुहिने–नकुहिने फोहोर छुट्याएर राख्न आग्रह गरेको हो । फोहोर व्यवस्थापन जस्तो संवेदनशील विषयमा अनावश्यक राजनीति नगर्न र सहकार्य गर्न महानगरको आग्रह छ। यसैबिच, नागरिक समाज पोखराका अगुवा रामबहादुर पौडेल ले फोहोर व्यवस्थापन जस्तो संवेदनशील विषयमा अनावश्यक राजनीतिककरण नगर्न आग्रह गरे । दलहरूको दोहोरो चरित्र लज्जास्पद भएको टिप्पणी गर्दै उनले फोहोरमाथिको दुर्गन्धित राजनीति बन्द गर्न सामाजिक सञ्जाल सन्देश आग्रह गरे ।
रेडक्रसको कविता प्रतियोगितामा दीपशिखा पहिलो

पोखरा, फागुन १६ गते । नेपाल रेडक्रस सोसाइटी, कास्कीको आयोजना तथा सनफ्लावर बोर्डिङ स्कुल, पोखरा–२, अर्चलबोटमा क्रियाशील जुनियर रेडक्रस सर्कलको व्यवस्थापनमा शनिवार पोखरामा जिल्लास्तरीय कविता प्रतियोगिता सम्पन्न भएको छ । जम्मा १३ जनाको सहभागिता रहेको प्रतियोगितामा रिलायन्स पब्लिक स्कुलकी दीपशिखा क्षेत्री प्रथम भएकी छन् । त्यसै गरी ज्ञानसागर एकेडेमीकी रोजिना अधिकारी द्वितीय, सिर्जना आवासीय माविका विवेक सुनार तृतीय तथा छोरेपाटन माविकी श्रवणा दाहाल र होलीमाउन्ड बोर्डिङ स्कुलकी अनुस्का ढकाल सान्त्वना स्थान प्राप्त गर्न सफल भए । प्रतियोगिताका निर्णायकहरूमा कार्यमूलक नेपाली व्याकरण, बोध तथा अभिव्यक्तिका लेखक बाबुराम सुवेदी, साहित्यकार रुपिन्द्र प्रभावी र डिल्लीराम बराल रहेका थिए । जुनियर रेडक्रस सर्कल, सनफ्लावर बोर्डिङ स्कुलकी अध्यक्ष समष्टि पौडेलको अध्यतामा भएको कार्यक्रममको नेपाल रेडक्रस सोसाइटी, कास्कीका निवर्तमान अध्यक्ष डण्डराज शर्माले उद्घाटन गरेका थिए । शर्माले रेडक्रस विपत्को मात्र साथी नभई चेतनाको संवाहक पनि भएको बताए । विद्यार्थीमा अन्तर्निहित प्रतिभा उजागर गर्नका लागि रेडक्रसले विविध गतिविधि सञ्चालन गर्दै आएको भन्दै शर्माले कास्की शाखाको कार्य देशभरकै लागि उदाहरणीय रहेको धारणा राखे । कार्यक्रममा कास्कीका शाखाका उपमन्त्री तथा जुनियर युवा संयोजक डिल्लीराम बरालले रेडक्रसले विद्यार्थीको प्रतिभा उजागर हुने किसिमका विविध कार्यक्रम सञ्चालन गर्दै आएको जानकारी दिए । कार्यक्रममा सनफ्लावर बोर्डिङ स्कुलका निर्देशक दीपक शाहको स्वागतमा भएको कार्यक्रमको सञ्चालन विद्यार्थीहरू अनिसा खनाल र ईशा खत्रीले गरेका थिए ।
साइबर सुरक्षा सम्बन्धीे तालिम सम्पन्न

पोखरा,१२ फागुन । नेपाल पत्रकार महासंघ कास्कीले आयोजना गरेको तिन दिने साइबर सुरक्षा सम्बन्धी तालिम सम्पन्न भएको छ । प्रेस रजिष्ट्रारको कार्यालय गण्डकी प्रदेशको सहयोग तथा क्यान महासंघ कस्कीको प्राविधिक सहयोगमा फागुन १० गते देखि सुरु भएको उक्त तालिम सम्पन्न भएको हो । तालिमको समापन गर्दै नेपाल पत्रकार महासंघका केन्द्रिय अध्यक्ष निर्मला शर्माले पत्रकारहरुलाई लक्षित गरि डिजिटल युगमा साइबर जन्य अपराधका घटना चुनौतीको रुपमा रहेको बताउनु भयो । उहाँले पत्रकार स्वयम् साइबर जन्य अपराधबाट बच्न र आम नागरिकलाई समेत सचेत गराउन तालिमले प्रभावकारी भूमिका खेल्ने बताउनुभयो । नेपाल पत्रकार महासंघ गण्डकी प्रदेशका अध्यक्ष रमेश पौडेल तालिमले पत्रकार स्वयम्लाई डिजिटल प्रविधि मार्फत हुने ठगी र सुरक्षा चुनौतीबाट बच्न टेवा पुग्ने बताउनुभयो ।। सहभागीको तर्फबाट अनुभव सुनाउदै पत्रकार घनश्याम पाण्डे र रोशनी गुरुङले तालिमले साइबर सुरक्षा अपनाउनका लागि तालिम प्रभावकारी भएको बताउनुभयो । आगामी दिनमा प्रयोगात्मक तबरले तालिम सञ्चालन गर्न उहाँहरुले सुझाव समेत दिनु भयो । साइबर सुरक्षा सम्बन्धी सहजिकरण गर्दै साइबर सुरक्षा विज्ञ प्रमोद न्याछ्योंले विभिन्न साइबरजन्य हमलाका उदाहरण दिदै इन्टरनेमका माध्यमबाट हुने ह्याकिङ, डाटा चोरी, भाइरस आक्रमण, अनाधिकृत पहँुच जस्ता जोखिमबाट बच्ने प्रक्रिया र उपायबारे जानकारी दिनुभयो । तिन दिनसम्म सञ्चालन भएको तालिमको सहजिकरण गण्डकी कलेज अफ इन्जिनियरिङ एण्ड साइन्सका उप प्राध्यापक ई।सन्तोष पन्थ, बैकिंङ सम्बन्धी डिजिटल सुरक्षाका बारेमा नबिल बैंक गण्डकी प्रदेश प्रमुख हरि ढकाल, जिल्ला प्रहरी कार्यालय कास्कीका प्रहरी नायव निरिक्षक शीवा थापाले सहजिकरण गर्नु भएको थियो । तालिममा विभिन्न सञ्चारमाध्यममा आवद्घ ७५ जना पत्रकार एवं सञ्चारकर्मीको सहभागिता रहेको छ । नेपाल पत्रकार महासंघ कास्की अध्यक्ष माधवप्रसाद बरालको अध्यक्षतामा सम्पन्न भएको तालिमको सञ्चालन सहसचिब मधु अधिकारीले गर्नुभएको थियो ।
पत्रकारकालागि साइबर सुरक्षा सम्बन्धीे तालिम सुरु

पोखरा,१० फागुन । साइबर सुरक्षा सम्बन्धी तिन दिने तालिम सुरु भएको छ । नेपाल पत्रकार महासंघ कास्कीको आयोजना , प्रेस रजिष्ट्रारको कार्यालय गण्डकी प्रदेशको सहयोग तथा क्यान महासंघ कस्कीको प्राविधिक सहयोगमा कास्कीमा क्रियाशिल पत्रकारहरुका लागि तालिम सञ्चालन गरिएको हो । तालिमको शुभारम्भ गर्दै कास्कीका प्रमुख जिल्ला अधिकारी रुद्रादेवी शर्माले डिजिटल युगमा साइबर अबराध चुनौतीको रुपमा रहेकोले यसबाट बच्न हरेक व्यक्तिलाई साइबर सुरक्षाबारे जानकारी हुन पर्ने बताउनुभयो । सञ्चार माध्यममा आवद्घ पत्रकारहरुलाई लक्षित गरि आयोजना गरिएको तालिमले सञ्चार जगतलाई मात्र नभएर समाज र राज्यसंयन्त्रलाई पनि साइबरजन्य अपराध बाट बच्न तथा डिजिटल सुरक्षा अप्नाउन सहयोग पुग्ने बताउनुभयो । नेपाल पत्रकार महासंघ गण्डकी प्रदेशका अध्यक्ष रमेश पौडेल तालिमले पत्रकार स्वयम्लाई डिजिटल प्रविधि मार्फत हुने ठगी र सुरक्षा चुनौतीबाट बच्न टेवा पुग्ने बताउदै तालिमको शुभकामना दिनुभयो । क्यान महासंघ गण्डकी प्रदेशका अध्यक्ष गुणानिधि पाण्डेले अहिलेको युगमा साइबर सुरक्षा तालिम निकै महत्वपूर्ण भएको बताउदै पत्रकार महासंघ कास्कीलाई तालिम आयोजना गरि आफ्नो संस्थालाई पनि जोडेकोमा खुसी व्यक्त गर्नुभयो । साइबर सुरक्षा सम्बन्धी सहजिकरण गर्दै गण्डकी कलेज अफ इन्जिनियरिङ एण्ड साइन्सका उप प्राध्यापक ई।सन्तोष पन्थले ससाना आफैले अप्नाउन सकिने साबधानी नअप्नाउर्दा धेरै व्यक्ति साइबर अपराधको सिकार हुनु परेको बताउदै डिजिटल सिकारबाट बच्न पहिला आफै सजग हुन पर्ने बताउनुभयो । उहाँले इन्टरनेमका माध्यमबाट हुने ह्याकिङ, डाटा चोरी, भाइरस आक्रमण, अनाधिकृत पहँुच जस्ता जोखिमबाट बच्ने प्रक्रिया र उपायबारे जानकारी दिनुभयो । तालिममा बैकिंङ सम्बन्धी डिजिटल सुरक्षाका बारेमा नबिल बैंक गण्डकी प्रदेश प्रमुख हरि ढकालले सहजिकरण गर्नुभयो । तिन दिन सम्म सञ्चालन हुने तालिममा विभिन्न सञ्चारमाध्यममा आवद्घ ७० जना पत्रकार एवम् सञ्चारकर्मीको सहभागिता रहेको छ । नेपाल पत्रकार महासंघ कास्की अध्यक्ष माधवप्रसाद बरालको अध्यक्षतामा सुरु भएको तालिममा स्वागत उपाध्यक्ष माधवप्रसाद रेग्मी र सञ्चालन सहसचिब मधु अधिकारीले गर्नुभएको थियो ।

Breaking News

Samaya Dristi

Best News Site from Nepal

Main Menu