फोटो कथा

भाद्र १५ गते २०७७

कैलाश सहकारीले सम्मान सहित दर खुवायो (फोटो फिचर)

Samaya Dristi 5 months ago

८ भाद्र,पोखरापोखरा क्षेत्रमा कार्यरत फोटोग्राफरहरुको साझा संस्था कैलाश बचत तथा ऋण सहकारी संस्था लि. ले भर्खरै सम्पन्न भएको अबिधेशन वाट पोखरा फोटोग्राफर संघको नव निर्वाचित कार्य समितिलाई स्वागत तथा... Read More

कस्तो छ पोखरा महानगरपालिकाको नयाँ लोगो ?

समय दृष्टि 3 years ago

पोखरा महानगरपालिकाको नयाँ लोगो तयार भएको छ । महानगरको नयाँ लोगो पोखरा महानगरपालिका वडा नं. १० निवासी रीक गुरुङले निर्माण गरेका हुन् । गुरुङद्वारा तयार भएको लोगोलाई महानगरको २९औं... Read More

पोखरा उद्योग वाणिज्य संघमा प्रजापति (फोटो फिचर)

Samaya Dristi 5 months ago

२७,भाद्र पोखरापोखरा उद्याग वाणिज्य संघ अध्यक्षमा पवनकुमार प्रजापति निर्वाचित भएका छन् । संघको ३४ औं महाधिवेशनबाट पवन प्यानलले पदाधिकारी र सदस्यमा समेत वर्चश्व कायम गरेको छ । अध्यक्षका प्रत्यासी... Read More

पोखरामा यती एयरलाइन्सको विमान दुर्घटना

Samaya Dristi 2 weeks ago

कास्की, ०१ माघ । पोखरामा जहाज दुर्घटना भएको छ । काठमाडौँबाट पोखराका लागि उडेको यति एयरलाइन्सको विमान आइतबार बिहान पोखरा विमानस्थलबाट नजिकै रहेको सेती खोचमा दुर्घटना भएको नेपाल नागरिक... Read More

आजको खबर

कृषिमा दिइने अनुदानको मोडालिटी परिवर्तन गर्न सुझाव

कमल पौडेल अथक पोखरा १०, माघ कृषिमा दिइने अनुदानको मोडालिटी परिवर्तन गरिनु पर्ने एक कार्यक्रमका वक्ताले वताएका छन् । प्रधानमन्त्री कृषि आधुनिकिकरण परियोजना परियोजना इकाई कास्कीद्धारा आयोजित प्रदेशस्तरीय दोश्रो त्रैमासिक तथा अर्धवार्षिक प्रगति समीक्षा कार्यक्रममा वोल्ने वक्ताहरुले सो कुरा वताएका हुन् । प्रदेश कृषि सचिव सहदेवप्रसाद हुमागाइँले बितरण गरिएको वजेट सही काममा उपयोग हुनु पर्ने वताए । उनले कृषकहरु लाभान्वीत हुने कार्यक्रममा वढी भन्दा वढी लगानी गर्नु पर्ने र त्यसले उत्पादन पनि वढ्नु पर्ने तर्क गरे । सो अवसरमा वोल्दै प्रदेश कृषि विकास निर्देशनालय गण्डकीका निमित्त निर्देशक बासुदेब रेग्मीले कृषिमा दिने अनुदान अनुसारको प्रतिफल हात पार्न कठिन भएको वताए । उनले अनुदान छिरलिने तर उत्पादन नहुने र आयात मात्र गर्नु पर्ने अवस्थाको अन्त्य हुनु पर्ने वताए । परियोजना इकाई कार्यालय नवलपरासी पूर्वका कार्यालय प्रमुख विष्णुप्रसाद शर्माको अध्यक्षतामा भएको कार्यक्रममा परियोजना इकाइ खुमलटारका वरिष्ठ कृषि विकास अधिकृत तीर्थकुमार श्रेष्ठ, परियोजनाका कृषि अधिकृत निशा कँडेल, जिल्ला समन्वय समिति कास्कीका प्रमुख नवराज वराल, पोखरा महानगर कृषि तथा पशु शाखा प्रमुख मनोहर कडरिया, कृषि विज्ञ शशी अधिकारी, सामाजिक विज्ञ गोविन्द श्रेष्ठ लगायतले वोलेका थिए ।
पाल्पा–गुल्मी सडकखण्ड दैनिक १२ घण्टा बन्द हुने

पाल्पा , १० माघ । पाल्पा–गुल्मी सडकखण्ड एक महिना दैनिक १२ घण्टा बन्द हुने भएको छ। तानसेनस्थित बर्तुङ–रिडी–तम्घास सडकअन्तर्गत मालमुल–जोर्ते सडकखण्ड चौडा गर्ने काम भइरहेकाले सोमबारदेखि फागुन ९ गतेसम्म दैनिक १२ घण्टा बन्द हुने भएको हो। बिहान ५ देखि ९ बजेसम्म बन्द हुनेछ। यस्तै दिउँसो १२ देखि ४ र बेलुकी ६ देखि राति १० बजेसम्म सडक बन्द हुने सडक डिभिजन कार्यालय पाल्पाका प्रमुख प्रदीपमणि निरौलाले बताए। एक महिनामा तोकिएको सडक चौडा तथा मर्मत कार्य सम्पन्न हुने निरौलाले बताए। ठेकेदारले तोकिएको समयमा काम सम्पन्न गर्नुपर्ने छ। यस सडकखण्ड बन्द हुँदा सवारी साधन वैकल्पिक सडकको रूपमा जोर्ते, लुहुङ हुँदै तानसेनको बतासेडाँडाबाट आवतजावत गर्न सक्छन्।
‘कर्पोरेट स्वास्थ्य जाँच योजना‘मा सहमति

पोखरा, १० माघ । मनिपाल शिक्षण अस्पताल र बतास फाउन्डेसन बिच ‘कर्पोरेट स्वास्थ्य जाँच योजना‘मा सहमति भएको छ । अस्पतालले ल्याएको नयाँ स्वास्थ्य प्याकेज ‘ब्यबसायीक प्रतिष्ठान तथा संघ, संस्था स्वास्थ परिक्षण योजना’मा अस्पताल र बतास फाउन्डेसन बिच सहमति भएको हो । बतास फाउन्डेसनमा कार्यरत कर्मचारीहरुले मणिपाल शिक्षण अस्पतालको स्वास्थ्य सेवामा छुट पाउने छन्। मणिपाल शिक्षण अस्पताल पोखरा र बतास फाउन्डेसनबीच स्वास्थ्य सेवा सुबिधा सम्बन्धी सहमती भएसँगै फाउन्डेसनमा आबद्द कर्मचारीहरुले सो सुविधा पाउने भएका हुन् । मणिपाल शिक्षण अस्पतालको तर्फबाट प्रमुख कार्यकारी अधिकृत अनील ओडुविल र बतास फाउन्डेसनको तर्फबाट मानव संसाधन प्रबन्धक भोला तिमील्सिना बीच सहमति पत्रमा हस्ताक्षर भएको हो । सहमति पत्रमा हस्ताक्षर भए अनुसार अब फाउन्डेसनका कर्मचारीहरुले मणिपालको स्वास्थ्य सेवा लिँदा दर्ता शुल्क लाग्ने छैन। त्यस्तै,संघका सदस्यले मणिपालको साधारण बेडमा २५ प्रतिशत, निःशुल्क डाक्टरी परामर्श,साधारण एमआरआइ र सिटी स्क्यानमा १० प्रतिशत छुट पाउने छन् ।
पौडेलको स्मिृतिमा अक्षयकोष स्थापना

कास्की, १० माघ । नेपाल पत्रकार महासंघ गण्डकी प्रदेश समितिले आफ्ना संस्थापक अध्यक्ष स्वार्गीय त्रिभुवन पौडेलको स्मिृतिमा अक्षयकोष स्थापना गर्ने भएको छ । सोमबार कार्यबहाक अध्यक्ष सोनी शर्माको अध्यक्षतामा बसेको बैठकले आफ्ना संस्थापक अध्यक्ष स्वार्गीय पौडेलको स्मृतिमा अक्षयकोष स्थापना गर्ने निर्णय गरेको पत्रकार महासंघ गण्डकीका महासचिव गोविन्द सुवेदीले जानकारी दिएका हुन् । उनका अनुसार १० लाख रुपैयाँको अक्षयकोष स्थापना गर्ने र हरेक बर्ष स्वर्गीय पौडेलको स्मृतिमा ‘संस्थापक अध्यक्ष त्रिभुवन पौडेल स्मृति पत्रकारिता पुरस्कार’ प्रदान गरिने छ । महासंघ गण्डकीले ५ लाख रुपैयाँ तत्काल कोषमा राख्ने र बाँकी ५ लाख रुपैयाँ प्रदेश अन्तर्गतका जिल्ला शाखा र शुभचिन्तकहरुसंग समन्वय गरे जुटाउने उनले बताए । उक्त कोषबाट ‘त्रिभुवन पौडेल स्मृति पत्रकारिता पुरस्कार’ हरेक वर्ष प्रदेश भरका पत्रकार मध्यबाट एक पत्रकारलाई ९पछि कार्यविधि तय भए अनुसार० प्रदान गरिनेछ । पुरस्कार सम्बन्धि कार्यविधि भने पछि बनाइने महासचिव सुवेदीले बताएका छन् । यसैबिच पत्रकार महासंघ गण्डकीले सोमबार नै स्वर्गीय पत्रकार पौडेलको निवासमा पुगेर श्रद्धाञ्जलीसभा गरेको छ ।

Breaking News

Samaya Dristi

Best News Site from Nepal

Main Menu