श्रावण ३१ गते २०७९

पुम्दिकोटमा दर्शनार्थीको भिड(फोटो फिचर)



साउन,पोखरा
फेवाताल पारी पुम्दीकोटमा विशाल शिवमूर्ति देखिन्छ। पुम्दीकोटमा शिवमूर्ति प्रतिस्थापन गरेपछि पोखरामा धार्मिक पर्यटनको नयाँ गन्तव्य बनेको छ । पुम्दिकोटमा ५२ फिट अग्लो शिव मूर्ति मुख्य आकर्षणका रुपमा रहेको छ । समुन्द्र सतहदेखी करिव १५०० सय मिटरको उचाईको पुम्दीकोटमा बिशाल महादेवको मुर्ति स्थापना गरेदेखी नै पोखरा क्षेत्र तथा गण्डकी प्रदेशकै उत्कृष्ट पर्यटकिय गन्तब्य को रुपमा विकास भैरहेको छ ।

प्रत्येक दिन आन्तरिक पर्यटक तथा बाह्य पर्यटकको घुँइचो नै लागीरहेको हुन्छ यस ठाउँमा । यहिले को समय साउन महिना भएकोले त झनै धार्मिक पर्यटकहरुको चाप बढेको पाइएको छ । प्रत्येक सोमवार धर्माबलम्वीहरुको घुँइचो लाग्ने गरेको छ । पुम्दीकोटबाट पोखरा उपत्यका, छिमेकी जिल्लासहितका विभिन्न भूभाग, हिमशृङ्खला अवलोकन गर्न सकिन्छ ।

मूर्ति स्थापनाभन्दा यसअघि नै त्यहाँ भ्यूटावर समेत भएकाले मानिसहरुको आवतजावत भइरहने स्थान भएपनि हाल महादेवको मूर्ति निर्माणसँगै धार्मीक पर्यटकको आवतजावत बढ्दै गइरहेको छ । पुम्दीकोट पोखराको छोरेपाटनबाट करिव ९ किलोमिटर दुरीमा रहेको छ ।


स्थानीयका अनुसार महादेव मूर्ति स्थापनासँगै आम्दानीमा वृद्धि भएको बताए । सुनसानप्रायः हुने गरेको पुम्दीकोटमा महादेव मूर्तिले कायापलट गरेको बताएका छन् । अहिले प्रशस्त होटल, रेस्टुरेन्ट बन्ने क्रममा छन्  र स्थानीय उत्पादन गाउँमै खपत हुने गरेको छ, युवाहरु ‘व्यवसाय सुरु गर्न लालायित भएको पाइएको छ ।