बाढिले पुरिएको मनाङ सदरमुकाम चामे बजार

असाेज १५ गते २०८३

बाढिले पुरिएको मनाङ सदरमुकाम चामे बजार

गत आईतवार बेलुकी ४ः३० बजे लमजुङ हिमालको काँखबाट मनाङ चामेस्थित घट्टेखोलामा लेदोसहित आएको बढिले पुरिएका चामेगाउँपालिका ४ नयाँ बजार र आसपासका बस्ति ।
तस्बिरः नवीन लामिछाने ,मनाङ

बेगनास तालमा ड्रागन बोटरेस हुँदै

Samaya Dristi 3 years ago

पोखरा यहि चैत ११ र १२ गते बेगनास तालमा ड्रागन बोटरेस प्रतियोगिता आयोजना गरिएको हो । बेगनासतालको मन्दरेपार्क डुंगाघाटमा प्रतियोगिता सञ्चालन हुनेछ । ५ सय मिटर र २ सय... Read More

वैदेशिक रोजगार मञ्च लाहाचोकद्वारा सहयोग

Samaya Dristi 3 years ago

११ माघ, पोखरा वैदेशिक रोजगार मञ्च लाहाचोकको विशेष पहलमा विद्यार्थीदेखि, विभिन्न दुर्घटनाका घाइते र मुटु रोगीलाई एकैसाथ सहयोग हस्तान्तरण गरिएको छ ।मञ्चका सभापति राजु क्षत्री अपुरोको संयोजनमा गठित विभिन्न... Read More

रेनेसाँ थियटर नेपालको गठन,दर्ता र कार्ययोजना सार्वजनिक

Samaya Dristi 4 years ago

रेनेसाँ थियटर नेपाल दर्ता भए संगै आफ्नो बार्षिक कार्ययोजनाहरु सार्वजनिक गरेको छ । कोभिड १९का कारण शिथिल बनेको तत्कालिन पोखरेली रंगमञ्च पुनर्जागरण गर्ने उद्देश्यले पोखरामा रहेर स्वतन्त्र रंगकर्म गरिरहेका... Read More

मन्त्री थापाद्वारा सुविधास्वरुप प्राप्त सवारी फिर्ता

Samaya Dristi 4 years ago

२४ असोज,पोखरागण्डकी प्रदेश सरकारका कानून,संचार तथा प्रदेश सभा मामिला मन्त्री विन्दु कुमार थापाले आफुले प्रयोग गर्दै आएको सवारी सुविधा फिर्ता गरेका छन् । आगामी मंसिर ४ गते हुने प्रतिनिधि... Read More

आजको खबर

बाढिले पुरिएको मनाङ सदरमुकाम चामे बजार

गत आईतवार बेलुकी ४ः३० बजे लमजुङ हिमालको काँखबाट मनाङ चामेस्थित घट्टेखोलामा लेदोसहित आएको बढिले पुरिएका चामेगाउँपालिका ४ नयाँ बजार र आसपासका बस्ति । तस्बिरः नवीन लामिछाने ,मनाङ
मुख्यमन्त्री पाण्डे बाढी, पहिरो प्रभावित क्षेत्र मनाङमा

असोज १४ ,मनाङ गण्डकी प्रदेशका मुख्यमन्त्री सुरेन्द्रराज पाण्डेले आज बाढीपहिरोबाट प्रभावित मनाङ जिल्लाको स्थलगत निरीक्षण गरी प्रभावित नागरिकको अवस्था, क्षति र तत्काल गर्नुपर्ने कामबारे जानकारी लिनुभएको छ । निरीक्षणका क्रममा चामे पुग्नुभएका मुख्यमन्त्री पाण्डेले स्थानीय तहका जनप्रतिनिधि, जिल्ला सुरक्षा समिति तथा प्रदेश मातहतका कार्यालयका प्रमुखहरूसँग छलफल गर्दै बाढीपहिरोका कारण अवरुद्ध सडक, पुल, खानेपानी तथा अन्य पूर्वाधार शीघ्र सञ्चालनमा ल्याउने र प्रभावित नागरिकको जनजीवन सामान्य बनाउन आवश्यक कार्य तत्काल अघि बढाउने विषयमा छलफल गर्नुभएको हो । केही दिन अघि ठाडो खोलामा आएको पहिरोले मस्याङ्दी नदी थुनिएपछि स्थानीय त्रसित थिए । उक्त ठाउँको पनि मुख्यमन्त्री पाण्डेले स्थलगत अवलोकन गर्नुभएको छ । अहिले पानी बगिरहेकाले जोखिम कम देखिएको भएपनि खोलाघरमा थुप्रिएको ग्राबेल र ठुला ढुङ्गका कारण घरहरु जोखिममा परेको छ भने पक्की पुल पुरिएको छ । खोलाघर खोल्ने प्रयास भईरहेको मुख्यमन्त्री पाण्डेले बताउनुभयो । स्थानीयसँग प्रत्यक्ष भेट गरी उनीहरूका समस्या, आवश्यकता र सुनेपछि मुख्यमन्त्री पाण्डेले स्थानीयले सडक तथा यातायात सञ्चालन, खानेपानी, खाद्यान्न, आवास तथा क्षतिग्रस्त पूर्वाधार पुनर्निर्माणलगायत विषयमा समस्या र माग राखेका थिए । स्थानीय तह र प्रदेश सरकारको स्रोत तथा क्षमताले तत्काल गर्न सकिने अत्यावश्यक कामलाई प्राथमिकताका साथ अघि बढाउने र प्रदेशको स्रोतबाट सम्भव नहुने ठूला तथा दीर्घकालीन कामका लागि संघीय सरकारसँग समन्वय गरिने मुख्यमन्त्री पाण्डेले बताउनुभयो । ‘अहिलेको प्राथमिकता प्रभावित नागरिकको जीवन सहज बनाउने, अवरुद्ध सडक तथा पूर्वाधार सञ्चालन गर्ने र आवश्यक राहत तथा पुनःस्थापनाको व्यवस्था गर्ने हो’ मुख्यमन्त्री पाण्डेले भन्नुभयो, ‘प्रदेश, स्थानीय तह, सुरक्षा निकाय र सम्बन्धित कार्यालयबीच समन्वय गरेर तत्काल गर्न सकिने काम अघि बढाउँछौँ र थप आवश्यक सहयोगका लागि संघ सरकारसँग समन्वय गर्छौँ ।’ चाडपर्वको समय पनि नजिक रहेकाले स्थानीयको दैनिकी सहज बनाउन तत्काल गर्नुपर्ने कामलाई पहिलो प्राथमिकतामा राखिएको उहाँले बताउनुभयो । बाढीपहिरोबाट भएको क्षतिको स्थलगत अवस्थाबारे जानकारी लिँदै मुख्यमन्त्री पाण्डेले विपद्को समयमा उद्धार, राहत, उपचार तथा पुनःस्थापनासँगै क्षतिग्रस्त संरचनाको पुनर्निर्माणलाई समेत प्राथमिकतामा राखेर प्रदेश सरकार अघि बढिरहेको बताउनुभयो । यसअघि मंगलवार मुख्यमन्त्री पाण्डे बागलुङ, म्याग्दी, पर्वत जिल्लाको बाढी पहिरो प्रभावित क्षेत्रको अवलोकन गर्नुभएको थियो ।
हरिबहादुर पहारीका हालसाबिकका दुःख अब पुस्तकमा

इञ्जिनियर हरिबहादुर पहारीले आफ्नो जग्गा हालसाबिक गर्दा पाएका दुःखलाई लिपिबद्ध गरेर हालसाबिक कृति नै प्रकाशित गरेका छन् । पहारी कुल संरक्षण समितिको आयोजनामा शनिवार सम्पन्न लोकार्पण समारोहकाबीच कार्यक्रममा प्रमुख अतिथि स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलालगायतका अतिथिहरूले कृतिको संयुक्त रूपमा लोकार्पण गरे । प्रमुख अतिथि बास्तोलाले हालसाबिक कृति सम्भ्रान्तहरूको बसोबास रहेको सहर पोखरामा यहाँका केही खराब प्रवृत्तिधारी कर्मचारी, जनप्रतिनिधि, शैक्षिक संस्था सञ्चालक र संघसंस्थाका प्रतिनिधिले दिएको पीडाको दस्तावेज हो भने । उनले थपे ‘विकृति र विसङ्गति सहेर बस्ने नभई त्यसलाई लिपिबद्ध गर्न सकियो भनेमात्र त्यसले समाजमा चेतना जगाउने हुँदा चेतनाको दीप जलाउन हरिबहादुर पहारी जस्ता जुझारु युवाको खाँचो छ ।’ पुतलीबजार प्रज्ञा–प्रतिष्ठानका उपकुलपति दुर्गाबहादुर शाह बाबाले देशका केही खराब प्रवृत्तिधारी व्यक्तिका कारण इमान्दार राष्ट्रसेवक, कर्मचारी र जनप्रतिनिधिलाई अप्ठ्यारो पर्ने गरेको बताए । उनले थपे, ‘जब कर्मचारीले कमजोरी गर्दैन तब उसले कसैको चर्को स्वर सुन्नै पर्दैन किनकि, म पनि राष्ट्र बैंकको उपनिर्देशकबाट अवकाश प्राप्त कर्मचारी हुँ तर जागिरे जीवनमा कमजोरी नगरेकै कारण आज शिर उचो गरेर हिँड्न पाएको छु ।’ कृति समीक्षा गर्र्दै अन्तर्राष्ट्रिय नेपाली साहित्य समाज गण्डकीका महासचिव असफल गौतमले हालसाविक कृति पोखरा जस्तो सहरमा सुशासन, न्याय र बौद्धिक चिन्तन हराएको चित्रका रूपमा बजारमा आएको बताए । उनले देशका कार्यपालिका, व्यवस्थापिका र न्यायापालिकाको वेथितिको विद्रप रूप जस्ताको तस्तै पाठकमाझ ल्याएको भन्दै कृतिकारप्रति कृतज्ञता ज्ञापन गरे । पोखरा पर्यटन परिषद्का अध्यक्ष हरिबहादुर भुजेलले पहारीको हालसाबिकले कास्कीको आवाज मात्र नबोलेर हाम्रा केही खराब प्रवृत्तिको चित्रण गरेको बताए । उनले थपे, ‘क्रान्तिको अनुपम नमुना कलम र कुची भएकाले हरिबहादुरको पुस्तकले अर्थ बोकेर आएको छ ।’ टे«किङ्ग एजेन्सी एशोसिएसन अफ् नेपाल (टान) गण्डकीका अध्यक्ष कृष्ण आचार्यले टे«किङ्ग व्यवसायमै संलग्न हरिजस्ता युवालाई संरक्षण गर्नु टानको पनि दायित्व रहेको बताउँदै विकृति विसङगतिलाई देखेर पनि आवाज उठाउन नसकेका बेला हरि पहारीले गरेको साहस प्रशंसा योग्य छ भने । पहारी कुल संरक्षण समितिका सल्लाहकार गोविन्दराज पहारीले राज्यका केही कर्मचारीको कमजोरीले कृति जन्मेको बताए । उनले प्रविधिमा लीन भएर पठन परम्परालाई बिर्सन नहुनेमा जोड दिँदै आफूले हालसाबिक कृति तीन पटक पढेको बताए । पोखरा–६, बैदाम महिला सञ्जालकी अध्यक्ष बबिता मल्लले हरिबहादुरजीले आफूले भोग्नु परेको यथार्थलाई कृतिका रूपमा प्रकाशित गरेको भन्दै सबैले यसरी नै खबरदारी गर्न आवश्यक रहेको धारणा राखिन् । कृतिका लेखक हरिबहादुर पहारीले जापानमा इन्जिनियरिङ्ग पूरा गरेर योग्यतानुसारको सेवा सुविधा पाउँदा पाउँदै आफ्नै जन्मभूमिमा केही गरौँ भनेर आएपछि जग्गा हालसाबिक गर्ने क्रममा ५०७ दिनसम्म अनाहकमा भोग्न परेको पीडा अरूलाई नपरोस् भन्ने सन्देश फैलाउन उक्त सङ्घर्षलाई तथ्य र प्रमाणसहित लिपिबद्ध गरेको बताए । पहारी कुल संरक्षण समितिका अध्यक्ष जगत्बहादुर पहारीले हरिले सन्देशमूलक कृति प्रकाशित गरेर पहारी वंशमा सचेतना जगाउने काम गरेको बताउँदै यस्ता योग्य प्रतिभालाई देशमै राख्नका लागि प्रेरित गर्न समिति निरन्तर लागिरहने धारणा राखे । अधिवक्ता प्रमिला आचार्य शर्माले हरिबहादुर पहारी पछिल्लो पुस्ताका लागि एउटा प्रेरणाको स्रोत भएको धारणा राखिन् ।
मंसिर दोस्रो साता तनहुँमा गुञ्जदै नेपथ्य

तनहुँ चर्चित सांगीतिक ब्याण्ड नेपथ्य तनहुँमा गुञ्जने भएको छ । मंसिर १२ गते तनहुँको शुक्लागण्डकीमा नेपथ्यको कन्सर्ट हुन लागेको हो ।। लायन्स क्लब अफ शुक्लागण्डकीको आयोजनामा ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ हुदैछ । भानुभक्त बहुमुखी क्याम्पस बेलचौताराको खेलमैदानमा नेपथ्य गुञ्जनेछ । सोमबार पत्रकार सम्मेलन आयोजना गरेर कार्यक्रमबारे जानकारी गराउदै आयोजकले शुक्लागण्डकीको भूमीमा ऐतिहासिक सांगीतिक क्षण बन्ने दाबी गरेको छ । सो अवसरमा प्रचारप्रसारका लागि ‘गण्डकीको सुस्केरामा नेपथ्यको धुनः नेपथ्य लाइभ इन शुक्लागण्डकी’ कार्यक्रमको टिसर्ट सार्वजनिक गरियो । लायन्स इन्टरनेशनलको ‘पढाउ’ अभियान अन्तर्गत शिक्षा क्षेत्रमा सहयोग पु¥याउने उदेश्यले सांगतिक कार्यक्रम आयोजना गरेको कार्यक्रम संयोजक खुमबहादुर विक ‘राजु’ ले बताए । विकका अनुसार, ‘कन्सर्टमा १० हजार बढी संगीतप्रेमीहरु झुम्नेछन्, नेपथ्य को स्वरमा स्वर मिसाउदैं छमछमी नाच्नेछन् ।’ एक करोड रुपैयाँ बराबरको कारोबार हुने उनले जानकारी दिए । ‘बचत रकम लायन्स क्लब इन्टरनेशनल ३२५ एमको मूल मन्त्र ‘पढाउ’ अभियानलाई सार्थक बनाउन शिक्षा क्षेत्रको विकासमा खर्च गरिनेछ’, उनले भने । बचत रकमले विपन्न वर्गका विद्यार्थीहरूलाई छात्रवृत्ति, शैक्षिक सामग्री र पोसाक वितरण गर्ने लक्ष्य रहेको उल्लेख गरिएको छ । ‘हामी संगीतको माध्यमबाट विद्यार्थी तथा युवापुस्तालाई सकारात्मक र सिर्जनात्मक गतिविधिसँग जोड्न चाहान्छौं’, कार्यक्रम संयोजक विकले भने, ‘ संगीतको धुनमार्फत सामाजिक एकता र सद्भावलाई प्रवद्र्धन गर्ने, शुक्लागण्डकीलाई सांगीतिक गन्तव्यको रूपमा स्थापित गर्नेछौं ।’ स्थानीय व्यवसाय, पर्यटन क्षेत्रलाई चलायमान बनाउन सहयोग गर्ने तथा लायन्स क्लबको सामाजिक सेवामुखी अभियानलाई थप प्रभावकारी बनाउने उदेश्य राखिएको उनले बताए । संगीत केवल मनोरञ्जनको माध्यम मात्र नभई समाजलाई जोड्ने, सकारात्मक सन्देश प्रवाह गर्ने र सामाजिक अभियानलाई उकास्ने एक प्रभावकारी माध्यम भएको उनले सुनाए । त्यही माध्यमले तनहुँसहित कास्की, स्याङ्जा, लमजुङ, गोरखा, पाल्पा र आसपासका तमाम संगीतप्रेमी, विद्यार्थी, युवा, व्यवसायी, उद्यमी, पेसाकर्मी तथा सर्वसाधारणलाई एउटै सांगीतिक मञ्चमा जोड्ने संयोजक विकले दाबी गरे । पत्रकार सम्मेलनमा बोल्दै शुक्लागण्डकी नगरपालिकाका प्रमुख कृष्णराज पण्डितले कार्यक्रमले संगीतप्रेमीको मन जोड्न भूमिका खेल्ने बताए । ‘स्थानीय तहको हैसियतमा गर्नूपर्ने सहयोग गर्नेछौं । अहिलेका युवासँग संगीतमा मात्रै होइन विकास निर्माणमा पनि हातेमालो गरेर अगाडि बढ्नेछौं’, उनको भनाइ थियो । युवाहरु नविन सोंचका साथ अगाडि बढिरहेको उनले बताए । भिमाद नगरपालिकाका प्रमुख दधिराज सुवेदीले कार्यक्रम आयोजनापूर्व नै बचत रकम शिक्षा क्षेत्रमा लगानी गर्ने उद्घोषले सकरात्मक सन्देश प्रवाह गरेको बताए । म्याग्दे गाउँपालिका अध्यक्ष श्रीप्रसाद श्रेष्ठले संगीत क्षेत्रका अग्रज र उदयमानलाई कार्यक्रमले उत्साह थप्ने बताए । लायन्स क्लब अफ शुक्लागण्डकीका अध्यक्ष देवेन्द्रबहादुर ढुंगानाले आफूहरुले ऐतिहासिक क्षणको तारतम्य मिलाउने प्रयास मात्रै गरेको बताए । ‘अब यो कार्यक्रमलाई अझ धेरै ऐतिहासिक र भव्य तरिकाले सम्पन्न गराउने जिम्मेवारी तपाईंहरुलाई नै सुम्पिएका छौं’, उनले भने, ‘हामीलाई आशा छ, जसरी आज यहाँहरुले उत्साहपूर्ण साथ दिनुभएको छ त्यसरी नै कार्यक्रम सम्पन्नपश्चात पनि साथ पाउनेछौं ।’ आगामी बर्षहरुमा पनि यस्तै ऐतिहासिक क्षणको साक्षी बस्ने वातावरण मिलाउने प्रतिबद्धता जनाए । पत्रकार सम्मेलनमा शुक्लागण्डकी नगरपालिका–५ का वडाध्यक्ष दीर्घबहादुर थापा, क्लबका सचिव सुरेश पौडेल, प्रचारप्रसार संयोजक शंकर पन्त लगायतले बोलेका थिए ।

Breaking News

Samaya Dristi

Best News Site from Nepal

Main Menu