खुल्दै छ मौसम

असाेज १९ गते २०८२

खुल्दै छ मौसम

पोखरादेखी उत्तरी क्षेत्रमा पर्ने भुर्जुङखोला देखी आज देखिएको माछापुच्छ«े हिमाल
तस्विरः धन तामाङ

बिश्वका पुजीबादी एक होउ

Samaya Dristi 2 years ago

चे ग्वेवरा सायद बामपन्थी बिचार बोक्ने अधिकांस बिद्धवत वर्गलाई थाहा भएको नाम हो । तर नेपाली समाजमा सशस्त्र कान्ति र माक्र्सबाद मिसाएर हेर्नेहरुले उनलाई आइकन मान्दछन । अर्जेन्टिनामा जन्मेको... Read More

अग्नीपिडितलाई फोटोग्राफरहरुकोे सहयोग

Samaya Dristi 2 years ago

२ असार , पोखरा फोटोग्राफर संघ गण्डकी को पहलमा स्याङ्गजाको भिरकोट नगरपालिका बयरघारी मा भएको आगालागी वाट पूर्ण रुपमा क्षति भएको फोटो पसल झरना फोटो का संचालक राजेश पौडेल... Read More

रास्वपाले आज बालुवाटारमा विरोध प्रदर्शन गर्दै

Samaya Dristi 1 year ago

कार्तिक, १३ पोखरा। राष्ट्रिय स्वतन्त्र पार्टी (रास्वपा)ले आज बालुवाटारमा विरोध प्रदर्शन गर्दैछ । पार्टी सभापति रवि लामिछाने सहकारी ठगीमा पक्राउ परेपछि आन्दोलनरत रास्वपाले आजको विरोध प्रदर्शन बालुवाटारमा आयोजना गरेको... Read More

अर्को पार्टी बनाएर माधव नेपालले गल्ती गर्नुभयोस् युवराज ज्ञवाली

Samaya Dristi 4 years ago

सुर्खेत,१५ भदौ । नेकपा एमालेका उपाध्यक्ष युवराज ज्ञवालीले एउटै विचारमा चल्ने गरी अर्को पार्टी दर्ता गरेर माधवकुमार नेपालले गल्ती गरेको बताएका छन्। ष्लखयतभअजप्रदेशका कार्यक्रममा भाग लिन कर्णाली प्रदेशमा आएका... Read More

आजको खबर

पोखराका अग्रज पर्यटन व्यवसायी वसन्तराज दवाडीको निधन

मंसिर १,पोखरा पोखराका अग्रज पर्यटन व्यवसायी वसन्तराज दवाडीको निधन भएको छ । गएराति आफ्नै निवास पोखरा–५, मालेपाटनमा उनको हृदयघातका कारण निधन भएको हो । ५७ वर्षीय दवाडीलाई एक्कासि हृदयघात भएपछि अस्पताल लगिएकोमा चिकित्सकले मृत घोषित गरेका थिए । उनको पार्थीव शरीर कास्कीको माछापुच्छ्रे गाउँपालिका वडा ३, घाचोक पुर्‍याइएको पत्रकार कृष्ण दवाडीले जानकारी दिए । पोखराको साहसिक पर्यटनको विकास होस् वा गाउँमा महिला दिदीबहिनीको आयआर्जनका लागि उनको महत्वपूर्ण योगदान रहेको नेपाल हवाई खेलकुद संस्था ९ना० का पूर्व अध्यक्ष कृष्ण भण्डारी स्मरण गर्छन् । ‘उहाँको निधनको खबरले स्तब्ध भएँ,’ भण्डारीले भने, ‘पोखराको साहसिक पर्यटन व्यवसाय तथा सामाजिक संघसंस्था खोल्न, सीप सिकाउनेलगायत समग्र सामाजिक कार्यमा उहाँको ठूलो योगदान छ । पोखराले एकजना अग्रज पर्यटन व्यवसायीलाई गुमाउन पुग्यो ।’ टान गण्डकीका पूर्व अध्यक्ष एवं पोखरा पर्यटन परिषद्का प्रथम उपाध्यक्ष हरि भुजेल पोखराको पर्यटन क्षेत्रको विकास, ट्रेकिङ व्यवसायको समृद्धि तथा संस्थाको उन्नतिमा उनको योगदान सदैव स्मरणीय रहने उल्लेख गरेका छन् । उनी लेख्छन्, ‘उहाँ ९स्व। दवाडी० को समर्पण, नेतृत्व र प्रेरणादायी व्यक्तित्वले टान गण्डकी मात्र होइन, सम्पूर्ण पर्यटन समुदायलाई गहिरो प्रभाव पारेको थियो । उहाँको असामयिक निधनले पर्यटन क्षेत्रले एक अग्रज, अभिभावक तथा मार्गदर्शक गुमाएको छ ।’ टान गण्डकीका पूर्व अध्यक्ष दवाडी पछिल्लो समय नेपाल प्याराग्लाइडिङ संघ तथा ह्याण्डग्लाइडिङ संघ नेफा गण्डकी प्रदेश अध्यक्ष थिए । यसबाहेक उनी विभिन्न संघसंस्थामा रही सेवा गरेका थिए । नेपालको पर्यटन तथा नेपाली सहासिक खेलकुद विकासको अग्रणी व्यक्तित्वको रुपमा पहिचान बनाएका दवाडी पोखरा पर्यटन परिषद तथा ना का पूर्व उपाध्यक्ष समेत हुन् । उनी प्रदेश खेलकुद परिषद गण्डकीका सदस्य भई ४ वर्षसम्म सेवा गरेका थिए । नेपालका लागि स्वीट्जरल्याण्डको अवैतनिक राजदूत रहेर कार्य गरेका उनले आफ्नो गाउँ घाचोकमा आमा स्मृति प्रतिष्ठान खोलेका थिए । जहाँ हाल ज्येष्ठ नागरिक दिवा सेवा केन्द्र संचालित छ । महिला दिदीबहिनीहरुलाई स्वरोजगार बनाउन सिप सिकाउनेदेखि लिएर गरीब तथा विपन्न वर्गका छात्राहरुलाई निःशुल्क शिक्षाको समेत प्रबन्ध मिलाएका थिए । उनको पोखरा र घाचोकमा होटल व्यवसाय छ । माछापुच्छ्रे गाउँपालिकामा समेत प्याराग्लाइडिङ केन्द्रको रुपमा स्थापित गर्न अघिल्लो वर्ष उनकै सक्रियतामा प्याराग्लाइडिङको सफल परीक्षण उडान भएको थियो। उनका श्रीमती, एक छोरा र एक छोरी छन् ।
एक्यान कास्कीको शपथ तथा सामाजिक सुरक्षा कोष अन्तरक्रिया

पोखरा,३० कास्की । नेपाल चार्टर्ड एकाउन्टेन्ट्स संघ ९एक्यान० कास्कीको नवनिर्वाचित कार्यसमितिका शपथ कार्यक्रम सम्पन्न भएको छ । यसैगरी एक्यानले सामाजिक सुरक्षा कोषसँगको सहकार्यमा सामाजिक सुरक्षा कार्यक्रमका बारेमा आफ्ना सदस्यहरुकाबीचमा छलफल तथा अन्तरक्रिया गरेको छ । पोखरामा आज आयोजित एक कार्यक्रमकाबीच एक्यानका केन्द्रीय अध्यक्ष अनुप नेपाल, उपाध्यक्ष अनिल लामिछाने र महासचिव प्रदीप अर्यालले कास्की शाखाको नवगठित कार्यसमितिलाई शपथ गराउनुभयो । एक्यान कास्कीको हालै सम्पन्न अधिवेशनले अध्यक्षमा दीपक भुर्तेलको अध्यक्षतामा नौ सदस्सीय समिति सर्वसम्मत गरेको थियो । यसैगरी उपाध्यक्षमा सागर आचार्य, सचिव प्रकाश पौडेल र कोषाध्यक्ष सरोज पराजुली रहनुभएको छ । यसैगरी सदस्यहरुमा आशिस विक्रम शाही, दीपक पाण्डे, सिमा रिजाल, श्रीकृष्ण रेग्मी र सुरज बस्नेत रहनुभएको छ । नवनिर्वाचित अध्यक्ष भुर्तेलले लेखापरीक्षण व्यवसायलाई राम्रो बनाउनका लागि यस क्षेत्रमा काम गर्ने सबै मिल्नुपर्ने र आफूले त्यसका लागि पहल गर्ने प्रतिवद्धता जनाउनुभयो । उहाँले भन्नुभयो,“लेखा व्यवसायमा काम गर्ने सबै मिलेर मात्र लेखा क्षेत्र अब्बल बनाउन सकिन्छ । त्यसका लागि मेरो टिमले काम गर्नेछ ।” एक्यानका केन्द्रीय अध्यक्ष अनुप नेपालले केन्द्रमा मात्र नभई प्रदेश र जिल्ला जिल्लामा एक्यानका गतिविधिलाई सक्रिय बनाउने बताउनुभयो । “संस्थाको हितमा लाग्ने छौँ । अझ राम्रो र दरिलो संस्था बनाउने योजना छ ।” नेपालले भन्नुभयो । सामाजिक सुरक्षा कोषका कार्यकारी निर्देशक कविराज अधिकारीले सामाजिक सुरक्षा कोषमा आवद्ध हुनका लागि सबै रोजगारदाताहरुलाई प्रोत्साहित गर्न एक्यानका सदस्यहरुको समेत भूमिका हुने बताउनुभयो । उहाँले सामाजिक सुरक्षा कोषको फाइदाका बारेमा रोजगारदाता र श्रमिकलाई बुझाउनुपर्नेमा जोड दिनुभयो । अधिकारीले भन्नुभयो,“सामाजिक सुरक्षा कोष योजना सुरुआतसँगै स्वास्थ्य उपचार सेवा सस्ता भएको छ । उद्योग प्रतिष्ठानहरुमा बन्द, हड्ताल रोकिएका छन् । यसबाट श्रमिकलाई मात्र होइन, रोजगारदाताहरु समेत लाभान्वित भएका छन् ।” पोखरा उद्योग वाणिज्य संघका अध्यक्ष गोकर्ण कार्कीले सामाजिक सुरक्षा कोष कार्यक्रम राम्रो रहेपनि व्यावसायिक प्रतिष्ठान र उद्योगहरुमा पूर्ण कार्यान्वयनमा आउन नसकेको बताउनुभयो । सामाजिक सुरक्षा कोषका सह निर्देशक महेश घिमिरेले आगामी दिनमा कोषमा आवद्धतभएपछि मात्र व्यक्तिगत तथा साझेदारी फर्मले करचुक्ता निकाल्ने सक्ने गरी प्रभावकारी बनाउन लागिएको जानकारी दिनुभयो । कार्यक्रममा एक्यान गण्डकीका पूर्वप्रदेश प्रमुख सागर लामिछाने, अडान गण्डकीका अध्यक्ष ज्ञानबहादुर कार्की, कास्कीका अध्यक्ष गुणनिधि पाण्डे लगायतले सामाजिक सुरक्षा कोषलाई प्रभावकारी बनाउनुपर्नेमा जोड दिनुभएको थियो । नेपालमा लेखा व्यवसायको विकास, संरक्षण तथा मर्यादित बनाई, पेशागत हकहित संरक्षण गर्न स्थापना भएको नेपालका चार्टर्ड एकाउन्टेन्ट्हरुको पेशागत संघ एक्यानमा सीएहरु सदस्य रहने प्रावधान छ । एक्यानको हालै केन्द्रदेखी जिल्लासम्म नयाँ नेतृत्व चयन गरिएको छ । पोखराका अनिल लामिछाने केन्द्रीय उपाध्यक्षमा निर्वाचित हुनुभएको थियो । उहाँ काठमाडौँबाहिरबाट पहिलोपटक एक्यान केन्द्रीय पदाधिकारीमा निर्वाचित हुनुभएको हो ।
एभरेस्ट एफएमको रक्तदान मंसिर ६ गते, सचेतना अभियान जारी

पोखरा, कात्तिक २९ पोखराबाट प्रशारण हुने एभरेस्ट एफएम ९३ मेगाहर्जको आयोजनामा यहि मंसिर ६ गते रक्तदान कार्यक्रम आयोजना हुँदैछ । रक्तदान कार्यक्रम एभरेस्ट मिडिया हाउस प्रालिद्वारा सञ्चालित एभरेस्ट एफएम र एभरेस्ट आवाज डटकमको संयुक्त आयोजनामा रेडियो प्राङ्गण पोखरा–५ प्रस्याङमा हुनेछ । सो दिन विहान ७ बजेदेखि १२ बजेसम्म रक्तदान कार्यक्रम हुने जनाइएको छ । हरेक वर्ष आफ्नो वार्षिकोत्सवको अवसरमा संस्थागत सामाजिक उत्तरदायित्व अन्तर्गत गर्दै आएको रक्तदान कार्यक्रम अन्तर्गत ‘नियमित रक्तदान गरौं, जीवन बचाउने अभियानमा सहभागी बनौं’ भन्ने मूल नाराका साथ हुने रक्तदान कार्यक्रममा रक्त सञ्चार केन्द्र पोखराको प्राविधिक सहयोग रहेको रेडियोका प्रमुख दीपेन्द्र श्रेष्ठले जानकारी दिए । रेडियोले ‘म त रक्तदान गर्दैछु, तपाईं नि ? भन्ने नारासहित रक्तदान कार्यक्रमको क्याम्पेनिङ गरिरहेको छ । रेडियोले एफएमबाट सचेतनामूलक कार्यक्रम सञ्चालन गरिरहेको छ भने स्कुल तथा कलेजमा पनि सचेतना अभियान सञ्चालन गरिने प्रमुख श्रेष्ठले बताए । १७ बर्ष उमेर पुगेका, ६५ बर्ष ननाघेका, ४५ केजी तौल भएका, अघिल्लो पटक रक्तदान गरेका ३ महिना अर्थात ९० दिन पूरा भएका, पिरियड र महिलाको हकमा मासिक रक्तश्राव भएको छैटौं दिन पुगेका, मेजर अपरेसन नगरेका, क्यान्सर, किड्नी ट्रान्स्प्लान्ट नगरेका, ब्लड प्रेसर नर्मल (औषधि खाइरहेको भए पनि बि पि ठिक छ भने दिन मिल्ने भएकाले ढुक्कले रक्तदान गर्न सक्ने रक्त संचार केन्द्र पोखराका प्राबिधिक प्रमुख अर्जुन ज्ञवालीले बताए । एभरेस्ट मिडिया हाउसले एभरेस्ट एफएम ९३ मेगाहर्ज र एभरेस्ट आवाज डटकम सञ्चालन गर्दै आएको छ ।
गृह श्रमिकको लागि ५ दिने सिप मुलक तालिम सुरु

समय दृष्टि पोखरा २८, कार्तिक गृह श्रमिकको लागि ५ दिने सिप मुलक तालिम शुक्रबारवारदेखि पोखरामा सुरु भएको छ । नेपाल गृह श्रमिक संघ केन्द्रीय समितिको आयोजना र कास्की शाखाको ब्यबस्थापनमा सो तालिम सुरु भएको हो । तालिममा ३५ जना महिलाको सहभागिता रहेको संघका केन्द्रीय उपाध्यक्ष लालीमाया शर्मा रेग्मीले जानकारी दिएकी छन् । सो तालिममा बाटेको धूप लगाएतका सामग्री बनाउन सिकाइने शर्माले बताइन् । तालिम ५ दिनसम्म संचालन हुनेछ । महिलालाई आवस्यक पर्ने खर्चको जोहो गर्न तालिम फलदायी रहने समेत उनले बताइन् । तालिमको शुभारम्भ गर्दै संघका केन्द्रीय अध्यक्ष राजकली सिंह ठकुरीले महिला दिदी बहिनीको हातमा सीप आबश्यक भएको बताइन् । उनले सिप सिकेका महिला दिदी बहिनीले त्यसबाट आय आर्जन गरेर घर खर्च चलाउन सक्ने दाबी गरिन् । नेपाल ट्रेड युनियन कांग्रेस गण्डकीका अध्यक्ष मुरारी शर्माले संघले गरेका कामहरूको प्रशंसा गर्दै भाबी दिनमा पनि संस्थालाई चलायमान बनाउन आग्रह गरे । गृह श्रमिक संघ कास्कीका अध्यक्ष चेतमाया पंगेनीको अध्यक्षतामा भएको कार्यक्रममा नेपाल किसान संघका केन्द्रीय सदस्य गीता भट्टराई, ट्रेड युनियन काङ्ग्रेस प्रदेश सचिव रुद्र तिमिल्सिना, प्रदेश सदस्य शिवराज अधिकारी, रेडियो सराङ्कोटका समाचार प्रमुख कमल पौडेल अथक, ट्रेड सदस्य राजेश बुढा मगर, संघका सचिव ज्ञानु श्रेष्ठ लगायतले बोलेका थिए । सो अबसरमा संघलाई बेला बेलामा सहयोग गर्ने महानुभावहरुलाइ सम्मान गरिएको अध्यक्ष पंगेनीले जानकारी दिइन्।

Breaking News

Samaya Dristi

Best News Site from Nepal

Main Menu