भाद्र २८ गते २०८०
नेम्वाङको राजकीय सम्मानका साथ अन्त्येष्टि
पोखरा २८, भदौ
पूर्व सभामुख एवम् नेकपा एमालेका उपाध्यक्ष सुवास नेम्वाङको राजकीय सम्मानका साथ अन्त्येष्टि गरिएको छ । संविधानसभा अध्यक्ष समेत रहनु भएका नेम्वाङको आज पशुपति आर्यघाटमा अन्त्येष्टि गरिएको हो । उहाँका छोराहरु मिङसो र सुहाङ नेम्वाङले दागबत्ती दिएका छन् भने लगत्तै नेपाली सेनाको टोलीले शोक धुन बजाएको थियो ।
नेम्वाङको पार्थिव शरीरमा प्रधानमन्त्री पुष्पकमल दाहाल प्रचण्डले राष्ट्रिय झण्डा ओढाएर र नेकपा एमालेका अध्यक्ष केपी शर्मा ओलीले पार्टीको झण्डा ओढाएर अन्तिम बिदाइ गरेका थिए ।
नेपाली राजनीतिमा असल छवि बनाएका नेम्वाङको अन्तिम बिदाइमा मानिसहरुको उल्लेख्य उपस्थिति रहेको थियो । नेम्वाङलाई अन्तिम श्रद्धाञ्जली अर्पण गर्नेहरुको भीडलाई व्यवस्थित गर्न सुरक्षाकर्मीलाई केही समय हम्मेहम्मे परेको थियो । नेम्वाङको गत मंगलबार आफ्नै निधन भएको थियो । काठमाडौंको बालुवाटारस्थित निवासमै बेहोस भएका उनलाई उपचारका लागि त्रिवि शिक्षण अस्पताल पुर्याउँदा चिकित्सकले मृत घोषणा गरेका थिए । सोही दिन बसेको मन्त्रिपरिषद बैठकले राजकीय सम्मानका साथ अन्त्येष्टि गरी अन्त्येष्टिको दिन देशभर सार्वजनिक बिदा दिने निर्णय गरेको थियो । आज सार्वजनिक बिदा दिएको छ ।
पोखरा २८, भदौ
पूर्व सभामुख एवम् नेकपा एमालेका उपाध्यक्ष सुवास नेम्वाङको राजकीय सम्मानका साथ अन्त्येष्टि गरिएको छ । संविधानसभा अध्यक्ष समेत रहनु भएका नेम्वाङको आज पशुपति आर्यघाटमा अन्त्येष्टि गरिएको हो । उहाँका छोराहरु मिङसो र सुहाङ नेम्वाङले दागबत्ती दिएका छन् भने लगत्तै नेपाली सेनाको टोलीले शोक धुन बजाएको थियो ।
नेम्वाङको पार्थिव शरीरमा प्रधानमन्त्री पुष्पकमल दाहाल प्रचण्डले राष्ट्रिय झण्डा ओढाएर र नेकपा एमालेका अध्यक्ष केपी शर्मा ओलीले पार्टीको झण्डा ओढाएर अन्तिम बिदाइ गरेका थिए ।
नेपाली राजनीतिमा असल छवि बनाएका नेम्वाङको अन्तिम बिदाइमा मानिसहरुको उल्लेख्य उपस्थिति रहेको थियो । नेम्वाङलाई अन्तिम श्रद्धाञ्जली अर्पण गर्नेहरुको भीडलाई व्यवस्थित गर्न सुरक्षाकर्मीलाई केही समय हम्मेहम्मे परेको थियो । नेम्वाङको गत मंगलबार आफ्नै निधन भएको थियो । काठमाडौंको बालुवाटारस्थित निवासमै बेहोस भएका उनलाई उपचारका लागि त्रिवि शिक्षण अस्पताल पुर्याउँदा चिकित्सकले मृत घोषणा गरेका थिए । सोही दिन बसेको मन्त्रिपरिषद बैठकले राजकीय सम्मानका साथ अन्त्येष्टि गरी अन्त्येष्टिको दिन देशभर सार्वजनिक बिदा दिने निर्णय गरेको थियो । आज सार्वजनिक बिदा दिएको छ ।
