Samaya Dristi

रमेश तिमल्सिना
पोखरा ,४ साउन ।
मुख स्वास्थ्य सम्बन्धी वडा स्तरीय नाटक प्रतियोगिता मंगलबार सम्पन्न भएको छ । जिभाय संस्था नेपालको आयोजनामा भएको कार्यक्रममा माछापुच्छ्रे गाउँपालिका वडा नं. ८को समन्वय र पोेखरा थिएटरको सहकार्य रहेको थियो । कार्यक्रम कास्कीको माछापुच्छ्रे गाउँ पालिका वडा नं. ८ ठाँटीमा रहेको आधारभूत स्वास्थ्य सेवा केन्द्रमा सम्पन्न भएको हो ।

विहान बेलुकाखाना खाईसकेपछी फ्लोराईडयूक्त मञ्जनले दाँत माझ्ने गरौं, दाँत तथा मुख सम्बन्धी समस्याबाट बचौं भन्ने नारा सहित आयोजित प्रतियोगितामा वडाका सात वटा विद्यालयका विद्यार्थीहरु सहभागी भएका थिए ।सहभागी मध्ये ६ विद्यालयले नाटक मञ्चन गरेका थिए ।मुख स्वास्थ्य परियोजना अन्र्तगत विद्यालय ब्रसिङ कार्यक्रममा आधारभूत तहका कक्षा १ देखी ५ सम्मका विद्यार्थीहरुले आफ्नो प्रस्तुती राखेका थिए ।

जसमा तारे बराह आधारभूत विद्यालय प्रथम, हरीप्रसाद आधारभूत विद्यालय दोश्रो, अन्नपूर्ण आधारभूत विद्यालय तेश्रो र बमबहादुर घलेल आधारभूत विद्यालयले सान्त्वना स्थान प्राप्त गर्न सफल भए। प्रतियोगिताको निर्णायकमा पोखरा थिएटरका प्रशिक्षक एवं कलाकार रमेश तिमल्सिना, अञ्जु दाहाल र सोनिया कार्की खत्रीे रहनु भएको थियो ।

• 

वडा नं. ८ का वडा अध्यक्ष रामबहादुर गुरुङको अध्यक्षतामा तथा गाउँपालिकाका प्रमुख प्रशासकीय अधिकृत विष्णुप्रसाद पोखरेलको प्रमुख अतिथ्यतामा सम्पन भएको कार्यक्रममा वडा नं.८ का वडा सदस्यचोकप्रसाद दाहाल, जिभाय नेपालका कार्यकारी निर्देशकलाउरा स्टेरो,संस्थाका अध्यक्ष गोबिन्द प्रसाद पौडेलले आ–आफ्नो भनाई राख्नु भएको थियो ।

गाउँपालिकाका शिक्षा शाखा प्रमुख सम्झना शर्मा र स्वाथ्य शाखा प्रमुख गोविन्द प्रसाद आर्चाय समेतको उपस्थिति रहेको उक्त कार्यक्रममा स्वागत मन्तव्य जिभाय नेपालका कार्यक्रम संयोजक श्रीधर आचर्यले राख्नु भएको थियो ।कार्यक्रमको संचालन आधारभूत स्वास्थ्य सेवा केन्द्रका प्रमुख लक्ष्मण प्रसाद दाहालले गर्नु भएको थियो ।