विचारी चौतारा पोखरा विकास समाजको अध्यक्षमा आत्मराम

पौष २५ गते २०७८

विचारी चौतारा पोखरा विकास समाजको अध्यक्षमा आत्मराम

कमल पौडेल अथक
पोखरा २५, पुस
विचारी चौतारा पोखरा विकास समाजको तेस्रो वार्षिक साधारण सभा तथा दोस्रो अधिवेशनले अध्यक्षमा पुनः आत्मराम पौडेललाई चयन गरेको छ ।
समितिको बरिष्ठ उपाध्यक्षमा बमवहादुर कार्की, उपाध्यक्षमा उमाकान्त पौडेल, सचिवमा माधव क्षेत्री, कोषाध्यक्षमा पार्वती शर्मा ढकाल, सहसचिवमा ख्यामप्रसाद सुवेदी चयन भएका छन् । त्यसैगरी सदस्यहरुमा वासुदेव पौडेल, प्रकाश पौडेल, कमला विक, लीला नेपाली र गंगादेवी कार्की चयन भएका छन् । समाजको सल्लाहकारमा भक्तवहादुर केसी र जयनारायण सुवेदी चयन भएका छन् ।
समाजको अध्यक्षमा पुनः चयन भएपछि अध्यक्ष पौडेलले समाजलाई थप गतिशील वनाउँदै लैजाने प्रतिवद्धता व्यक्त गरेका छन् ।
यसअघि अधिवेशनको उद्घाटन गर्दै कोलेनिका पोखराका प्रमुख रामजी पौडेलले सामाजिक संस्थालाई गतिशील वनाउन सके सुख दुःखमा साथ समर्थन पाइने धारणा व्यक्त गरे ।
नेपाल पत्रकार महासंघका राष्ट्रिय परिसद सदस्य एवं रेडियो सराङकोटका समाचार प्रमुख कमल पौडेल अथकले सामाजिक संस्थामा लाग्ने व्यक्ति राजनीतिवाट मुक्त हुनु पर्ने वताए ।
समाजका अध्यक्ष आत्मराम पौडेलको अध्यक्षतामा भएको कार्यक्रममा तोयनाथ पौडेल, डीलवहादुर खत्री, जगदीश पौडेल सचिव माधव क्षेत्री लगायतले वोलेका थिए ।

बाह्रौ पोखरा महोत्सवमा सुरक्षा ब्यवस्था कडा पारिने

Samaya Dristi 1 year ago

पोखरा । आगामी पुषको २६ देखि माघकोे ८ सम्म पोखराको अमरसिंह खेल मैदानमा आयोजना हुने बाह्रौ संस्करणको पोखरा महोत्सवमा सुरक्षा ब्यवस्था कडा बनाईने भएको छ । महोत्सवमा नेपाल... Read More

महेश बस्नेतको चेतावनी : एमाले फुटाउन अध्यादेश ल्याइए देशभर आगो बाल्छौं

Samaya Dristi 4 years ago

काठमाडौँ, ९ साउन । नेकपा एमालेका केन्द्रीय सदस्य एवम् पूर्वमन्त्री महेश बस्‍नेतले यदि सरकारले एमाले फुटाउने नियतले अध्यादेश ल्याएमा देशभर आगो बाल्ने चेतावनी दिएका छन् । युथ फोर्सको भ्याली कमाण्ड... Read More

जिम्मेवारी कसको

Samaya Dristi 1 year ago

पोखराको मुख्य बजार न्यूरोडमा फुटपाथमा यसरी पार्किङ्ग गरेर बटुवालाई हिड्न सास्ती भएको छ । जिम्मेवारी कसको Read More

नव आर्दशको रक्तदानमा ३० युनिट रगत संकलन

Samaya Dristi 1 year ago

पोखरा, ७ फागुन नव आर्दश सामुदायिक विकास समाज पोखरा–१६ लामाचौरले आयोजना गरेको रक्तदानमा ३० युनिट रगत संकलन भएको छ । समाजले आयोजना गरेको २४ औं रक्तदानमा २९ पुरुष र... Read More

आजको खबर

‘लाइफटाइम एचिभमेन्ट अवार्ड’ विधाको प्रायोजन सिटिजन फर्निचरले गर्ने

बैशाख ७, पोखरा । नवौंं संस्करणको ‘पोखरा स्पोर्टस् अवार्ड २०८१’ लाई सिटिजन फर्निचरले सघाउने भएको छ । नेपाल खेलकुद पत्रकार मञ्च गण्डकीको आयोजनामा यही बैशाख अन्तिम सातामा हुने अवार्डको ‘लाइफटाइम एचिभमेन्ट अवार्ड’ विधाको प्रायोजन पोखराको न्यूरोडस्थित सिटिजन फर्निचरले गर्ने भएको हो । आइतबार सिटिजन फर्निचरका सञ्चालक दीपक कार्की र मञ्चका अध्यक्ष एमबि आस्था मगरबिच ‘लाइफटाइम एचिभमेन्ट अवार्ड’ विधाको प्रायोजन स्वरुप ३५ हजार रुपैयाँ सहयोग गर्नेबारे समझदारीपत्रमा हस्ताक्षर भएको छ । सिटिजन फर्निचरले तेस्रो मुलकुबाट आयातित अत्याधुनिक आकर्षक घरायसी तथा अफिसियल फर्निचर र फर्निसिङका सामान विक्रि गर्दै आएको छ । यस अघिका अवार्डलाई समेत सिटिजन फर्निचरले सहयोग गर्दै आएको छ । अवार्ड कार्यक्रमको मिति नजिकिदै गर्दा सहयोगीहरु जोडिने क्रम समेत बढ्न थालेका छन् । नवौं संस्करणको यो अवार्डमा गण्डकी प्रदेश सरकार र पोखरा महानगरपालिकाको विशेष सहयोग रहेको छ । त्यस्तै उदीयमान खेलाडी विधाको पुरस्कार प्रायोजन सहारा क्लब पोखरा, उत्कृष्ट प्रशिक्षक विधाको पुरस्कार प्रायोजन टाइगर ग्रुप अफ पोखरा नेपाल, उत्कृष्ट खेलकुद संस्था विधाको पुरस्कार प्रायोजन निट डेन्टल केयरले गर्ने सम्झौता भइसकेको छ । त्यसैगरि जिल्ला एथ्लेटिक्स सङ्घ कास्कीले ११ हजार १ सय ११ रुपैयाँ, मदन भण्डारी स्पोर्टस् एकेडेमीले १ सय थान टिसर्ट सहयोग गर्ने सम्झौता भइसकेको छ । खेलाडी तथा खेल क्षेत्रमा क्रियाशीललाई उर्जा थप्न मञ्च गण्डकीले २०७२ सालदेखि हरेक वर्ष पोखरा स्पोर्टस् अवार्ड गर्दै आइरहेको छ । अवार्ड कार्यक्रम मार्फत वर्ष खेलाडी पुरुष, वर्ष खेलाडी महिला, वर्ष उत्कृष्ट प्रशिक्षक, वर्ष उदीयमान खेलाडी, लाइफटाइम अचिभमेन्ट अवार्ड, वर्ष उत्कृष्ट खेलकुद सङ्घसंस्था वा क्लब र वर्ष उत्कृष्ट खेल पत्रकारलाई अवार्ड प्रदान गरिदै आएको मञ्चले जनाएको छ । नेपाल खेलकुद पत्रकार मञ्च गण्डकी, गण्डकी प्रदेशका सम्पूर्ण खेलकुद पत्रकारको साझा संस्था हो ।
शान्ति निकेतन स्कूलको नयाँ भवन शिलन्याश

कमल पौडेल अथक पोखरा २, बैशाख पोखरा ५ प्रस्र्याङमा रहेको शान्ति निकेतन स्कूलको नयाँ भवन शिलन्याश गरिएको छ । पोखराको धारापानी मार्गमा रहेको करिव ६ रोपनी क्षेत्रफलमा सो भवन शिलन्याश गरिएको हो । सो भवन करिव १५ करोडको लागतमा निर्माण हुने विद्यालयले सोमवार पोखरामा आयोजित पत्रकार सम्मेलनमा जानकारी दिएको छ । उक्त ५ तले भवन अपाङग मैत्री हुने र भवनको पाँचौ तलासम्म लिफ्टवाट पुग्न सकिने छ । मुकम्प प्रतिरोधी उक्त भवन अत्याधुनिक हुने समेत जनाईएको छ । विद्यालय केवल नाफाको लागि नभई समय सापेक्ष सवैको लागि शिक्षा भन्ने मूल मर्मको साथ सञ्चालन गरिने विद्यालय व्यवस्थापन समितिले जनाएको छ । भवन आगामी माघसम्म सम्पन्न हुनेछ । आगामी आर्थिक वर्ष २०८३ को पढाई सोही भवनवाट सञ्चालन गरिने संस्थापक प्रिन्सिपल डा महेश्वर पराजुलीले जानकारी दिएका छन् । सो भवनमा कक्षा ४ भन्दा माथि कक्षा १२ सम्मको पढाई हुनेछ । कक्षा १२ मा नेपाल सरकारको पाठ्यक्रम अनुसार विज्ञान र व्यवस्थापन विषयको पढाई सञ्चालन हुनेछ । त्यसमा सिटीइभिटीका केही विषय समेत समावेश गरी विद्यार्थीलाई सीप मूलक शिक्षा दिने प्रयास समेत विद्यालयले गर्ने जनाएको छ । सो भन्दा तलका कक्षाहरु अहिले विद्यालय भैरहेकै स्थानमा हुने पराजुलीले जानकारी दिएका छन् । विद्यालयमा स्वदेशी जनशक्ति प्रयोग गरी संस्कार र सीपयुक्त शिक्षा दिन प्रयास गरिने पिन्सिपल पराजुलीले जानकारी दिए । उनले विद्यालयको नयाँ भवन वनेपछि पनि विद्यालयले कुनै पनि अतिरिक्त शुल्क नलगाउने र अहिले कै अवस्था जस्तै पठन पाठन गराइने वताए । उनले विद्यालयमा करिव ८ सय जना अविभावकहरुको आस्था र विश्वास रहेको वताए । विद्यालय व्यवस्थापन समितिका अध्यक्ष कृष्णमणि भूत्र्यालको अध्यक्षतामा भएको कार्यक्रममा शिक्षासेवीहरु हेडम्वप्रसाद कोइराला, रवीराज वराल, किरण सापकोटा, वडाअध्यक्ष विष्णुप्रसाद वराल, वडा सदस्य हरिमाया विक, पूर्व वडा सदस्य अन्जु केसी र समाजसेवी पुरुषोत्तम पराजुली लगायतले वोलेका थिए । भवनको विद्यालयका संस्थापक प्रिन्सिपल डा.महेश्वर पराजुलीका माताद्धय कल्पना पराजुली र भद्रकाली पराजुलीले सो भवनको शिलन्याश गरेका हुन् । भवन शिलन्याश अघि वटुकहरुद्धारा स्वस्ती वाचन गरी भूमि पूजा समेत गरिएको थियो ।
कुमारीको दज्र्यु संलापमाथि पोखरामा चर्चा

पोखरा, चैत ३० गते । साहित्यकार कुमारी लामाको निबन्ध सङ्ग्रह ‘दज्र्यु संलाप’ माथि शनिवार पोखरामा चर्चा गरिएको छ । र्‍यान्डम रिडर्स सोसाइटीद्वारा आयोजित कार्यक्रममा कृतिमाथि परिचर्चा गर्दै साहित्यकार कुमार तामाङले दज्र्यु संलापमा तामाङ समुदायमाथि सिङ्गै राज्यले गरेको विभेदको जबाफ खोजिएको बताए । प्रस्थान नामक उपन्यासका लेखकसमेत रहेका तामाङले दज्र्यु संलापमा आख्यानात्मक निबन्धहरू समेटिएको धारणा राखे । “सामाजिक कुरीति, कुसंस्कार, विभेद, अन्यायप्रति सिर्जनशील विद्रोह बनेकी छन् निबन्धकार” कुमारले भने, “सभ्यता, धर्म, संस्कारको झेली खोलभित्र लुकाइएको असभ्य, अधार्मिक अनि कुसंस्कारी अभ्यासमाथि रचनात्मक विद्रोह पोखिएको छ कृतिभित्र ।” नेपाली समाजको जीवन्त प्रतिविम्बका रूपमा कृति आएको भन्दै उनले कृति पठनीय रहेको विचार राखे । सोसाइटीका अध्यक्ष रुपिन्द्र प्रभावीको अध्यक्षतामा भएको कार्यक्रममा निबन्धकार कुमारी लामाले खास गरी तामाङ समुदायका विश्वासहरूलाई समेटेर निबन्ध लेखेको बताइन् । समावेशी समाजको आवाजलाई मुखरित गर्ने प्रयास गरेको बताउँदै लामाले आदिवासी सौन्दर्य चेतनाका साथै पृथ्वीमा भएका सम्पूर्ण अस्तित्वलाई सम्बोधन गर्नुपर्ने धारणा निबन्धमार्फत प्रस्तुत गरेको भनाइ राखिन् । रैथाने संस्कार र पर्यावरणमैत्री विकास हुनुपर्ने बताइन् । विकासका नाममा भएका मानव सभ्यतामाथिको अत्याचारलाई लेखकहरूले ध्यान दिनुपर्ने उनको विचार थियो । कोही मातृभाषीले नेपाली भाषा शुद्ध प्रयोग गर्दा ट्रोलको सिकार बन्नुपर्ने र कोही नेपाली भाषा शुद्ध प्रयोग गर्न नसक्दा ट्रोलमा पर्नुपर्ने अवस्था आएको अनुभवसमेत सुनाइन् । यसअघि ‘उज्यालो अन्धकार’ निबन्ध सङ्ग्रह ल्याइसकेकी लामाको ‘दज्र्यु संलाप’ दोस्रो निबन्ध सङ्ग्रह हो । दज्र्यु संलापमा समाज संवार्ता, सैलानी समय र दृश्य अदृश्य गरी ३ खण्डमा १७ ओटा निबन्ध समेटिएका छन् । कार्यक्रममा गौरी तमू, सुरज पौडेल, दीपक पराजुली, प्रवीण बडगामीलगायतले टिप्पणी गरेका थिए । कार्यक्रमको सञ्चालन सचिव नेपालप्रकाश अधिकारीले गरेका थिए । सोसाइटीले हरेक महिनाको अन्तिम शनिवार कुनै कृति वा विषयमाथि बहस गर्दै आएको छ ।
आलुको पहाडसँगै तस्विर खिच्नेको भीड पोखरा, २६ चैत ।१३ औं संस्करणको राष्ट्रिय हेमजा आलु महोत्सव सुरुवातीसँगै त्यहाँ आलुको पहाडसँगै तस्बिर खिचाउनेहरुको बाक्लो उपस्थिती देखिएको छ । कतिपय सेल्फीमा रमाएको भेटिन्छ भने कतिपयलाई आलुको पहाडसँग माया साट्दै तस्बिर कैद गर्न भ्याइनभ्याई छ । यतिसम्मकी महोत्सवमा पुग्ने प्राय सबैले आलुको पहाडसँगै आ–आफ्नो तस्विर खिच्ने गर्नुभएको छ र सामाजिक संजालमा राख्ने पनि ।यहि चैत २४ गतेबाट सुरु १३ औं महोत्सव वैशाख ३ गतेसम्म चल्नेछ ।यतिवेला महोत्सवको मुख्य आकर्षणका रुपमा आलुको पहाडसँगै तस्विर खिच्ने कार्य हुन पुगेको महशसु गर्न सकिन्छ । तस्विर खिच्न बुढा, पाका देखि अनुज एवम् तन्नेरी पुस्ता समेत हैसिएको भेटिन्छ ।सम्झना पनि हुन्छ, कृषि उपजका नाममा महोत्सव हुनु आफैमा महत्वपूर्ण पनि छ, हेमजा कृषिका लागि उर्वर भूमि हो मंगलबार आज आलुको पहाडसँगै तस्विर कैद गर्दै गर्नुभएकी स्याङजा सेतीदोभान हाल छोरेपाटन निवासी जानुका ढकालले बताउनुभयो। मंगलबारसम्म २५ हजार दर्शक बढीले आलु महोत्सव अवलोकन गरेकोमा ४ सय ५० घरपरिवारले आलु खरिद गरी लगेको आलु तथा कृषि उपज व्यवस्थापन उपसमिति संयोजक जयराम तिम्सिनाले जानकारी दिनुभयो ।उहाँले हालसम्म ५ लाख बढीको आलु कारोवार भएको पनि सुनाउनुभयो। महोत्सव अन्तर्गत मंगलबार आज रत्यौली गीत प्रतियोगिता सुरु गरिनुका साथै कलाकारहरु खुमन अधिकारी, जीवन दाहाल, नविन पौडेल, नविना सुवेदी, अमर धिताल, परशुराम अधिकारी, शान्ता बर्देवा, हास्य कलाकार दिपक थापाका प्रस्तुतिहरु रहे ।त्यस्तै भोली बुधबार कलाकारहरु ज्योति मगर, जीवन दाहाल, रामजी पौडेल, तुलसा क्षत्री, सुमन खड्का, परशुराम अधिकारी, दुर्गा क्षत्री तथा हास्य कलाकारहरु युवराज भण्डारी र राजेन्द्र नेपालीका प्रस्तुतिहरु रहने मूल आयोजक समितिका अध्यक्ष वसन्तकुमार श्रेष्ठले जानकारी दिनुभयो । महोत्सवमा आलु लगायत अन्य सामग्री समेत गरी आज मंगलबारसम्म करिव २५ लाखको कारोवार भएको पनि श्रेष्ठले बताउनुभयो । महोत्सवको आकर्षणका रुपमा आलु तथा ताजा तरकारीको बृहत प्रदर्शन, आलुको पहाड निर्माण, आलुका विभिन्न परिकार, कृषकका लागि माटो, बोटविरुवा परीक्षण तथा रोगको निदान रहेका छन्। त्यस्तै कृषक तथा कृषि सम्बन्धी विविध सांस्कृतिक कार्यक्रम, कृषि झाँकी प्रतियोगिता, चर्चित कलाकारहरुका प्रस्तुति, कृषक सम्मान साथै विभिन्न कृषि उपज, वीउविजन तथा अन्य कृषि यन्त्रको प्रदर्शनी पनि रहेका छन् ।