फिस्टे चरा

भाद्र १४ गते २०७८

फिस्टे चरा

सुसेली फिस्टो नेपालमा पाइने एक प्रकारको चराको नाम हो। यसलाई अङ्ग्रेजीमा ह्विस्लर्स वार्ब्लर (Whistler’s Warbler) भनिन्छ।

तस्विर ः दुर्गा प्रसाद पौडेल

समयको परिर्वतन

Samaya Dristi 4 years ago

२०६३ मा पोखराको बिरौटामा किसान धान रोपाइमा खेततर्फ जादै । अर्को २०७९ मा अहिले फेरी पहिलेकै ठाउबाट पोखराको बिरौटा खेतमा बनेको शहर स्कुल जादै गरेकाहरु । Read More

‘बसियो’ ले ब्यवस्थापन गर्दै नेपाली पर्यटन

Samaya Dristi 2 years ago

घुम्न जाउ घुम्न जाउ घुम्न पोखरा बसियो को बुकिड.ले छैन खतरा । अव नेपालमा घुम्न, बिभिन्न कामको लागि नया गन्तब्य वा ब्यस्त पर्यटकिय स्थानमा जान बसियो नामको एप्लीकेशनले निकै... Read More

Samaya Dristi 1 year ago

आलुको पहाडसँगै तस्विर खिच्नेको भीड पोखरा, २६ चैत ।१३ औं संस्करणको राष्ट्रिय हेमजा आलु महोत्सव सुरुवातीसँगै त्यहाँ आलुको पहाडसँगै तस्बिर खिचाउनेहरुको बाक्लो उपस्थिती देखिएको छ । कतिपय सेल्फीमा रमाएको... Read More

गण्डकीमा थप तीन जना कोरोना संक्रमितको मृत्यु

Samaya Dristi 5 years ago

पोखरा,२५ वैशाख । गण्डकी प्रदेश स्वास्थ्य निर्देशनालयले गण्डकी प्रदेशमा थप तीन जना कोरोना संक्रमितको मृत्यु भएको जनाएको छ । कोरोना संक्रमणबाट कास्कीका दुई र पर्वतका एक जनाको मृत्यु भएको... Read More

आजको खबर

पोखरामा सार्वजनिक भयो टीभीएस ‘अरबिटर’ ईभी, १५८ किलोमिटर रेन्ज र ३४ लिटर बुट स्पेस

पोखरा । टीभीएस मोटर कम्पनीले नेपालको विद्युतीय दुईपाङ्ग्रे बजारलाई लक्षित गर्दै नयाँ इलेक्ट्रिक स्कुटर टीभीएस अरबिटर ईभी पोखरामा सार्वजनिक गरेको छ। जगदम्बा मोटर्सको आधिकारिक बिक्री सञ्जालमार्फत सार्वजनिक गरिएको अरबिटरलाई कम्पनीले सहरी यात्राका लागि स्मार्ट, दिगो र सुविधाजनक विद्युतीय मोबिलिटी समाधानका रूपमा प्रस्तुत गरेको छ। कम्पनीका अनुसार अरबिटरमा ३।१ किलोवाट–आवरको ब्याट्री जडान गरिएको छ, जसले १५८ किलोमिटरको आइडीएस रेन्ज प्रदान गर्छ। स्कुटरमा क्रुज कन्ट्रोल, हिल होल्ड असिस्ट, पार्किङ असिस्ट, रिजेनेरेटिभ ब्रेकिङ तथा इको र पावर मोडजस्ता सुविधा उपलब्ध छन्। अरबिटरको प्रमुख विशेषतामध्ये १४ इन्चको फ्रन्ट ह्विल रहेको छ। कम्पनीले यसलाई उद्योगमै पहिलो १४ इन्च फ्रन्ट ह्विल भएको इलेक्ट्रिक स्कुटरका रूपमा प्रस्तुत गरेको छ। ठूलो अगाडिको पांग्राले विभिन्न सडक अवस्थामा स्थिरता, ग्रिप र ह्यान्डलिङ सुधार गर्ने कम्पनीको दाबी छ। त्यस्तै, स्कुटरमा ३४ लिटरको अन्डर–सिट स्टोरेज उपलब्ध छ, जसमा दुईवटा हेल्मेटसमेत राख्न सकिने कम्पनीले जनाएको छ। ८४५ मिलिमिटर लामो फ्ल्याटफर्म सिट र २९० मिलिमिटरको स्ट्रेट–लाइन फुटबोर्डले चालक तथा पछाडि बस्ने यात्रुलाई पर्याप्त आराम र लेगरुम उपलब्ध गराउने बताइएको छ। प्रविधितर्फ अरबिटरमा कनेक्टेड मोबाइल एप, कल तथा एसएमएस अलर्टसहितको कलर एलसीडी डिजिटल क्लस्टर, टर्न–बाइ–टर्न नेभिगेसन र ओटीए अपडेटको सुविधा रहेको छ। मोबाइल एपमार्फत ब्याट्री चार्जको अवस्था तथा ओडोमिटरको विवरणसमेत टाढैबाट जाँच गर्न सकिने कम्पनीले जनाएको छ। सुरक्षालाई पनि प्राथमिकता दिइएको अरबिटरमा दुर्घटना वा स्कुटर ढलेको अवस्थामा अलर्ट, चोरी तथा टोइङ अलर्ट, जियोफेन्सिङ, टाइमफेन्सिङ र लाइभ लोकेसन ट्र्याकिङजस्ता स्मार्ट सुरक्षा सुविधा समावेश छन्। स्कुटरमा १६९ मिलिमिटरको ग्राउन्ड क्लियरेन्स, एलईडी हेडलाइट, एज–टु–एज कम्बिनेसन ल्याम्प र यूएसबी चार्जिङ पोर्टसमेत उपलब्ध छन्। कार्यक्रममा स्क्वायर मोटर्सका अध्यक्ष आदर्शमान श्रेष्ठले टीभीएस आईक्युबको सफलतापछि अरबिटरले नेपालको विद्युतीय दुईपाङ्ग्रे बजारमा कम्पनीको उपस्थितिलाई थप मजबुत बनाउने विश्वास व्यक्त गरे। उनले देशव्यापी बिक्री तथा सेवा सञ्जालमार्फत ग्राहकलाई सहज खरिद तथा स्वामित्व अनुभव प्रदान गर्ने कम्पनीको लक्ष्य रहेको बताए। त्यस्तै, जगदम्बा मोटर्सका नेसनल सेल्स हेड सुशान्त आचार्यले नेपाली ग्राहकको आवश्यकता तथा नेपालको विविध सडक र भौगोलिक अवस्थालाई ध्यानमा राखेर अरबिटरको परीक्षण गरिएको बताए। उनका अनुसार स्कुटरमा आकर्षक डिजाइनसँगै प्रविधि, आराम, उपयोगिता र कार्यसम्पादनलाई प्राथमिकता दिइएको छ। टीभीएस अरबिटर नेपालमा नियोन सनब्रस्ट, कस्मिक टिटानियम र मार्टिन कपर गरी तीन रंगमा उपलब्ध हुनेछ। कम्पनीले अरबिटरको परिचयात्मक मूल्य २ लाख ८१ हजार ९०० रुपैयाँ निर्धारण गरेको छ। नयाँ मोडलको सार्वजनिकसँगै टीभीएसले नेपालको विद्युतीय दुईपाङ्ग्रे बजारमा आफ्नो उत्पादन पोर्टफोलियो थप विस्तार गरेको छ।
लुम्बिनी फोटोग्राफर संघको आयोजनामा १ दिने स्टुडियो सम्बन्धी अनलाइन तालिम सम्पन्न

१८ साउन बुटवल लुम्बिनी फोटोग्राफर संघ को आयोजनामा १ दिने स्टुडियो सम्बन्धी अनलाइन तालिम सम्पन्न भएको छ। फोटोग्राफी व्यवसायलाई प्रविधिमैत्री र समयसापेक्ष बनाउने उद्देश्यका साथ उक्त तालिम सञ्चालन गरिएको हो। संघका अध्यक्ष दिनेश अर्यालको अध्यक्षतामा सम्पन्न उक्त कार्यक्रममा बुटवल उपमहानगरपालिका वडा नम्बर ६ का अध्यक्ष लोकनाथ न्यौपाने प्रमुख अतिथिका रूपमा रहेका थिए। कार्यक्रममा बोल्दै प्रमुख अतिथि न्यौपानेले आधुनिक समयमा प्रविधिको सही प्रयोग गर्दै सेवा प्रवाह गर्नु नै व्यवसायीहरूको सफलताको साँचो भएको बताउनुभयो। यस्ता खालका प्रविधिहरुको सेवा मुलक कामले राज्य पक्ष र सेवाग्राहि पक्ष दुवैलाई फाइदा गुग्ने कुरा बताए। कार्यक्रममा संघका सल्लाहकार माधवप्रसाद पन्थ, नवलपरासी फोटोग्राफर संघका उपाध्यक्ष शिव भण्डारी महासचिव सुरज चालिसे हरूलगायत विभिन्न अतिथिहरूले शुभकामना मन्तब्य राखेका थिए । कार्यक्रममा स्वागत मन्तव्य संघका प्रथम उपाध्यक्ष माधव प्रसाद पन्थले राखेका थिए भने कार्यक्रमको सञ्चालन महासचिव त्रिभुवन पाण्डेले गरेका थिए । तालिमको सहजीकरणमा संयोजक प्रेमबहादुर अर्याल र सुरज भुसालले रहेका थिए । तालिममा लोक सेवा आयोग, शिक्षक सेवा आयोग, त्रिभुवन विश्वविद्यालय, वडासँग सम्बन्धित फर्महरू, तथा पुलिस रिपोर्ट, ड्राइभिङ लाइसेन्स, बैंकहरू र श्रम तथा परिचयपत्र सम्बन्धी अनलाईनबाट भरिने अनलाइन फारम तथा प्रक्रियाबारे सहभागीहरूलाई व्यावहारिक ज्ञान प्रदान गरिएको थियो। तालिममा ६५ जना फोटोग्राफर तथा स्टुडियो व्यवसायीहरूको उत्साहजनक सहभागिता रहेको थियो।
पर्वत समाज जापानद्धारा पत्रकार रमेश पौडेल सम्मानित

पोखरा, साउन १२ गते नेपाल पत्रकार महासंघ गण्डकी प्रदेशका अध्यक्ष एवं रेडियो बाराहीका कार्यकारी निर्देशक रमेश पौडेललाई जापानमा रहेका पर्वतबासीहरूको संस्था पर्वत समाज जापानले सम्मान गरेको छ । ग्लोबल मिडिया सम्मेलनमा सहभागी हुन जापान पुग्नुभएका अध्यक्ष पौडेलसँगै नेपाल पत्रकार महासंघका केन्द्रीय सचिव बैकुण्ठ पराजुली, केन्द्रीय सदस्य छविलाल तिवारी तथा नेपाल पत्रकार महासंघ कास्कीका अध्यक्ष माधव बराललाई पनि सम्मान गरिएको हो । सम्मान कार्यक्रममा गैरआवासीय नेपाली संघ ९एनआरएनए० जापानका अध्यक्ष सुभास लामिछानेले प्रवासी नेपालीलेआर्जन गरेका सीप, ज्ञान र अनुभवलाई नेपालको विकाससँग जोड्न सञ्चारमाध्यमको भूमिका प्रभावकारी हुनुपर्ने बताउनुभयो । त्यसैगरी, पर्वत समाज जापानका अध्यक्ष राम बास्तोलाले प्रवासमा रहेका नेपालीहरूलाई एकताबद्ध बनाउन समाजले महत्वपूर्ण भूमिका निर्वाह गर्दै आएको उल्लेख गर्नुभयो । सम्मान ग्रहणपछि अध्यक्ष पौडेलले प्रवासमा रहेका नेपाली संस्थाहरूको सक्रियताको प्रशंसा गर्दै जापानको प्रणाली, अनुशासन र प्रविधिबाट नेपालले धेरै कुरा सिक्न सक्ने बताउनुभयो । उहाँले नेपालको उद्योग तथा आर्थिक विकासमा गैरआवासीय नेपाली संघ ९एनआरएनए०मार्फत लगानी भित्र्याउन थप पहल आवश्यक रहेको धारणा व्यक्त गर्नुभयो । कार्यक्रममा नेपालपत्रकार महासंघका केन्द्रीय सचिव पराजुली, केन्द्रीय सदस्य तिवारी, कास्की अध्यक्ष बराल, वरिष्ठ कलाकार ईश्वर गुरुङ, पर्वत समाज जापानका वरिष्ठ उपाध्यक्ष मुक्तिराज रेग्मी, महासचिव जीवन न्यौपाने लगायतले समाजका गतिविधि, प्रवासी नेपालीको भूमिका तथा नेपाल–जापान सम्बन्धका विविध पक्षबारे धारणा राख्नुभएको थियो ।
पोखरामा पर्यटकलाई सूचना दिन क्युआर कोर्ड, पर्यटक सुरक्षाका बारेमा छलफल

पोखरा, १२ साउन गण्डकी प्रदेश प्रहरी कार्यालय र पोखरा पर्यटन परिषद्को संयुक्त पहलमा पर्यटकलाई सुरक्षित र पर्यटन क्षेत्रको जानकारी दिने उद्देश्यले क्युआर कोर्ड सञ्चालनमा ल्याएको छ । क्युआर कोर्ड स्क्यान गरेर स्वदेशी तथा विदेशी पर्यटकहरूले नेपाल प्रहरीका आपत्कालीन सम्पर्क नम्बर, पर्यटकीय सुरक्षा सम्बन्धी जानकारी, आवश्यक सम्पर्क विवरण, भ्रमणका सूचनाहरू सहज रूपमा प्राप्त गर्न सक्नेछन् । गण्डकी प्रदेश प्रहरी प्रमुख प्रहरी नायव महानिरीक्षक (डिआइजी) दिपेन्द्र जिसीले क्युआर कोर्डको उद्घाटन गरे । यसले आपत्कालीन अवस्थामा पर्यटकलाई आवश्यक जानकारी तत्काल उपलब्ध गराउँदै सुरक्षित यात्रा अनुभवमा सहयोग पुग्ने अपेक्षा गरिएको छ । पर्यटन क्षेत्रसँग सम्बन्धित संघसंस्थाका अध्यक्षहरु सँग अन्तरक्रिया गर्दै पर्यटन सुरक्षा सम्बन्धमा छलफल गरे । छलफल पछि डिआजी जिसीले गण्डकी प्रदेशमा आउन पर्यटकको सुरक्षाका लागि आफुहरु लागि रहेको बताए । पर्यटकी क्षेत्रको सुरक्षाका लागि थप प्रहरीहरु समेत पठाएको बताए । पर्यटकहरुलाई प्रहरीले त्यतिकै खानतलासी नगर्ने बताउदै कहिले काही शंकास्पद अवस्थामा मात्रै पर्यटकलाई चेक जाचँ गर्ने गरेको बताए । उनले होटल तथा भाडाका कोठाहरूमा लामो समय बस्ने व्यक्तिहरूबाट हुनसक्ने अवैध गतिविधिप्रति प्रहरी सचेत रहनु पर्ने बताए । उनले भने, ‘प्रहरीले शङ्कास्पद गतिविधिमाथि सूक्ष्म निगरानी बढाएको छ।’ उनले थपे, ‘होटल व्यवसायी र घरधनीले आफ्ना पाहुनाको पहिचान सुनिश्चित गरी कुनै पनि शङ्कास्पद गतिविधिको सूचना तत्काल प्रहरीलाई उपलब्ध गराउन आग्रह गर्दछु।’ पर्यटन क्षेत्रका सुरक्षा चुनौती, पदमार्गको सुरक्षा, होटल व्यवस्थापन, प्रहरी र व्यवसायीबिचको सहकार्यका विषयमा छलफल गरेका हुन् । कार्यक्रममा पोखरा पर्यटन परिषद्का अध्यक्ष तारानाथ पहारीले पर्यटन विकासका लागि सुरक्षित वातावरण पहिलो सर्त भएको बताए । उनले व्यवसायी र प्रहरीबिचको आपसी समन्वयले मात्रै सुरक्षित पर्यटकीय वातावरण निर्माण गर्न सकिने बताउँदै यस्ता संवादलाई निरन्तरता दिनुपर्नेमा जोड दिए । कार्यक्रममा पोखरा पर्यटन परिषद्का पुर्व अध्यक्ष गोपीबहादुर भट्टराईले पोखरा सुरक्षाका लागि सिसी क्यामेरा जडान गर्नु पर्ने बताए । उनले आधुनिक क्यामेरा जडान गरेर पोखरालाई अझ सुरक्षीत शहर बनाउनु आवश्यक रहेको बताए । त्यसै गरी ट्रेकिङ एजेन्सिज एसोसिएसन अफ नेपाल (टान) गण्डकीका अध्यक्ष कृष्णप्रसाद आचार्यले पदयात्रा मार्गहरूमा हुने सम्भावित दुर्घटना र आपत्कालीन अवस्थामा तत्काल उद्धार गर्न विभिन्न स्थानमा सुरक्षाका स्थायी युनिट स्थापना गर्नुपर्ने बताए । यस्तै, होटल संघ पोखराका अध्यक्ष लक्ष्मण सुवेदीले केही होटल व्यवसायीले पाहुनालाई मोटरसाइकलमार्फत स्कर्टिङ गर्ने प्रवृत्तिले पर्यटन क्षेत्रमा नकारात्मक सन्देश प्रवाह गरिरहेको भन्दै यसतर्फ प्रहरीको ध्यानाकर्षण गराए । रेवान पोखराका अध्यक्ष विश्वराज पौडेलले लेकसाइडको फुड्ट्याकमा विभिन्न कानुन विपरीतका कामहरु हुने गरेको भन्दै त्यस्ता कामलाई रोक्न माग गरे । कार्यक्रममा पोखरेली ट्याक्सी सेवा प्रालिकी अध्यक्ष शोभाकान्त पोखरेल, नेपाल पर्वतारोहण संघ गण्डकीका अध्यक्ष विकास गुरुङ, जिल्ला प्रहरी कार्यालय कास्कीका प्रमुख नवीन कार्की, एगा पोखराका अध्यक्ष गोकर्ण लम्साल, टेसा पोखराका अध्यक्ष टिका बहादुर लम्साल, भिटोफ गण्डकीका अध्यक्ष रमेश अर्याल, नेपाल पर्यटन यातायात व्यवसायी संघ गण्डकीका अध्यक्ष रविप्रसाद आचार्य, फेवा डुङ्गा व्यवसायी संगठनका अध्यक्ष बलाराम गिरी, ओटेफ पोखराका अध्यक्ष ममता न्यौपाने, टेवानका अध्यक्ष शोभा न्यौपाने, विदेशी मुद्रा सटही संस्था पोखराका अध्यक्ष रुपक राज मिश्र, नाट्टा गण्डकी प्रदेशकी उपाध्यक्ष संगीता पौडेल, रेवान पोखराका उपाध्यक्ष विकास भट्टराई, रेवान पोखराका महासचिव विरेन्द्र शेरचन अन्नपुर्ण केवलकार पोखराका दिनेश पौडेल लगायत पर्यटन क्षेत्रका सुरक्षा र समस्याका बारेमा बताएका थिए । उनीहरुले लेकसाइडमा बेला बेलामा आउने मगन्तेहरु, पार्किङ व्यवस्थापन लगाएतका बारेमा जानकारी दिएका थिए ।

Breaking News

Samaya Dristi

Best News Site from Nepal

Main Menu