माओवादी केन्द्रको बैठक पेरिसडाँडामा शुरु

फागुन २५ गते २०७७

माओवादी केन्द्रको बैठक पेरिसडाँडामा शुरु

काठमाडौँ,२५ फागुन । सर्वोच्च अदालतको फैसलाबाट पुनःस्थापित भएको नेकपा माओवादी केन्द्रको स्थायी कमिटी बैठक केन्द्रीय कार्यालय पेरिसडाँडामा शुरु भएको छ ।

माधव नेपाल पक्षसँग मंगलबार अन्तिम बैठक गरेर बिदा भएका माओवादी केन्द्रका अध्यक्ष पुष्पकमल दाहाल प्रचण्डले आज स्थायी कमिटी बैठक राखेर पार्टी पुनर्गठनको प्रक्रिया अघि बढाउन लागेका हुन् । एमालेसँग एकताअघि माओवादीको स्थायी कमिटी थिएन । आजको स्थायी कमिटी बैठकमा अदालतबाट खारेज भएको नेकपाका स्थायी कमिटी सदस्यहरु सहभागी छन् ।

एमालेसँग एकीकरणका बेला माओवादीले १९ जना सदस्य पाएको थियो । तीमध्ये रामबहादुर थापा बादल,टोपवहादुर रायमाझी, लेखराज भट्ट र मणि थापा केपी ओली पक्षमा लागेका थिए । उनीहरुले अब एमालेमै बस्ने गरी छलफल चलाइरहेका छन् । आजको बैठकमा पनि बादल पक्षका चार नेता सहभागी छैनन् ।

नेपाली जनप्रगतिशिल मञ्च स्पेनद्धारा सहिद स्मृति विद्यालयमा आर्थिक सहयोग

Samaya Dristi 2 years ago

पोखरा ११ फागुन । नेकपा माओवादी केन्द्र निकट रहेको नेपाली जनप्रगतिशिल मञ्च स्पेनले पोखराको सहिद स्मृति विद्यालयमा आर्थिक सहयोग गरेको छ । पोखरा महानगरपालिका वडानं १४ स्थित सहिद स्मृति... Read More

संसद विघटनविरूद्धका मुद्दामा आज पनि सुनुवाइ हुँदै

Samaya Dristi 3 years ago

काठमाडौँ, १६ जेष्ठ । प्रतिनिधिसभा विघटनविरूद्ध परेका मुद्दाको आज पनि संवैधानिक इजलासमा सुनुवाइ हुँदैछ। शुक्रबार पहिलो सुनुवाइ भएका मुद्दाहरूमा बहस नसकिएकोले आज पनि सुनुवाइ हुन लागेको हो।संवैधानिक इजलासमा प्रतिनिधि... Read More

चट्याङ लागेर लमजुङमा पाँच भैंसी मरे

Samaya Dristi 3 years ago

लमजुङ, ३० भदौ । लमजुङको क्व्होलासोंथर गाउँपालिका-४ भुजुङको लेक स्यालुमा चट्याङ लागेर पाँच वटा लैनो भैंसी मरेका छन् । चरनक्षेत्रमा पानी परेपछि ओत लाग्न रुखमुनि रहेका बेला चट्याङ खस्दा... Read More

हिरो मोटरसाइकल तथा स्कुटरमा छुट

Samaya Dristi 3 years ago

काठमाडौं, १८ साउन । हिरो ब्रान्डका मोटरसाइकल तथा स्कुटर उत्पादन गर्दै आएको हिरो मोटोकर्पले आफ्नो स्थापनाको १०औँ वर्ष पूरा गरेको अवसर पारेर नेपालमा पनि विभिन्न छुट योजना घोषणा गरेको... Read More

आजको खबर

आलु महोत्सवमा करिव ४ करोडको कारोवार

पोखरा, ५ बैशाख १२ औं संस्करणको राष्ट्रिय हेमजा आलु महोत्सव पोखरा क्षेत्रका अग्रज कृषकलाई सम्मान गर्दै बुधवार सकिएको छ । त्यस अवसरमा आलुको प्रदर्शनीमा उत्कृष्ठता हासिल गर्ने कृषक भीममाया नेपाली, एकबहादुर कार्की, पार्वती बाँनियाँ, हरीमाया रोका तथा कृषि अधिकृत चन्द्रकान्त तिमिल्सीनालाई नगद सहित सम्मान गरिएको हो । कृषक सम्मान गर्दै पोखरा महानगरपालिका प्रवक्ता समेत रहेका पोखरा २५ का वडाध्यक्ष मोतिलाल तिमिल्सीनाले महोत्सवमा महानगरको साथ रहेको स्पष्ट पार्दै नगर परिषद्ले महोत्सव व्यवस्थानका लागि रु।१० लाख सहयोग गर्ने निर्णय गरेको जानकारी दिए।उनले आलु महोत्सव किसानको चाड भएको उल्लेख गर्दै सबै हेमजावासी खटेर महोत्सव सफल पारेकोमा प्रशम्सा गरे। महोत्सवकै अवसरमा क्लवको बहुउद्देश्यीय भवन शिलान्यास हुनु अर्को खुशीको कुरा हो भन्दै प्रवक्ता तिमिल्सीनाले महोत्सवमा कृषिका गतिविधिलाई प्राथमिकता दिनुपर्ने औँल्याए । विष्णुपादुका माविका प्रधानाध्यापक दिपकराज पौडेलले छोटो समयको तयारीमा सबैको सहयोगबाट महोत्सव सफल भएको जनाउर्दै हेमजाको उत्पादनको बजारीकरण व्यवस्थाका लागि महानगरको ध्यानाकर्षण गराए ।उनले हेमजाको जमिन तथा नहरको क्षयिकरण हुँदै जानु दुःखद् भएको सुनाउँदै त्यसतर्फ सरोकारवाला सबै सचेत बन्नुपर्ने स्पष्ट पारे । क्लवका पूर्व अध्यक्ष महेन्द्रसिंह थापाले आलु महोत्सव मार्फत कृषिलाई सम्मानित पेशाका रुपमा अगाडि सार्न खोजिएको धारणा राख्दै यसलाई आगामि वर्षमा थप परिष्कृत गर्दै लैजानुपर्ने भनाई राखे। यहि चैत २५ गतेबाट सुरु महोत्सवका बीच त्यहाँ प्रतिकिलो ४० रुपैयाँमा आलु बिक्री गरिएकोमा महोत्सव अवधिभर कुल रु।३० लाख ६५ हजार ७ सय २० रुपैयाँको आलु कारोवार भएको छ । त्यहाँ ७५ हजार दर्शक बढीले महोत्सव अवलोकन गरेकोमा कुल ३ हजार ४ सय ४५ घरपरिवारले आलु खरिद गरी लगेको कृषि उपज व्यवस्थापन उपसमितिका संयोजक जयराम तिम्सिनाले जानकारी दिए । उनले कास्की, गोरखा, म्याग्दी, मुस्ताङ, स्याङजा, चितवन, बुटबल, बाग्लुङ, तनहुँ, लगायत काठमाण्डौबाट समेत मानिसहरु आलु खरिद गर्न आएको पनि सुनाए।जसअनुसार प्रति घरपरिवारले न्यूनत्तम ५ किलोग्रामदेखि अधिकत्तम ३ सय किलोग्रामसम्म आलु खरिद गरी लगेका छन् ।ग्राहकले हेमजामा फलेको आलु स्वादिलो, छिटो पाक्ने तथा स्वास्थ्यकर मानि बढी खरिद गर्ने गरेको उनको भनाई छ। वुधवार महोत्सवमा कलाकारहरु शंकर विरही गुरुङ, तारापति सुवेदी, प्रेमराज अधिकारी, लक्ष्मी नेपाली, पार्वती गुरुङ, सरस्वती लामिछाने तथा सुभद्रा श्रेष्ठका प्रस्तुतिहरु रहे । त्यस्तै महोत्सव अवधिभर आलु लगायत अन्य सामग्री समेत गरी रु। ३ करोड ७० लाखको कारोवार भएको मूल आयोजक समितिका महासचिव वसन्तकुमार श्रेष्ठले जानकारी दिए। महोत्सवको आकर्षणका रुपमा आलु तथा ताजा तरकारीको प्रदर्शनी, आलुको पहाड निर्माण, आलुका विभिन्न परिकार प्रदर्शन, माटो र बोटबिरुवाको परीक्षण तथा रोगको निदान, कृषि सम्बन्धी विविध सांस्कृतिक कार्यक्रम, कृषि झाँकी प्रदर्शनी, कृषि विज्ञ र किसानबीच अन्तक्र्रिया, विभिन्न कृषि उपज, बिउबिजन तथा अन्य कृषि यन्त्रको प्रदर्शनी, कृषक तथा विज्ञ सम्मान एवम् पुरस्कार, रत्यौली गीत प्रतियोगिता, हास्य व्यङग्य एवम् लाइभ पप कन्सर्ट लगायतका कार्यक्रम भएका छन्। मूल आयोजक समितिका संयोजक सुविन श्रेष्ठले महोत्सवका सहयोगकर्ता प्रति आभार प्रकट गर्दै महोत्सव हेमजाको व्याण्ड बनेको धारणा राखे। ‘सुन्दर ठाउँ हेमजा जाऔं, आलुका स्वादिष्ट परिकार खाउँ, आलु एक परिकार अनेक’ भन्ने नाराका साथ विष्णुपादुका क्लवको आयोजनामा महोत्सव भएको हो। हेमजाको कुल १२ हजार पाँच सय हेक्टर क्षेत्रफल मध्ये ५ सय हेक्टरमा यो खेती गरिंदै आइएको छ । जसअन्तर्गत पाँच सय ४० घरपरिवार किसान व्यवसायिक रुपमा आलुखेतीमा आवद्ध छन्।
फोटोग्राफर संघको शुभकामना आदान प्रदान तथा भित्तेपात्रो बिमोचन

पोखरा, ५ बैशाख पोखरा फोटोग्राफर संघ, पोखरा नेपालले नववर्ष २०८१ को शुभकामना आदान प्रदान सहित आफ्नो भित्तेपात्रो बिमोचन गरेको छ । बुधबार टुडाको पाटन पोखरामा रहेको आफ्नै कार्यालयमा भएको कार्यक्रममा संघका पूर्व अध्यक्ष तथा बर्तमान कार्यसमिति सहित संस्थाका सदस्यहरुको उपस्थितीमा संयुक्त रुपमा क्यालेण्डर बिमोचन गरिएको थियो । यसै बिच सोही कार्यक्रममा महिला फोटोग्राफर नन्दकला पौडेलको परिवारले नन्दकला कै जन्मदिनको अवसर पारेर रु ५५ हजारको अक्षयकोष स्थापनार्थ चेक हस्तान्तरण तथा बिनियम र अक्षयकोष सम्झौता पत्र आदनप्रदान गरिएको थियो । यस पुरस्कारको नाम नन्द नारी फोटोग्राफी पुरस्कार रहने तथा यस पुरस्कारले पोखरा क्षेत्रमा ब्यावसायिक रुपमा फोटोग्राफी गर्दैै आएका महिला फोटोग्राफरको फोटोहरुबाट छनोट भएको फोटोलाई पुरस्कृत गरिने छ । कार्यक्रममा पोखरा फोटोग्राफर संघका सल्लाहकार तथा निर्वतमान अध्यक्ष घनश्याम पौडेलले अक्षयकोष स्थापना र पुरस्कार प्रदान बारेमा अक्षयकोषदाताको तर्फबाट आफ्ना कुरा राखेका थिए । यस्तै संघका कोषाध्यक्ष तथा पुरस्कार अक्षयकोषदाता नन्दकला पौडेलले पनि महिला फोटोग्राफर भएर ब्यवासायमा जुझ्न पहिले परेका आफ्ना तिता मिठा अनुभवबारेमा ब्यक्त गरेकि थिईन । शुभकामना तथा क्यालेण्डर बिमोचन कार्यक्रममा संस्थाका पूर्व अध्यक्ष तथा संरक्षक गणेश छवी, पूर्वअध्यक्षहरु जयन्द्रराज राजभण्डारी,बलराम शर्मा, रबिनाथ दाहाल, जनकराज तिवारी लगायतले शुभकामना मन्तब्य दिएका थिए । संस्थाका पूर्व अध्यक्ष मदन सुब्बाको प्रमुख आतिथ्यतामा भएको सो कार्यक्रम उपस्थित सवैले शुभकामना आदनप्रदान गरेका थिए । पोखरा फोटोग्राफर संघका अध्यक्ष रामचन्द्र पोख्रेलको अध्यक्षतामा भएको सो कार्यक्रम कोषाध्यक्ष नन्दकला पौडेलले सञ्चालिन गरेकि थिइन । स्मरण रहोस पोखरा फोटोग्राफर संघ पोखरा क्षेत्रमा फोटोग्राफी ब्यावसायीको रुपमा कार्यरत फोटोग्राफरहरुले आज भन्दा ४१ वर्ष पहिले अर्थात बिसं २०३९ मा स्थापना गरिएको एक निरन्तर सक्रिय सामाजिक संस्था हो । हाल यसमा झण्डै २ सय फोटो स्टुडियोका सदस्यहरु रहेका छन । पेशागत हक, हित र ब्यावसायिक ज्ञान बृद्धिका लागि स्थापित यो संस्थाले आफ्ना सदस्यको लागि बिभिन्न समयमा फोटोग्राफी तथा अन्य समसामहिक तालिम तथा गोष्ठीहरु गर्दै आईरहेको छ ।
गजलकार प्रकट पगेनी ‘शिव’ को निधन, बुधबार शवयात्रा सहित अन्त्येष्टि

पोखरा ,४ वैशाख । गजलकार एवं गीतकार प्रकट पगेनी ‘शिव’ को निधन भएको छ । जण्डिस र निमोनियाबाट बिरामी उनको मणिपाल शिक्षण अस्पतालमा उपचारका क्रममा मंगलबार दिउँसो निधन भएको हो । भोलि बुधबार दिउँसो १२ बजेपछि मणिपाल अस्पतालबाट शवयात्रा सुरू गरि फुलबारी घाटमा उनको अन्त्येष्टि गरिने पारिवारिक स्रोतले बताएको छ । स्वास्थ्यमा एक्कासि समस्या आएपछि उनलाई सोमबार अस्पताल भर्ना गरिएको थियो । उनको भेन्टिलेटरमा राखेर उपचार भइरहेको थियो । ७० वर्षीय प्रकट पगेनी शिव कास्कीको रुपा गाउँपालिका ५ निवासी हुन् । उनका श्रीमती, १ छोरा र १ छोरी छन् । उनी सिद्धहस्त गजलकार थिए । उनका गीत र गजलका कृति प्रकाशित छन् ।
मिस नेपाल २०२४ को यात्रा सुरु अडिसन ५ गते

पोखरा, ३ बैशाख ‘मिस नेपाल २०२४’ को यात्रा सुरु भएको छ । सोमबार पोखरामा आयोजित पत्रकार सम्मेलनमा आयोजक संस्था द हिडन ट्रेजरका प्रमुख दिवाकर राजकर्णिकारले क्षेत्रीय ओरिन्टेसन र अडिसन वाटरफ्रन्ट रिसोर्टमा भोलि ३ बजेबाट सुरु हुने जानकारी दिए । पत्रकार सम्मेलनमा मिस नेपाल सृच्छा प्रधान र मिस नेपाल अर्थ रैना मजगैयाँ पनि सहभागी थिए । हिडन ट्रेजरका प्रमुख राजकर्णिकारले आवेदन खुला भएको जनाउँदै योग्य र इच्छुक युवतीलाई प्रतिस्पर्धामा सहभागी हुन आग्रह गरे । व्यक्तित्व विकास र सशक्तीकरणको लागि मिस नेपालजस्ता प्लाटफर्मले भूमिका खेल्ने उनले बताए । मिस नेपाल सृच्छा र मिस नेपाल अर्थ रैनाले अनुभव सुनाउँदै प्रतिस्पर्धामा आउन युवतीलाई आग्रह गरे। मंगलबार र बुधबार पोखरा अडिसन हुने र छुटेकाले मे १८ मा काठमाडौंमा हुने अडिसनमा सहभागी हुन पाउने हिडन ट्रेजरले जनाएको छ । पोखरासंगै , २२ अप्रिलमा नेपालगञ्ज, २४ अप्रिलमा सुर्खेत, २८ अप्रिलमा वीरगञ्ज, ५ मेमा बिर्तामोड, ७ मेमा इटहरी, १२ मेमा भैरहवा र १८ मेमा काठमाडौंमा अडिसन हुँदैछन् । ४ र्मे जेठ १ गतेसम्मै इच्छुक युवतीले आवेदन दिन सक्ने जनाइएको छ । अडिसनबाट छनोट भएकाले फिनालेको लागि प्रशिक्षण तयारीमा भाग लिनेछन् । आगामी अगस्ट ३ मा गोदावरीको सनराइज कन्भेसन सेन्टरमा फिनाले हुने हिडन ट्रेजरले जनाएको छ । यस्तै पोखरा अडिसनलाई पोखरा जेसीजले समन्य गरेको छ। पोखरा जेसीजका अध्यक्ष जेसी देवराज शर्माले सामाजिक क्रियाकलाप अन्तर्गत मिस पोखरा यही बर्ष आयोजन गर्ने पनि बताए। भोलिको ओरिन्टेसन र अडिसनलाई भव्य बनाउने गरि कार्य गरेको कार्यक्रम संयोजक(जेसी किसान सुनारले जनाए।

Breaking News

Samaya Dristi

Best News Site from Nepal

Main Menu